ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᔨᑦᑎᕋᐅᑎᖏᓐᓄᑦ ᓄᑖᖑᓛᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ (WSCC) ᑎᑎᕋᕐᕕᖏᑦ ᒪᑐᓯᒪᔪᑦ ᐊᒻᒪᓗ ᐃᖅᑲᓇᐃᔭᖅᑎᖏᑦ ᐊᖏᕐᕋᖏᓐᓂᒃ ᐱᓕᕆᐊᖃᖅᖢᑎᒃ. ᐱᔨᑦᑎᕋᐅᑎᕗᑦ ᐊᑐᐃᓐᓇᐅᔪᑦ ᓱᓕ ᖃᕋᓴᐅᔭᒃᑯᑦ ᐊᒻᒪ ᐅᖄᓚᐅᑎᑎᒍᑦ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᐱᕙᓪᓕᐊᔪᑦ ᓴᖅᑭᑎᑕᐅᔪᑦ: ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᑐᓴᖅᑎᑦᑎᔪᑦ 2022 ᐃᖅᑲᓇᐃᔭᖅᑎᑦᑎᔩᑦ ᖃᐅᔨᓴᖅᑕᐅᓂᕐᒧᑦ ᐊᑭᓂᒃ

25th Nov 2021

ᔭᓗᓇᐃᕝ, ᓄᓇᑦᓯᐊᖅ (ᓄᕕᐱᕆ 25, 2021) – ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᓄᓇᑦᓯᐊᒥᑦ ᐊᒻᒪᓗ ᓄᓇᕘᒥᑦ ᐅᓴᖅᑎᑦᑎᕗᑦ ᑖᒃᑯᐊ ᐊᑐᖅᑕᐅᒐᔪᒃᑐᑦ ᐃᖅᑲᓇᐃᔭᖅᑎᑦᑎᔩᑦ ᖃᐅᔨᓴᖅᑕᐅᓂᕐᒧᑦ ᐊᑭᖏᑦ ᐅᕝᕙᓘᓐᓃᑦ ᑐᙵᕕᐅᔪᑦ ᐊᑮᑦ ᓱᓕ ᐊᔾᔨᒋᓂᐊᖅᑕᖏᑦ ᖁᕝᕙᓯᓕᕆᖏᑦ ᐋᕐᕌᓂᑐᑦ. 

2022-ᖑᓕᖅᐸᑦ, ᐊᑭᐅᒐᔪᒃᑐᖅ ᑕᐃᒪᐃᓕᖓᐃᓐᓇᕐᓂᐊᕐᒪᑦ ᑐᒡᓕᐊᓄᑦ ᐊᕐᕌᒍᒧᑦ ᐃᒪᓐᓇᑎᒌᕐᓗᓂ $2.40 ᐊᑐᓂ $100 ᖃᐅᔨᓴᖅᑕᐅᔪᒃᓴᓄᑦ ᑮᓇᐅᔭᖅᑖᕆᔭᐅᕙᒃᑐᓄᑦ. ᑖᓐᓇ ᑐᙵᕕᐅᔪᖅ ᐊᑭ ᑖᒃᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ (WSCC) ᐊᑐᖅᑕᐅᕙᒃᑐᖅ ᐱᒋᐊᕈᑕᐅᓪᓗᓂ ᐋᖅᑭᓯᓇᓱᐊᖅᑎᓪᓗᒋᑦ ᐊᑐᓂ ᐊᓪᓕᐅᓂᖅᓴᓄᑦ ᐃᓛᒃᑰᖅᑐᓄᑦ ᐊᑭᓄᑦ. 

ᐃᖅᑲᓇᐃᔭᖅᑎᑦᑎᔩᑦ ᐊᔾᔨᒌᐸᓗᖕᓂᒃ ᐊᐅᓚᓂᓖᑦ ᐊᒻᒪᓗ ᐊᑐᖃᑎᒌᖃᑦᑕᖅᑐᑦ ᐊᔾᔨᒌᐸᓗᖕᓂᒃ ᐅᓗᕆᐊᓇᖅᑑᓂᒃ ᑲᑎᖅᓱᖅᑕᐅᓲᑦ ᐊᑕᐅᓯᕐᒧᑦ ᐊᑐᓂᓗ ᐃᖅᑲᓇᐃᔭᖅᑎᑦᑎᓕ ᐊᑭᓖᕙᒃᖢᓂ ᑖᒃᑯᓂᖓᓪᓚᑦᑖᖅ ᐊᑭᓂᒃ ᑐᙵᕕᖃᖅᖢᑎᒃ ᐊᕕᒃᑐᖅᓯᒪᔪᓂᒃ ᐊᑭᓄᑦ ᓴᓇᕝᕕᖏᓐᓄᑦ ᐊᒻᒪᓗ ᐊᖏᓂᖏᓐᓄᑦ ᑮᓇᐅᔭᖅᑖᕆᔭᐅᕙᒃᑐᑦ. ᐃᒪᐃᒃᑲᓗᐊᖅᑎᓪᓗᒍ ᑐᙵᕕᐅᔪᖅ ᐊᑭ ᓱᓕ ᑕᐃᒪᐃᓕᖓᓂᐊᖅᑐᑦ 2022-ᒥᑦ, ᐊᕕᒃᑐᖅᓯᒪᔪᓄᑦ ᐊᑮᑦ ᐅᕝᕙᓘᓐᓃᑦ “ᐊᓪᓕᐅᓂᖅᓴᑦ ᐃᓛᒃᑰᖅᑐᑦ” ᐊᑭᑦᑐᕆᐊᕐᓂᐊᖅᑐᑦ ᐊᑭᒃᖠᒋᐊᕐᓗᑎᒡᓘᓐᓃᑦ ᑐᙵᕕᖃᕐᓗᑎᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᕐᓂᕐᒧᑦ ᑕᑕᑎᖅᑕᐅᓚᐅᖅᑐᓂᒃ ᐊᑭᓂᒃ ᐃᖅᑲᓇᐃᔭᖅᑏᑦ ᓴᓇᕝᕕᖏᑕ ᐊᕕᒃᑐᖅᓯᒪᔭᖏᓐᓂᑦ. 

ᐊᑯᓐᓂᖓᓂᑦ 2016 ᐊᒻᒪᓗ 2020, 11 ᑖᒃᑯᓇᓂ 16-ᓂᑦ ᐊᓪᓕᐅᓂᖅᓴᑦ−ᐃᓛᒃᑰᖅᑐᑦ ᐃᖅᓇᐃᔭᖅᑎᑦᑎᔩᑦ ᑕᐃᑲᓂ ᓄᓇᑦᓯᐊᒥᑦ ᐊᒻᒪᓗ ᓄᓇᕘᒥᑦ ᓴᖅᑭᔮᖅᑎᑦᑎᓯᒪᔪᑦ ᐱᐅᓯᒋᐊᕐᓂᕐᒥᒃ ᑕᑕᑎᖃᑦᑕᖅᑕᖏᓐᓄᑦ ᐊᑭᓄᑦ, ᐃᒪᐃᒃᑲᓗᐊᖅᑎᓪᓗᒍ 5-ᖑᔪᑦ ᐊᓪᓕᐅᓂᖅᓴᑦ−ᐃᓛᒃᑰᖅᑐᑦ ᓴᖅᑮᓯᒪᔪᑦ ᐊᑭᑦᑐᕆᐊᖅᓯᓪᓗᑎᒃ ᑕᑕᑎᖃᑦᑕᖅᑕᖏᓐᓄᑦ ᐃᑭᓄᑦ. ᑕᐃᒪᐃᓐᓂᖓᓄᑦ, ᑖᒃᑯᐊ 11-ᔪᑦ ᐊᕕᒃᑐᖅᓯᒪᔪᑦ ᑕᑯᓂᐊᖅᑐᑦ ᐊᑭᒃᖠᒋᐊᖅᑐᓂᒃ ᐊᒻᒪᓗ 5-ᖑᔪᑦ ᐊᑭᑦᑐᕆᐊᕐᓂᐊᖅᖢᑎᒃ ᑕᐃᑲᓂ 2022-ᒥᑦ. ᐅᑯᐊᖑᖅᑰᔨᔪᑦ ᓴᓇᕝᕖᑦ ᐊᑭᑦᑐᕆᐊᕐᓂᐊᖅᑐᑦ ᐊᕐᕌᒍᒧᑦ ᐱᖃᓯᐅᑎᓪᓗᒋᑦ ᓄᓇᓯᐅᑏᑦ ᐊᒻᒪᓗ ᐃᒪᕐᒥᒃ ᐊᒡᔭᖅᑐᐃᔩᑦ, ᐅᔭᕋᖕᓂᐊᕐᕕᖕᒥᑦ ᐊᐅᓚᓃᑦ, ᐋᓐᓂᐊᖃᖅᑕᐃᓕᒪᓂᑦ, ᓂᖃᐃᓱᕐᓂᖅ ᐊᒻᒪᓗ ᑐᐊᕕᕐᓇᖅᑐᓕᕆᔩᑦ, ᐃᖏᕐᕋᔾᔪᑎᓂᒃ ᓂᐅᕐᕈᑎᖃᖅᐸᒃᑐᑦ ᐊᒻᒪᓗ ᐱᔨᑦᑎᕋᖅᑏᑦ, ᒐᕙᒪᖏᑦ ᓄᓇᑦᓯᐊᑉ ᐊᒻᒪᓗ ᓄᓇᕘᒥᑦ ᑭᒃᑯᑐᐃᓐᓇᓄᓪᓗᑦ ᐊᑐᖅᑕᐅᕙᒃᑐᑦ. ᐅᑯᐊᖑᖅᑰᔨᔪᑦ ᐊᓪᓕᐅᓂᖅᓴᑦ ᐃᓛᒃᑰᖅᑐᑦ ᐊᕕᒃᑐᖅᓯᒪᔪᑦ ᐊᑭᒃᖠᒋᐊᕈᔾᔨᓂᐊᖅᑐᑦ ᐊᑭᓂᒃ ᐊᑭᓕᖃᑦᑕᕐᓂᐊᖅᑕᖏᓐᓄᑦ ᐱᖃᓯᐅᑎᓪᓗᒋᑦ ᐃᒡᓗᓕᐅᖅᑎᑐᐃᓐᓇᐃᑦ, ᓂᐅᕕᐊᒃᓴᖃᖅᑏᑦ ᐊᒻᒪᓗ ᓯᓚᒥ ᐱᙳᐊᕐᓂᕐᒧᑦ ᐳᓚᕋᖅᑐᓕᕆᓂᕐᓗᑦ. 

“ᑖᒃᑯᐊ ᖃᐅᔨᓴᕐᓂᕐᒧᑦ ᐊᑮᑦ ᐊᑐᓂ ᐃᖅᑲᓇᐃᔭᖅᑎᑦᑎᔨᓄᑦ ᐊᕕᒃᑐᖅᓯᒪᔪᑦ ᖁᕝᕙᕆᐊᕐᓂᐊᖅᑐᑦ ᐃᓗᐊᓂᑦ ᐋᓐᓂᕐᓂᕐᒥᒃ ᐊᑐᖃᑦᑕᖅᑐᑦ ᑕᐃᑲᓂ ᐊᕕᒃᑐᖅᓯᒪᔪᓂᑦ ᓈᒻᒪᒃᓯᓕᖅᑕᐅᖁᓪᓗᒋᑦ ᒫᓐᓇ ᐊᒻᒪᓗ ᓯᕗᓂᒃᓴᑦᑎᓐᓂᑦ ᐊᑮᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᖃᑦᑕᕐᓂᕐᒧᑦ” ᐅᖃᖅᑐᑦ ᑕᐱ ᒪᓗᐃ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ (WSCC) ᐊᖏᔪᖅᑳᖅ ᐊᐅᓚᑦᑎᔨᒻᒪᕆᐅᓪᓗᓂᓗ. “ᐱᒻᒪᕆᐅᔪᖅ ᐃᖅᑲᓇᐃᔭᖅᑎᑦᑎᔩᑦ ᐃᖅᑲᐅᒪᓗᑎᒃ ᐱᓕᕆᓂᖏᑦ ᐊᑑᑎᖃᕐᒪᑕ ᐊᒻᒪᓗ ᐊᓯᔾᔩᔪᓐᓇᖅᖢᑎᒃ ᐊᑭᓂᒃ ᐊᑭᓕᖃᑦᑕᖅᑕᖏᓐᓂᒃ ᐊᑐᓕᖅᑎᑦᑎᓗᑎᒃ ᐊᑑᑎᖃᖅᑐᓂᒃ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᓕᕆᐊᒃᓴᓂᒃ ᐃᒪᐃᖁᔨᙱᓐᓂᑯᒧᑦ ᐃᖅᑲᓇᐃᔭᕐᕕᖕᒥᑦ ᐊᒃᑐᐊᔪᑦ ᐋᓐᓂᕐᓂᕐᒧᑦ ᐊᒻᒪᓗ ᖃᓄᐃᓪᓕᓂᕐᒧᑦ.” 

- 30 -

Maggie Collins (ᒫᒋ ᑳᓕᓐᔅ)    
ᑐᓴᐅᒪᖃᑦᑕᐅᑎᓕᕆᓂᕐᒧᑦ ᐊᐅᓚᑦᑎᔨ
ᐅᖄᓚᐅᑦ: (867) 920-3854