COVID-19 Update

ᑕᒪᕐᒥ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᕐᑏᑦ ᑎᑎᕋᕐᕕᖏᑦ ᒪᑐᐃᖓᔪᑦ  ᐋᓐᓂᐊᖃᕐᓇᙱᑦᑐᓕᕆᓂᕐᒥᒃ ᐊᒻᒪ ᐊᑦᑕᓇᔾᔭᐃᖅᓯᒪᓂᕐᒥᒃ ᐱᓕᕆᐊᓂᒃ ᐊᑐᖅᖢᑎᒃ. ᐱᔨᑦᑎᕋᖅᑕᐅᕙᒃᑐᑦ ᐃᓂᒃᓴᓕᐅᖅᐸᒌᖅᐸᒡᓗᑎᒃ ᐅᐸᓚᐅᙱᓐᓂᖏᓐᓂᒃ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ

ᐊᐅᓚᑦᓯᔾᔪᑏᑦ

ᐅᑯᐊ ᐃᖅᑲᓇᐃᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᑲᒪᒋᔭᐅᕙᒃᑐᑦ 7-ᓂ ᐃᓄᖕᓄᑦ ᒐᕙᒪᓕᕆᓂᕐᒧᑦ ᑲᑎᒪᔨᓄᑦ. ᒐᕙᒪᓕᕆᓂᕐᒧᑦ ᑲᑎᒪᔩᑦ ᑲᒪᒋᔭᖃᖅᑐᑦ ᐱᓕᕆᐊᖃᖅᑎᐅᓂᕐᒥᒃ ᐊᒻᒪ ᐊᐅᓚᑦᑎᓂᖅᒥᒃ ᑲᒪᒋᔭᖃᖅᑎᓪᓗᒋᑦ ᐱᓕᕆᔪᓐᓇᕐᓂᖏᑦᑎᒍᑦ ᐊᒻᒪᓗ ᐱᒻᒪᕆᐅᓂᒃᑯᑦ ᐅᑯᓄᖓ ᐃᖅᑲᓇᐃᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄ (WSCC). ᒐᕙᒪᓕᕆᓂᖅ ᐅᑯᓇᙶᖅᓯᒪᔪᑦ ᐃᓄᖕᓂᑦ ᓄᓇᕗᒥᙶᖅᑐᓂᒃ ᐊᒻᒪᓗ ᓄᓇᑦᓯᐊᖅᒥ, ᐊᒻᒪᓗ ᑭᒡᒐᖅᑐᐃᓪᓗᑎᒃ ᐃᖅᑲᓇᐃᔭᖅᑎᐅᔪᑦ ᐱᔪᒪᕙᒃᑕᖏᓐᓂᒃ, ᐃᖅᑲᓇᐃᔭᖅᑎᑦᑎᔨᐅᔪᑦ ᐊᒻᒪᓗ ᑭᒃᑯᑐᐃᓐᓇᖅᓄᑦ. ᐃᓚᒋᔭᐅᔪᑦ ᑎᒃᑯᐊᖅᑕᐅᖃᑦᑕᖅᑐᑦ ᓄᓇᑦᓯᐊᕐᒥ ᒥᓂᔅᑕᓄᑦ ᑲᒪᒋᔭᖃᖅᑐᓄᑦ ᐃᖅᑲᓇᐃᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓂᒃ (WSCC) ᐅᖃᖃᑎᖃᖅᓯᒪᓂᒃᑯᑦ ᓄᓇᕗᒥᑦ ᒥᓂᔅᑕᒥ.

ᒐᕙᒪᓕᕆᔨᒃᑯᑦ ᑲᑎᒪᔩᑦ ᑐᑭᒧᐊᕈᑎᖏᑦ ᐊᑐᐊᒐᐅᔪᑦ ᖃᓄᖅ ᒐᕙᒪᓕᕆᔨᒃᑯᑦ ᑲᑎᒪᔨᖏᑦ ᐱᓕᕆᐊᖃᕆᐊᖃᕐᓂᖏᓐᓂᒃ. ᓇᓗᓇᐃᔭᐃᖅᓯᓯᒪᔪᑦ ᖃᓄᐃᓕᐅᕈᑎᒃᓴᓂᒃ ᑲᒪᒋᔭᒃᓴᓂᓪᓗ ᐅᑯᓄᖓ ᒐᕙᒪᓕᕆᔨᒃᑯᑦ ᑲᑎᒪᔨᓄᑦ ᐊᒻᒪᓗ ᑐᒃᒧᐊᕈᑎᖃᖅᖢᑎᒃ ᑲᑎᒪᔨᒋᔭᖏᓐᓄᑦ.

ᑕᕐᕋᓕᐅᖅᓯᒪᔪᓂᒃ ᒐᕙᒪᓕᕆᔨᒃᑯᑦ ᑲᑎᒪᔾᔪᑎᕕᓂᖏᓐᓂᒃ ᐅᑯᐊ ᐃᖅᑲᓇᐃᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓂᒃ (WSCC) ᖃᐅᔨᒋᐊᕐᕕᒋᓗᒋᑦ ᐅᕙᓂ 1 (800) 661-7092, ᐅᕝᕙᓘᓐᓃᑦ ᖃᕋᓴᐅᔭᒃᑯᑦ.

ᐃᖅᑲᓇᐃᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᒐᕙᒪᓕᕆᓂᕐᒧᑦ ᑲᑎᒪᔩᑦ

ᔭᓂ ᐳᕉᔅ, ᐃᒃᓯᕙᐅᑕᖅ
ᔭᓂ ᐳᕉᔅ ᔭᓗᓇᐃᒥ ᓄᓇᖃᖅᓯᒪᔪᖅ ᐊᕙᑎᑦ (20) ᐊᕐᕌᒍ ᐅᖓᑖᓂᑦ ᐊᒻᒪᓗ ᐊᕕᒃᑐᖅᓯᒪᓂᒃᑯᑦ ᐊᐅᓚᑦᑎᔨᐅᓪᓗᓂ ᐅᑯᓂᖓ ᒥᑦᕗᐃᐊᔅᑦ ᓇᖕᒥᓂᕆᔭᐅᔪᓄᑦ ᐊᐅᓚᑦᑎᕕᒃᒥᑦ. ᔭᓂ ᑲᑎᒪᔨᐅᖃᑕᐅᓕᒪᔪᖅ ᐃᓚᖃᖅᖢᑎᒃ ᐅᑭᐅᕐᑕᖅᑐᕐᒥᑦ ᐊᑦᑕᓇᖅᑕᐃᓕᓂᕐᒧᑦ ᑲᑐᔾᔨᖃᑎᒌᓄᑦ ᓄᓇᑦᓯᐊᕐᒥ ᓇᖕᒥᓂᖅ ᐱᓕᕆᐊᓄᑦ ᑲᑎᒪᔨᓄᑦ ᐊᒻᒪᓗ ᓄᓇᑦᓯᐊᕐᒥ ᐳᓚᕋᖅᑐᓕᕆᓂᕐᒧᑦ. ᐃᓚᐅᓯᒪᖕᒥᔪᖅ ᐱᓕᕆᓂᕐᒧᑦ ᐸᕐᓇᐅᓯᐅᕐᓂᕐᒧᑦ ᑲᑐᔾᔨᖃᑎᒌᓂᒃ ᓄᓇᑦᓯᐊᕐᒥ ᒐᕙᒪᒃᑯᓐᓄᑦ, ᑖᒃᑯᐊᓗ ᐃᓚᐅᑎᑦᑎᓯᒪᓪᓗᑎᒃ ᓄᓇᖃᖅᑳᖅᑐᓂᒃ ᐳᓚᕋᖅᑐᓕᕆᓂᕐᒧᑦ ᖃᐅᔨᒪᓂᕐᒧᑦ ᑲᑎᒪᔨᓄᑦ, ᓇᖕᒥᓂ ᐱᓕᕆᐊᓄᑦ ᑲᑎᒪᔨᓄᑦ ᐊᒻᒪᓗ ᐆᒪᔪᓕᕆᓂᕐᒧᑦ ᒪᓕᒐᖅᓂᒃ ᐱᓕᕆᐊᖃᖃᑦᑕᖅᑐᓂᒃ.
ᔮᓇᑦ ᐱᑦᓯᐅᓛᖅ ᐳᕉᔅᑐ, ᓄᓇᕗᒻᒥ ᐱᓕᕆᔨᓄᑦ ᑭᒡᒐᖅᑐᐃᔨ
ᔮᓇᑦ ᓴᓇᐅᒐᓕᐅᖅᑎᐅᔪᖅ, ᐃᓅᖃᑎᒌᖕᓂᕐᒧᑦ ᐱᓕᕆᔨᐅᓪᓗᓂ ᐊᒻᒪ ᐊᕐᓇᓅᖓᔪᓂᒃ ᐊᒻᒪᓗ ᒪᐃᔭᒧᑦ ᑐᒡᓕᕆᔭᐅᓪᓗᓂ ᐃᖃᓗᐃᑦ ᓄᓇᓕᐸᐅᔭᖓᓂᒃ. ᐃᑲᔪᖃᑦᑕᒻᒪᕆᒃᑐᖅ ᐊᕐᕌᒍᓂᒃ 28-ᓂᒃ ᐱᓕᕆᓯᒪᓕᖅᖢᓂ ᓯᕗᓕᐅᖅᑎᐅᓂᒃᑯᑦ ᐊᒻᒪᓗ ᒐᕙᒪᓕᕆᓂᒃᑯᑦ ᐃᖅᑲᓇᐃᔮᖑᕙᒃᑐᓂᒃ, ᐊᒻᒪᓗ ᐊᑯᓂᕈᓗᒃ ᑭᒃᑯᓕᒫᓄᑦ ᐱᔨᑦᑎᕋᐅᑎᓕᕆᓂᕐᒧᑦ ᐃᖅᑲᓇᐃᔭᖅᑎᐅᓯᒪᓪᓗᓂ ᐊᒻᒪᓗ ᑕᒪᐃᓐᓄᑦ ᑮᓇᐅᔭᓕᐅᕋᓱᖕᓂᕐᒧᑦ ᐊᒻᒪ ᑮᓇᐅᔭᓕᐅᕋᓱᒐᑎᒃ ᑲᑎᒪᔨᓄᑦ. ᓂᕈᐊᕆᔭᐅᓚᐅᕐᓯᒪᔪᖅ ᑲᓇᑕᐅᑉ ᐊᖓᔪᖅᑳᒧᑦ ᐃᑲᔪᖅᑎᐅᕙᒃᓂᒃ ᐱᔨᑦᑎᕋᖅᑎᐅᓂᕐᒧᑦ ᐃᓕᓴᕆᔭᐅᔾᔪᑎᒥᒃ ᐊᒻᒪᓗ ᐸᐃᑉᐹᖅᑖᖅᓯᒪᓪᓗᓂ ᐱᒃᑯᒋᔭᐅᓯᒪᓂᕐᒥᒃ ᐃᑲᔪᖃᑦᑕᖅᓯᒪᓂᕐᒧᑦ ᓄᓇᓕᐸᐅᔭᓂᒃ ᐃᖃᓗᖕᓂ ᐊᒻᒪᓗ ᐃᖃᓗᖕᓂᑦ ᐃᓅᖕᓂ ᐃᒡᓗᓕᐅᖅᑎᐅᕙᒃᑐᓂᒃ.
ᑳᑎ ᑲᑦᒧᐊ, ᓄᓇᑦᓯᐊᕐᒥ ᐃᖃᓇᐃᔭᖅᑎᖁᑎᓕᖕᓂᑦ ᑭᒡᒐᖅᑐᐃᔨ
​ᑳᑎ ᓄᓇᖃᖅᓯᒪᔪᖅ ᐅᑭᐅᕐᑕᖅᑐᕐᒥᑦ ᐊᕐᕌᒍᑦ 30 ᐅᖓᑖᓂᒃ. ᑳᑎ ᑮᓇᐅᔭᓕᕆᔨᐅᕙᒃᑐᖅ ᐱᓕᕆᖃᑎᖃᖅᓯᒪᓪᓗᓂ ᐃᒻᒥᒃᑰᖓᔪᓂᒃ, ᑯᐊᐳᕇᓴᓂᒃ, ᐊᒻᒪᓗ ᓄᓇᑦᓯᐊᕐᒥ ᒐᕙᒪᒃᑯᓐᓂᒃ ᐊᒻᒪᓗ ᒐᕙᒪᒃᑯᓐᓄᑦ ᐱᓕᕆᕝᕕᐅᔪᓂᒃ. ᐊᖓᔪᖅᑳᖑᓯᒪᔪᖅ ᑮᓇᐅᔭᓕᕆᔨᒻᒪᕆᖕᓄᑦ ᑲᑐᔾᔨᖃᑎᒌᓄᑦ ᓄᓇᑦᓯᐊᕐᒥᒃ ᐊᒻᒪ ᓄᓇᕗᒥᑦ, ᑐᑭᒧᐊᖅᑎᑦᑎᔨᐅᓪᓗᓂ ᐃᒃᓯᕙᐅᑕᕆᔭᐅᓪᓗᓂᓗ ᐊᑐᖅᑐᕕᓂᓕᕆᓂᕐᒧᑦ ᑲᑎᒪᔨᓄᑦ ᐅᑯᓂᖓ ᑎᑕᓐ ᓲ ᑯᐊᐳᕇᓴᓐᑯᓐᓄᑦ, ᐊᒻᒪᓗ ᐱᓕᕆᖃᑎᖃᓚᐅᖅᓯᒪᓪᓗᓂ ᐄᕗᕆ ᑰᐳ ᐊᒻᒪ ᑲᒻᐸᓂ ᓄᖅᑲᕐᓂᑰᓪᓗᓂ ᐊᕐᕌᒍᓂ 26-ᓂ ᑖᒃᑯᓴᓃᓚᐅᖅᖢᓂ.
ᔫᓴᕝ ᐅᕼᐆᑲᓐᓄᐊᖅ, ᓄᓇᕗᒻᒥ ᐃᓄᓕᒫᓂ ᐱᔪᒪᔭᐅᔪᓄᑦ ᑭᒡᒐᖅᑐᐃᔨ
ᔫᓴᕝ ᓄᓇᖃᖅᑐᖅ ᐃᖅᑲᓇᐃᔭᖅᖢᓂᓗ ᐃᖃᓗᒃᑑᑦᑎᐊᖅ, ᓄᓇᕗᒥᑦ ᐊᒻᒪᓗ ᖃᖓᑦᑎᐊᓵᖅ ᒪᐃᔭᐅᑉ ᑐᒡᓕᕆᓕᓚᐅᕐᓗᓂᐅᒃ ᐃᖃᓗᒃᑑᑦᑎᐊᕐᒥ ᕼᐋᒻᒪᓚᒃᑯᑦ ᑲᑎᒪᔨᖏᓐᓄᑦ. ᔫᓴᕝ ᐃᓚᒋᔭᐅᓯᒪᔪᖅ ᐅᓄᕈᓘᔭᖅᑐᓂᒃ ᐱᕙᓪᓕᐊᒍᑎᐅᔪᓂᒃ ᓄᓇᕗᒥᑦ ᐃᓚᖃᖅᖢᓂ ᐃᖅᑲᓇᐃᔭᖅᓯᒪᓪᓗᓂ ᓄᓇᕗᒻᒥ ᐸᕐᓇᐃᔨᒃᑯᓐᓄᑦ 1996-ᒥ 2001-ᒧ, ᐊᒻᒪᓗ ᒪᕐᕈᐃᖅᖢᓂ ᒪᐃᔭᒧᑦ ᑐᒡᓕᕆᔭᐅᓯᒪᓪᓗᓂ ᐃᖃᓗᒃᑑᑦᑎᐊᓂᒃ, ᐊᒻᒪ ᐃᖅᑲᓇᐃᔭᖅᓯᒪᓪᓗᓂ ᐱᕙᓪᓕᐊᔪᓕᕆᔨᕐᓪᓗᓂ ᐊᒻᒪ ᐳᓚᕋᖅᑐᓕᕆᔨᐅᓪᓗᓂ ᐊᕕᒃᑐᖅᓯᒪᓂᒃᑯᑦ, ᐊᒻᒪᓗ ᐃᒃᓯᕙᐅᑕᐅᓯᒪᓪᓗᓂ ᓄᓇᕗᑦ ᓯᓚᑐᕐᓴᖅᕕᒃᒧᑦ ᑲᑎᒪᔨᓄᑦ. 
ᐲᑕ ᒪᑮ, ᓄᓇᕗᒻᒥ ᐃᓄᓕᒫᓂ ᐱᔪᒪᔭᐅᔪᓄᑦ ᑭᒡᒐᖅᑐᐃᔨ
ᐲᑕ ᒪᑮ ᓄᓇᖃᖅᓯᒪᔪᖅ ᐊᒻᒪ ᐃᖅᑲᓇᐃᔭᖅᓯᒪᓪᓗᓂ ᓄᓇᕗᒥᑦ ᐊᕐᕌᒍᑦ 25 ᐅᖓᑖᓂᒃ, ᐊᒻᒪᓗ ᒫᓐᓇ ᐊᐅᓚᑦᑎᔨᐅᓪᓗᓂ ᐅᖅᓱᖅ ᑯᐊᐳᕇᓴᓐᑯᓐᓄᑦ. ᑭᖑᓂᑦᑎᓐᓂᓪᓕ, ᐱᓕᕆᐊᖃᕐᓯᒪᔪᖅ ᓄᓇᑦᓯᐊᕐᒥ ᐆᒻᒪᖅᑯᑎᓕᕆᔨᒃᑯᓐᓄᑦ, ᓄᓇᕗᒥᑦ ᐆᒻᒪᖅᑯᑎᓕᕆᔨᒃᑯᓐᓄᑦ, ᐊᒻᒪᓗ ᐊᖓᔪᖅᑳᖑᓚᐅᕐᓯᒪᓪᓗᓂ ᐊᐅᓚᑦᑎᔨᐅᓪᓗᓂᓗ ᒫᓐᓇᐸᓗᒃ ᓄᑖᙳᖅᑕᐅᓚᑉᓯᒪᔪᒥᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑯᐊᐳᕇᓴᓐᑯᓐᓄᑦ. ᐲᑕ ᐱᔨᑦᑎᕋᖅᓯᒪᖕᒥᔪᖅ ᑐᑭᒧᐊᖅᑎᑦᑎᔨᐅᓪᓗᓂ ᐊᒻᒪ ᐃᒃᓯᕙᐅᑕᐅᓪᓗᓂ ᐃᖅᑲᓇᐃᔮᓄᑦ ᐃᓕᓐᓂᐊᖅᑎᑦᑎᓂᕐᒧᑦ ᑲᑎᒪᔨᓄᑦ, ᐊᒻᒪᓗ ᑐᑭᒧᐊᖅᑎᑦᑎᔨᐅᓂᑰᓪᓗᓂ ᐃᖅᑲᓇᐃᔮᒃᓴᓕᕆᓂᕐᒧᑦ ᑲᓇᑕᒥ ᓄᓇᕗᒥᑦ.
ᐅᕇᓱᓪ ᒪᑯᕼᐅᓂᐅᒃ, ᓄᓇᑦᓯᐊᕐᒥ ᐱᓕᕆᔨᓄᑦ ᑭᒡᒐᖅᑐᐃᔨ
ᐅᕇᓱᓪ ᔭᓗᓇᐃᒥᐅᑕᐅᓕᖅᑐᖅ ᐊᕐᕌᒍ ᖁᓕᑦ ᐅᖓᑖᓂᒃ. ᓇᖕᒥᓂᖃᖅᑎᐅᔪᖅ ᐃᖅᑲᓇᐃᔭᖅᑎᑐᐊᖑᓪᓗᓂᓗ ᐅᕋᒪᑯ ᐃᒡᓗᓕᐅᖅᑎᓄᑦ. ᕿᔪᓕᕆᓂᕐᒧᑦ ᐸᐃᑉᐹᖅᑖᓚᐅᖅᓯᒪᔪᖅ ᐊᒻᒪ ᐊᐅᐸᖅᑐᒥ ᓇᓗᓇᐃᒃᑯᑎᓕᖕᒥ ᐱᔪᓐᓇᐅᑎᖃᕈᑎᒥᒃ ᓄᓇᑦᓯᐊᕐᒥᒃ ᐊᒻᒪᓗ ᐱᓯᒪᓪᓗᓂ ᐊᕐᕌᒍ ᖁᓕᑦ ᐅᖓᑖᓂᒃ ᐃᖅᑲᓇᐃᔭᓕᒪᓂᕐᒧᑦ ᐅᓗᕆᐊᓇᖅᑐᓂᒃ ᐅᑯᓄᖓ ᑲᑎᒪᔨᓄᑦ. ᐅᕇᓱᓪ ᐃᓚᐅᖃᑕᐅᓯᒪᔪᖅ ᒋᐅᑦ ᓴᓇᐅᒐᓕᕆᓂᕐᒧᑦ ᑲᑎᒪᔨᓄᑦ ᐊᕐᕌᒎᓕᖅᑐᓂᒃ ᑕᓪᓕᒪᓂᒃ, ᐊᖑᔪᖅᑳᖑᓯᒪᓪᓗᓂ ᐊᕐᕌᒍᓂ ᐱᖓᓱᓂᒃ.
ᐅᕌᐳᑦ ᕗᐃᐊᑭᓐᔅ, ᓄᓇᑦᓯᐊᕐᒥ ᐃᖃᓇᐃᔭᖅᑎᖁᑎᓕᖕᓂᑦ ᑭᒡᒐᖅᑐᐃᔨ
ᕼᐃ ᕆᕗᒥ ᓄᓇᖃᖅᖢᓂ ᐊᕐᕌᒍ ᖁᓕᑦ ᐅᖓᑖᓂᒃ, ᐅᕌᐳᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪ ᐱᕐᕈᓗᐊᖅᑭᑦᑕᐃᓕᓂᕐᒧᑦ ᐱᓕᕆᔨᐅᔪᖅ ᐅᑯᓄᖓ ᐊᕉᕋ ᐱᓕᕆᖃᑎᒌᑦ ᑲᒻᒪᓂᐅᔪᓂᒃ. ᑭᖑᓂᑦᑎᓐᓂᑦ, ᐱᓕᕆᓯᒪᔪᖅ ᓄᓇᑦᓯᐊᕐᒥ ᒐᕙᒪᒃᑯᓐᓄᑦ, ᕗᐊᑭᓖᓐ ᓄᐊᑕᓐ ᓂᐅᕐᕈᑎᖃᖅᑎᓄᑦ, ᐊᒻᒪᓗ ᓄᐊᑦ ᕕᐊᔅ ᑲᒻᐸᓂᑯᓐᓄᑦ. ᐅᕌᐳᑦ ᐱᔨᑦᑎᕋᖅᓯᒪᔪᖅ ᑲᑎᒪᔨᓂᒃ ᐅᑭᐅᕐᑕᖅᑐᕐᒥ ᐱᕐᕈᓗᐊᖅᑭᑦᑕᐃᓕᓂᕐᒧᑦ ᑲᑐᔾᔨᖃᑎᒌᓄᑦ ᐊᒻᒪᓗ ᒫᓐᓇ ᐃᓚᒋᔭᐅᓪᓗᓂ ᑲᓇᑕᐅᑉ ᓯᒡᔭᖏᓐᓂᒃ ᓴᐳᓐᓂᐊᖅᑎᒃᑯᑦ ᐱᓕᕆᔨᖏᓐᓄᑦ, ᐊᒻᒪᓗ ᖃᐅᔨᓴᖃᑦᑕᖅᑐᓂᒃ ᐅᑭᐅᖅᑕᖅᑐᕐᒥ ᐅᓇᑕᖅᑐᒃᓴᙳᐊᓂᒃ ᐅᑯᓇᓂ ᑲᓇᑕᒥ ᐅᓇᑕᖅᑐᒃᓴᙳᐊᓂᒃ 1CRPG.

ᐱᓕᕆᕝᕕᐅᔪᒧᑦ ᓇᓗᓇᐃᔭᐅᑎ

ᐃᖅᑲᓇᐃᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄ (WSCC) ᓄᓇᑦᓯᐊᕐᒥᑦ ᐊᒻᒪ ᓄᓇᕗᒥᑦ ᑲᑐᔾᔨᖃᑎᒌᓄᑦ ᐋᖅᑭᒃᓯᒪᔪᖅ

WSCC Org Chart