ᐃᖃᓗᐃᑦ, ᓄᓇᕗᑦ (ᓯᑎᐱᕆ XX, 2016) – ᔪᓚᐃ 26, 2016-ᒥ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᐸᓯᔭᒃᓴᙳᖅᑎᑦᑎᓚᐅᖅᑐᑦ ᓄᓇᕗᑦ ᐃᖅᑲᖅᑐᐃᕕᖓᓂ ᓄᓇᕗᒻᒥ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᖁᔭᖓᒍᑦ.
ᐊᒥᓱᓂᒃ ᐸᓯᔭᒃᓴᙳᖅᑎᕆᓯᒪᔪᑦ ᓯᖁᒥᑦᑎᓯᒪᓂᖏᓐᓄᑦ ᑕᕝᕙᙶᖅᑐᓂᒃ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᖁᔭᕐᒥ, ᐃᓚᒋᓪᓗᓂᐅᒃ ᒪᓕᑦᑎᐊᓚᐅᙱᓐᓂᖏᓐᓂᒃ ᐅᖃᐅᔾᔪᐃᑦᑎᐊᓂᕐᒥᑦ ᐃᖅᑲᓇᐃᔭᖅᑎᐅᔪᑦ ᐱᓕᕆᑦᑎᐊᖁᓪᓗᒋᑦ ᐊᑦᑕᕐᓇᙱᑦᑐᒃᑯᑦ, ᐊᒻᒪ ᓇᐅᒃᑯᓕᒫᖅ ᐊᑦᑕᕐᓇᖅᑐᒦᑎᑦᓯᑦᑕᐃᓕᒪᓚᐅᙱᒻᒪᑕ ᑭᒃᑯᓕᒫᓂᑦ ᐃᖅᑲᓇᐃᔭᕐᕕᐅᔪᒥ.
ᐃᖅᑲᓇᐃᔭᖅᑎᑦᓯᔨᐅᔪᑦ, ᐊᖓᔪᖅᑳᕆᔭᐅᔪᑦ, ᐃᖅᑲᓇᐃᔭᖅᑏᓪᓗ ᐸᓯᔭᒃᓴᓕᐊᖑᓚᐅᖅᑐᑦ, ᐱᓗᐊᖅᑐᒥ: ᐊᓕᔅᑖᓐ ᑎᒥᖁᑖ, ᑭᑦᓄᓇ ᐱᓕᕆᔩᑦ, ᐱᐊᔅᑦ ᓱᐃᔅ ᐃᒡᓗᓕᐅᖅᑎᒃᑯᑦ (RB) ᓕᒥᑎᑦ, EXP ᐱᔨᑦᓯᕋᖅᑎᒃᑯᑦ, ᑖᓐ ᑯᕋᔅ, ᐊᐃᕝᕙᓚᕼᐋᒻ ᓕᐊᓄᑦ ᕼᐊᐅᓕᖕ, ᔭᔅᑎᓐ ᒥᒃᑖᓂᐅᓪ ᐊᒻᒪ ᕌᑦ ᐋᔅᒪᓐ.
ᐸᓯᔭᒃᓴᙳᖅᑎᑕᐅᓚᐅᖅᑐᑦ ᐃᖅᑲᓇᐃᔭᖅᑎᐅᔪᖅ ᐋᓐᓂᖅᑎᓪᓗᒍ ᐃᖅᑲᓇᐃᔭᖅᑎᓪᓗᒍ ᑲᓇᑕᒥ ᖁᑦᑎᒃᑐᒥ ᖃᐅᔨᓴᕐᕕᐊᓂ ᐃᖃᓗᒃᑑᑦᑎᐊᖅ, ᓄᓇᕗᒻᒥ ᐋᒡᒌᓯ, 2015-ᒥ.
ᑖᒃᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᐃᖅᑲᐅᒪᖁᔨᕗᑦ ᐃᖅᑲᓇᐃᔭᖅᑎᑦᓯᔨᐅᔪᓕᒫᑦ ᐃᖅᑲᓇᐃᔭᕐᕕᖏᓐᓂᒃ ᒪᑯᓂᖓ ᑲᒪᒋᔭᒃᓴᖃᕐᓂᖏᓐᓂᒃ: ᐊᑦᑕᕐᓇᙱᑦᑐᒥ ᐃᖅᑲᓇᐃᔭᕐᕕᖃᖅᑎᑦᓯᓂᕐᒥᑦ; ᐱᖁᑎᓕᒫᑦ ᐊᐅᓚᔾᔪᑎᓕᒫᑦ ᓱᕐᕋᑰᖏᓪᓗᑎ; ᐊᖓᔪᖅᑳᑦᑎᐊᕙᓐᓂᒃ ᐃᖅᑲᓇᐃᔭᖅᑎᑖᕐᓗᑎ ᐊᑦᑕᕐᓇᙱᑦᑐᓂᒃ ᒪᓕᒋᐊᓕᓐᓂᒃ ᐃᖅᑲᓇᐃᔭᕐᕕᐅᔪᒥ ᒪᓕᑦᑎᐊᕈᓐᓇᖅᑐᓂ; ᓈᒻᒪᒃᑐᒥ ᐃᓕᓐᓂᐊᖅᑎᑦᓯᖃᑦᑕᕐᓗᑎ; ᐃᖅᑲᓇᐃᔭᖅᑎᓂ ᐃᓕᓐᓂᐊᖅᑎᑦᓯᓂᕐᒥᑦ ᐅᓗᕆᐊᓇᕈᑕᐅᑐᐃᓐᓇᕆᐊᓕᓐᓂᒃ; ᐊᒻᒪ ᐊᑐᐃᓐᓇᐅᑎᑦᓯᓗᑎ ᓇᒻᒥᓂᖅ ᓴᐳᔾᔨᔾᔪᑎᓂ ᐱᖁᑎᓂ ᐊᒻᒪ ᐃᖅᑲᓇᐃᔭᖅᑎᐅᔪᑦ ᐊᑦᑕᕐᓇᙱᑦᑐᒃᑯᑦ ᑖᒃᑯᓂᖓ ᐊᑐᑦᑎᐊᕈᓐᓇᕋᓗᐊᕐᒪᖔᑦ.
ᓯᕗᓪᓕᖅᐹᒥ ᐃᖅᑲᖅᑐᐃᕕᒻᒦᓛᖅᑐᑦ ᐃᖃᓗᒃᑑᑦᑎᐊᕐᒥ ᓯᑎᐱᕆ 19, 2016-ᒥ.
-30-
ᑭᒻ ᒪᒃᐄᑦᓱᓐ
ᐊᐅᓚᑦᑎᔨ, ᑐᓴᐅᒪᔪᓕᕆᓂᕐᒧᑦ
ᐅᖃᓘᑖ: (867) 920-3846
ᐊᑭᖃᙱᑦᑐᒃᑯᑦ: (800) 661-0792
ᖃᐅᔨᒪᔭᐅᓕ:
ᑕᒪᓐᓇ ᐃᖅᑲᖅᑐᐃᕕᖕᒥ ᑲᒪᒋᔭᐅᓕᖅᑐᖅ, ᑕᐃᒪᐃᓐᓂᖓᓄᑦ ᑐᑭᓯᒋᐊᕈᑎᒃᓴᒃᑲᓐᓃᑦ ᓴᖅᑭᑕᐅᔪᓐᓇᖅᑐᑦ ᑭᒡᓕᖃᖅᑎᑕᐅᓯᒪᔪᑦ.
ᑖᓐᓇ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᖁᔭᖅ, ᐃᓚᖓ 11, ᓇᓗᓇᐃᕆᕗᖅ ᖃᐅᔨᔭᐅᔭᕆᐊᖃᙱᑦᑐᓂᒃ ᐃᒻᒥᒃᑰᖓᔪᓂᒃ ᑐᕌᖓᔪᓂᒃ ᑐᑭᓯᒋᐊᕈᑎᒃᓴᓄᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᓴᖅᑭᑦᑐᓐᓇᖅᑕᖏᓐᓂᒃ. ᑖᓐᓇ ᐊᑐᕈᓐᓇᕐᓂᖅ ᑐᓴᖅᑕᐅᔪᒃᓴᓂᒃ ᓴᐳᔾᔨᓯᒪᓂᕐᓗ ᖃᐅᔨᔭᐅᔭᕆᐊᖃᙱᑦᑐᓂᒃ ᐱᖁᔭᖅ ᓇᓗᓇᐃᖅᓯᖕᒥᔪᖅ ᖃᓄᐃᑦᑐᓂᒃ ᐃᒻᒥᒃᑰᖓᔪᓂᒃ ᑐᑭᓯᒋᐊᕈᑎᓂᒃ ᒐᕙᒪᐅᔪᑦ ᓴᖅᑭᑦᑐᓐᓇᖅᑕᖏᓐᓂᒃ. ᐱᖁᔭᐃᑦ ᐊᑖᒍ, ᑖᒃᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓴᖅᑮᔪᓐᓇᙱᑦᑐᑦ ᐃᒻᒥᒃᑰᖓᔪᓂ ᑐᑭᓯᒋᐊᕈᑎᓂ ᐅᕝᕙᓘᓐᓃᑦ ᑐᑭᓯᒋᐊᕈᑎᓂ ᓇᓗᓇᐃᖅᓯᑐᐃᓐᓇᕆᐊᓕᓐᓂᒃ ᑭᓇᐅᒋᐊᒃᓴᖓᓂ.