ᓄᕙᒡᔪᐊᕐᓇᖅ-19 (COVID-19) ᓄᑖᖑᓛᖅ ᑐᓴᒐᒃᓴᖅ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᔭᓗᓇᐃᒥ ᐊᒻᒪ ᐃᓄᕕᒃᒥᑦ ᑎᑎᕋᕐᕕᖏᑦ ᒪᑐᐃᖓᓕᕐᑐᑦ ᑭᒃᑯᓕᒫᓄᑦ. ᑎᑎᕋᕐᕕᒃᐳᑦ ᐃᖃᓗᖕᓂ ᒫᓐᓇ ᒪᑐᓯᒪᖕᒪᑦ ᑭᒃᑯᓕᒫᓄᑦ ᐊᒻᒪᓗ ᐃᖅᑲᓇᐃᔭᖅᑎᕗᑦ ᐃᖅᑲᓇᐃᔭᖅᖢᑎᒃ ᐊᖏᕐᕋᖏᓐᓂᒃ. ᐱᔨᑦᑎᕋᐅᑎᕗᑦ ᐊᑐᐃᓐᓇᐅᔪᑦ ᓱᓕ ᖃᕋᓴᐅᔭᒃᑯᑦ ᐊᒻᒪ ᐅᖄᓚᐅᑎᑎᒍᑦ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᕿᒥᕐᕈᔭᐅᓂᐅᔪᑦ ᐊᒻᒪ ᐊᔪᐃᓐᓇᕆᐊᒃᑲᓐᓂᖅᑐᓄᑦ ᐃᖅᑲᖅᑐᐃᕕᒃᑯᑦ ᐃᖅᑲᓇᐃᔭᖅᑎᖁᑎᓕᖕᓄᑦ

ᕿᒥᕐᕈᔭᐅᓂᐅᔪᑦ ᐊᒻᒪ ᐊᔪᐃᓐᓇᕆᐊᒃᑲᓐᓂᖅᑐᓄᑦ ᐃᖅᑲᖅᑐᐃᕕᒃᑯᑦ ᐃᖅᑲᓇᐃᔭᖅᑎᖁᑎᓕᖕᓄᑦ

ᖃᓄᖅᑑᕈᑕᐅᔪᖃᖅᐸᑦ ᑐᑦᓯᕌᒍᔪᒥᒃ, ᕿᒥᕐᕈᔭᐅᕐᓂᕐᒥᒃ, ᐊᑭᓕᕆᐊᓕᓐᓂᒃ, ᐅᕝᕙᓗ ᖃᓄᐃᓕᖓᓂᖓᓂᒃ ᐃᖅᑲᓇᐃᔭᖅᑎᐅᑉ ᐊᖏᖃᑎᒋᓐᖏᒃᑯᕕᐅᓪᓗ, ᐱᔪᓐᓇᐅᑎᖃᖅᑐᑎᑦ ᐊᔪᐃᓐᓇᕆᐊᒃᑲᓐᓂᕐᓂᕐᒥᒃ

ᐱᒋᐊᓚᐅᓐᖏᓐᓂᖓ ᐊᐅᓚᓂᐅᔪᖅ, ᐊᐅᓚᔾᔭᒋᐊᕈᑎᒋᖅᑳᕆᐊᓖᑦ ᐅᖃᖃᑎᒌᒍᑎᖃᕐᓂᖅ ᐃᓱᒫᓘᑕᐅᔪᒥᒃ ᐃᓄᒻᒧᑦ ᐋᖅᑮᓯᒪᔪᒧᑦ. ᖃᓄᖅᑑᕈᑕᐅᒍᓐᓇᕋᔪᑦᑐᖅ ᐅᖃᖃᑎᒋᑦᓱᒍ ᐋᖅᑮᔪᒥᓂᖅ. ᖃᓄᖅᑑᕈᑎᖃᕈᓐᓇᖅᑐᑎᑦ ᐊᒥᓱᓂᒃ ᐊᖏᖃᑎᒌᒍᑕᐅᓯᒪᓐᖏᑦᑐᓄᑦ ᑕᕝᕙᓂ. 

ᓱᓕ ᐊᖏᖃᑎᒋᓐᖏᒃᑯᕕᐅᒃ ᐋᖅᑭᑦᑕᐅᔪᖅ, ᖁᑦᓯᓕᕇᓐᓂᒃ ᐊᔪᐃᓐᓇᕆᐊᒃᑲᓐᓂᕐᕕᑦᓴᖅ: ​

ᓯᕗᓪᓕᖅᐹᒥ ᖁᑦᑎᖕᓂᖅᓴᒧᑦ ᐅᓐᓂᕐᓗᖕᓂᖅ: ᕿᒥᕐᕈᔩᑦ ᑲᑎᒪᔨᕋᓛᖏᑦ – ᑖᓐᓇ ᓯᕗᓪᓕᖅᐹᒥ ᖁᑦᑎᖕᓂᖅᓴᒧᑦ ᐅᓐᓂᕐᓗᖕᓂᐅᕗᖅ. ᑲᑎᒪᔨᕋᓛᖑᓪᓗᑎᒃ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᓇᓪᓕᐅᒃᑯᒫᓂᒡᓗ ᖃᐅᔨᓴᖅᑎᑦ ᐃᓗᐊᓂ, ᐃᒻᒥᒃᑰᖅᖢᑎᒃ ᑮᓇᐅᔭᖅᑖᕈᒪᔾᔪᑎᓕᕆᓂᙶᖅᑐᖅ, ᕿᒥᕐᕈᖁᔭᕐᓂᒃ ᖃᐅᔨᓇᓱᖃᑦᑕᖅᖢᑎᒃ. ᑲᑎᒪᔨᕋᓛᑦ ᑲᔪᓯᑎᑦᑎᔪᓐᓇᖅᐳᑦ, ᐃᒡᓗᖔᖓᓅᖅᑎᑦᑎᔪᓐᓇᖅᖢᑎᒃ, ᐅᕝᕙᓘᓐᓃᑦ ᐊᓯᔾᔩᓗᑎᒃ ᐃᓱᒪᓕᐅᕈᑕᐅᒋᐊᙵᖅᑐᒥᒃ.

ᓱᓕ ᐊᖏᖃᑎᖃᙱᒃᑯᕕᑦ, ᑐᒡᓕᐊᓂ ᖁᑦᑎᖕᓂᖅᓴᒧᑦ ᐅᓐᓂᕐᓗᖕᓂᖅ: ᖁᑦᑎᖕᓂᖅᓴᒧᑦ ᐅᓐᓂᕐᓗᒍᑕᐅᔪᒧᑦ ᐋᖅᑭᒋᐊᒃᑲᐃᔨᑦ – ᓱᓕ ᐊᖏᖃᑎᖃᙱᒃᑯᕕᑦ ᕿᒥᕐᕈᔩᑦ ᑲᑎᒪᔨᕋᓛᖏᑦ ᐋᖅᑭᒃᓯᓚᐅᖅᑎᓪᓗᒋᑦ, ᓯᓚᑖᓂᙶᖅᑐᒥᒃ ᖃᐅᔨᑎᑕᐅᔪᒪᔪᓐᓇᖅᐳᑎᑦ ᖁᑦᑎᖕᓂᖅᓴᒧᑦ ᐅᓂᕐᓗᒍᑕᐅᔪᒧᑦ ᐋᖅᑭᒋᐊᒃᑲᐃᔨᑦ ᐃᓚᒋᓗᒋᑦ. ᑖᒃᑯᐊ ᓯᓚᑖᓂᙶᖅᑐᑦ ᑲᑎᒪᔩᑦ ᑲᔪᓯᑎᑦᑎᔪᓐᓇᖅᐳᑦ, ᐃᒡᓗᖔᖓᓅᖅᑎᑦᑎᔪᓐᓇᖅᖢᑎᒃ, ᐅᕝᕙᓘᓐᓃᑦ ᐊᓯᔾᔩᓗᑎᒃ ᐃᓱᒪᓕᐅᕈᑕᐅᒋᐊᙵᖅᑐᒥᒃ.