Safe Workplace ᐱᓕᕆᐊᖑᔪᒪᔪᖅ

Safe Workplace

 

 

 



ᐱᒋᐊᖅᖢᑕ 2022, ᐱᔅᓂᔅ ᐊᒻᒪᓗ ᐊᐅᓚᑦᓯᔨᑦ ᓄᓇᕗᒻ ᐊᒻᒪᓗ ᓄᓇᑦᓯᐊᕐᒥ ᐅᑯᐊ ᐊᑎᖃᖅᑐᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᓕᓴᕆᔭᐅᓯᒪᓪᓗᑎᒃ ᐋᓐᓂᐊᖃᖅᑕᐃᓕᑎᑦᑎᓂᕐᒧᑦ ᐊᒻᒪᓗ ᐊᑦᑕᕐᓇᖅᑐᒦᑕᐃᓕᑎᑦᑎᓂᕐᒧ ᑕᒪᐃᓐᓄᑦ ᐊᑑᑎᖃᖅᑐᑦ ᐊᐅᓚᑕᖏᓐᓄᑦ. ᐅᓇ ᐱᓕᕆᑎᑦᑎᔾᔪᑕᐅᔪᖅ ᑐᕌᖅᑐᖅ ᐊᑐᖅᑕᐅᑦᑎᐊᖁᓪᓗᒋᑦ ᐱᐅᔪᒥᒃ ᓴᓇᕕᖃᕐᓗᑎᒃ ᐋᓐᓂᐊᓕᐊᕐᓇᓐᖏᑦᑐᓂᒃ ᐊᒻᒪᓗ ᐊᑦᑕᕐᓇᖅᑐᒦᓇᓐᖏᑦᑐᓂᒃ ᐱᐅᓯᖃᖅᑐᓄᑦ ᑐᓂᓯᓯᒪᔪᑦ ᑲᔪᖏᖅᓴᐅᑎᖃᖅᑐᑦ ᐃᖅᑲᓇᐃᔭᖅᑎᑦᑎᔨᓄᑦ ᓇᓂᑐᐃᓐᓇᖅ ᐅᑭᐅᖅᑕᖅᑐᒥ ᖃᓄᖅ ᐊᐅᓚᑦᑎᐊᕈᓐᓇᕐᓂᒃᑯᑦ ᐊᒻᒪᓗ ᓯᕗᓪᓕᐅᑎᓯᒪᓗᒋᑦ ᐊᑦᑕᕐᓇᖅᑐᖃᖅᑕᐃᓕᑎᑦᑎᓂᖅ.

ᐱᑎᑕᐅᔪᓐᓇᕋᔭᖅᐳᑎᑦ ᓇᓪᓕᐊᖕᓂᒃ Safe Workplace ᐅᒡᕙᓘᓐᓃᑦ Advanced Safe Workplace, ᐃᖅᑲᓇᐃᔭᖅᑎᑦᑎᔨ ᑎᑭᐅᑎᓯᒪᒋᐊᓕᒃ 6 ᑕᖏᑦ ᒪᓕᒃᑐᑦ ᒪᓕᒐᕐᓂᒃ ᑕᐃᒪᓐᓇᐅᔭᕆᐊᖃᖅᑎᑕᐅᔪᓂᒃ ᐊᑖᒍᑦ ᐃᖅᑲᓇᐃᔭᖅᑎᑦᑎᔨ ᐋᓐᓂᖅᑐᖅᓯᐅᑎᓕᕆᔨᒃᑯᑦ ᒪᓕᒐᐃᑦ, ᐊᑦᑕᕐᓇᖅᑐᖃᕆᐊᖃᓐᖏᓂᕐᒧᑦ ᐱᖁᔭᕐᔪᐊᖅ ᐊᒻᒪᓗ ᐅᔭᕋᖕᓂᐊᕐᕕᖕᒥ ᐋᓐᓂᐊᖃᖅᑕᐃᓕᑎᑦᑎᓂᕐᒧᑦ ᐊᒻᒪᓗ ᐊᑦᑕᕐᓇᖅᑕᐃᓕᑎᑦᑎᓂᕐᒧᑦ ᐱᖁᔭᕐᔪᐊᖅ. ᐃᖅᑲᓇᐃᔭᖅᑎᑦᑎᔨᑦ ᖃᐅᔨᔪᓐᓇᖅᑐᑦ ᖃᓄᐃᓕᖓᓕᕐᒪᖔᑕ ᐱᓕᕆᑎᑦᑎᔾᔪᑕᐅᔪᓂ ᑕᐃᒪᓗ ᑐᓂᓯᒍᑎᒃᐊᕐᕌᒍᑕᒫᖅᓯᐅᑎᑦ ᐃᖅᑲᓇᐃᔭᖅᑎᓄᑦ ᐊᑭᓕᐅᑎᑦ ᐅᓂᒃᑳᖏᑦ (APR) 2022-ᒧᑦ, ᐅᑯᐊᓗ ᐃᓚᖃᖅᑐᑦ ᐃᖅᑲᓇᐃᔭᕐᕕᖕᓂ ᐋᓐᓂᐊᖅᑕᐃᓕᑎᑦᑎᓂᖅ ᐊᒻᒪᓗ ᐊᑦᑕᕐᓇᖅᑐᒥᒃ ᓴᓇᕕᓕᑦ ᐊᐱᖁᑎᑦ ᖃᐅᔨᓴᕈᑎᖏᑦ.

ᑕᑯᒋᐊᕐᓗᑎᑦ ᐊᔪᒋᒻᒪᖔᖅᐱᑦ ᐱᑎᑕᐅᔭᕆᐊᒃᓴᖅ Safe Workplace ᐅᒡᕙᓘᓐᓃᑦ Advanced Safe Workplace, ᖃᕆᓴᐅᔭᒃᑯᑦ ᒪᑐᐃᕐᓗᒍ Safe Workplace ᐱᔅᓂᔅᓕᕆᓂᖓ ᐅᕙᓂ WSCC Connect.

ᐊᐱᖁᑎᒃᓴᖃᖅᐲᑦ? ᐅᖃᕐᕕᒋᓗᒋᑦ ᐅᑯᐊ Safe Workplace ᐱᓇᓱᐊᖃᑎᒌᑦ ᖃᕆᓴᐅᔭᒃᑯᑦ ᑎᑎᖃᕐᓗᑎᑦ: ᓄᓇᕘᒥᑦ ᐊᒻᒪᓗ ᑕᐃᑲᓂ ᓄᓇᑦᓯᐊᒥᑦ ᐅᒡᕙᓘᓐᓃᑦ ᐅᖃᓗᒡᓗᑎᑦ 1-833-315-2057.


ᓴᓇᕝᕕᖕᒧᑦ ᐅᑎᕐᓂᐊᕐᓂᕐᒧᑦ ᐊᐱᖅᑯᑕᐅᒐᔪᒃᑐᑦ


 ᑭᒃᑯᑦ ᑕᐃᒪᓐᓇᐅᔪᓐᓇᖅᐸᑦ Safe Workplace?

ᓇᓕᐊᑐᐃᓐᓇᖅ ᐃᖅᑲᓇᐃᔭᖅᑎᑦᑎᔨ ᓄᓇᕗᒻᒥ ᐅᒡᕙᓘᓐᓃᑦ ᓄᓇᑦᓯᐊᕐᒥ ᐅᑯᐊ:
•    ᐊᑎᖃᖅᑐᑦ ᐱᔪᓐᓇᐅᑎᓕᑦ ᑖᒃᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ.
•    ᐅᓂᒃᑳᖏᑦ ᖃᐅᔨᓴᖅᓯᒪᔪᑦ ᐃᖅᑲᓇᐃᔭᑦᑎᓄᑦ ᑮᓇᐅᔭᒃᓴᐃᑦ.

*ᐃᖅᑲᓇᐃᔭᖅᑎᑦᑎᔨ ᖃᐅᔨᓴᖅᓯᒪᔭᖏᑦ ᐃᖅᑲᓇᐃᔭᑦᑎᓄᑦ ᑮᓇᐅᔭᒃᓴᐃᑦ ᐅᑯᐊ ᑲᑎᓪᓗᒋᑦ ᑮᓇᐅᔭᓕᐊᖏᑦ ᐊᑐᓂ ᓴᓇᔨᑦ ᑎᑭᓪᖢᒍ ᐊᕐᕌᒍᒥ ᐊᒃᑭᑐᓛᑦ ᓇᓪᓕᐅᒃᑯᒫᖃᕈᓐᓇᖅᑐᓂᑦ ᐊᑭᓕᖅᓲᑎᖏᑦ.
 

 ᖃᓄᖅ ᐃᖅᑲᓇᐃᔭᖅᑎᑦᑎᔨ ᐱᔪᓐᓇᖅᓯᔪᓐᓇᖅᐸ ᐱᔪᓐᓇᐅᑎᓂᒃ?

ᐱᒋᐊᕐᓗᑎᒃ 2022, ᐃᖅᑲᓇᐃᔭᖅᑎᑦᑎᔨ ᐃᕐᖐᓐᓇᖅ ᐃᓚᐅᓕᕋᔭᖅᑐᖅ ᐊᒻᒪᓗ ᖃᐅᔨᓴᖅᑕᐅᓗᓂ ᐱᔪᓐᓇᕐᒪᖔᑦ ᑕᐃᒪᐃᑦᑑᓂᕐᒧᑦ Safe Workplace ᐅᕚᓘᓐᓃᑦ Advanced Safe Workplace ᑕᐃᒪᓗ ᑐᓂᓯᑐᐊᕈᑎᒃ ᐊᕐᕌᒍᒥ ᐃᖅᑲᓇᐃᔭᖅᑎᑕᒥᓄᑦ ᐊᑭᓕᐅᑎᒋᓚᐅᖅᑕᒥᓂᒃ ᐅᓂᒃᑳᖓᓂ ᐊᒻᒪᓗ ᐱᔭᕇᕐᒥᓗᒋᑦ ᐅᑯᐊ ᐃᖅᑲᓇᐃᔭᕐᕕᖕᓂ ᐋᓐᓂᐊᖅᑕᐃᓕᑎᑦᑎᓂᖅ ᐊᒻᒪᓗ ᐊᑦᑕᕐᓇᖅᑐᒥᒃ ᓴᓇᕕᓕᑦ ᐊᐱᖁᑎᑦ ᖃᐅᔨᓴᕈᑎᖏᑦ.

 

 ᖃᓄᖅ ᑖᒃᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᐅᓪᓗᓂ Safe Workplace ᑐᑭᖃᖅᐸᑦ?

ᐋᓐᓂᖅᑕᐃᓕᒪᓂᖅ ᐱᒋᐊᖅᐳᖅ ᐊᑐᖅᓯᓕᖅᑎᓪᓗᓯ ᒪᓕᒐᖅᑎᒍᑦ ᑲᔪᓯᑎᓯᒪᔭᕆᐊᖃᖅᑕᑦᓯᓐᓂᒃ ᑭᓯᐊᓂ ᐊᐅᓚᓪᓗᒋᑦ ᐊᓐᓂᐊᖃᖅᑕᐃᓕᑎᑦᑎᓂᖅ ᐊᒻᒪᓗ ᐊᑦᑕᕐᓇᖅᑐᒦᑕᐃᓕᑎᑦᑎᓂᖅ ᐊᑑᑎᖃᑦᑎᐊᕐᓂᐊᕐᒪᑦ ᑕᐃᑲᓂ ᓯᕗᓕᐅᕆᔾᔪᓯᒋᓗᒋᑦ ᐊᐅᓚᑦᓯᔨᓂᑦ ᐊᖏᖅᓯᒪᑦᑎᐊᕐᓗᑎᒃ ᐊᑦᑕᕐᓇᖅᑐᖃᖅᑕᐃᓕᑎᑦᑎᓂᖅ ᑕᐃᒪᓗ ᑕᒪᐃᓐᓄᑦ ᐊᑑᑎᖃᖅᑐᖅ. ᐅᓇ ᑐᑭᖃᖅᑐᖅ ᓯᕗᓪᓕᖅᐹᖑᑎᑕᐅᓗᓂ ᐊᑦᑕᕐᓇᖅᑐᒦᑕᐃᓕᑎᑦᑎᓂᖅ ᐊᒻᒪᓗ ᐊᑐᖅᑕᐅᔪᐃᓐᓇᐅᓗᓂ ᖃᓄᑐᐃᓐᓇᑦᑎᐊᖅ ᐊᐅᓚᑦᓯᔨᑦ ᐊᐅᓚᓐᓂᖏᑦᑎᒍᑦ.

ᐃᖅᑲᓇᐃᔭᖅᑎᑦᑎᔨ ᐅᓄ ᑎᑭᐅᑎᓯᒪᓕᖅᑐᖅ Safe Workplace ᐅᒡᕙᓘᓐᓃᑦ Advanced Safe Workplace ᐊᑐᕈᓐᓇᕐᓗᒍ ᑕᒪᓐᓇ ᐃᓕᓴᖅᓯᓯᒪᓂᖅ ᐊᑐᖅᑕᐅᑎᓪᓗᒍ ᐊᖏᖅᓯᒪᑦᑎᐊᕐᓂᑎᒃ ᒪᓕᒡᓗᒋᑦ ᐊᑦᑕᕐᓇᖅᑐᑰᖅᑕᐃᓕᑎᑦᑎᓂᕐᒧᑦ ᐃᖅᑲᓇᐃᔭᖅᑎᑕᒥᖕᓂᒃ, ᐃᑲᔪᖅᑕᒥᖕᓂᒃ, ᑮᓇᐅᔭᓕᐅᕐᕕᒋᔭᒥᖕᓂᑦ ᐊᒻᒪᓗ ᑲᒻᐸᓂᐅᖃᑎᒥᖕᓂᑦ. ᑕᒪᐅᓐᓇ Safe Workplace ᐱᔅᓂᔅᓕᕆᔾᔪᑎᑦ, ᐃᖅᑲᓇᐃᔭᖅᑎᑦᑎᔨ ᖃᕆᓴᐅᔭᕐᒧᐊᕈᓐᓇᖅᑕᖏᑦ Safe Workplace ᓇᓗᓇᐃᒃᑯᑕᖅᖓ ᓴᕿᔮᕐᓗᓂ ᓴᓇᕕᖓᓐᓂ, ᖃᕆᓴᐅᔭᒃᑯᑦ ᓴᕿᔮᕐᕕᖃᕐᓗᓂ ᑕᖅᓴᖅᑖᖓᑦ ᓇᓗᓇᐃᒃᑯᑕᖅ ᑲᒻᐸᓂᖓᓂ ᖃᕆᓴᐅᔭᖃᕐᕕᖓᓂ, ᑎᑎᖃᑦ ᖃᕆᓴᐅᔭᒃᑯᑦ ᐃᓗᐊᓂ, ᐊᒻᒪᓗ ᑳᓐᑐᕌᑦ ᑎᑎᖃᖏᓐᓂ. 
 

 ᐅᓇ ᑭᓲᕙ Advanced Safe Workplace?

ᐃᖅᑲᓇᐃᔭᖅᑎᑦᑎᔨᑦ ᐅᑯᐊ ᐱᑎᑦᑎᓯᒪᔪᑦ ᓇᓗᓇᐃᒃᑯᑕᖃᖃᑕᐅᓪᓗᑎᒃ ᐱᖓᔪᒋᔭᐅᔪᑦ ᑕᒪᑐᒪᖓᑦ ᐃᖅᑲᓇᐃᔭᕐᕕᖕᓂ ᐋᓐᓂᐊᖅᑕᐃᓕᑎᑦᑎᓂᖅ ᐊᒻᒪᓗ ᐊᑦᑕᕐᓇᖅᑐᒥᒃ ᐱᓕᕆᑎᑦᑎᔾᔪᑕᐅᔪᖅ (ᓲᕐᓗ: ᓇᓗᓇᐃᒃᑯᑕᖅᑖᖅᑎᑦᑎᓂᖅ ᐃᓕᓴᕆᔭᐅᓯᒪᓂᖏᓐᓄᑦ COR ᐅᒡᕙᓘᓐᓃᑦ ISO 45001) ᓇᓗᓇᐃᖅᑕᐅᓯᒪᓕᖅᐳᑦ ᑕᒪᒃᑯᓅᓇ Advanced Safe Workplace, ᐊᒻᒪᓗ ᐃᓱᒪᒋᔭᐅᒐᒥᒃ ᓯᕗᓕᐅᖅᑎᐅᔪᑦ ᐱᓕᕆᐊᖕᒥᓂ ᐊᑦᑕᕐᓇᖅᑕᐃᓕᑎᑦᑎᓂᕐᒥᒃ ᒪᓕᑦᑎᐊᖅᖢᑎᒃ. 

ᑕᐃᒪᓗ ᐃᖅᑲᓇᐃᔭᖅᑎᑦᑎᔨ ᑕᐃᒪᓐᓇᐅᑦᑐᓃᖃᑕᐅᔪᒪᔪᖅ Advanced Safe Workplace, ᖃᐅᔨᒋᐊᕈᓐᓇᖅᑐᑦ ᐅᑭᐅᖅᑕᖅᑐᒥ ᐊᑦᑕᕐᓇᖅᑐᒦᑦᑕᐃᓕᑎᑦᑎᓂᕐᒧᑦ ᑲᑐᔾᔨᖃᑎᒌᑦ ᖃᕆᓴᐅᔭᖃᕐᕕᖓᓂ ᑐᑭᓯᓂᐊᕋᑦᓯ ᖃᓄᖅ ᑕᐃᒪᓐᓇᐃᑦᑐᓃᓕᕈᓐᓇᕐᒪᖓᑦᓯ COR ᐱᔪᓐᓇᐅᑎᖃᓕᕐᓗᓯ ᓄᓇᕗᒻᒥ ᐊᒻᒪᓗ ᓄᓇᑦᓯᐊᕐᒥ.


 ᖃᓄᐃᒻᒪᑦ ᑕᑯᔪᓐᓇᓐᖏᓚᕋ ᐊᐅᓚᑦᓯᔨ ᐊᑎᖓᓂᒃ ᑕᒡᕙᓂ ᐊᑎᖃᖅᑐᓂ Safe Workplaces?

ᑕᑯᔪᓐᓇᕋᔭᓐᖏᑕᑎᑦ ᐊᐅᓚᑦᓯᔨᑦ ᐊᑎᖏᑦ ᑎᑎᕋᖅᓯᒪᔪᑦ Safe Workplaces ᐃᒪᓐᓇᐅᒍᕕᑦ:
•    ᑎᑭᐅᑎᓯᒪᓐᖏᓗᐊᕋᕕᑦ ᑕᒪᐃᓐᓄᑦ 6-ᖑᔪᓄᑦ ᐱᓕᕆᑎᑦᑎᔾᔪᑕᐅᔪᑦ ᑕᖏᖏᓐᓄᑦ.
•    ᑐᓂᓯᓯᒪᓐᖏᒻᒪᑕ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᖏᖅᓯᔾᔪᑎᓂᒃ ᓴᕿᑕᐅᖁᓗᒋᑦ ᐊᑎᖅᑎᒃ ᑕᒡᕘᓇ Safe Workplace ᐃᖅᑲᓇᐃᔭᖅᑎᑦᑎᔩᑦ ᐊᑎᖏᑦ. 
•    ᐊᑎᖅ ᐊᑐᖅᑕᐃᑦ ᕿᓂᕈᑎᒋᓪᓗᒍ ᐃᓕᓴᕆᔭᐅᓯᒪᓐᖏᑦᑐᖅ ᑕᒪᑐᒪᖓᑦ ᖃᕆᓴᐅᔭᒃᑯᑦ ᐱᓕᕆᔾᔪᑕᐅᔪᒥᑦ.

ᐊᓯᐊᑦᑕᐅᖅ ᐱᔾᔪᑎᖏᑦ ᑕᑯᔪᓐᓇᕋᔭᓐᖏᑕᑎᑦ ᐃᖅᑲᓇᐃᔭᖅᑎᑦᑎᔨᑦ ᐊᑎᖏᑦ ᕿᓂᕈᕕᒋᑦ:
•    ᐱᔅᓂᔅ ᐃᖅᑲᓇᐃᔭᖅᑎᖃᓐᖏᑦᑐᑦ, ᑖᒃᑯᐊ ᑳᓐᑐᕋᖅᑕᐅᓯᒪᔪᓂᑦ ᑳᓐᑐᕌᒃᑕᐅᓯᒪᔪᑦ ᐊᓯᖏᓐᓂᑦ ᐱᔅᓂᔅᓂᑦ.
•    ᐱᔅᓂᔅ ᐊᑭᓕᖅᓲᑎᒋᔭᖏᓐᓂᒃ ᐃᖅᑲᓇᐃᔭᖅᑎᒥᓄᑦ ᐅᖃᐅᓯᕆᔭᕆᐊᖃᕋᑎᒃ ᑖᒃᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ. 

 

 ᖃᓄᖅ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᑲᔪᕐᓂᐊᖅᐸᑦ ᐃᖅᑲᓇᐃᔭᖅᑎᐅᔪᓂᒃ ᐱᑎᓯᒪᓗᒋᑦ ᐊᑐᕆᐊᖃᖅᑕᖏᓐᓂᒃ Safe Workplace ᑕᖏᒃᓴᖏᓐᓄᒃ?

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᑲᔪᕐᓂᐊᖅᑐᑦ ᐱᔅᓂᔅ ᐊᒻᒪ ᐃᖅᑲᓇᐃᔭᖅᑎᑦᑎᔪᓂᒃ ᓇᓗᓇᐃᖅᓯᓗᑎᒃ ᑭᖕᖒᒪᒋᔭᐅᔪᑦ ᐅᖃᐅᓯᐅᓂᐊᕐᒪᑕ, ᐊᒻᒪᓗ ᑐᓴᖅᑎᑕᐅᓂᐊᕐᒪᑕ ᐊᒻᒪᓗ ᐃᑲᔫᑎᒃᓴᓂᒃ ᐅᑯᐊ ᐱᐅᓯᕚᓪᓕᕈᑎᓂᐊᖅᑐᑦ ᐊᑦᑕᕐᓇᖅᑐᐃᓕᑎᑦᑎᔾᔪᑕᐅᔪᓄᑦ.

ᐅᖃᕐᕕᒋᓗᒋᑦ ᐅᑯᐊ Safe Workplace ᐱᓇᓱᐊᖃᑎᒌᑦ ᖃᕆᓴᐅᔭᒃᑯᑦ ᑎᑎᕋᕐᓗᑎᑦ:  ᓄᓇᑦᓯᐊᒥᑦ ᐅᒡᕙᓘᓐᓃᑦ ᓄᓇᕘᒥᑦ  ᐅᒡᕙᓘᓐᓃᑦ ᐅᖃᓗᒡᓗᑎᑦ 1-833-315-2057

ᖃᐅᔨᒪᔾᔪᑎᑦ

ᐅᑯᐊ ᐊᑐᐊᒐᐃᑦ ᐃᑲᔪᖅᑐᑦ ᐃᖅᑲᓇᐃᔭᖅᑎᑦᑎᔪᓂᑦ ᖃᓄᖅ ᑎᑎᕋᖅᑕᐅᒋᐊᖏᑕ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᐊᖏᓐᓄᑦ.