ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᔨᑦᑎᕋᐅᑎᖏᓐᓄᑦ ᓄᑖᖑᓛᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐃᖃᓗᖕᓂᑦ ᐊᒻᒪᓗ ᔭᓗᓇᐃᕝᒥᑦ ᒪᑐᓯᒪᔪᑦ ᓇᔫᑎᓗᑎᒃ ᐱᔨᑦᑎᕋᖅᑕᐅᔪᓐᓇᙱᑦᑐᑦ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐃᖅᑲᓇᐃᔭᖅᑎᖏᑦ ᐃᖅᑲᓇᐃᔭᖅᑐᑦ ᐊᖏᕐᕋᒥᖕᓂᒃ. ᐅᖄᓚᓗᑎᑦ 1 (800) 661-0792 ᑐᕌᖅᑎᑕᐅᓂᐊᖅᐳᑎᑦ ᐱᔨᑦᑎᕋᖅᑎᒧᑦ. ᐅᖃᐅᓯᕆᔭᕆᐊᓖᑦ ᐃᖅᑲᓇᐃᔭᕐᕕᖕᒥᑦ ᖃᓄᐃᕐᔪᐊᕐᓃᑦ, ᖃᕆᓴᐅᔭᒃᑯᑦ ᑕᑯᔭᖅᑐᕐᓗᒍ WSCC Connect.

ᑐᑦᓯᕋᐅᑎᓄᑦ ᐊᐱᖅᑯᑕᐅᒐᔪᑦᑐᑦ ᐃᖅᑲᓇᐃᔭᕐᕕᓐᓄᑦ

ᖃᓄᐃᑦᑐᒥ ᐋᓐᓂᕐᓂᐅᔪᓂᑦ ᐅᓂᒃᑳᕆᔭᕆᐊᖃᖅᐳᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ?

ᐅᓂᒃᑳᕆᓗᑎᑦ ᐃᖅᑲᓇᐃᔭᖅᑎ:

  • ᐃᓅᓕᓴᖅᑕᐅᔭᕆᐊᖃᓚᐅᕈᓂ;
  • ᓴᓇᕝᕕᖕᒧᑦ ᐅᑎᕈᓐᓇᙱᒃᑯᓂ ᐅᓪᓗᖓᓂ ᐋᓐᓂᐅᕐᓂᐅᓚᐅᖅᑐᒥ;
  • ᐅᑎᕈᓐᓇᙱᒃᑯᓂ ᐃᖅᑲᓇᐃᔮᖓᓄᑦ ᐅᓪᓗᖓᑕ ᐅᖓᑖᓄᑦ ᐋᓐᓂᕐᓂᐅᓚᐅᖅᑐᒥ;
  • ᖃᐅᔨᒪᔪᓐᓃᓚᐅᕈᓂ; ᐅᕝᕙᓘᓐᓃᑦ
  • ᓴᖅᑭᔮᕐᕕᐅᓚᐅᕈᓂ ᐅᓗᕆᐊᓇᖅᑐᒧᑦ ᓱᓇᑐᐃᓐᓇᕐᒧᑦ.        

(*ᓇᓕᐊᑐᐃᓐᓇᐃᑦ ᖃᓄᐃᓐᓂᐅᔪᖃᕐᓂᖅᐸᑦ.)  

ᐅᓂᒃᑳᕆᓂᕐᒥ ᖃᓄᐃᓐᓂᐅᔪᒥ, ᐋᓐᓂᕐᓂᐅᔪᒥᑦ ᐅᕝᕙᓘᓐᓃᑦ ᐅᓗᕆᐊᓇᖅᑐᒥ ᖃᓄᐃᓐᓂᐅᔪᒥ ᐱᔭᕇᖅᓯᔭᕆᐊᖃᖅᐳᑎᑦ ᐊᒻᒪ ᑐᓂᓯᓗᑎᑦ ᐃᖅᑲᓇᐃᔭᖅᑎᖁᑎᓕᖕᓄᑦ ᐅᓂᒃᑳᓕᐊᖓᓂ ᖃᓄᐃᓐᓂᐅᔪᒥ.

ᐃᖅᑲᓇᐃᔭᖅᑎᖁᑎᓖᑦ ᑐᓂᓯᔭᕆᐊᖃᖅᐳᑦ ᑕᒪᒃᑭᐅᒪᔪᒥ−ᐱᔭᕇᖅᓯᒪᔪᒥ ᖃᓄᐃᓐᓂᐅᔪᒧᑦ ᐅᓂᒃᑳᓕᐊᒥᑦ ᐃᓗᐊᓂ ᐃᖅᑲᓇᐃᔭᕐᓇᐅᔪᒥ ᐅᓪᓗᓂ ᐱᖓᓱᓂᑦ, ᐅᕝᕙᓘᓐᓃᑦ ᓵᙵᔭᐅᔾᔪᑎᖃᕐᓂᐊᖅᐳᖅ ᑎᑎᕋᖅᓯᒪᓂᐅᔪᒥ ᐃᖅᑲᓇᐃᔭᖅᑎᒧᑦ ᐋᓐᓂᖅᑐᖅᓯᐅᑎᓕᕆᔨᒃᑯᑦ ᒪᓕᒐᖏᓐᓂ. ᖃᐅᔨᒪᓂᐊᖅᐳᑎᑦ ᐅᓂᒃᑳᕆᓂᕐᒧᑦ ᐱᕐᕈᓗᐊᕿᓂᐅᔪᒥ ᐱᑎᑦᑎᔪᒥᒃ ᑎᒥᒧᑦ ᐋᓐᓂᕐᓂᕐᔪᐊᖑᔪᒥ ᐅᕝᕙᓘᓐᓃᑦ ᐅᓗᕆᐊᓇᖅᑐᒥ ᖃᓄᐃᓐᓂᐅᔪᒥ, ᐅᖃᓗᒋᐊᖃᖅᐳᑎᑦ ᐃᑲᕐᕋᓄᑦ−24-ᓄᑦ ᖃᓄᐃᓐᓂᐅᔪᒥ ᐅᓂᒃᑳᕆᕝᕕᐅᔪᒧᑦ ᐅᕗᖓ 1-800-661-0792 ᐊᔪᕐᓇᕈᓐᓃᑐᐊᖅᐸᑦ ᐊᒻᒪᓗ ᐱᔭᕇᖅᓯᓗᑎᑦ ᐊᒻᒪᓗ ᑐᓂᓗᒍ ᐅᓂᒃᑳᓕᐊᖅ ᐃᓗᐊᓂ ᐱᖓᓱᓄᑦ ᐃᖅᑲᓇᐃᔭᕐᓇᐅᔪᒥ ᐅᓪᓗᓂᑦ.

ᖃᓄᖅ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᐃᓕᒪᓂᕐᒧᑦ ᓇᓪᓕᐅᒃᑯᒫᓕᕆᔨᓪᓗ ᐱᓕᕆᐊᖃᓲᖑᒪᑕ ᐃᖅᑲᓇᐃᔭᖅᑎᒐ ᐋᓐᓂᖅᑎᓪᓗᒍ?

ᐃᖅᑲᓇᐃᔭᖅᑎᑦ ᐃᖅᑲᓇᐃᔮᒧᖓᔪᒥᒃ ᐋᓐᓂᖅᑎᓪᓗᒍ ᐋᓐᓂᐊᖅᑖᖅᑎᓪᓗᒍᓘᓐᓃᑦ, ᐱᑖᑐᐃᓐᓇᕆᐊᓕᒃ:

  • ᑐᓂᕈᓯᐊᖅ ᑮᓇᐅᔾᔭᒃᓵᑦ ᖃᓄᐃᑦᑐᓐᓃᖅᐸᓪᓕᐊᑎᓪᓗᒍ;
  • ᐃᓅᓕᓴᐅᑎᑦ ᐊᑭᖏᑦ ᓲᕐᓗ ᐄᔭᒐᑦ, ᑎᒥᙳᐊᓂᒃ, ᐃᓅᓕᓴᖅᑕᐅᒋᐊᖃᕐᓂᖅ;
  • ᑎᒥᒥᒃ ᐊᔪᕈᑎᖃᐃᓐᓇᓕᕐᓂᕐᒧᑦ ᑐᓂᕐᕈᓯᐊᑦ (ᐃᑦᑐᓯᐊᑦ); ᐊᒻᒪ
  • ᐃᓅᑦᑎᐊᕋᓱᐊᓕᕋᓱᐊᕐᓂᕐᒧᑦ.
ᖃᔅᓯᓂᒃ ᐃᖅᑲᓇᐃᔭᖅᑎᒐ ᐱᒐᔭᕐᒪᑦ ᑮᓇᐅᔭᒃᓴᖏᑦ ᐱᔪᓐᓃᖅᑎᓪᓗᓂᒋᑦ?

ᐃᖅᑲᓇᐃᔭᖅᑏᑦ ᑮᓇᐅᔭᓕᐊᖏᑦ ᐲᖅᓯᕕᐅᓚᐅᖅᑎᓐᓇᒋᑦ ᐱᖃᑕᖅᑕᕗᑦ, ᐊᕐᕌᒍᒧᓪᓗᐊ ᐊᑭᑐᓛᖓᓂᒃ ᓇᓪᓕᐅᒃᑯᒫᓂᒃ ᐊᑭᓕᐅᑎᒃᓴᖏᓐᓂᒃ, ᐲᖅᓯᕙᒃᖢᑎᒡᓗ ᓇᓕᒧᐸᓗᐊᓂᒃ ᐃᖅᑲᓇᐃᔮᒧᑦ ᓇᓪᓕᐅᒃᑯᒫᓂᒃ, ᑲᓇᑕᒥᑦ ᐃᑦᑐᔾᔪᓯᐊᓄᑦ ᐃᓕᐅᖅᑲᐃᕕᐊᓂ ᑕᒃᓰᔭᐃᓂᕐᒧᓪᓗ ᐊᑭᓕᐅᑎᓂᒃ. ᐱᖃᑦᑕᖅᑕᕗᑦ 90 ᐳᓴᖓᑕ ᐊᑭᐊᓂᒃ. ᐃᖅᑲᓇᐃᔭᖅᑎᑦ ᑎᒥᒥᒍᑦ ᐊᔪᕈᑎᖃᐃᓐᓇᓕᖅᑎᓪᓗᒍ, ᐃᓅᓯᓕᒫᖓᓂᒃ ᐃᑦᑐᔾᔪᓯᐊᖏᓐᓂᒃ. ᖃᓄᑎᒋᑦ ᑎᒥᒥᒍᑦ ᐊᔪᕈᑎᖃᕐᓂᖅ ᐃᖅᑲᓇᐃᔭᖅᑎᐅᓪᓗ ᐊᕐᕌᒍᑕᒫᖅ ᑮᓇᐅᔭᒃᓴᖅᑕᖏᑦ ᐋᓐᓂᓚᐅᕐᓂᖓ ᒪᓕᒃᖢᒍ ᐃᑦᑐᔾᓯᐊᖏᓐᓄᑦ ᐊᑭᐊᓂᒃ. 

ᖃᓄᐃᑦᑐᓂᒃ ᐊᑭᓕᕆᐊᓕᓐᓂᒃ ᐋᓐᓂᖅᑐᓕᕆᔨᒃᑯᑦ WSCC ᐊᑭᓖᓲᖑᕙᑦ?

ᐊᑦᑐᐊᑉᐸᑦ ᐃᖅᑲᓇᐃᔭᖅᑎᒧᑦ ᓱᑕᐃᖅᑐᒥᓂᕐᒧᑦ, ᐋᓐᓂᖅᑐᓕᕆᔨᒃᑯᑦ WSCC ᐊᑭᓖᑐᐃᓐᓇᕆᐊᓖᑦ ᐋᓐᓂᐊᕕᒻᒧᑦ ᐊᑭᓕᖅᑐᕆᐊᓕᓐᓂᒃ, ᐋᓐᓂᐊᖅᑐᓕᕆᓂᕐᒨᖓᔪᓂᒃ, ᐄᔭᒐᖅᑖᕈᑎᓂᒃ, ᐃᓅᓕᓴᖅᑕᐅᓂᕐᒧᑦ, ᑭᒍᑎᓕᕆᔭᐅᓂᕐᒧᑦ, ᑎᒥᒧᑦ ᓄᑦᑕᕈᑎᓄᑦ ᐃᑲᔫᑎᓄᑦ, ᐃᔭᐅᑏᓐᓄᓪᓗ. ᐊᒻᒪᓗ, ᐊᓐᓄᕌᓂᒃ, ᐃᖏᕐᕋᔾᔪᑎᓂᒃ ᐊᒻᒪᓗ ᐃᓅᓇᓱᐊᕈᑎᓂᒃ ᐊᑭᓕᖅᑐᐃᑐᐃᓐᓇᕆᐊᓖᑦ. 

ᐃᖅᑲᓇᐃᔭᖅᑎᓐᓄᑦ ᐊᑭᓖᖓᕈᓐᓇᖅᐳᖓ ᑎᑎᖅᑲᖏᑦ ᑐᒃᓯᕋᕐᓂᕐᒧᑦ ᑐᓂᖏᖔᕐᓗᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᓇᓪᓕᐅᒃᑯᒫᓕᕆᔨᓪᓗ?

ᐋᒃᑲ.

ᑖᓐᓇ ᐱᕋᔭᖕᓂᐅᕗᖅ ᒪᓕᒐᖅᑎᒍᖏᒃᑭᓪᓗᓂᓗ.

ᓇᓗᓇᐃᕐᓗᒍ: ᐊᑭᓖᖏᓐᓇᕈᕕᑦ ᑮᓇᐅᔭᒃᓴᖅᑕᓕᒫᖏᓐᓂᒃ ᐃᖅᑲᓇᐃᔭᖅᑎᓄᑦ ᐃᖅᑲᓇᐃᔭᕈᓐᓇᖏᑎᓪᓗᒍ ᑐᓴᐅᒪᑎᑦᑎᔭᕆᐊᖃᖅᐳᑎᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᓇᓪᓕᐅᒃᑯᒫᓕᕆᔨᓪᓗ. ᐊᑭᓖᔾᔪᑎᓂᒃ ᐅᑎᖅᑎᖃᑕᖅᐳᒍᑦ ᑐᓂᕈᓯᐊᑦ ᐊᑭᖓᓂᒃ.

ᖃᖓᓕ ᐃᖅᑲᓇᐃᔭᖅᑎᒪ ᐃᑲᔫᓯᐊᖓᑦ ᐱᒋᐊᓕᕋᔭᕐᒪᑦ?

ᐃᑲᔫᓯᐊᑦ ᐱᒋᐊᖃᑦᑕᖅᐳᖅ ᐃᖅᑲᓇᐃᔭᕐᓇᐅᑎᓪᓗᒍ ᐋᓐᓂᖅᑐᕕᓂᐅᑎᓪᓗᒍ ᐃᖅᑲᓇᐃᔭᖅᑎ ᐅᐸᖕᓂᖏᒃᑯᓂ ᐅᓪᓗᓂ ᖃᓄᐃᓕᓂᑰᓗᓂ. ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᓇᓪᓕᐅᒃᑯᒫᓕᕆᔨᓪᓗ ᐊᑭᓖᖃᑦᑕᖅᐳᑦ ᒪᕐᕈᖕᓂᒃ ᐱᓇᓱᐊᕈᓯᓕᒫᓂᒃ.

ᐋᓐᓂᖅᑐᓕᕆᔨᒃᑯᓐᓂᒃ ᐊᑭᓕᖅᑑᑕᐅᔪᑦ ᑖᒃᓯᔮᕆᐊᖃᖅᑲᑦ?

ᐃᑲᔫᑕᐅᔪᑦ ᑖᒃᓰᔭᕈᑕᐅᒋᐊᑐᓐᖏᑦᑐᑦ ᑲᓇᑕᒥ, ᐊᒻᒪᓗ ᐃᖅᑲᓇᐃᔭᖅᑎᓄᑦ ᑎᑎᕋᖅᑕᐅᒋᐊᓐᖏᑦᑐᓐᖏᑦᑐᖅ ᐃᖅᑲᓇᐃᔭᖅᑏᑦ ᐊᕐᕌᒍᒧᑦ ᓇᓕᖅᑲᖏᓐᓄᑦ T-4−ᓄᑦ ᑮᓇᐅᔭᓕᐊᒥᓂᕐᒧᑦ ᓇᓕᖅᑲᓄᑦ. ᐃᑲᔫᑕᐅᔪᑦ ᐱᖃᓯᐅᑎᓯᒪᔪᑦ ᑲᑎᑦᓱᑎᒃ ᑮᓇᐅᔭᓕᐊᖑᔪᓂ ᐃᓚᖏᓐᓄᑦ ᓈᓴᕆᐊᓖᑦ. ᑐᓂᓯᓲᖑᔪᒍᑦ T5007 ᓇᓕᖅᑲᓂᒃ ᐃᖅᑲᓇᐃᔭᖅᑏᑦ ᐃᓚᒍᑦᓯᐅᑎᓲᖏᓐᓂᒃ ᐅᑎᖅᑐᑦᓴᔭᒥᓐᓂ. ᐊᑭᓕᖅᑕᐅᔾᔪᑎᑎᑦ ᐋᓐᓂᖅᑐᓕᕆᔨᒃᑯᓐᓄᑦ ᐅᑎᖅᑎᑕᐅᓗᑎᒃ ᐃᖅᑲᓇᐃᔭᖅᑎᓄᑦ ᐃᑲᔫᑕᐅᔪᑎᓪᓗᒋᑦ, ᐲᖅᑕᐅᖃᑦᑕᕆᐊᓖᑦ T-4 ᓇᓕᖅᑲᖏᓐᓂᒃ. 

ᑭᓱᒪᑦ ᑐᒃᓯᕋᖅᑕᐅᔪᓄᑦ ᐊᐅᓚᑦᑎᓂᖅ?

ᐃᖅᑲᓇᐃᔭᕐᕕᖕᒥᑦ ᖃᓄᐃᓕᔪᖃᖅᑎᓪᓗᒍ ᐋᓐᓂᖅᑐᖃᖅᑎᓪᓗᒍᓗ ᐊᑭᑐᔫᕗᑦ ᐃᖅᑲᓇᐃᔭᖅᑎᐅᑉ ᑐᓂᕈᓯᐊᓪᓚᕆᖏᓐᓂᒃ ᐊᒻᒪ ᐃᖅᑲᓇᐃᔭᕈᓐᓇᖏᑎᓪᓗᒍ. ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᓇᓪᓕᐅᒃᑯᒫᓕᕆᔨᓪᓗ ᑐᒃᓯᕋᐅᑎᓄᑦ ᐊᐅᓚᑦᑎᓂᐅᖃᑦᑕᖅᑐᑦ ᓇᓗᓇᐃᖅᑕᐅᕗᑦ ᖃᓄᖅ ᐃᖅᑲᓇᐃᔭᖅᑎᑦ ᐱᓕᕆᖏᓐᓄᑦ ᐊᐅᓚᑕᓂᖏᑦ ᑐᒃᓯᕋᖅᑖᓄᑦ ᐊᑭᖏᓐᓂᒃ.

Will Claims Management save me money?

Claims Management helps employers rehabilitate injured workers, retain skilled workers, reduce hiring costs, and train replacement workers. This helps minimize lost time and incident costs.

ᖃᓄᖅ ᐱᓇᓱᐊᖃᑦᑕᖅᐸᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᓇᓪᓕᐅᒃᑯᒫᓕᕆᔨᓪᓗ ᐅᕙᓐᓄᑦ ᑐᓂᓯᒐᔭᖅᐸᑦ ᐃᖅᑲᓇᐃᔭᖅᑎᑦᑎᑲᓐᓂᕐᓗᑎᒃ ᐃᓅᓯᖃᓕᑦᑎᐊᕋᓱᐊᕐᓂᕐᒧᑦ ᐋᓐᓂᖅᑐᓄᓪᓘᓐᓃᑦ ᐃᖅᑲᓇᐃᔭᖅᑎᓂᒃ?

ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᓇᓪᓕᐅᒃᑯᒫᓕᕆᔨᓪᓗ ᑐᓂᓯᑐᐃᓐᓇᕆᐊᓕᒃ ᐃᖅᑲᓇᐃᔭᖅᑎᐅᑉ ᑮᓇᐅᔭᒃᓴᖅᑕᖏᓐᓂᒃ ᐃᖅᑲᓇᐃᔮᒥᓄᑦ ᖃᐅᔨᓇᓱᖕᓂᖃᖅᑎᓪᓗᒋᑦ ᐅᕝᕙᓘᓐᓃᑦ ᐃᓚᖓᓂᒃ ᑮᓇᐅᔭᒃᓴᑕᖏᓐᓂᒃ ᐃᖅᑲᓇᐃᔮᒥᓄᑦ ᐃᓕᓐᓂᐊᖅᑎᓪᓗᒍ. ᐊᑭᓖᑐᐃᓐᓇᕆᐊᖃᕆᕗᒍᑦ ᐃᖅᑲᓇᐃᔭᕐᕕᖕᒥᑦ ᐊᓯᔾᔨᖅᑐᖃᖅᑎᓪᓗᒍ.

ᖃᓄᕐᓕ ᑐᒃᓯᕋᖅᑕᐅᔪᑦ ᐱᓕᕆᐊᖑᖃᑦᑕᖅᐸᑦ?

ᑐᒃᓯᕋᖅᑕᐅᔪᑦ ᐱᓕᕆᖑᖃᑦᑕᖅᐳᑦ ᐃᓱᒪᒋᔭᕐᒥᓂᒃ ᒪᓕᒃᖢᑎᒃ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᓇᓪᓕᐅᒃᑯᒫᓕᕆᔨᓪᓗ ᐱᒐᔭᕐᒪᑕ ᐋᓐᓂᖅᑎᓪᓗᒋᑦ ᐃᖅᑲᓇᐃᔭᕐᕕᖕᒥᑦ.

ᐃᑲᔫᓯᐊᑦ ᐱᖃᓯᐅᔾᔨᑐᐃᓐᓇᕆᐊᓖᑦ:

  • ᑐᓂᕈᓯᐊᑦ ᑮᓇᐅᔭᒃᓴᓂᒃ ᐱᖏᑎᓪᓗᒋᑦ ᖃᓄᐃᑦᑐᓂᕌᓱᐊᖅᑎᓪᓗᒋᑦ ᐃᖅᑲᓇᐃᔮᒥᓄᑦ ᐋᓐᓂᖅᑐᕕᓂᐅᑎᓪᓗᒋᑦ ᐅᕝᕙᓘᓐᓃᑦ ᐋᓐᓂᐊᖃᖅᑎᓪᓗᒋᑦ;
  • ᐋᓐᓂᐊᖃᕐᓇᖏᑦᑐᓕᕆᑎᓪᓗᒋᑦ ᐊᓯᖏᓪᓗᑦ ᑮᓇᐅᔭᓕᕆᖏᑦᑐᒧᑦ ᐃᑲᔫᓯᐊᓂᒃ;
  • ᐃᑦᑐᓯᐊᓄᑦ ᐊᑭᓕᐅᑎᑦ; ᐊᒻᒪ 
  • ᐊᓯᖏᑦ ᐱᔨᑦᑎᐅᑎᑦ ᐃᖅᑲᓇᐃᔭᒥᓄᑦ ᐅᑎᕈᓐᓇᖁᓗᒍ, ᐄᔭᒐᑦ ᐊᒻᒪ ᐊᑭᓕᒃᓴᑦ ᓇᖕᒥᓂᕆᖏᑕᖏᓐᓂᒃ.

ᑐᒃᓯᕋᖅᑕᐅᔪᑦ ᑎᓴᒪᓂᒃ ᐱᓕᕆᐊᖃᓲᖑᕗᑦ:

  1. ᑐᓴᒐᒃᓴᓂᒃ ᑲᑎᕐᓱᐃᕙᓪᓕᐊᓂᖅ: ᐊᑐᕐᓂᓖᑦ ᐅᓂᒃᑳᑦ ᐃᖅᑲᓇᐃᔭᖅᑎᓂᒃ, ᐃᖅᑲᓇᐃᔭᖅᑎᑦᑎᔨᓂᒃ ᐊᒻᒪ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓕᕆᔨᓂᒃ ᐱᔭᐅᔪᑦ.
  2. ᑐᒃᓯᕋᐅᑕᐅᔪᖅ ᐱᔪᓐᓇᖅᑎᑕᐅᓗᑎᒍ: ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᓇᓪᓕᐅᒃᑯᒫᓕᕆᔨᓪᓗ ᐃᓱᒪᓕᐅᕆᑎᓪᓗᒋᑦ ᑐᒃᓯᕋᖅᑕᐅᔪᒥᒃ.
  3. ᐃᑲᔫᑎ ᓈᓴᖅᑕᐅᑎᓪᓗᒍ: ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᓇᓪᓕᐅᒃᑯᒫᓕᕆᔨᓪᓗ ᐊᖏᖅᐸᑕ ᑐᒃᓯᕋᖅᑕᐅᔪᒧᑦ, ᓈᓴᐃᖃᑦᑕᖅᑐᒍᑦ ᐃᑲᔫᑎᓂᒃ.
  4. ᑐᓴᐅᒪᖃᑕᐅᑏᓇᕆᐊᖃᕐᓂᖅ: ᐃᖅᑲᓇᐃᔭᖅᑎᒥᒃ ᐋᓐᓂᖅᓯᒪᔪᒥᒃ ᐱᓕᕆᖃᑎᖃᖅᐸᒡᓗᓂ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᓇᓪᓕᐅᒃᑯᒫᓕᕆᔨᓪᓗ ᐅᕝᕙᓘᓐᓃᑦ ᑐᒃᓯᕋᖅᑐᓄᑦ ᐊᐅᓚᑦᑎᔨᖓᓄᑦ ᖃᓄᐃᑦᑐᓂᖅᐹᓪᓕᐊᑎᓪᓗᒍ.