ᓄᕙᒡᔪᐊᕐᓇᖅ-19 (COVID-19) ᓄᑖᖑᓛᖅ ᑐᓴᒐᒃᓴᖅ

ᑕᒪᕐᒥ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᕐᑏᑦ ᑎᑎᕋᕐᕕᖏᑦ ᒪᑐᐃᖓᔪᑦ ᓄᑖᓂᒃ ᐋᓐᓂᐊᖃᕐᓇᙱᑦᑐᓕᕆᓂᕐᒥᒃ ᐊᒻᒪ ᐊᑦᑕᓇᔾᔭᐃᖅᓯᒪᓂᕐᒥᒃ ᐱᓕᕆᐊᓂᒃ ᐊᑐᖅᖢᑎᒃ. ᐱᔨᑦᑎᕋᖅᑕᐅᕙᒃᑐᑦ ᐃᓂᒃᓴᓕᐅᖅᐸᒌᖅᐸᒡᓗᑎᒃ ᐅᐸᓚᐅᙱᓐᓂᖏᓐᓂᒃ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᐋᓐᓂᖅᑐᒥᒃ ᐅᖃᐅᓯᖃᕐᓂᖅ

ᐋᓐᓂᖅᑐᒥᒃ ᐅᖃᐅᓯᖃᕐᓂᖅ

ᓱᑕᐃᖅᑐᖃᖅᑎᓪᓗᒍ ᐅᓂᒃᑳᓕᐅᕐᓂᒧᑦ ᐊᐅᓚᐅᓂᐅᔪᖅ ᐋᓐᓂᐊᖅᑐᓕᕆᔨᓄᑦ:
  • ᐱᓕᕆᒋᐊᕈᑖ 1

    ᐋᓐᓂᐊᕕᖕᒥ ᐃᓗᐊᖅᓴᐃᔨᐅᒍᕕᑦ, ᐋᓐᓂᖅᑐᒥᒡᓗ ᑲᒪᔭᕆᐊᖃᕐᓗᑎᑦ, ᒪᓕᒐᖅ ᐅᖃᖅᓯᒪᖕᒪᑦ ᐃᖅᑲᓇᐃᔭᖅᑎᓪᓗᒋᑦ ᐋᓐᓂᕈᑕᐅᔪᑦ ᐅᖃᐅᓯᐅᖃᑦᑕᕆᐊᖃᕐᓂᖏᓐᓂᒃ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ ᑐᓂᓗᒋᑦ ᓯᕗᓪᓕᖅᐹᖅᓯᐅᒻᒥᒃ ᐋᓐᓂᖅᑐᒧᑦ ᐅᓂᒃᑳᒥᒃ ᐅᓪᓗᑦ ᐱᖓᓱᑦ ᐋᓐᓂᓚᐅᖅᑐᖅ ᐅᐸᒍᑎᓚᐅᖅᑎᓪᓗᒍ.

  • ᐱᓕᕆᒋᐊᕈᑖ 2

    ᖃᐅᔨᒪᒋᐊᕐᓗᑎᑦ ᑐᓐᓂᖅᑯᑎᒋᒐᓗᐊᕐᒪᖔᑦ ᐊᒃᑐᐊᓂᓖᑦ ᐋᓐᓂᖅᑐᒧᑦ ᑐᑭᓯᒋᐊᒐᒃᓴᑦ ᓱᒃᑲᓂᖅᓴᒃᑯᑦ ᓈᒻᒪᖅᑰᑦᑎᔪᒃᑯᓪᓗ ᐱᓇᔫᑕᐅᔪᑦ ᐱᓕᕆᐊᖑᔪᓐᓇᖁᓪᓗᒍ.