ᓄᕙᒡᔪᐊᕐᓇᖅ-19 (COVID-19) ᓄᑖᖑᓛᖅ ᑐᓴᒐᒃᓴᖅ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᔭᓗᓇᐃᒥ ᐊᒻᒪ ᐃᓄᕕᒃᒥᑦ ᑎᑎᕋᕐᕕᖏᑦ ᒪᑐᐃᖓᓕᕐᑐᑦ ᑭᒃᑯᓕᒫᓄᑦ. ᑎᑎᕋᕐᕕᒃᐳᑦ ᐃᖃᓗᖕᓂ ᒫᓐᓇ ᒪᑐᓯᒪᖕᒪᑦ ᑭᒃᑯᓕᒫᓄᑦ ᐊᒻᒪᓗ ᐃᖅᑲᓇᐃᔭᖅᑎᕗᑦ ᐃᖅᑲᓇᐃᔭᖅᖢᑎᒃ ᐊᖏᕐᕋᖏᓐᓂᒃ. ᐱᔨᑦᑎᕋᐅᑎᕗᑦ ᐊᑐᐃᓐᓇᐅᔪᑦ ᓱᓕ ᖃᕋᓴᐅᔭᒃᑯᑦ ᐊᒻᒪ ᐅᖄᓚᐅᑎᑎᒍᑦ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᕿᒥᕐᕈᓃᑦ ᐊᔪᐃᓐᓇᕆᐊᒃᑲᓐᓂᕐᓃᓪᓗ

ᕿᒥᕐᕈᓃᑦ ᐊᔪᐃᓐᓇᕆᐊᒃᑲᓐᓂᕐᓃᓪᓗ

ᐃᓱᒪᓕᐅᕐᓂᖃᕈᓂ ᐊᑭᓕᖅᑕᐅᔪᒪᔾᔪᑎᖕᓂᑦ ᓈᒻᒪᒋᙱᑕᕐᓂᑦ, ᓯᕗᓪᓕᖅᐹᒥ ᐅᖃᖃᑎᖃᓪᓗᐊᖅᐳᑎᑦ ᐃᓄᖕᒧᑦ ᐃᓱᒪᓕᐅᕆᓚᐅᖅᑐᒧᑦ. ᑐᓴᒐᒃᓴᓂ ᑕᑯᔭᐅᙱᑦᑐᕕᓂᖃᑐᐃᓐᓇᕆᐊᓕᒃ. ᐃᓚᖏᑦ ᐊᖏᖃᑎᒌᙱᓐᓂᐅᔪᑦ ᐋᖅᑭᒃᑕᐅᔪᓐᓇᖅᐳᑦ ᐅᕙᓂ ᐱᓕᕆᓂᐅᔪᒥ.

ᓱᓕ ᐊᖏᖃᑎᒌᙱᒃᑯᕕᐅᒃ ᐃᓱᒪᓕᐊᖑᔪᖅ, ᒪᕐᕉᖕᓂ ᑭᒡᓕᑕᖃᖅᑐᖅ ᑐᓵᔭᐅᒃᑲᓐᓂᕐᓂᕈᒪᓂᖅᑕᓕᒃ ᐃᓕᖕᓄᑦ ᐊᑐᐃᓐᓇᐅᔪᓄᑦ.

ᓯᕗᓪᓕᐅᔪᖅ ᑭᒡᓕᐅᔪᖅ ᑐᓵᔭᐅᒃᑲᓐᓂᕈᒪᓐᓂᖅ: ᖃᐅᔨᓴᕐᓂᕐᒧᑦ ᑲᑎᒪᔨᕋᓛᑦ – ᓯᕗᓪᓕᐅᓪᓗᓂ ᑭᒡᓕᐅᕗᖅ ᑐᓵᔭᐅᒃᑲᓐᓂᕈᒪᓐᓂᕐᒧᑦ. ᐃᓗᐊᒍᑦ ᑲᑎᒪᔨᕋᓛᖑᕗᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ ᓈᓚᓲᓂᒃ ᖃᐅᔨᓴᕐᓂᕐᓂᕆᔭᕐᓂᑦ. ᖃᐅᔨᓴᕐᓂᕐᒧᑦ ᑲᑎᒪᔨᕋᓛᑦ ᑲᔪᓰᓐᓇᖅᑎᑦᑎᔪᓐᓇᖅᐳᑦ, ᓴᖑᑎᓪᓗᒍ, ᐊᓯᔾᔩᓗᑎᒡᓘᓐᓃᑦ ᓯᕗᓪᓕᖅᐹᒥ ᐃᓱᒪᓕᐊᖑᔪᒥ.

ᓱᓕ ᐊᖏᖃᑎᒋᙱᒃᑯᕕᐅᒃ, ᒪᕐᕈᖓᓂ ᑭᒡᓕᐅᔪᖅ ᑐᓵᔭᐅᒃᑲᓐᓂᕈᒪᓐᓂᖅ: ᐱᓕᕆᐊᖑᒃᑲᓐᓂᖁᔨᔾᔪᑎᑦ ᐃᓱᒪᓕᐅᖅᑎᑦ – ᓱᓕ ᐊᖏᖃᑎᒋᙱᒃᑯᕕᐅᒃ ᖃᐅᔨᓴᕐᓂᕐᒧᑦ ᑲᑎᒪᔨᕋᓛᑦ ᐃᓱᒪᓕᐅᕆᓂᖓᓂ, ᑐᒃᓴᕋᕈᓐᓇᖅᐳᑎᑦ ᓯᓚᑖᒍᑦ ᐃᓱᒪᒋᔭᐅᓂᐅᔪᒥ ᐱᓕᕆᐊᖑᒃᑲᓐᓂᖁᔨᔾᔪᑎᑦ ᐃᓱᒪᓕᐅᖅᑎᓄᑦ. ᓯᓚᑖᓂ ᑲᑎᒪᔨᐅᔪᑦ ᑲᔪᓰᓐᓇᖅᑎᑦᑎᔪᓐᓇᖅᐳᑦ, ᓴᖑᑎᓪᓗᒍ, ᐊᓯᔾᔩᓗᑎᒡᓘᓐᓃᑦ ᖃᐅᔨᓴᕐᓂᕐᒧᑦ ᑲᑎᒪᔨᕋᓛᑦ ᐃᓱᒪᓕᐊᕆᔭᖓᓐᓂ.

ᐃᑲᔪᖅᑕᐅᔭᕆᐊᖃᕈᕕᑦ ᖃᐅᔨᓴᕐᓂᕐᓄᑦ, ᖃᐅᔨᒋᐊᕆᑦ ᐃᖅᑲᓇᐃᔭᖅᑏᑦ ᐅᖃᐅᔾᔨᔨᓄᑦ ᑎᑎᕋᕐᕕᖓᓐᓂᑦ. ᐊᑭᖃᙱᑦᑐᖅ ᐱᔨᑦᑎᕋᕐᓂᖏᓐᓄᑦ.