ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᔨᑦᑎᕋᐅᑎᖏᓐᓄᑦ ᓄᑖᖑᓛᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐃᖃᓗᖕᓂᑦ ᐊᒻᒪᓗ ᔭᓗᓇᐃᕝᒥᑦ ᒪᑐᓯᒪᔪᑦ ᓇᔫᑎᓗᑎᒃ ᐱᔨᑦᑎᕋᖅᑕᐅᔪᓐᓇᙱᑦᑐᑦ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐃᖅᑲᓇᐃᔭᖅᑎᖏᑦ ᐃᖅᑲᓇᐃᔭᖅᑐᑦ ᐊᖏᕐᕋᒥᖕᓂᒃ. ᐅᖄᓚᓗᑎᑦ 1 (800) 661-0792 ᑐᕌᖅᑎᑕᐅᓂᐊᖅᐳᑎᑦ ᐱᔨᑦᑎᕋᖅᑎᒧᑦ. ᐅᖃᐅᓯᕆᔭᕆᐊᓖᑦ ᐃᖅᑲᓇᐃᔭᕐᕕᖕᒥᑦ ᖃᓄᐃᕐᔪᐊᕐᓃᑦ, ᖃᕆᓴᐅᔭᒃᑯᑦ ᑕᑯᔭᖅᑐᕐᓗᒍ WSCC Connect.

ᐃᖅᑲᓇᐃᔭᕐᕕᖕᒥ ᐊᓐᓂᕈᕕᑦ, ᐱᓇᔫᑎᓕᕆᔾᔪᑎᒋᔭᐃᑦ ᐃᑲᔫᓯᐊᖅᑖᕆᓂᐊᖅᑕᕐᓂᒃ ᐋᖅᑭᒍᑕᐅᓂᐊᖅᐳᖅ. ᐅᑯᐊ ᐃᑲᔫᓯᐊᖅᑖᕐᓄᑦ ᐃᓚᒋᔭᐅᑐᐃᓐᓇᕆᐊᓖᑦ:

  • ᑐᓂᕐᕈᓯᐊᖅ ᑮᓇᐅᔾᔭᒃᓵᖏᓐᓄᑦ ᐱᔪᓐᓃᖅᑕᒥᓄᑦ ᖃᓄᐃᑦᑐᓐᓃᖅᐸᓪᓕᐊᑎᓪᓗᑎᑦ ᐃᖅᑲᓇᐃᔭᕐᕕᖕᒥ ᐋᓐᓂᕐᓂᖓᓄᑦ;
  • ᐋᓐᓂᐊᕕᖕᒥ ᑲᒪᒋᔭᐅᔾᔪᑎᖓᓄᑦ ᐊᓯᖏᓐᓂᒡᓗ ᑮᓇᐅᔭᐅᙱᑦᑐᑦ ᐃᑲᔫᓯᐊᑦ;
  • ᐊᔪᕈᑎᖃᐃᓐᓇᓕᕐᓂᕐᒧᑦ ᑐᓐᓂᖅᑯᑎᑦ, ᓲᕐᓗ ᐅᑎᖅᑐᒃᓴᓄᑦ ᐊᑭᓕᐅᑕᐅᕙᒃᑐᑦ;
  • ᐃᖅᑲᓇᐃᔮᒥᓄᑦ ᐅᑎᕋᓱᐊᕐᓗᓂ ᐱᔨᑦᑎᕋᖅᑕᐅᓂᖅ, ᐊᒻᒪᓗ
  • ᐅᑎᖅᑎᕝᕕᐅᓂᖅ ᐄᔭᒐᖅᑖᕈᑎᒋᔭᕐᒥᓄᑦ ᐊᒻᒪ ᑮᓇᐅᔭᒧᑦ ᐊᑭᓕᕆᐊᖃᖅᑕᒥᓄᑦ.

ᐃᖅᑲᓇᐃᔭᕐᕕᖕᒥ ᐋᓐᓂᕈᕕᑦ ᐃᖢᐊᖅᓴᐃᔨᒧᓪᓗ ᑕᑯᔭᐅᔭᕆᐊᖃᓕᕐᓗᑎᑦ, ᐋᓐᓂᕈᑎᒋᔭᐃᑦ ᐃᖅᑲᓇᐃᔭᕐᕕᖕᓄᑦ ᐊᒻᒪ ᐃᖅᑲᓇᐃᔭᖅᑎᑦ, ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ ᑐᓴᖅᑎᑦᑎᔭᕆᐊᖃᖅᐳᑎᑦ.

ᐋᓐᓂᖅᑐᖃᖅᑎᓪᓗᒍ ᐅᓂᒃᑳᓕᐅᖅᑎᓪᓗᑎᑦ ᐃᑲᔪᖅᑕᐅᔭᕆᐊᖃᕈᕕᑦ ᐃᖅᑲᓇᐃᔭᖅᑎᑦ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ ᐅᖃᓗᒡᓗᑎᑦ ᐅᕗᖓ:

ᓄᓇᑦᓯᐊᒥ ᐅᖃᓘᑎᒃᑯᑦ ᐱᓇᔪᒡᕕᒃ: 1-800-661-0792
ᓄᓇᕗᒻᒥ ᐅᖃᓘᑎᒃᑯᑦ ᐱᓇᔪᒡᕕᒃ: 1-877-404-4407

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑲᑎᕐᓱᐃᕙᒃᑐᑦ ᐃᓄᖕᒨᖓᔪᓂ ᑎᑎᕋᐅᓯᐅᓯᒪᔪᓂᒃ ᐱᓕᕆᐊᒃᓴᓂᒃ ᐊᒻᒪ ᐱᔨᑦᑎᕋᐅᑎᓂᒃ ᐱᓕᕆᐊᖃᕈᒪᓂᕐᒧᑦ ᐊᒃᑐᐊᔪᓂᒃ ᑮᓇᐅᔭᖅᑖᕋᓲᑎᖕᓄᑦ. ᖃᐅᔨᒋᐊᒃᑲᓐᓂᕈᒪᒍᕕᑦ ᐅᖃᓕᒫᒐᕗᑦ ᐅᖃᓕᒫᕐᓗᒍ ᐅᖃᐅᓯᒃᓴᑦ ᐃᖅᑲᓇᐃᔭᖅᑎᓄᑦ ᑕᒪᐅᖓᒥᐊᖅᑎᑦᑎᑦᑕᐃᓕᓂᕐᒧᑦ.

ᑭᓇᓕᒫᖅ ᐃᖅᑲᓇᐃᔭᖅᑎᐅᔪᖅ ᐱᔪᓐᓇᕐᓂᖃᕐᒪᑦ ᐃᖅᑲᓇᐃᔭᕐᓗᓂ ᐊᑦᑕᕐᓈᕿᓐᓇᖏᑦᑐᒥᒃ ᐃᖅᑲᓇᐃᔭᕐᕕᖃᕐᓗᓂ. ᐱᔭᒃᓴᖃᕆᕗᓪᓗ ᐃᖅᑲᓇᐃᔭᕐᕕᒋᔭᒥᖕᓂᒃ ᑲᐅᔨᒪᒋᐊᕐᓗᑎᒃ ᐊᑦᑕᕐᓇᖅᑐᖃᖏᑦᑎᐊᕋᓗᐊᕐᒪᖔᑕ.

ᐊᑐᕐᓗᒍ ᑖᓐᓇ ᑕᑕᑎᕆᐊᓕᒃ ᖃᐅᔨᓴᕆᐊᖃᕈᔅᓯ ᐃᖅᑲᓇᐃᔭᖅᑎᓂᒃ ᐃᖅᑲᓇᐃᔭᕆᐊᓚᐅᖅᑎᓐᓇᒋᑦ. ᓇᓗᓇᐃᖅᓯᔭᕆᐊᖃᖅᑐᓯ ᐃᖅᑲᓇᐃᔭᖅᑎ ᓴᖅᑭᔮᖅᑎᑦᑎᖕᒪᖔᑦ ᖁᐊᖅᓵᓇᕈᓐᓇᖅᑐᓂᒃ ᓴᖅᑭᕝᕕᐅᓂᕐᒧᑦ ᑭᓇᑐᐃᓐᓇᖅ ᐃᖅᑲᓇᐃᔭᕐᕕᖕᒥᑦ ᑕᒪᑐᒧᖓ ᓄᕙᒡᔪᐊᕐᓇᖅ-19-ᒧᑦ?

ᓴᓇᔨᐅᓗᓂ ᐱᓕᕆᔭᕆᐊᖃᖅᐳᑎᑦ ᐅᓗᕆᐊᓇᖅᑐᖃᕐᒪᖔᑦ ᖃᐅᔨᓴᕈᑎᒥ ᐃᖅᑲᓇᐃᔭᕐᕕᖕᒥ ᐃᓂᒋᔭᖓᓂ ᐱᓕᕆᓚᐅᙱᓐᓂᖏᓐᓂᒃ. ᐅᓇ ᐅᓗᕆᐊᓇᖅᑐᖃᕐᒪᖔᑦ ᖃᐅᔨᓴᕈᑎ (ᑕᐃᔭᐅᒐᔪᖕᒥᔪᖅ ᕿᒥᕐᕈᕝᕕᐅᑉ ᐃᓂᐊᓂ ᐅᓗᕆᐊᓇᖅᑐᖃᕐᒪᖔᑦ ᖃᐅᔨᓴᕈᑎ) ᐊᑐᓲᖅ ᑐᑭᓯᒋᐊᕈᑎᒃᓴᓂᒃ ᐊᑐᐃᓐᓇᕈᖅᑎᑕᐅᓯᒪᔪᓂᒃ ᑭᓯᐊᓂ ᑕᐃᑲᓂᓪᓗᐊᑕᖅ ᐃᖅᑲᓇᐃᔭᕐᕕᖕᒥ ᐃᓂᒋᔭᖓᓂ ᓇᓗᓇᐃᖅᓯᓂᕐᒧᑦ ᐃᓂᒋᔭᖓᓂ ᐃᓕᖕᓂ ᐋᓐᓂᖅᓯᔪᓐᓇᖅᑐᒥ ᐅᕝᕙᓘᓐᓃᑦ ᖃᓂᒻᒪᒃᑎᑦᑎᓗᓂ ᐊᒻᒪᓗ ᖃᓄᖅ ᐃᓕᖕᓂ ᓴᐳᔾᔨᓯᒪᔪᓐᓇᕐᓂᕐᓂ.

ᐃᖅᑲᓇᐃᔭᖅᑎᖁᑎᓕᑦ ᐊᑐᕈᓐᓇᖅᐳᑦ ᐆᒥᖓ ᐱᓕᕆᔾᔪᑎᒥᒃ ᓇᓗᓇᐃᖅᓯᓂᕐᒧᑦ ᓇᒥ, ᖃᓄᖅ, ᐊᒻᒪᓗ ᖃᓄᑎᒋ ᐃᖅᑲᓇᐃᔭᖅᑏᑦ ᓴᖅᑭᔮᕐᕕᐅᔪᓐᓇᕐᓂᖏᓐᓂ ᓄᕙᒡᔪᐊᕐᓇᖅ-19−ᒧᑦ ᐃᖅᑲᓇᐃᔭᕐᕕᖕᒥ. ᑭᒃᑯᓕᒫᑦ ᒪᓕᒋᐊᖃᖅᐳᑦ ᐃᓄᓕᒫᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑎᓕᐅᕈᑕᐅᔪᓂᑦ.

ᐅᑐᐱᕆ 12, 2021-ᖑᑎᓪᓗᒍ, ᐃᖃᓗᖕᓂᑦ ᓄᓇᓕᐸᐅᔭᒃᑯᑦ ᑲᑎᒪᔨᖏᑦ ᓇᓗᓇᐃᖅᓯᓚᐅᖅᑐᑦ ᓄᓇᓕᖕᓂᑦ ᑐᐊᕕᕐᓇᖅᑐᖃᓕᕐᓂᖓᓂᒃ ᐃᔾᔪᑕᐅᓪᓗᓂ ᐱᑕᖃᑐᐃᓐᓇᕆᐊᖃᕐᓂᖓᓂᒃ ᐅᖅᓱᐊᓗᕈᔪᖕᒥᒃ ᑕᐃᑲᓂ ᐃᖃᓗᖕᖕᓂᑦ ᐃᒥᖅᑕᕐᕕᖓᑕ ᐃᒡᓗᕐᔪᐊᖓᓂᑦ. ᒐᕙᒪᒃᑯᑦ ᓄᓇᕘᒥᑦ ᐅᖃᐅᔾᔨᒋᐊᖅᓯᒪᓕᖅᑐᑦ ᐃᖃᓗᖕᒥᐅᓂᒃ ᐊᑐᖃᑦᑕᖁᔨᙱᖢᑎᒃ ᑯᕕᔪᒥᖔᖅᑐᓂᒃ ᐃᒥᕐᓂᐊᕐᓗᖑ ᓂᖅᖠᐅᕈᑎᒋᓂᐊᕐᓗᖑᓘᓐᓃᑦ, ᐅᖃᐅᓯᐅᒃᑲᓐᓂᓚᐅᙱᓐᓂᖓᓂ.

ᐃᖅᑲᓇᐃᔭᖅᑎᑦᑎᔩᑦ ᐃᒥᖅᑕᐅᔪᓐᓇᖅᑐᒥᒃ (ᐊᑦᑕᕐᓇᙱᓪᓗᓂ ᐃᒥᕆᐊᒃᓴᖅ) ᐃᒥᕐᒥᒃ ᐊᑐᐃᓐᓇᐅᑎᑦᑎᑲᐅᑎᒋᔭᕆᐊᓖᑦ ᐃᖅᑲᓇᐃᔭᕐᕕᖕᒥᑦ ᐅᕝᕙᓘᓐᓃᑦ ᐊᓯᐊᒍᖔᖅ ᐋᖅᑭᒃᓯᓗᑎᒃ ᑖᒃᑯᐊ ᐃᖅᑲᓇᐃᔭᖅᑏᑦ ᐃᒥᖃᑦᑕᕈᓐᓇᖁᓪᓗᒋᑦ ᐊᑦᑕᕐᓇᙱᑦᑐᒥᒃ ᐃᒪᑦᑎᐊᕙᖕᒥᒃ.

ᐊᑐᖅᓗᒍ ᑖᓐᓇ ᐱᓕᕆᔾᔪᑎ ᓇᓗᓇᐃᖅᓯᖁᓪᓗᓯ ᓂᐅᕕᕆᐊᖅᐸᒃᑐᑦ ᐅᕝᕙᓘᓐᓃᑦ ᐱᔨᑦᑎᕋᖅᑕᑎᑦ ᓴᖅᑭᔮᖅᑎᑦᑎᖕᒪᖔᑕ ᖁᐊᖅᓵᓇᕈᓐᓇᖅᑐᓂᒃ ᓴᖅᑭᕝᕕᐅᓂᕐᒧᑦ ᑭᓇᑐᐃᓐᓇᕐᒧᑦ ᐃᖅᑲᓇᐃᔭᕐᕕᖕᒥᑦ ᑕᒪᑐᒧᖓ ᓄᕙᒡᔪᐊᕐᓇᖅ-19.