ᔭᓗᓇᐃᕝ, ᓄᓇᑦᓯᐊᖅ (ᑎᓯᐱᕆ 01, 2021) – ᓄᕕᐱᕆ 10, 2021-ᖑᑎᓪᓗᒍ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᑐᓂᓯᓚᐅᖅᑐᑦ ᖁᓕᖃᖏᑐᐃᓐᓇᖅᑐᓂᒃ ᐃᖅᑲᖅᑐᖓᒃᓴᐅᔾᔪᑎᓂᒃ ᑕᐃᑲᓂ ᓄᓇᑦᓯᐊᒥᑦ ᐃᖅᑲᖅᑐᐃᕝᕕᖓᓂᑦ ᐊᑐᖅᖢᓂᔾᔪᒃ ᐅᔭᕋᖕᓂᐊᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᒻᒪᓗ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᖁᔭᖅ.
ᑕᐃᔭᕕᒃ ᑎᓯᔪᓂᒃ ᐅᔭᕋᖕᓂᒃ ᐅᔭᕋᖕᓂᐊᖅᑏᑦ ᐃᒃᑯᐊᐳᕇᑎᑦᑯᑦ (Diavik Diamond Mines Inc.) ᐃᖅᑲᖅᑐᒐᒃᓴᙳᓚᐅᖅᑐᑦ ᐊᒥᓱᒐᓚᖕᓄᑦ ᐸᓯᔭᐅᔾᔪᑎᓄᑦ ᐊᔾᔨᒌᙱᑦᑐᓄᑦ ᓯᖁᒥᑦᑎᓂᕐᓄᑦ ᐅᔭᕋᖕᓂᐊᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᒻᒪᓗ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᖁᔭᕐᒥᒃ, ᐱᖃᓯᐅᑎᓪᓗᒍ ᐃᒪᐃᓕᐅᓚᐅᙱᓐᓂᖏᓐᓄᑦ ᓈᒻᒪᓛᖑᔪᓐᓇᖅᑐᓂᒃ ᐊᑐᖅᑕᐅᔪᓇᖅᑐᓂᒃ ᐊᒻᒪᓗ ᐅᔾᔨᖅᓱᑦᑎᐊᕐᓃᑦ ᓴᐳᔾᔨᓯᒪᓂᕐᒧᑦ ᐋᓐᓂᐊᖃᖅᑕᐃᓕᒪᓂᖏᑦ ᐊᒻᒪᓗ ᐊᑦᑕᕐᓇᖅᑕᐃᓕᒪᓂᖏᑦ ᐃᖅᑲᓇᐃᔭᖅᑏᑦ ᐊᒻᒪᓗ ᐊᖏᔪᖅᑳᑦ ᐊᑕᖏᕐᓗᒋᑦ ᐃᓕᓐᓂᐊᑦᑎᐊᖅᓯᒪᓗᑎᒃ ᐊᑦᑕᕐᓇᙱᑦᑐᒥᒃ ᐃᖅᑲᓇᐃᔭᕈᓐᓇᖁᓪᓗᒋᑦ ᐊᒻᒪᓗ ᐊᑦᑕᕐᓇᙱᑦᑐᒥᒃ ᖄᖅᑎᑦᑎᖃᑦᑕᕐᓂᕐᒧᑦ ᐊᑐᖅᑕᐅᔭᕆᐊᓕᖕᓄᑦ.
ᐃᖅᑲᖅᑐᒐᒃᓴᐅᔾᔪᑏᑦ ᓴᖅᑭᓯᒪᔪᑦ ᖃᓄᐃᓕᔪᖃᓚᐅᖅᑎᓪᓗᒍ ᓄᕕᐱᕆ 16, 2020-ᒥᑦ, ᐃᖅᑲᓇᐃᔭᖅᑏᑦ ᐃᓚᖓᑦ ᐋᓐᓂᓚᐅᖅᑎᓪᓗᒍ ᐅᔭᕋᕐᒥᒃ ᑲᑕᒡᕕᐅᓚᐅᖅᑎᓪᓗᒍ ᖃᓗᕋᐅᒻᒥᑦ ᐊᖁᑕᒥᓂᒃ. ᓄᒃᑎᖅᓯᓇᓱᓚᐅᖅᑐᑦ ᐅᔭᕋᕐᒥᒃ ᖄᖅᑎᑦᑎᔪᖃᓚᐅᖅᑎᓪᓗᒍ.
ᐃᖅᑲᖅᑐᒐᒃᓴᐅᔪᑦ ᑕᐃᔭᕕᒃᑯᑦ ᑎᓯᔪᓂᒃ ᐅᔭᕋᖕᓂᒃ ᐅᔭᕋᖕᓂᐊᖅᑏᑦ ᐃᒃᑯᐊᐳᕇᑎᑦᑯᑦ, ᐅᔭᕋᖕᓂᐊᕐᕕᖕᒥᑦ ᐊᐅᓚᑦᑎᔨ, ᖄᖅᑎᑦᑎᓂᕐᒧᑦ ᐊᖏᔪᖅᑳᖅ, ᐊᒻᒪᓗ ᑖᓐᓇ ᐊᖏᔪᖅᑳᖅ/ᐃᖅᑲᓇᐃᔭᖅᑐᑦ ᐊᖏᔪᖅᑳᖓᑦ.
ᓯᕗᓪᓕᖅᐹᒥ ᐃᖅᑲᖅᑐᐃᕕᒻᒦᕕᒋᓂᐊᖅᑕᖓ ᔮᓐᓄᐊᕆ 18, 2022.
ᒫᒋ ᑳᓕᓐᔅ
ᐊᐅᓚᑦᑎᔨ, ᑐᓴᐅᒪᖃᑎᒋᒍᑎᓂᑦ
ᐅᖄᓚᐅᑦ: (867) 920-3854