ᓄᕙᒡᔪᐊᕐᓇᖅ-19 (COVID-19) ᓄᑖᖑᓛᖅ ᑐᓴᒐᒃᓴᖅ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᐃᖃᓗᖕᓂᑦ ᐊᒻᒪ ᐃᓅᕕᒃᒥᑦ ᒪᑐᐃᖓᓕᕐᑐᑦ ᑭᒃᑯᑐᐃᓐᓇᕐᓄᑦ. ᔭᓗᓇᐃᒥ ᑎᑎᕋᕐᕕᒃ ᒪᑐᐃᒃᑲᓐᓂᓛᖅᑐᖅ ᐅᓗᕆᐊᓇᕈᓐᓃᖅᑎᑕᐅᓚᐅᕐᑎᓪᓗᒋᑦ ᑎᑎᕋᕐᕕᒃᓴᕆᓂᐊᕐᑕᕗᑦ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᖃᓄᐃᒻᒪᑦ ᐱᓇᓱᐊᕈᓯᕐᓂᒃ ᒪᕐᕉᖕᓂᒃ ᖃᐅᔨᓴᖅᑕᐅᒋᐊᖃᖅᐳᖓ, ᐃᑲᔫᓯᐊᖅᑖᖅᑎᓪᓗᖓ?

ᖃᓄᐃᑉᐸᓪᓕᐊᔪᓐᓃᖅᑎᓪᓗᒍ ᐃᖅᑲᓇᐃᔭᖅᑎᑦ ᖃᐅᔨᓴᖅᑕᐅᒋᐊᓕᒃ ᓘᒃᑖᕐᒥᓄᑦ ᐱᓇᓱᐊᕈᓯᑕᒫᖅ ᒪᕐᕉᒃ ᖃᖏᖅᑎᓪᓗᒍ. ᑖᓐᓇᓗ ᐃᖅᑲᓇᐃᔭᖅᑎᒧᑦ ᖃᐅᔨᓴᖅᑕᐅᖃᑦᑕᕐᓂᕆᔭᖓᑦ ᐃᓅᓕᓴᖅᑕᐅᑦᑎᐊᕋᓗᐊᕐᒪᖔᑦ. ᐊᖏᖅᑎᑦᑎᔨᔨᒧᑦ ᐊᒻᒪ/ᐅᕝᕙᓘᓐᓃᑦ ᑐᒃᓯᕋᐅᑎᒧᑦ ᑲᒪᔨᙵᓐᓄᑦ ᐃᑲᔪᕐᓂᖅᓴᒧᐊᕆᐊᖃᕐᓂᕈᓂ ᐊᓯᐊᒍᓪᓗ ᐋᓐᓂᐊᓲᖅᑎᒧᑦ ᑲᒪᒋᔭᐅᑦᑎᐊᕈᓐᓇᖁᓗᒍ.  

ᐋᓐᓂᐊᓲᖅᑎ ᖃᐅᔨᓴᕆᐊᖃᖅᐳᖅ ᐊᐅᓚᔪᓐᓇᕐᓂᕐᒧᑦ ᑕᑕᑎᒐᒃᓴᖅ ᐃᖅᑲᓇᐃᔭᖅᑎᑦ ᖃᐅᔨᓴᖅᑕᐅᑕᒫᖅ.  ᑐᒃᓯᕋᐅᑎᒧᑦ ᐊᐅᓚᑦᑎᔨ ᐅᕝᕙᓘᓐᓃᑦ ᐊᖏᖅᑎᑦᑎᔨ ᐅᖃᖃᑎᖃᐃᓐᓇᕆᐊᖃᖅᐳᖅ ᐃᖅᑲᓇᐃᔭᖅᑎᒧᑦ ᐃᖅᑲᓇᐃᔭᕈᓐᓇᖅᓯᖕᒪᖔᑦ ᐊᓯᔾᔨᕐᓗᑎᒡᓘᓐᓃᑦ ᐅᕝᕙᓘᓐᓃᑦ ᐱᔭᒃᓴᕆᓚᐅᖅᑕᖓᓄᑦ ᐅᑎᕈᓐᓇᕐᒪᖔᑦ ᖃᐅᔨᓴᖅᑕᐅᒋᐊᖃᖅᐳᖅ ᐊᐅᓚᓐᓇᕐᓂᕐᒧᑦ ᑕᑕᑎᖅᓯᒪᑎᓪᓗᒍ.  ᐃᖅᑲᓇᐃᔭᖅᑎᒧᑦ ᐊᐅᓚᔪᓐᓇᕐᓂᕐᒧᑦ ᑕᑕᑎᒐᒃᓴᖓᑦ ᓇᓗᓇᐃᖅᓯᓇᓱᐊᕆᐊᖃᓪᓚᕆᒃᐳᖅ ᖃᓄᐃᖏᒃᑲᓗᐊᕐᒪᖔᑕ ᐊᑦᑕᕐᓇᖏᓪᓗᓂᒡᓗ ᐱᔭᒃᓴᖏᑦ ᐊᓯᔾᔨᖅᐸᐅᒃᐸᑕ.