ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᔨᑦᑎᕋᐅᑎᖏᓐᓄᑦ ᓄᑖᖑᓛᑦ

ᑕᒪᕐᒥ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᕐᑏᑦ ᑎᑎᕋᕐᕕᖏᑦ ᒪᑐᐃᖓᔪᑦ  ᐋᓐᓂᐊᖃᕐᓇᙱᑦᑐᓕᕆᓂᕐᒥᒃ ᐊᒻᒪ ᐊᑦᑕᓇᔾᔭᐃᖅᓯᒪᓂᕐᒥᒃ ᐱᓕᕆᐊᓂᒃ ᐊᑐᖅᖢᑎᒃ. ᐱᔨᑦᑎᕋᖅᑕᐅᕙᒃᑐᑦ ᐃᓂᒃᓴᓕᐅᖅᐸᒌᖅᐸᒡᓗᑎᒃ ᐅᐸᓚᐅᙱᓐᓂᖏᓐᓂᒃ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᓄᑖᖑᓛᑦ ᓄᕙᒡᔪᐊᕐᓇᖅ-19 (COVID-19) ᒥᒃᓵᓄᑦ ᐸᕐᓇᒃᓯᒪᓂᖅ ᐊᒻᒪ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᔨᑦᑎᕋᐅᑎᖏᑦ ᑮᓇᐅᔭᖅᑖᕋᓱᒃᑐᓄᑦ ᐊᒻᒪ ᐃᖅᑲᓇᐃᔭᖅᑎᑦᑎᔨᓄᑦ

17th Mar 2020

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐊᓯᙳᖅᑎᑦᑎᖕᒪᑕ ᐃᓚᖏᓐᓂᒃ ᐱᔨᑦᑎᕋᐅᑎᒋᕙᒃᑕᑦᑎᓐᓂᒃ ᐃᑲᔪᕋᓱᒃᖢᑕ ᐃᖅᑲᓇᐃᔭᖅᑎᑦᑎᔨᓂᒃ ᐊᒻᒪ ᐃᖅᑲᓇᐃᔭᖅᑎᓂᒃ ᖁᐊᕐᓵᕐᓇᖅᑐᒦᖁᓇᒋᑦ ᐊᒻᒪᓗ ᐊᐃᑦᑐᕐᓗᒃᓯᑦᑕᐃᓕᒪᓂᕐᒥᒃ ᐆᒥᖓ ᓄᕙᒡᔪᐊᕐᓇᖅ-19 (COVID-19). ᖃᓄᐃᓕᐅᕈᑎᐅᔪᑦ ᐃᓱᒪᒋᓪᓗᒋᑦ ᐋᓐᓂᐊᖃᖅᑕᐃᓕᓂᖏᓐᓂᒃ ᐊᒻᒪ ᐅᓗᕆᐊᓇᖅᑐᒦᑎᑦᑕᐃᓕᓂᕐᒥᒃ ᑕᒪᐃᓐᓂᖅ ᐃᖅᑲᓇᐃᔭᖅᑎᑦᑎᔨᓂᒃ, ᓴᓇᔨᓂᒃ, ᓄᓇᖃᖅᑐᓂᒃ ᐊᒻᒪ ᐃᖅᑲᓇᐃᔭᖅᑎᒋᔭᑦᑎᓐᓂᒃ ᐃᓱᒪᒋᔭᖃᖅᑳᕋᓱᖕᓂᕐᒧᑦ.

ᐃᖅᑲᓇᐃᔭᖅᑎᑦᑎᔨᓄᑦ:

  • ᐃᖅᑲᓇᐃᔭᖅᑎᑦᑎᔨᒧᑦ ᐊᑭᓕᐅᑎᐅᓇᔭᓚᐅᕐᑐᑦ ᐄᐳᕈᓪ 1, 2020-ᒥᑦ ᐅᖓᕙᕆᐊᖅᑕᐅᔪᑦ ᐅᕗᖓ ᒪᐃ 1, 2020.

ᑮᓇᐅᔭᖅᑖᕋᓱᒃᑐᓄᑦ:

  • ᓇᐅᑦᑎᐅᒃᑯᒫᓂᒃ ᐊᑭᓕᕐᓱᐃᖏᓐᓇᕐᓂᐊᖅᑐᑦ ᑕᐃᒃᑯᓄᖓ ᐃᖕᒥᖕᓂ ᐃᓄᑑᓕᖅᑎᑦᑎᓯᒪᔪᓂᒃ ᐅᕘᓄ ᓇᓗᓇᐃᔭᖅᑕᐅᓯᒪᔪᑎᒍᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑲᓇᑕᒥ.
  • ᑕᒪᕐᒥ ᐅᓗᕆᐊᓇᙱᑦᑐᑦ ᐊᐅᓚᕈᑎᒃᓴᑦ ᐋᓐᓂᐊᕕᖕᒧᑦ ᐅᖓᕙᕆᐊᖅᑕᐅᓂᐊᖅᑐᑦ.
  • ᑕᒪᕐᒥ ᐋᖅᑭᒃᑕᐅᓯᒪᔪᑦ ᐋᓐᓂᐊᖅᑐᓕᕆᓂᕐᒧᑦ ᐊᔪᕈᑎᖃᐃᓐᓇᓕᕐᓂᕐᒧᑦ (PMI) ᔭᓗᓇᐃᒥ ᐊᓯᐊᓄᑦ ᐋᖅᑭᒃᑕᐅᖔᕐᓂᐊᖅᑐᑦ.
  • ᑮᓇᐅᔭᖅᑖᕋᓱᒃᑐᑦ ᓄᓇᖓᑕ ᓯᓚᑖᓃᑦ ᑲᒪᒋᔭᐅᔭᕐᑐᕐᓯᒪᔪᑦ ᖃᐅᔨᑎᑕᐅᓂᐊᕐᑐᑦ ᐱᒋᐊᕐᓗᓂ ᒫᑦᓯ 16-ᒥ ᐊᖏᕐᕋᖏᓐᓄᑦ ᐊᐅᓪᓚᕈᑎᒃᓴᖏᓐᓄᑦ ᐊᖏᕐᕋᕐᓯᒪᒋᐊᖃᕐᓂᖏᓐᓄᑦ ᑭᓯᐊᓂ ᖃᐅᔨᑎᑕᐅᒍᑎ ᖃᖓᒃᑲᓐᓂᖅ.
  • ᐊᑭᓕᕐᓱᐃᖃᑦᑕᐃᓐᓇᕐᓂᐊᕐᑐᑦ ᓄᕙᒡᔪᐊᕐᓇᖅ-19-ᒧᑦ ᐊᒃᑐᖅᑕᐅᒐᓗᐊᕐᐸᑦ ᑲᒪᒋᔭᐅᓂᖓ.

ᐅᓂᒃᑳᓕᐅᕐᓂᖅ ᖁᐊᕐᓵᕐᓇᖅᑐᓂᒃ ᐃᖅᑲᓇᐃᔮᓂᒃ:

  • ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ ᑭᐅᕙᒃᑐᑦ ᑕᒪᐃᓐᓂ ᐅᓂᒃᑳᓕᐊᓂᒃ ᖁᐊᕐᓵᕐᓇᖅᑐᓂᒃ ᐃᖅᑲᓇᐃᔮᓂᒃ; ᑭᓯᐊᓂᓕ, ᐃᒪᓐᓇ ᐅᓂᒃᑳᓯ ᐅᕘᓈᖅᑎᑉᐸᒡᓗᒋᑦ WSCC Connect.
  • ᖁᐊᕐᓵᕐᓇᓪᓚᕆᒃᑐᒥ ᐅᓂᒃᑳᓕᐅᕐᑐᖃᖅᐸᑦ, ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ ᖃᐅᔨᓇᓱᒐᔭᖅᑐᑦ ᖁᐊᕐᓵᕐᓇᕐᓂᖓᓂᒃ ᐊᒻᒪ ᖃᐅᔨᓴᖅᑎᒥ ᐅᐸᒃᑕᐅᔭᕆᐊᖃᕐᒪᖔᑦ ᐅᕝᕙᓘᓐᓃᑦ ᐊᓯᐊᒍᖔᖓᔪᓐᓇᕈᑎ ᐅᖓᓯᒃᑐᒥ ᐃᑲᔪᕈᓐᓇᕋᔭᖅᖢᑕ.

WSCC Connect – ᖃᕋᓴᐅᔭᒃᑯᑦ ᐱᔨᑦᑎᕋᐅᑎᑦ:

  • ᐃᖅᑲᓇᐃᔭᖅᑎᖁᑎᓕᖕᓄᑦ ᐅᓂᒃᑳᓕᐊᑦ ᐋᓐᓂᕐᓂᕐᓄᑦ ᖃᕋᓴᐅᔭᒃᑯᑦ ᐱᔨᑦᑎᕋᐅᑎ (e-Service) ᐋᖅᑭᒃᑕᐅᓯᒪᔪᖅ ᐱᒋᐊᕐᓂᐊᕐᓗᓂ ᐊᐃᕐᕆᓕ 2020-ᒥᑦ ᑭᓯᐊᓂᓕ ᓄᖅᑲᖅᑎᑕᐅᔪᖅ ᖃᐅᔨᒪᒃᑲᓐᓂᓕᕈᑎ ᑭᓯᐊᓂ ᒫᓐᓇ ᐱᓕᕆᐊᖃᕐᓂᕐᓴᐅᓂᖏᓐᓄᑦ ᐱᔨᑦᑎᕋᐅᑎᒋᔭᖏᓐᓂᒃ. 
  • ᐊᓯᓕᒫᖏᑦ ᐅᑯᐊ WSCC Connect ᐱᔨᑦᑎᕋᐅᑎᖏᑦ ᐊᑐᐃᓐᓇᐅᔪᑦ.

ᐅᑯᓄᖓ ᐅᐸᒍᒪᒍᕕᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓂᒃ: 

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏ ᐃᖅᑲᓇᐃᔭᖅᑎᑦᑎᔨᓂᒃ ᐊᒻᒪ ᐃᖅᑲᓇᐃᔭᖅᑎᐅᔪᓂᒃ ᒪᓕᖁᔨᓪᓗᑎᒃ ᐋᓐᓂᐊᖃᕐᓇᙱᑦᑐᓕᕆᔨᓄᑦ ᒪᓕᖁᔭᐅᔪᓂᒃ ᐊᒻᒪᓗ ᐃᖕᒥᖕᓂᒃ ᑲᒪᒋᑦᑎᐊᕐᓗᑎᒃ ᐃᒪᓐᓇ ᐊᒡᒐᖏᓐᓂᒃ ᐅᐊᓴᕋᓱᒡᓗᑎᒃ, ᑮᓇᖏᓐᓂᒃ ᐊᒃᑐᕐᓯᑦᑕᐃᓕᒪᓗᑎᒃ ᐊᒻᒪᓗ ᐊᓯᖏᓐᓂᒃ ᐊᒃᑐᕐᓯᑦᑕᐃᓕᒪᓗᑎᒃ ᐊᔪᕐᓇᙱᑉᐸᑦ. 

ᐊᐃᑦᑐᕐᓗᒃᓯᑦᑕᐃᓕᒪᓂᕐᒧᑦ ᓄᕙᒡᔪᐊᕐᓇᖅ-19-ᒥᑦ, ᑭᒃᑯᓕᒫᓂᒃ ᐱᔨᑦᑎᕋᐅᑎᑦᑎᓐᓂ ᐊᑐᕈᒪᔪᑦ ᖃᕋᓴᐅᔭᒃᑰᖓᔪᓂᒃ ᐊᑐᕐᓗᑎᒃ ᐅᕝᕙᓘᓐᓃᑦ ᐅᖄᓚᕙᒡᓗᑎᒃ. 
ᑎᑎᕋᕐᕕᑦᑎᓐᓄᑦ ᐅᐸᖁᓇᔭᙱᑕᔅᓯ ᐃᒪᐃᓐᓂᕈᔅᓯ::

  • ᓄᓇᑦᓯᐊᑉ ᓄᓇᕗᓪᓘᓐᓃᑦ ᓯᓚᑖᓃᓐᓂᕈᕕᑦ ᐊᒻᒪᓗ ᐅᑯᓂᖓ ᐃᒃᐱᒍᓱᒡᓗᑎᑦ:
    -  ᐆᓇᑲᑕᒃᑯᕕᑦ
    - ᖁᐃᕐᓱᑲᑕᒃᑯᕕᑦ
    - ᐊᓂᖅᑎᕆᑦᑎᐊᑲᑕᙱᒃᑯᕕᑦ
  • ᐊᒃᑐᕐᓯᓐᓂᕈᕕᑦ ᑭᓇᑐᐃᓐᓇᕐᒥᒃ ᐋᓐᓂᐊᖃᕐᓇᙱᑦᑐᓕᕆᔨᓄᑦ ᐃᓄᖃᙱᑦᑐᒦᖁᔭᐅᓯᒪᔪᒥᒃ ᐊᒻᒪᓗ ᐅᑯᓂᖓ ᐃᒃᐱᒍᓱᑲᑕᒡᓗᓂ ᖁᓛᓂ ᑎᑎᕋᕐᓯᒪᔪᓂᒃ.
  • ᓄᓇᕐᔪᐊᒥ ᐊᓯᐊᓂᙶᕐᓂᕈᕕᑦ ᐅᓪᓗ 14 ᐃᓗᐊᓂ..

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏ ᑐᓴᐅᒪᑎᑦᑎᖃᑦᑕᕐᓂᐊᖅᑐᑦ ᓄᑖᓂᒃ ᓴᖅᑭᑦᑐᖃᕌᖓᑦ. ᐊᐱᖅᑯᑎᒃᓴᖃᕈᔅᓯ ᐃᓱᒫᓘᑎᖃᕈᔅᓯᓘᓐᓃᑦ, ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏ ᓄᓇᑦᓯᐊᕐᒥ ᐅᖄᓚᕕᒋᓗᒋᑦ ᐅᕗᖓ (867) 920-3888, ᐊᑭᖃᙱᑦᑐᒧᑦ (800) 661-0792 ᐅᕝᕙᓘᓐᓃᑦ ᓄᓇᕗᒻᒥ (867) 979-8500, ᐊᑭᖃᙱᑦᑐᒧᑦ (877) 404-4407, 8:30 ᒥᑦ 5:00-ᒧᑦ ᐅᓪᓗᒃᑯᑦ. ᑭᖑᓪᓕᖅᐹᓂ ᑐᓴᒐᒃᓴᕆᔭᐅᔪᓂᒃ ᐅᑯᓇᙵᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏ ᐱᓕᕆᐊᖏᑦᑎᒍᑦ ᐱᔨᑦᑎᕋᐅᑎᓂ ᖃᕋᓴᐅᔭᒃᑯᑦ ᓴᖅᑭᔮᒐᕗᑦ ᑕᑯᒋᐊᕐᓗᒍ ᐅᕙᓂ wscc.nt.ca/ui ᐅᕗᖓᓘᓐᓃᑦ wscc.nu.ca/ui