ᓄᕙᒡᔪᐊᕐᓇᖅ-19 (COVID-19) ᓄᑖᖑᓛᖅ ᑐᓴᒐᒃᓴᖅ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᐃᖃᓗᖕᓂᑦ ᐊᒻᒪ ᐃᓅᕕᒃᒥᑦ ᒪᑐᐃᖓᓕᕐᑐᑦ ᑭᒃᑯᑐᐃᓐᓇᕐᓄᑦ. ᔭᓗᓇᐃᒥ ᑎᑎᕋᕐᕕᒃ ᒪᑐᐃᒃᑲᓐᓂᓛᖅᑐᖅ ᐅᓗᕆᐊᓇᕈᓐᓃᖅᑎᑕᐅᓚᐅᕐᑎᓪᓗᒋᑦ ᑎᑎᕋᕐᕕᒃᓴᕆᓂᐊᕐᑕᕗᑦ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᖃᔅᓯᓕᐅᕐᒪᖔᑕ ᓇᓗᓇᐃᖅᓯᒪᔪᑦ

ᖃᔅᓯᓕᐅᕐᒪᖔᑕ ᓇᓗᓇᐃᖅᓯᒪᔪᑦ

ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᒪᓂᒻᒪᐃᓲᑦ ᑭᒃᑯᓕᒫᓄᑦ ᓵᑕᐅᓕᕈᑎᒃᓴᓂᒃ, ᓇᓪᓕᐅᒃᑯᒫᓕᕆᔨᓂᒃ ᐊᑐᖅᑕᐅᒐᔪᒃᑐᖅ. ᑕᒪᓐᓇ ᑐᑭᖃᖅᐳᖅ ᐃᖅᑲᓇᐃᔭᖅᑎᓕᒫᑦ ᐊᑦᑕᕐᓇᖅᑐᒦᑦᑐᐃᓐᓇᐅᓂᖏᓐᓂᒃ ᓴᓇᕝᕕᖕᓂᒃ ᐱᕐᔪᐊᖑᙱᓐᓂᖅᓴᓂᒡᓘᓐᓃᑦ. ᓴᐳᔾᔨᔾᔪᑕᐅᔪᓐᓇᕐᒪᑦ ᑕᒪᐃᓐᓄᑦ ᐃᖅᑲᓇᐃᔭᖅᑎᓄᑦ ᐊᖏᓗᐊᖅᑐᐊᓗᖕᒥᒃ ᐊᑭᑦᑐᕆᐊᖅᑕᐅᓗᑎᒃ ᖃᔅᓯᓕᐅᕐᒪᖔᑕ ᖃᐅᔨᓴᖅᑕᐅᔾᔪᑎᖏᓐᓂᒃ ᐃᒪᐃᓐᓂᖅᐸᑕ ᓂᕆᐅᓇᙱᑦᑐᒃᑯᑦ ᐱᓇᔫᑕᐅᓲᑦ ᐊᑭᑦᑐᕆᐊᖅᑕᐅᓐᓂᖅᐸᑕ.

ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᖃᐅᔨᓴᖃᑦᑕᖅᑐᑦ ᓄᑖᙳᖅᑎᕆᑦᓱᑎᓪᓗ ᖃᑦᓯᐅᓂᖏᓐᓂᑦ ᐊᕐᕌᒍᑕᒪᑦ. ᕿᒥᕐᕈᒍᓐᓇᖅᑐᑎᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᒫᓐᓇᐅᔪᖅ ᐅᕙᑦᓯᐊᕈᓗ ᖃᑦᓯᐅᓂᖏᓐᓂᑦ ᐅᐸᓪᓗᒍ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑲᓱᕐᕕᖓᓄᑦ  ᕿᒥᕐᕈᓗᒍ ᓱᑯᑦᓯᐊᓃᒻᒪᖔᑦ ᐱᓕᕆᕝᕕᒻᒥᑦ ᓱᑯᑦᓯᐊᓃᒻᒪᖔᑦ  ᐊᒻᒪᓗ ᓇᓗᓇᐃᖅᑕᐅᓯᒪᔪᓂᑦ  ᓴᓇᕕᓐᓂᑦᖃᑦᓯᐅᓂᖏᓐᓂᑦ. ᕿᒥᕐᕈᔪᓐᓇᖅᑐᑎᑦ ᐃᖅᑲᓇᐃᔭᖅᑎᑦᓯᔩᑦ ᖃᐅᔨᓴᕐᓂᖏᓐᓂᑦ ᖃᑦᓯᐅᓂᖏᓐᓂᑦ ᐃᓯᕐᕕᒋᓗᒍ  ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑲᓱᕐᕕᖓᓄᑦ  ᓇᕿᓪᓗᒍᓗ ‘ᖃᐅᔨᓴᖅᑕᐅᒍᑎᒻᒪ ᖃᑦᓯᐅᓂᖏᑦ.’

2019−ᒧᑦ ᐃᓱᒋᔭᐅᔪᖅ ᓇᓪᓕᐅᒃᑯᒻᒫᒐᒃᓴᑦ ᐊᑭᓕᐅᑎᓄᑦ $92,400-ᖑᕗᖅ.