ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ (WSCC) ᑎᑎᕋᕐᕕᖏᑦ ᒪᑐᓯᒪᔪᑦ ᐊᒻᒪᓗ ᐃᖅᑲᓇᐃᔭᖅᑎᖏᑦ ᐊᖏᕐᕋᖏᓐᓂᒃ ᐱᓕᕆᐊᖃᖅᖢᑎᒃ. ᐱᔨᑦᑎᕋᐅᑎᕗᑦ ᐊᑐᐃᓐᓇᐅᔪᑦ ᓱᓕ ᖃᕋᓴᐅᔭᒃᑯᑦ ᐊᒻᒪ ᐅᖄᓚᐅᑎᑎᒍᑦ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.
ᐱᕋᔭᖕᓂᐅᕗᖅ ᑭᓇᑐᐃᓐᓇᖅ ᑐᓴᖅᑎᑦᑎᑦᑕᐃᓕᒪᒃᐸᑦ ᐅᕝᕙᓘᓐᓃᑦ ᓴᒡᓗᓗᓂ, ᐱᔪᓐᓇᖅᑕᒥᓂᒃ ᐱᓇᓱᖕᓂᕐᒧᑦ (WSCC)-ᑯᓐᓂᑦ ᐱᔪᓐᓇᕆᐊᖃᙱᑕᒥᓂᒃ. ᑕᒪᓐᓇ ᐱᖁᔭᒥᒃ ᓱᕋᐃᓂᐅᕗᖅ.
ᐃᓱᒪᒍᕕᑦ ᑭᓇᑐᐃᓐᓇᖅ ᑎᒡᓕᒐᕋᓱᒋᓗᒍ ᑮᓇᐅᔭᓂᒃ ᐊᒃᑐᐊᔪᑦ ᖃᓄᐃᑦᑐᖃᕐᓂᕐᓄᑦ ᑕᐃᑲᓂ ᓄᓇᑦᓯᐊᕐᒥ ᐅᕝᕙᓘᓐᓃᑦ ᓄᓇᕘᒥ, ᐅᕝᕙᓘᓐᓃᑦ ᐊᐱᖅᑯᑎᒃᓴᖃᕈᕕᑦ, ᐅᖄᓚᓗᑎᑦ ᑎᒡᓕᒐᖅᑐᓄᑦ ᑮᓇᐅᔭᓄᑦ ᐅᖃᐅᔾᔨᒋᐊᖅᑕᐅᔾᔪᑎᒧᑦ ᐅᖄᓚᕝᕕᐅᔪᓐᓇᖅᑐᖅ ᖃᖓᑐᐃᓐᓇᖅ 1-866-286-3338 (ᐊᑭᖃᙱᑦᑐᖅ).
ᐃᖅᑲᓇᐃᔭᖅᑎᐅᔪᖅ ᐱᕋᔭᒐᓱᑐᐃᓐᓇᕆᐊᖃᖅᐳᖅ ᐅᑯᓂᖓ ᐊᑐᕈᓂ:
ᐊᖏᕐᕋᖅᓯᒪᓪᓗᓂ ᖃᓂᒪᙳᐊᑐᐃᓐᓇᖅᖢᓂᓗ ᐊᒻᒪᓗ ᐃᑲᔫᓯᐊᖅᐸᓪᓕᐊᓪᓗᓂ;
ᐃᑲᔫᓯᐊᖃᑦᑕᖅᖢᓂ ᐃᖅᑲᓇᐃᔭᖃᑦᑕᖅᖢᓂᓗ ᐊᑕᐅᑦᑎᒃᑯᑦ;
ᐃᖅᑲᓇᐃᔭᖅᑐᖅ “ᖃᐅᔨᒪᔭᐅᖏᑦᑐᒥᒃ” ᐃᑲᔫᓯᐊᖅᐸᓪᓕᐊᕙᒃᖢᓂᓗ;
ᐃᑲᔫᓯᐊᖃᑦᑕᕐᖢᓂ ᐃᖅᑲᓇᐃᔭᖏᑦᑐᖅᓯᐅᑎᑖᖅᐸᒃᖢᓂᓗ (EI)-ᓂᒃ; ᐅᕝᕙᓘᓐᓃᑦ
ᓱᓕᖏᑦᑐᓂᒃ ᐅᓂᒃᑲᐅᓯᖃᖅᖢᓂ ᐋᓐᓂᐊᖃᕐᓇᖏᑦᑐᓕᕆᔨᒃᑯᓐᓄᑦ ᐊᒻᒪᓗ (WSCC)-ᑯᓐᓄᑦ.
ᐃᖅᑲᓇᐃᔭᖅᑎᑦᑎᔨ ᐱᕋᔭᒐᓱᑐᐃᓐᓇᕆᐊᖃᖅᐳᖅ ᐅᑯᓂᖓ ᐊᑐᕈᓂ:
ᐊᑭᓕᖅᓱᐃᓗᓂ ᐃᖅᑲᓇᐃᔭᖅᑎᓂᒃ “ᖃᐅᔨᒪᔭᐅᖏᑦᑐᒥᒃ”;
ᐃᓂᖅᑎᕆᒃᐸᑦ ᐃᖅᑲᓇᐃᔭᖅᑎᒥᒃ ᐃᑲᔫᓯᐊᕆᔪᓐᓇᖅᑕᕋᓗᐊᖏᓐᓂᒃ ᐱᓇᓱᖁᔨᖏᓪᓗᓂ;
ᐊᓂᑦᑎᓗᓂ ᐃᖅᑲᓇᐃᔭᖅᑎᒥᒃ ᐃᑲᔫᓯᐊᕆᔪᓐᓇᖅᑕᒥᓂᒃ ᐱᓇᓱᑐᐃᓐᓇᖅᑎᓪᓗᒍ; ᐅᕝᕙᓘᓐᓃᑦ
ᐲᔭᐃᑎᑦᑎᓗᓂ (WSCC)-ᑯᓐᓄᑦ ᐃᓛᒃᑯᑦ ᐊᑭᓕᒃᑲᓐᓂᕆᐊᓕᖕᓂᒃ ᐃᖅᑲᓇᐃᔭᖅᑎᐅᑉ ᑮᓇᐅᔭᓕᐊᖏᓐᓂᑦ.
ᐋᓐᓂᐊᓯᐅᖅᑎᐅᔪᑦ ᐱᕋᔭᒐᓱᑐᐃᓐᓇᕆᐊᖃᖅᐳᑦ ᐅᑯᓂᖓ ᐊᑐᖅᐸᑕ:
ᑐᓂᓯᒃᐸᑦ ᐃᖅᑲᓇᐃᔭᖅᑎᒧᑦ ᐃᓅᓕᓴᐅᑎᑖᕈᑎᒃᓴᒥᒃ ᑐᒃᓯᕋᕐᕕᐅᑐᐊᕈᓂ;
ᕿᑲᖅᑎᑦᑎᒃᑲᓐᓂᑐᐊᕈᓂ ᕿᑲᕐᕕᖕᒥᓂᒃ ᐃᓱᓕᑦᑎᓯᒪᔪᒥᒃ;
ᑲᒪᒋᔭᐅᑎᑦᑎᓗᓂ ᑲᒪᒋᔭᐅᓪᓗᐊᖏᑦᑐᒥᒃ, ᐊᑐᖁᔨᓗᓂᓗ ᐊᑐᖅᑕᐅᖁᔭᒥᓂᒃ, ᐅᕝᕙᓘᓐᓃᑦ ᐃᑲᔪᖅᑕᐅᑎᑦᑎᓗᓂ;
ᑲᒪᒋᖁᔭᐅᔭᕆᐊᖃᙱᑦᑎᐊᖅᑐᓂᒃ ᑲᒪᒋᔭᖃᖅᐸᑦ;
ᐊᑭᓕᒐᒃᓴᙳᖅᑎᑦᑎᒍᓂ ᐱᔨᑦᑎᕋᕐᓂᕐᒧᑦ ᐊᑐᖅᑕᐅᓚᐅᙱᑦᑐᓄᑦ; ᐅᕝᕙᓘᓐᓃᑦ
ᐊᑭᓕᒐᒃᓴᙳᖅᑎᑦᑎᒍᓂ ᐱᔨᑦᑎᕋᕐᓂᕆᔭᐅᓂᑯᓄᑦ ᐱᔪᒪᔭᐅᓚᐅᙱᑦᑑᒐᓗᐊᓄᑦ.
ᐱᕋᔭᒃᑐᖃᖅᐸᑦ ᓴᖅᑭᑎᑦᑎᓕᑐᐃᓐᓇᕆᐊᓕᒃ ᐱᕋᔭᒃᓯᒪᓂᕐᒧᑦ ᐃᖅᑲᖅᑐᒐᒃᓴᐅᓕᕐᓂᕐᒥᒃ. ᑭᓇᑐᐃᓐᓇᖅ ᑕᐃᒪᐃᓕᐅᖅᑐᖅ ᐃᒪᓐᓇᐃᓕᖓᓕᑐᐃᓐᓇᕆᐊᖃᖅᐳᖅ:
ᐱᕋᔭᒃᓯᒪᓂᕐᒧᑦ ᑎᑎᕋᖅᓯᒪᔪᖁᑎᑖᕐᓗᓂ;
ᓇᐅᑦᑎᖅᓱᖅᑕᐅᔭᕆᐊᖃᖅᑎᑕᐅᓕᕐᓗᓂ;
ᓄᓇᓕᖕᓂ ᐱᔨᑦᑎᕋᖅᑎᑕᐅᓕᕐᓗᓂ ᐊᑭᓕᖅᓱᖅᑕᐅᙱᓪᓗᓂ;
ᐊᑭᓖᔭᕆᐊᖃᖅᑎᑕᐅᓕᕐᓗᓂ ᑮᓇᐅᔭᓂᒃ WSCC−ᑯᓐᓄᑦ; ᐊᒻᒪᓗ/ᐅᕝᕙᓘᓐᓃᑦ
ᐃᖅᑲᓇᐃᔮᒥᓂᒃ ᐊᓯᐅᔨᓗᓂ.
ᐋᒃᑲ. ᐊᑭᓕᖅᑕᐅᓇᔭᙱᓚᑎᑦ ᐱᑎᑦᑎᒍᕕᑦ WSCC−ᑯᓐᓂᒃ ᑐᓴᖅᑕᐅᔪᒃᓴᓂᒃ ᐱᕋᔭᒃᑐᖃᕋᓱᒋᓐᓈᓂᕐᓂᒃ.
ᐋᒃᑲ. ᖃᐅᔨᔭᐅᔭᕆᐊᖃᙱᑦᑐᓄᑦ ᐱᖁᔭᐃᑦ ᐊᔪᖅᑎᑦᑎᕗᑦ WSCC−ᑯᓐᓂᒃ ᓴᖅᑭᑎᑦᑎᔭᕆᐊᒃᓴᖅ ᑭᐊᑐᐃᓐᓇᐅᑉ ᑎᑎᖅᑲᖁᑎᖏᑕ ᐃᓗᓕᖏᓐᓂᒃ ᐃᓄᖕᒧᑦ ᐊᓯᒧᑦ.
ᑕᐅᑐᒃᖢᒋᑦ ᖃᔅᓯᐅᓂᕆᔭᖏᑦ ᑮᓇᐅᔭᐃᑦ ᐱᕋᔭᒍᑕᐅᓚᐅᖅᑐᑦ, ᐃᓄᒃ ᐱᑎᑕᐅᔪᓐᓇᖅᐳᖅ 5−ᓂᑦ 14−ᓄᑦ ᐊᕐᕌᒍᓄᑦ ᐊᓄᓪᓚᒃᓰᕕᖕᒦᑎᑕᐅᓪᓗᓂ.
ᐋᒃᑲ. ᓇᒃᓯᐅᔾᔨᒍᕕᑦ ᐅᖃᐅᓯᖃᕐᓂᕐᒥᒃ ᐊᑐᕐᓗᑎᑦ ᐅᖃᐅᓯᖃᕈᑎᒥᒃ ᐱᕋᔭᒃᑐᖃᕐᓂᖓᓄᑦ ᖃᕆᑕᐅᔭᒃᑯᑦ ᐊᑐᖅᑕᐅᕙᒃᑐᒥᒃ, ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᔾᔪᑏᑦ ᖃᐅᔨᔭᐅᔾᔮᙱᑦᑐᖅ.
