ᐱᕙᓪᓕᐊᔪᑦ ᓴᖅᑭᑎᑕᐅᔪᑦ: ᕼᐋᒪᓚᖏᑦ ᕿᑭᖅᑕᕐᔪᐊᑦ ᓱᒋᐊᖅᑕᐅᔪᑦ ᐱᕋᔭᖕᓂᕆᓚᐅᖅᑕᖏᓐᓄᑦ ᐅᕘᓇ ᓄᓇᕗᒻᒥ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᑎᒍᑦ

31st May 2021

ᐃᖃᓗᐃᑦ, ᓄᓇᕗᑦ (ᒪᐃ 31, 2021) – ᒪᐃ 25, 2021-ᖑᑎᓪᓗᒍ, ᕼᐋᒪᓚᖏᑦ ᕿᑭᖅᑕᕐᔪᐊᑦ ᓄᓇᕘᑉ ᐃᖅᑲᖅᑐᐃᕝᕕᖓᓃᓚᐅᖅᑐᑦ ᐊᒻᒪᓗ ᓱᒋᐊᖅᑕᐅᓪᓗᑎᒃ ᐱᖃᔭᖕᓂᖏᓐᓄᑦ ᒪᓕᒃᖢᒍ ᓄᓇᕘᒥᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᒪᓕᒐᖅ

ᕼᐋᒪᓚᖏᑦ ᐸᓯᔭᒃᓴᐅᓂᕋᓚᐅᖅᑐᑦ ᐊᑐᐃᓯᕐᒧᑦ ᐸᓯᔭᐅᔾᔪᑎᒧᑦ ᒪᓕᖏᓐᓂᖏᓐᓄᑦ ᐊᒥᓱᒐᓚᖕᓂᒃ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᒪᓕᒃᑕᐅᔭᕆᐊᖃᖅᑐᖁᑎᖏᓐᓂᒃ ᐱᔾᔪᑎᖃᖅᖢᑎᒃ ᖃᐅᔨᓴᕐᓂᕐᒧᑦ, ᑲᒪᓂᕐᒧᑦ ᐊᒻᒪᓗ ᐱᓕᕆᔪᓐᓇᐅᑎᓕᖅᑭᖕᓂᒃ ᑐᓂᔭᐅᓂᖏᑦ ᑕᒪᒃᑯᓄᖓ ᖃᖓᑕᔪᓄᑦ ᑭᕕᒃᓯᓯᓄᑦ ᐱᓕᕆᔪᓐᓇᑦᑎᐊᖅᑐᒧᑦ ᐃᓄᖕᒧᑦ. 

ᐸᓯᔭᒃᓴᐅᔾᔪᑎ ᓴᖅᑭᓚᐅᖅᑐᑦ ᐊᑯᓐᓂᖓᓂᑦ 15 ᐊᒻᒪᓗ 16 ᒪᐃ, 2019-ᒥᑦ ᐱᓕᕆᑎᓪᓗᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᖃᐅᔨᓴᕐᓂᖏᓐᓂᑦ ᕼᐋᒪᓚᖏᑦᑕ ᕿᑭᖅᑕᕐᔪᐊᑉ ᐃᖅᑲᓇᐃᔭᕐᕕᖏᓐᓂᑦ ᐃᖅᑲᓇᐃᔭᖅᑏᑦ ᑕᑯᔭᐅᓚᐅᕐᒪᑕ ᒪᓕᒐᕐᒥᒃ ᓯᖁᒦᓪᓗᑎᒃ ᐊᐅᓚᑦᑎᓂᕐᒥᒃ ᖃᖓᑕᔪᓂᑦ ᑭᕕᒃᓯᓯᓂᒃ ᓯᖁᒥᑦᑎᓂᖅ ᐊᑐᕈᓐᓃᕐᓂᕐᒧᑦ ᑎᓕᓯᔾᔪᑎᒥᒃ. ᑖᒃᑯᐊᑦᑕᐃᓐᓇᐃᑦ ᑐᓴᐅᒪᔾᔪᑏᑦ ᐊᓯᔭᐅᔾᔪᑎᒋᖕᒥᔭᖏᑦ ᒪᓕᖏᓐᓂᕐᒧᑦ ᐱᔭᕇᖅᑕᐅᓯᒪᙱᑦᑐᑦ ᑎᓕᓯᔾᔪᑕᐅᓯᒪᔪᑦ ᐊᒃᑐᐊᓂᓖᑦ ᐊᔪᕈᓐᓃᖅᓴᕐᓂᕐᒧᑦ ᐃᖅᑲᓇᐃᔭᖅᑎᓂᒃ, ᓇᓗᓇᐃᒃᑯᑦᑎᖅᓱᐃᓃᑦ ᖁᐊᖅᓵᕐᓇᖅᑐᓂᒃ ᐃᒥᕐᓂᒃ ᐊᒻᒪᓗ ᑐᖅᑯᐃᓯᒪᓂᖏᑦ ᑲᑎᖅᓱᖅᓯᒪᔪᓂᒃ ᐅᖅᓱᐊᓗᒃᓯᐅᑎᓂᒃ ᐊᑯᓐᓂᖓᓂᑦ 2016 ᐊᒻᒪᓗ 2019.

ᓱᒋᐊᖅᑕᐅᓕᖅᑎᓪᓗᒋᑦ, ᑖᒃᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐊᒻᒪᓗ ᕼᐋᒪᓚᒃᑯᑦ ᓴᖅᑮᓚᐅᖅᑐᑦ ᑐᓂᓯᖃᑎᒌᒃᖢᑎᒃ 18 ᑕᖅᑮᑦ “ᑎᒥᐅᔫᑉ ᐱᕋᔭᒃᑕᐃᓕᒪᑎᑕᐅᓂᖓ” ᐃᖅᑲᖅᑐᐃᕝᕕᖕᒧᑦ. ᑖᓐᓇ ᑐᓂᔭᐅᓂᖓ ᓈᒻᒪᒋᔭᐅᓚᐅᖅᑐᑦ ᐃᖅᑲᖅᑐᐃᔨ ᑑᓛᒃ ᓄᓇᕘᒥᑦ ᐃᖅᑲᖅᑐᐃᔾᔨᕆᔨᒃᑯᓐᓂᑦ. 

ᒪᓕᒃᖢᒋᑦ ᐱᕋᔭᒃᑕᑕᐃᓕᒪᑎᑕᐅᓂᖓ, ᕼᐋᒪᓚᒃᑯᑦ ᐅᓂᒃᑳᕆᐊᖃᖅᑐᑦ ᐊᖏᔪᖅᑳᒻᒪᕆᖕᒧᑦ ᐊᑦᑕᕐᓇᖅᑕᐃᓕᒪᑎᑦᑎᔨᒧᑦ ᒪᓕᖕᓂᕐᒧᑦ ᐊᑦᑕᕐᓇᖅᑕᐃᓕᒪᓪᔪᑏᑦ ᒪᓕᒐᖏᑦᑕ ᒥᒃᓵᓄᑦ ᐊᒻᒪᓗ ᐋᖅᑭᒃᓱᐃᓗᑎᒃ ᐊᑐᓕᖅᑎᑦᑎᓗᑎᒡᓗ ᑲᔪᓰᓐᓇᖅᑐᓂᒃ ᐊᔪᕈᓐᓃᖅᓴᓂᕐᒧᑦ ᐱᓕᕆᐊᒃᓴᓂᒃ ᐃᖅᑲᓴᐃᔭᖅᑎᓄᑦ ᕼᐋᒪᓚᒃᑯᓐᓂᑦ ᐃᓚᐅᑎᑦᑎᓗᑎᒃ ᑎᓕᓯᔾᔪᑕᐅᓯᒪᔪᑦ ᐃᔪᒃᑲᖅᑕᐃᓕᑎᑦᑎᓂᕐᒧᑦ ᐱᓕᒻᒪᒃᓴᕐᓂᕐᓂᒃ ᐊᒻᒪ ᐊᖓᔪᖅᑳᓂᒃ ᓱᖏᐅᓴᐃᓂᕐᒧᑦ ᐱᓕᒻᒪᒃᓴᕐᓂᕐᒥᒃ. ᑕᓐᓇ ᑎᑎᕋᖅᓯᒪᔪᖅ ᐊᔪᙱᔾᔪᑎᖓᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᖃᐅᔨᐃᓐᓇᖁᓪᓗᒋᑦ ᕼᐋᒪᓚᒃᑯᑦ ᖃᓄᐃᑉᐸᓪᓕᐊᓂᖏᓐᓂᒃ ᐊᑯᓂᐅᔪᑯᑦ ᐊᒻᒪᓗ ᐊᑐᖅᑕᐅᖔᕈᓐᓇᖅᖢᓂ ᑮᓇᐅᔭᑎᒍᑦ ᐊᑭᓕᒃᓴᖅᑖᖅᑎᑕᐅᓂᕐᒥᒃ.


-30-


ᒫᒋ ᑳᓕᓐᔅ
ᑐᓴᐅᒪᖃᑦᑕᐅᑎᓕᕆᓂᕐᒧᑦ ᐊᐅᓚᑦᑎᔨ
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ
ᐅᖄᓚᐅᑦ: (867) 920-3854