ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐱᔨᑦᑎᕋᐅᑎᖏᑦ ᐊᑐᐃᓐᓇᐅᔪᑦ ᓱᓕᒃ ᖃᕋᓴᐅᔭᒃᑯᑦ ᑎᑎᕋᕐᕕᐅᔪᓐᓇᖅᑐᑦ, ᐅᖄᓚᕝᕕᐅᔪᓐᓇᖅᑐᑦ ᐅᕝᕙᓘᓐᓃᑦ ᖃᕋᓴᐅᔭᒃᑯᑦ ᐅᕘᓇ WSCC Connect. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.
ᐱᔭᒃᓴᕆᔭᑎᑦ ᐅᑎᖅᑐᒧᑦ ᐃᖅᑲᓇᐃᔭᖅᑎᒧᑦ ᐱᒋᐊᕈᑎᖃᖅᐳᖅ ᐋᓐᓂᐊᓯᐅᖅᑎᔅᓯᓐᓂᒃ ᑕᑯᔭᖅᑐᕐᓗᑎᑦ.
ᐋᓐᓂᐊᓯᐅᖅᑎᓯ, ᐋᓐᓂᖅᓯᒪᔪᒥᑦ ᐃᖅᑲᓇᐃᔭᖅᑎᒥᑦ ᑕᑯᔭᖅᑐᕐᓗᓂ ᐅᓇᓗ ᑎᑎᕋᓕᕐᓗᓂᐅᒃ ᓯᕗᓪᓕᖅᐹᖅ ᐋᓐᓂᐊᕐᕕᖕᒥ ᐅᓂᒃᑳᓕᐊᖅ (ᐃᑲᔫᑎᒋᔪᓐᓇᖅᑕᖏᑦ ᑎᑎᕋᕆᐊᓕᒃ ᐱᖃᓯᐅᑎᓗᒍ).
ᐃᖅᑲᓇᐃᔭᖅᑎ ᐃᑲᔫᑎᒋᔪᓐᓇᖅᑕᖏᓐᓂ ᑎᑎᕋᕆᐊᓕᖕᒥᒃ ᑐᓂᓗᒍ. ᐃᖅᑲᓇᐃᔭᕐᕕᖕᒥᓄᑦ ᐃᑲᔫᑕᐅᓂᐊᕐᒪᑦ ᖃᐅᔨᓴᖅᑎᓪᓗᒋᑦ ᐊᑲᐅᔪᓂᒃ ᐊᓯᔾᔨᕆᐊᖅᑐᖃᕆᐊᖃᕐᒪᖔᑦ ᐋᒃᑲᓘᖕᓃᑦ ᐱᓕᕆᐊᖑᒃᑲᓐᓂᕈᓐᓇᖅᑐᓂᒃ.
ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᓇᓪᓕᐅᒃᑯᒫᓂᒡᓗ ᖃᐅᔨᓴᖅᑎᑦ ᑐᓂᓗᒋᑦ ᐅᑯᓂᖓ ᓯᕗᓪᓕᖅᐹᖅ ᐋᓐᓂᐊᕐᕕᖕᒥ ᐅᓂᒃᑳᓕᐅᖅᑕᐅᔪᒥ ᐊᒻᒪ ᐃᑲᔫᑎᒋᔪᓐᓇᖅᑕᖏᑦ ᑎᑎᕋᕆᐊᓕᒃ.
ᐊᑐᓕᖁᔨᔾᔪᑎᓂᒃ ᑐᓂᓯᓗᑎᑦ ᖃᐅᔨᔭᐅᖁᔨᓂᕐᒧᑦ, ᐃᓅᓕᓴᖅᑕᐅᖁᔨᓂᕐᒧᑦ, ᐊᒻᒪ ᐃᓅᒻᒪᒃᓴᒃᓂᒃᒧᑦ ᐱᓕᕆᐊᒃᓴᓂᒃ ᐃᖅᑲᓇᐃᔭᖅᑎ ᖃᓄᐃᑦᑐᓐᓃᖅᐸᓪᓕᐊᓂᖓᓄᑦ.
