ᓄᕙᒡᔪᐊᕐᓇᖅ-19 (COVID-19) ᓄᑖᖑᓛᖅ ᑐᓴᒐᒃᓴᖅ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᔭᓗᓇᐃᒥ ᐊᒻᒪ ᐃᓄᕕᒃᒥᑦ ᑎᑎᕋᕐᕕᖏᑦ ᒪᑐᐃᖓᓕᕐᑐᑦ ᑭᒃᑯᓕᒫᓄᑦ. ᑎᑎᕋᕐᕕᒃᐳᑦ ᐃᖃᓗᖕᓂ ᒫᓐᓇ ᒪᑐᓯᒪᖕᒪᑦ ᑭᒃᑯᓕᒫᓄᑦ ᐊᒻᒪᓗ ᐃᖅᑲᓇᐃᔭᖅᑎᕗᑦ ᐃᖅᑲᓇᐃᔭᖅᖢᑎᒃ ᐊᖏᕐᕋᖏᓐᓂᒃ. ᐱᔨᑦᑎᕋᐅᑎᕗᑦ ᐊᑐᐃᓐᓇᐅᔪᑦ ᓱᓕ ᖃᕋᓴᐅᔭᒃᑯᑦ ᐊᒻᒪ ᐅᖄᓚᐅᑎᑎᒍᑦ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᐊᑭᓕᖅᓱᖅᑕᐅᔭᕆᐊᓖᑦ ᓇᓗᓇᐃᕐᓗᒋᑦ

ᐊᑭᓕᖅᓱᖅᑕᐅᔭᕆᐊᓖᑦ ᓇᓗᓇᐃᕐᓗᒋᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒪᓂᑦ ᖃᐅᔨᓴᖅᑎᒃᑯᑦ ᐃᖅᑲᓇᐃᔭᖅᑎᓂᒃ ᐅᖃᐅᓯᖃᖃᑦᑕᖁᔨᕗᑦ ᐊᑭᓕᖅᓱᖅᑕᐅᔭᕆᐊᓖᑦ ᖃᔅᓯᓕᐅᓚᐅᕐᒪᖔᑕ ᐊᒻᒪ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᒻᒪ ᐊᑦᑕᓇᔾᔭᐃᖅᓯᒪᓂᕐᒧᑦ ᑐᑭᓯᒋᐊᕈᑎᓂᑦ ᐊᕐᕌᒍᑕᒫᑦ.

ᐊᑕᖏᖅᖢᒋᑦ ᐃᖅᑲᓇᐃᔭᕐᕖᑦ ᐅᓂᒃᑳᖃᑦᑕᕆᐊᓖᑦ ᖃᐅᔨᓴᖅᑕᐅᔾᔪᑎᒧᑦ ᐊᑭᓖᖃᑦᑕᕐᓂᖏᓐᓄᑦ ᐃᖅᑲᓇᐃᔭᖅᑎᑦ ᐃᑲᕐᕋᖏᓐᓄᑦ ᑖᒃᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ. ᐃᖅᑲᓇᐃᔭᕐᕕᐅᑉ ᖃᐅᔨᓴᖅᑕᐅᔭᕆᐊᓖᑦ ᐊᑭᓖᔾᔪᑎᖏᑦ ᐊᑐᖅᑕᐅᓲᑦ ᖃᐅᔨᔭᐅᓇᓱᐊᖅᑎᓪᓗᒋᑦ ᐃᖅᑲᓇᐃᔭᕐᕕᐅᑉ ᐊᕐᕌᒍᑕᒫᑦ ᖃᐅᔨᓴᖅᑕᐅᔾᔪᑎᖏᓐᓄᑦ. ᒪᑐᕝᕕᖓ ᐅᓪᓗᖅ ᑐᓂᓯᓂᐊᕐᓗᑎᒃ ᐊᕐᕌᒍᑕᒫᑦ ᐊᑭᓖᖃᑦᑕᕐᓂᖏᓐᓄᑦ ᐃᖅᑲᓇᐃᔭᖅᑎᑦ ᐃᑲᕐᕋᖏᓐᓄᑦ ᐅᓇᐅᔪᖅ ᕖᕝᕗᐊᕆ 28, ᐊᕐᕌᒍᑕᒫᑦ. ᑕᑕᑎᕆᐊᓖᑦ ᓇᒃᓯᐅᔾᔭᐅᖃᑦᑕᖅᑐᑦ ᐊᑕᖏᖅᖢᒋᑦ ᐃᖅᑲᓇᐃᔭᕐᕕᖕᓄᑦ ᑎᑭᓚᐅᖅᑳᖅᑎᓐᓇᒍ ᐊᕐᕌᒍᑕᒫᑦ ᐊᑭᓖᖃᑦᑕᕐᓂᖏᓐᓄᑦ ᐃᖅᑲᓇᐃᔭᖅᑎᑦ ᐃᑲᕐᕋᖏᓐᓄᑦ ᐅᓪᓗᖅ ᒪᑐᕝᕕᒃᓴᖓ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑐᓕᖅᑎᑦᑎᓲᑦ ᓱᒋᐊᖅᑕᐅᔾᔪᑎᒥᒃ ᐃᖅᑲᓇᐃᔭᕐᕕᖕᒧᑦ ᑐᓂᓯᓐᓂᙱᒃᑳᖓᑕ ᐊᕐᕌᒍᑕᒫᑦ ᐊᑭᓖᖃᑦᑕᕐᓂᖏᓐᓄᑦ ᐃᖅᑲᓇᐃᔭᖅᑎᑦ ᐃᑲᕐᕋᖏᓐᓄᑦ ᐅᓂᒃᑳᓂᑦ ᐅᓪᓗᖅ ᕖᕝᕗᐊᕆ 28 ᖄᖏᖅᓯᒪᓕᕌᖓᑦ. ᑎᑭᑕᐅᓐᓂᙱᒃᑯᕕᑦ ᑕᑕᑎᕆᐊᓕᖕᓂᒃ ᑎᑭᖅᑳᖅᑎᓐᓇᒍ ᒪᑐᕝᕕᖓ, ᐅᖃᖃᑎᒋᑲᐅᑎᒋᒃᑭᑦ ᖃᐅᔨᓴᕐᓂᕐᓄᑦ ᑭᒡᒐᖅᑐᐃᔩᑦ ᐊᔾᔨᖓᓂᒃ ᐱᔪᒪᓗᑎᑦ.

ᑐᓂᓗᒋᑦ ᐊᕐᕌᒍᑕᒫᑦ ᐊᑭᓖᖃᑦᑕᕐᓂᖏᓐᓄᑦ ᐃᖅᑲᓇᐃᔭᖅᑎᑦ ᐃᑲᕐᕋᖏᓐᓄᑦ ᐅᓂᒃᑳᓕᐊᓄ, ᐅᐸᒡᓗᒍ WSCC Connect ᐊᒻᒪᓗ ᐊᑭᓖᖃᑦᑕᕐᓂᖏᓐᓄᑦ ᐃᖅᑲᓇᐃᔭᖅᑎᑦ ᐃᑲᕐᕋᖏᓐᓄᑦ ᓇᕿᓪᓗᒍ, ᐅᓂᒃᑳᖅ ᐅᕝᕙᓘᓐᓃᑦ ᐋᖅᑭᒋᐊᖅᓯᒪᔪᑦ ᐊᑭᓖᖃᑦᑕᕐᓂᖏᓐᓄᑦ ᐃᖅᑲᓇᐃᔭᖅᑎᑦ ᐃᑲᕐᕋᖏᓐᓄᑦ. ᐋᖅᑭᒃᓯᒪᔪᒥᒃ WSCC Connect ᐊᑐᕐᓂᕐᒧᑦ ᐊᑐᕈᓐᓇᐅᑎ (ᐃᓚᐅᓪᓗᑎᒃ ᑮᓇᐅᔭᕆᓕᔾᔪᑏᑦ), ᑐᓂᔪᓐᓇᖅᑕᑎᑦ ᐅᓂᒃᑳᑦ ᐊᑐᕐᓗᒋᑦ ᓱᒃᑲᓂᖅᓴᓂᒃ ᑎᑎᖅᑲᓂᒃ ᐅᓂᒃᑳᓕᐅᕈᑎ. ᐱᓯᒪᔭᕆᐊᖃᖅᑕᑎᑦ ᑐᓴᐅᒪᔾᔪᑏᑦ ᓇᓂᔭᐅᔪᓐᓇᖅᑐᑦ ᐊᕐᕌᒍᑕᒫᑦ ᐊᑭᓖᖃᑦᑕᕐᓂᖏᓐᓄᑦ ᐃᖅᑲᓇᐃᔭᖅᑎᑦ ᐃᑲᕐᕋᖏᓐᓄᑦ ᐅᓂᒃᑳᓄᑦ ᑎᑎᖅᑲᑦ ᓇᒃᓯᐅᔾᔭᐅᓂᐊᖅᑐᓂᑦ.

ᐃᑲᔪᖅᑕᐅᔪᒪᒍᕕᑦ ᑎᓂᓯᓂᕐᒧᑦ ᐊᕐᕌᒍᑕᒫᑦ ᐊᑭᓖᖃᑦᑕᕐᓂᖏᓐᓄᑦ ᐃᖅᑲᓇᐃᔭᖅᑎᑦ ᐃᑲᕐᕋᖏᓐᓄᑦ ᐊᑐᕐᓗᒍ ᓱᒃᑲᓕᓂᖅᓴᐃᑦ ᐊᑭᓖᖃᑦᑕᕐᓂᖏᓐᓄᑦ ᐃᖅᑲᓇᐃᔭᖅᑎᑦ ᐃᑲᕐᕋᖏᓐᓄᑦ ᐅᓂᒃᑳᓕᐊᑦ ᖃᕆᑕᐅᔭᒃᑯᑦ, ᐊᑏ ᑕᑯᔭᖅᑐᕐᓗᒍ ᖃᓄᖅ ᑐᓂᓯᔪᓐᓇᖅᐳᖓ ᐊᑭᓖᖃᑦᑕᕐᓂᖏᓐᓄᑦ ᐃᖅᑲᓇᐃᔭᖅᑎᑦ ᐃᑲᕐᕋᖏᓐᓄᑦ ᐅᓂᒃᑳᓕᐊᑦ (APR) ᐊᑐᕐᓗᒍ ᓱᒃᑲᓕᓂᖅᓴᐃᑦ ᐊᑭᓖᖃᑦᑕᕐᓂᖏᓐᓄᑦ ᐃᖅᑲᓇᐃᔭᖅᑎᑦ ᐃᑲᕐᕋᖏᓐᓄᑦ ᐅᓂᒃᑳᓕᐊᑦ? ᒪᓕᒃᐸᓪᓕᐊᓗᒋᑦ ᒪᓕᒋᐊᓕᖕᓄᑦ.

ᐃᑲᔪᖅᑕᐅᔪᒪᒍᕕᑦ ᑐᓂᓯᓂᐊᖅᑎᓪᓗᑎᑦ ᐊᕐᕌᒍᑕᒫᑦ ᐊᑭᓖᖃᑦᑕᕐᓂᖏᓐᓄᑦ ᐃᖅᑲᓇᐃᔭᖅᑎᑦ ᐃᑲᕐᕋᖏᓐᓄᑦ ᐅᓂᒃᑳᓕᐊᑦ ᐊᑐᕐᓗᑎᒃ ᓱᒃᑲᓕᓂᖅᓴᒃᑯᑦ ᑎᑎᕋᖅᑕᐅᑎᑦᑎᓂᖅ ᐅᓂᒃᑳᓕᐊᓂᒃ ᖃᕆᑕᐅᔭᒃᑯᑦ, ᐊᑏᑦ ᑕᑯᔭᖅᑐᕐᓗᒍ ᖃᓄᖅ ᑐᓂᓯᔪᓐᓇᖅᐳᖓ ᐊᑭᓖᖃᑦᑕᕐᓂᖏᓐᓄᑦ ᐃᖅᑲᓇᐃᔭᖅᑎᑦ ᐃᑲᕐᕋᖏᓐᓄᑦ ᐅᓂᒃᑳᓕᐊᑦ (APR) ᐊᑐᕐᓗᒍ ᓱᒃᑲᓕᓂᖅᓴᐃᑦ ᑎᑎᕋᖅᑕᐅᑎᑦᑎᔾᔪᑏᑦ? ᒪᓕᒃᐸᓪᓕᐊᓗᒋᑦ ᒪᓕᒋᐊᓕᖕᓄᑦ

WSCC Connect ᐊᑐᖃᑦᑕᖅᑐᑦ ᖃᐅᔨᒋᐊᕐᕕᖃᕆᐊᓖᑦ ᐃᓄᒻᒥᑦ ᐊᐅᓚᑦᑎᔪᒥᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐃᕝᕕᑦ ᑎᒥᒋᔭᖓᓂᑦ (ᐅᕝᕙᓘᓐᓃᑦ ᑎᒥᐅᔪᖅ ᑎᑎᕋᐅᑎᒋᔭᕐᓄᑦ) ᐱᑕᖃᖅᑎᑦᑎᓗᓂ ᐃᓕᓐᓄᑦ ᐄ/ᐋᒡᒐ ᑭᐅᔾᔪᑎᓂᑦ OHS ᐊᐱᖅᑯᑎᓄᑦ ᐱᒋᐊᓚᐅᖅᑎᓐᓇᒍ ᑎᑎᕋᖅᑕᐅᕙᓪᓕᐊᓂᖓ. ᑕᑯᓇᖅᑳᕈᒪᒍᖕᓂ ᐊᐱᖅᑯᑎ ᑕᑯᒋᐊᕐᓗᒋᑦ ᐊᑭᓖᖃᑦᑕᕐᓂᖏᓐᓄᑦ ᐃᖅᑲᓇᐃᔭᖅᑎᑦ ᐃᑲᕐᕋᖏᓐᓄᑦ ᐅᓂᒃᑳᓕᐊᑦ ᒪᓕᒃᑕᐅᔪᓐᓇᖅᑐᑦ ᑕᑕᑎᕆᓂᐊᖅᑎᓪᓗᑎᑦ. ᐃᓕᑦᑎᒃᑲᓐᓂᕈᒪᒍᕕᑦ ᖃᓄᖅ ᑎᑎᕋᕈᓐᓇᕐᒪᖔᖅᐱᐅᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᐊᑦ, ᑕᑯᓗᒋᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑎᑎᕋᖅᓯᒪᔪᑦ ᖃᕆᑕᐅᔭᒃᑯᑦ ᐃᑭᐊᖅᑭᕕᑦᑎᓐᓂᑦ, ᐊᒻᒪᓗ ᐃᓱᐊᓂᑦ ᑎᑎᕋᖅᓯᒪᔫᐃᑦ ᐊᕕᒃᑐᖅᓯᒪᔪᑦ, ᒪᓕᒃᑕᐅᔪᓐᓇᖅᑐᖅ ᑎᑎᕋᖅᓯᓂᖅ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᐊᓂᒃ.

ᐊᑭᓖᖃᑦᑕᕐᓂᖏᓐᓄᑦ ᐃᖅᑲᓇᐃᔭᖅᑎᑦ ᐃᑲᕐᕋᖏᓐᓄᑦ ᐋᖅᑭᒋᐊᕈᑎᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑐᖃᑦᑕᖅᑐᑦ ᒥᒃᓴᐅᓴᒃᓯᒪᔪᓂᒃ ᐊᑭᓖᖃᑦᑕᕐᓂᖏᓐᓄᑦ ᐃᖅᑲᓇᐃᔭᖅᑎᑦ ᐃᑲᕐᕋᖏᓐᓄᑦ ᓇᐃᓴᐅᑎᓂᒃ ᑐᓂᔭᐅᔪᑦ ᐃᖅᑲᓇᐃᔭᕐᕕᖕᓂᑦ ᓇᐃᓴᐃᖁᓪᓗᒋᑦ ᐊᑭᖓᓂᒃ ᖃᐅᔨᓴᖅᑕᐅᔫᑉ ᐃᖅᑲᓇᐃᔭᕐᕖᑦ ᐊᑭᓕᕆᐊᖃᕐᓂᐊᖅᑕᖓᓂᒃ ᐊᕐᕌᒍᒥᑦ ᐊᑐᖅᑐᒥᑦ. ᑖᓐᓇ ᒥᒃᓴᐅᓴᒃᓯᒪᔪᖅ ᐋᖅᑭᒋᐊᖅᑐᐅᔪᓐᓇᖅᑐᑦ ᖃᖓᑐᐃᓐᓇᕐ ᐊᕐᕌᒎᑉ ᐃᓗᐊᓂᑦ ᐃᖅᑲᓇᐃᔭᕐᕕᐅᔪᖅ ᐅᔾᔨᕈᓱᓕᕈᓂ ᑕᒻᒪᖅᓯᒪᓂᖓᓂᒃ.

ᐃᖅᑲᓇᐃᔭᕐᕖᑦ ᐅᓂᒃᑳᕈᓐᓇᖅᑐᑦ ᐊᑐᓪᓚᑦᑖᖅᓯᒪᔪᓂᒃ ᐊᑭᓖᖃᑦᑕᕐᓂᖏᓐᓄᑦ ᐃᖅᑲᓇᐃᔭᖅᑎᑦ ᐃᑲᕐᕋᖏᓐᓄᑦ ᓇᐃᓴᐅᑎᓂᒃ, ᖃᓄᐃᓐᓂᖅᓴᐅᖕᒪᖔᑦ ᒥᒃᓴᐅᓴᒃᑕᐅᓯᒪᔪᑦ ᐊᒻᒪᓗ ᐊᑐᓪᓚᑦᑖᖅᓯᒪᔪᑦ ᐊᔾᔨᒌᙱᓐᓂᖏᓐᓂᒃ. ᓱᒋᐊᖅᑕᐅᓂᖅ ᐊᑭᓕᒃᓴᓕᐊᖑᓲᖅ ᐃᖅᑲᓇᐃᔭᕐᕖᑦ ᑐᖓᐅᑦᑎᓗᐊᕌᖓᑕ ᐊᑐᓪᓚᑦᑖᖅᓯᒪᔪᓂᒃ ᐊᑭᓖᖃᑦᑕᕐᓂᖏᓐᓄᑦ ᐃᖅᑲᓇᐃᔭᖅᑎᑦ ᐃᑲᕐᕋᖏᓐᓄᑦ ᑖᒃᑯᓄᖓ ᐊᑐᓪᓚᑦᑖᖅᓯᒪᔪᓄᑦ ᐊᑭᓖᖃᑦᑕᕐᓂᖏᓐᓄᑦ ᐃᖅᑲᓇᐃᔭᖅᑎᑦ ᐃᑲᕐᕋᖏᓐᓄᑦ 25%−ᓗᐊᒥᒃ ᐅᕝᕙᓘᓐᓃᑦ ᐅᖓᑖᓄᑦ.

ᐋᖅᑭᒋᐊᖅᑕᐅᖁᔨᒍᕕᑦ ᐊᑭᓖᖃᑦᑕᖅᑕᕐᓄᑦ ᐃᖅᑲᓇᐃᔭᖅᑎᕕᑦ ᐃᑲᕐᕋᖏᓐᓄᑦ ᑖᒃᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ, ᐅᐸᒡᓗᒍ WSCC Connect ᐊᒻᒪᓗ ᐅᓂᒃᑳᓄᑦ ᐅᕝᕙᓘᓐᓃᑦ ᐋᖅᑭᒋᐊᖅᓯᓂᕐᒧᑦ ᐊᑭᓖᖃᑦᑕᕐᓂᖏᓐᓄᑦ ᐃᖅᑲᓇᐃᔭᖅᑎᑦ ᐃᑲᕐᕋᖏᓐᓄᑦ ᐊᑖᓂᑦ ᐃᖅᑲᓇᐃᔭᕐᕖᑦ ᖃᕆᑕᐅᔭᒃᑯᑦ−ᐱᔨᑦᑎᕋᖅᑕᐅᔾᔪᑎᒥᑦ. ᐃᑲᔪᖅᑕᐅᔪᒪᒍᕕᑦ ᑐᓂᓯᓂᐊᖅᑎᓪᓗᑎᑦ ᐊᑭᓖᖃᑦᑕᕐᓂᖏᓐᓄᑦ ᐃᖅᑲᓇᐃᔭᖅᑎᑦ ᐃᑲᕐᕋᖏᓐᓄᑦ ᐋᖅᑭᒋᐊᕈᑎᓄᑦ, ᐊᑏ ᑕᑯᔭᖅᑐᕐᓗᒍ ᖃᓄᖅ ᓄᑖᙳᕆᐊᕐᓂᐊᕋᒃᑯ ᐊᑭᓖᖃᑦᑕᕐᓂᖏᓐᓄᑦ ᐃᖅᑲᓇᐃᔭᖅᑎᑦ ᐃᑲᕐᕋᖏᓐᓄᑦ (ᐋᖅᑭᒋᐊᕐᓗᒍ ᐊᑭᓖᖃᑦᑕᖅᑕᓐᓄᑦ ᐃᖅᑲᓇᐃᔭᖅᑎᓐᓄᑦ ᐃᑲᕐᕋᖏᓐᓄᑦ)? ᒪᓕᒃᐸᓪᓕᐊᓗᒋᑦ ᒪᓕᒋᐊᓕᖕᓄᑦ

ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᒥᑦ

ᐃᖅᑲᓇᐃᔭᖅᑎᒧᑦ ᐋᓐᓂᖅᑐᖅᓯᐅᑎᓕᕆᔨᒃᑯᑦ ᒪᓕᒐᖅ ᑕᐃᑲᓂ ᓄᓇᑦᑎᐊᒥᑦ ᐊᒻᒪᓗ ᓄᓇᕘᒥᑦ ᐃᒪᐃᑦᑐᓐᓇᖅᑎᑦᑎᖕᒪᑦ ᐊᔪᙱᑎᑦᑎᓪᓗᓂ ᐃᓚᖏᓐᓂᒃ ᐃᓄᖕᓂᒃ ᐃᓱᒪᒋᔭᐅᙱᑦᑐᓂᒃ ᐃᖅᑲᓇᐃᔭᖅᑎᐅᓂᖏᓐᓂᒃ ᐆᒃᑐᖁᔭᐅᓪᓗᑎᒃ ᓇᓪᓕᐅᑯᒫᖃᕐᓂᕐᒧᑦ. ᑖᓐᓇ ᐃᓄᒃ ᓇᓪᓕᐅᒃᑯᒫᖃᓯᑲᐅᑎᒋᔪᓐᓇᙱᑦᑐᖅ ᐊᑭᓕᖅᑕᐅᓗᓂ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓂᑦ ᐅᑯᐊᖑᔪᑦ ᑐᑭᒧᐊᒃᑎᑦᑎᔨ ᑯᐊᐳᕇᓴᒥᑦ, ᓇᖕᒥᓂᖃᖅᑎ ᐃᖅᑲᓇᐃᔭᖅᑎᖃᕐᓗᑎ, ᐅᕝᕙᓘᓐᓃᑦ ᐃᒻᒥᓂᒃ ᐃᖅᑲᓇᐃᔭᖅᑎᒋᓗᓂ ᐃᖅᑲᓇᐃᔭᖅᑎᖃᑎᓪᓗᓂ.

ᐆᒃᑐᕈᒪᒃᐸᑕ ᐃᒻᒥᒧᑦ ᓇᓪᓕᐅᒃᑯᒫᓕᖅᑕᐅᓗᓂ ᐊᑐᕈᓐᓇᖅᑐᒥᒃ ᐃᖅᑲᓇᐃᔭᕐᕕᐅᑉ ᐊᑐᕈᓐᓇᐅᑎᖓᓂᒃ, ᐆᒃᑐᖅᑐᑦ ᐱᐊᓂᒃᓯᔭᕆᐊᓖᑦ ᑐᒃᓯᕋᐅᑎᒥᒃ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᕐᒥᑦ ᑕᑕᑎᕆᐊᓕᖕᒥᒃ. ᐆᒃᑐᖅᑐᑦ ᑐᒃᓯᕋᕆᐊᖃᖅᑐᑦ ᓇᓪᓕᐅᒃᑯᒫᓕᖅᑕᐅᓗᑎᒃ ᒥᑭᓛᒥᒃ ᐊᑕᐅᓯᕐᒧᑦ ᑕᖅᑭᒧᑦ ᐊᒻᒪᓗ ᐊᖏᓛᖅ ᐊᑕᐅᓯᖅ ᑕᖅᑭᖅᓯᐅᑎᓖᑦ ᐊᕐᕌᒍᓕᒫᖅ. ᐃᒪᐃᒃᑲᓗᐊᖅᑎᓪᓗᒍ ᓇᓪᓕᐅᒃᑯᒫᖅᑖᕐᓂᖅ ᓂᕈᐊᖅᑕᐅᔪᓐᓇᖅᑐᖅ, ᐊᑭᖓ ᐆᒃᑐᖅᑑᑉ ᓂᕈᐊᕈᓐᓇᙱᑕᖓ. ᒥᑭᓛᖅ ᐊᑭᖓ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᕐᒥᑦ ᐊᑐᐃᓐᓇᐅᔪᖅ 37% ᑕᐃᑲᓂ ᐊᕐᕌᒍᑕᒫᑦ ᖁᑦᑎᓛᖓᓂ ᓇᓪᓕᐅᒃᑯᒫᓕᐅᖅᑕᐅᓂᕐᒧᑦ (YMIR). ᐊᖏᓛᖅ ᓇᓪᓕᐅᒃᑯᒫᖑᔪᓐᓇᖅᑐᖅ ᐊᑭᖓ ᐊᑐᐃᓐᓇᐅᔪᖅ ᑖᔅᓱᒧᖓ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᕐᒥᑦ ᐅᓇᐅᔪᖅ ᐊᕐᕌᒍᑕᒫᑦ ᖁᑦᑎᓛᖓᓂ ᓇᓪᓕᐅᒃᑯᒫᓕᐅᖅᑕᐅᓂᕐᒧᑦ (YMIR).

2020 ᐊᕐᕌᒍᑕᒫᑦ ᖁᑦᑎᓛᖓᓂ ᓇᓪᓕᐅᒃᑯᒫᓕᐅᖅᑕᐅᓂᕐᒧᑦ (YMIR) ᐅᓇᐅᔪᖅ $94,500.

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᖏᖅᓯᓇᔭᙱᑦᑐᑦ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᕐᒥᑦ ᐆᒃᑐᖅᑑᑉ ᐊᑐᕈᓐᓇᐅᑎᖓ ᐊᑭᓕᒃᓴᐅᒍᓂ. ᑕᐃᒪᓕ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᕐᒥᑦ ᐊᖏᖅᑕᐅᒍᓂ, ᐆᒃᑐᖅᑐᖅ ᐃᓱᒪᒋᔭᐅᔪᓐᓇᖅᑐᖅ ᐃᖅᑲᓇᐃᔭᖅᑎᐅᓂᖓᓂᒃ ᐊᑕᖏᖅᖢᒋᑦ ᐊᒃᑐᐊᔪᑦ ᐱᔪᓐᓇᐅᑎᖏᑦ ᐊᒻᒪᓗ ᐱᓕᕆᐊᒃᓴᖏᑦ ᐊᑐᖅᖢᑎᒃ ᒪᓕᒐᕐᒥᒃ ᐊᑐᕐᓂᓗᒃᑖᖓᓄᑦ ᓇᓪᓕᐅᒃᑯᒫᒃᓴᖓᓂᒃ.

ᐆᒃᑐᖅᑐᑦ ᐊᑐᕈᓐᓇᖅᑐᒥᒃ ᐊᑐᕈᓐᓇᐅᑎᖃᙱᒃᑯᓂ ᑖᒃᑯᓇᓂ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓂᑦ, ᐊᑏ ᑕᑯᓗᒍ “ᑎᑎᕋᖅᑐᐃᑎᑦᑎᓂᖅ ᓇᖕᒥᓂᖁᑎᖕᓂᒃ” ᖃᓄᖅ ᑐᓂᓯᔪᓐᓇᕐᒪᖔᑦ ᑎᑎᕋᖅᑕᐅᔾᔪᑎᓂᒃ ᑖᒃᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ. ᐆᒃᑐᕐᓂᖅ ᐃᒻᒥᒧᑦ ᓇᓪᓕᐅᒃᑯᒫᒃᓴᒧᑦ ᐃᓚᐅᔪᖅ ᑕᐃᑲᓂ ᖃᕆᑕᐅᔭᒃᑯᑦ ᑎᑎᕋᖅᑕᐅᕙᓪᓕᐊᔾᔪᑎᓂᒃ ᒪᓕᒋᐊᓕᖕᓂᑦ.

ᑎᑎᕋᕐᕕᒃᓴᑦ

ᓇᖕᒥᓂᖅ ᐃᓕᖕᓄᑦ ᐊᑐᖅᑕᐅᖔᕈᓐᓇᖅᑐᑦ ᓇᓪᓕᐅᒃᑯᒫᒃᓴᓂᒃᓯᒪᕙᒌᕈᑎᓄᑦ ᐆᒃᑐᕈᑏᑦ

ᖃᐅᔨᒪᔾᔪᑎᑦ

ᐊᑐᐊᒐᐃᑦ ᑎᑎᕋᖅᑕᐅᓂᖏᓐᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᐊᖅ
ᐅᑯᐊ ᐊᑐᐊᒐᐃᑦ ᐃᑲᔪᖅᑐᑦ ᐃᖅᑲᓇᐃᔭᖅᑎᑦᑎᔪᓂᑦ ᖃᓄᖅ ᑎᑎᕋᖅᑕᐅᒋᐊᖏᑕ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᐊᖏᓐᓄᑦ.
ᒪᓕᒃᑕᒃᓴᖅ ᐱᔭᕇᖅᓯᓂᕐᒧᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᕐᒧᑦ
ᐅᓇ ᒪᓕᒃᑕᒃᓴᖅ ᐃᑲᔪᓲᖅ ᐃᖅᑲᓇᐃᔭᖅᑎᖁᑎᓕᖕᓂᒃ ᐱᔭᕇᖅᓯᓂᕐᒧᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᓐᓄᑦ ᐅᓂᒃᑳᓕᐅᕐᓂᕐᒥᑦ (APR) ᖃᕆᑕᐅᔭᒃᑯᑦ ᐅᕘᓇ... more
ᒪᓕᒋᐊᓕᒃ ᐱᐊᓂᒃᓯᔪᓐᓇᕐᓂᕐᒧᑦ ᐅᓂᒃᑳᓕᐅᕆᐊᓖᑦ ᑳᓐᑐᕌᒃᑎᓄᑦ
ᐅᓇ ᒪᓕᒃᑕᒃᓴᖅ ᐃᑲᔪᓲᖅ ᐃᖅᑲᓇᐃᔭᖅᑎᖁᑎᓕᖕᓂᒃ ᐱᔭᕇᖅᓯᓂᕐᒧᑦ ᑳᓐᑐᕌᒃᑎᐅᔪᑦ ᐅᓂᒃᑳᓕᐊᖓᓂ, ᖃᕆᑕᐅᔭᒃᑯᑦ ᐱᐊᓂᒃᑕᐅᓱᖅ ᐅᕘᓇ ... more