COVID-19 Update

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐱᔨᑦᑎᕋᐅᑎᖏᑦ ᐊᑐᐃᓐᓇᐅᔪᑦ ᓱᓕᒃ ᖃᕋᓴᐅᔭᒃᑯᑦ ᑎᑎᕋᕐᕕᐅᔪᓐᓇᖅᑐᑦ, ᐅᖄᓚᕝᕕᐅᔪᓐᓇᖅᑐᑦ ᐅᕝᕙᓘᓐᓃᑦ ᖃᕋᓴᐅᔭᒃᑯᑦ ᐅᕘᓇ WSCC Connect.  ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᐋᖅᑭᒃᓯᓗᑎᑦ ᐃᖅᑲᓇᐃᔮᒧᑦ ᐅᑎᕐᓂᐊᕐᓗᓂ ᐱᓕᕆᐊᒃᓴᒥᒃ

ᐃᖅᑲᓇᐃᔮᒧᑦ ᐅᑎᕐᓂᐊᕐᓗᓂ ᐱᓕᕆᐊᒃᓴᖅ ᐱᒋᐊᖅᑳᖅᑕᐅᓲᖑᕗᖅ, ᐸᕐᓇᐅᑎ ᐃᑲᔫᑕᐅᔪᓐᓇᖅᖢᓂ ᐋᓐᓂᖅᓯᒪᔪᓂᒃ ᓴᓇᔨᓂᒃ ᐅᕝᕙᓘᓐᓃᑦ ᐊᑦᑕᕐᓇᙱᑦᑐᒥᒃ ᐅᑎᕐᓗᓂ ᓈᒻᒪᒋᔭᖓᓄᑦ ᓴᓈᒃᓴᒧᑦ. ᓇᓗᓇᐃᖅᓯᓯᒪᔪᖅ ᐱᓕᕆᐊᖑᔭᕆᐊᓕᖕᓂᒃ ᐃᖅᑲᓇᐃᔭᖅᑎᓄᑦ, ᐊᖓᔪᖅᑳᕆᔭᐅᔪᓄᑦ, ᐊᓯᖏᓐᓂᒡᓗ ᑲᑐᔾᔨᖃᑎᒌᒡᕕᖕᒥ ᐱᓕᕆᐊᕆᔭᒃᓴᓕᖕᓂᒃ ᐋᓐᓂᖅᑐᖃᕐᓂᖅᐸᑦ.

ᐃᖅᑲᓇᐃᔮᒧᑦ ᐅᑎᕐᓂᐊᕐᓗᓂ ᐱᓕᕆᐊᒃᓴᖅ ᐅᑯᓂᖓᑦᑕᐅᖅ ᐃᓚᖃᕐᒥᔪᖅ:

ᐊᑐᐊᒐᖅ:

  • ᑲᑐᔾᔨᖃᑎᒌᒡᕕᖕᒥ ᐱᓕᕆᐊᒃᓴᑦ ᒪᓂᒻᒪᐃᔪᓐᓇᖁᓪᓗᒋᑦ ᓈᒻᒪᒃᑐᓂᒃ ᓴᓈᒃᓴᓂᒃ, ᐊᒻᒪ ᐃᖅᑲᓇᐃᔮᒧᑦ ᐅᑎᕐᓂᐊᕐᓗᓂ ᐸᕐᓇᐅᑎᒥᒃ

ᐱᓕᕆᐊᒃᓴᑦ:

  • ᖃᓄᐃᓘᕆᐊᖃᕋᔭᕐᒪᖔᖅᐱᑦ ᐋᓐᓂᑐᒥᓂᐅᒍᕕᑦ ᐅᕝᕙᓗᓂᑦ ᖃᓂᒪᒃᑐᒥᓂᐅᒍᕕᑦ;
  • ᐃᖃᓇᐃᔮᕆᔭᕆᐊᓕᒃᑎᑦ ᐊᒻᒪᓗ ᑲᒪᒋᔭᕆᐊᓕᒃᑎᑦ;
  • ᖃᓄᖅ ᓇᓗᓇᐃᖅᓯᕕᒃᓴᐅᖕᒪᖔᑦ ᓈᒻᒪᒃᑐᒥᒃ ᐃᖃᓇᐃᔭᒥᒃ;
  • ᑎᑎᕋᒃᓯᒪᔪᓕᐅᕐᓂᖅ ᐃᒻᒥᒃᑰᖓᓕᖅᑎᓯᒪᔪᓂ ᐅᑎᕐᓂᖅ ᐃᖃᓇᐃᔭᕐᕕᒋᔭᕐᓄᑦ (RTW) ᐸᕐᓇᒍᑎᓂᑦ;
  • ᖃᓄᖅ ᖃᐅᔨᒪᒋᐊᕈᓐᓇᕐᒪᖔᖅᐱᐅᒃ ᐅᑎᕐᓂᖅ ᐃᖃᓇᐃᔭᕐᕕᒋᔭᕐᓄᑦ (RTW) ᐸᕐᓇᒍᑎᑦ; ᐊᒻᒪᓗ
  • ᖃᐅᔨᓴᕐᓗᒍ ᐅᑎᕐᓂᖅ ᐃᖃᓇᐃᔭᕐᕕᒋᔭᕐᓄᑦ (RTW) ᐱᓕᕆᔾᔪᑎ.

ᐃᓕᓐᓂᐊᕐᓂᖅ:

  • ᐃᖅᑲᓇᐃᔭᖅᑎᓄᑦ ᐊᒻᒪ ᐊᖓᔪᖅᑳᓄᑦ

ᑐᓴᕆᐊᒃᑲᓐᓂᕈᒪᒍᕕᑦ ᐅᑎᕐᓂᕐᒧᑦ ᐃᖃᓇᐃᔭᕐᓂᕐᒧᑦ ᐱᓕᕆᔾᔪᑎ ᐱᕙᓪᓕᐊᑎᑦᑎᓂᕐᒧᑦ, ᐅᖃᕐᕕᒋᓚᐅᕈᒃ ᐅᑎᕐᓂᕐᒧᑦ ᐃᖃᓇᐃᔮᒧᑦ ᐱᓕᕆᔨᓪᓗᐊᑕᕐᒧᑦ ᐅᕘᓇ 1 (800) 661-0792.

 

ᐋᖅᑭᒃᓱᐃᔪᑎᑦ ᑎᑎᕋᕐᕕᒃᓴᑦ

ᐊᑑᑎᓖᑦ ᓴᓇᕝᕕᖕᒧᑦ ᐅᑎᕐᓂᐊᕐᓗᓂ ᖃᓄᐃᓕᐅᕈᑎᒃᓴᑦ ᓇᓗᓇᐃᔭᑦᑎᐊᖅᓯᒪᔭᕆᐊᓖᑦ ᐊᔾᔨᐅᙱᑦᑐᒃᑯᑦ ᖃᓄᐃᓕᐅᕈᑕᐅᔭᕆᐊᓕᖕᓂᒃ ᐱᓕᕆᕝᕕᖕᓄᑦ. ᐅᖃᐅᓯᕆᓗᒋᑦ ᑕᒪᐃᓐᓄᑦ ᐱᓕᕆᔨᓄᑦ ᐋᓐᓂᖅᑐᖃᖅᑳᕋᓂ, ᐊᑐᓕᖅᑎᖅᑕᐅᑲᐅᑎᒋᔪᓐᓇᖁᑉᓗᒋᑦ ᐃᑲᔫᑕᐅᖁᑉᓗᒋᑦ ᓴᓇᔨᓄᑦ ᐅᑎᑲᐅᑎᒋᔪᓐᓇᕐᓂᕐᒧᑦ ᓴᓇᕝᕕᖕᒧᑦ ᐊᑦᑕᓇᖅᑐᖃᙱᑦᑐᒃᑯᑦ ᓈᒻᒪᒃᑐᒃᑯᓪᓗ.