ᓄᕙᒡᔪᐊᕐᓇᖅ-19 (COVID-19) ᓄᑖᖑᓛᖅ ᑐᓴᒐᒃᓴᖅ

ᑕᒪᕐᒥ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᕐᑏᑦ ᑎᑎᕋᕐᕕᖏᑦ ᒪᑐᐃᖓᔪᑦ ᓄᑖᓂᒃ ᐋᓐᓂᐊᖃᕐᓇᙱᑦᑐᓕᕆᓂᕐᒥᒃ ᐊᒻᒪ ᐊᑦᑕᓇᔾᔭᐃᖅᓯᒪᓂᕐᒥᒃ ᐱᓕᕆᐊᓂᒃ ᐊᑐᖅᖢᑎᒃ. ᐱᔨᑦᑎᕋᖅᑕᐅᕙᒃᑐᑦ ᐃᓂᒃᓴᓕᐅᖅᐸᒌᖅᐸᒡᓗᑎᒃ ᐅᐸᓚᐅᙱᓐᓂᖏᓐᓂᒃ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᑐᓴᒐᒃᓴᑦ ᓴᖅᑭᑕᒃᓴᑦ: ᐃᖅᑲᓇᐃᔭᖅᑎᓄᑦ ᐊᑦᑕᖕᓇᖅᑐᓂᑦ ᓇᓪᓕᐅᒃᑯᒻᒫᓂᒡᓗ ᖃᐅᔨᓴᖅᑏᑦ ᑐᓴᖅᑎᑦᑎᕗᑦ ᑐᓂᔭᐅᔪᒥᑦ 2017−ᒥᑦ ᑐᖑᔪᖅᑕᖅ ᑎᓯᔪᖅ ᓇᖅᓴᖅ ᐊᑦᑕᖕᓇᖅᑕᐃᓕᒪᓂᖕᒧᑦ ᑐᓐᓂᖅᑯᓯᐊᒥᑦ

ᐅᑐᐱᕆ 17 / 2017

ᑐᓴᒐᒃᓴᑦ ᓴᖅᑭᑕᒃᓴᑦ: ᐃᖅᑲᓇᐃᔭᖅᑎᓄᑦ ᐊᑦᑕᖕᓇᖅᑐᓂᑦ ᓇᓪᓕᐅᒃᑯᒻᒫᓂᒡᓗ ᖃᐅᔨᓴᖅᑏᑦ ᑐᓴᖅᑎᑦᑎᕗᑦ ᑐᓂᔭᐅᔪᒥᑦ 2017−ᒥᑦ ᑐᖑᔪᖅᑕᖅ ᑎᓯᔪᖅ ᓇᖅᓴᖅ ᐊᑦᑕᖕᓇᖅᑕᐃᓕᒪᓂᖕᒧᑦ ᑐᓐᓂᖅᑯᓯᐊᒥᑦ

ᔭᓗᓇᐃᕝ, ᓄᓇᑦᑎᐊᖅ (ᐅᑐᐱᕆ 16, 2017) – ᑖᒃᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᖕᓇᖅᑐᓂᑦ ᓇᓪᓕᐅᒃᑯᒻᒫᓂᒡᓗ ᖃᐅᔨᓴᖅᑏᑦ, ᐱᓇᓱᐊᖏᓐᓇᖅᓯᒪᔭᖏᓐᓂᑦ ᐱᕚᓪᓕᖅᑎᑦᑎᓂᖕᒥᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᖕᒧᑦ ᐊᑦᑕᖕᓇᖅᑕᐃᓕᒪᓂᖕᒧᓪᓗ ᐱᓕᕆᐊᓂᑦ ᐅᔾᔨᖅᓱᖅᑎᑦᑎᓂᖕᒥᑦ, ᓴᖅᑭᑦᑎᓚᐅᖕᒪᑕ ᓯᕗᓪᓕᖅᐹᒥᑦ ᑐᙳᔪᖅᑐ ᑎᓯᔪᖅ ᓇᓴᖅ ᐊᑦᑕᖕᓇᖅᑕᐃᓕᒪᓂᖕᒧᑦ ᑐᓐᓂᖅᑯᓯᐊᓂᑦ ᓄᓇᓕᖕᒥᐅᓄᑦ ᔭᓗᓇᐃᒥᑦ ᕼᐃ ᕆᕗᒥᓪᓗ ᐱᖓᔪᐊᖑᑎᓪᓗᒍ, ᐅᑐᐱᕆr 4. ᑐᓂᐅᖅᑲᐃᓚᐅᖅᑐᑦ ᐴᑦ ᕼᐊᓴᐅ, ᐊᑦᑕᖕᓇᖅᑕᐃᓕᒪᔪᓕᕆᔨᒻᒪᕆᒃ ᒦᑕ ᐊᓐᑐᓗᓐᓗ, ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᖕᒧᑦ ᐊᑦᑕᖕᓇᖅᑕᐃᓕᒪᓂᖕᒧᓪᓗ ᖃᐅᔨᒪᑕᖅ ᑖᒃᑯᓇᓂ ᐃᖅᑲᓇᐃᔭᖅᑎᓄᑦ ᐊᑦᑕᖕᓇᖅᑐᓂᑦ ᓇᓪᓕᐅᒃᑯᒻᒫᓂᒡᓗ ᖃᐅᔨᓴᖅᑏᑦ ᓰᓚ ᐹᓯ−ᑲᓚᑦᒧᑦ, ᓄᓇᓕᖕᓂᑦ ᐊᐅᓚᑦᑎᔨ ᔭᓗᓇᐃᕝᕗᑦ ᔫᑎ ᖒᓱᓗ, ᓄᓇᓕᖕᓂᑦ ᐊᐅᓚᑦᑎᔨ ᕼᐊᐃ ᕆᕗᒧᑦ.

ᓴᖅᑭᑕᐅᓚᐅᖅᓯᒪᓪᓗᓂ ᐅᑐᐱᕆ 2016−ᒥᑦ ᓄᓇᓕᖕᓂᑦ ᐊᐅᓚᑦᑎᔩ ᓄᓇᑦᑎᐊᒥᑦ ᐊᕐᕌᓂᐅᓚᐅᖅᑐᖅ, ᑖᓐᓇ ᑐᖑᔪᖅᑐᖅ ᑎᓯᔪᖅ ᓇᓴᖅ ᐊᑦᑕᖕᓇᖅᑕᐃᓕᒪᓂᖕᒧᑦ ᑐᓐᓂᖅᑯᑎᑦ ᑐᓂᔭᐅᕙᒃᐳᑦ ᐱᓕᕆᑦᑎᐊᖅᑐᒻᒪᕆᖕᓄᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖕᓇᙱᑦᑐᓕᕆᓂᖕᒧᑦ ᐊᑦᑕᖕᓇᖅᑕᐃᓕᒪᓂᖕᒧᓪᓗ ᓄᓇᓕᖕᒥᐅᓂᓪᓗ ᓄᓇᑦᑎᐊᓕᒫᒥᑦ ᓴᖅᑭᑦᑎᓇᓱᐊᖁᔨᔾᔪᑕᐅᓪᓗᓂ ᐃᒻᒥᒥᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᖕᒧᑦ ᐊᑦᑕᖕᓇᖅᑕᐃᓕᒪᓂᖕᒧᓪᓗ ᐱᓕᕆᐊᒃᓴᓂᑦ. ᑐᓐᓂᖅᑯᓯᐊᕈᓐᓇᖕᓂᐊᕐᓗᓂ, ᓄᓇᓕᖕᓂᑦ ᐊᐅᓚᑦᑎᔩᑦ ᓇᒃᓯᐅᔾᔨᓗᑎᒃ ᑎᑎᖅᑲᓂᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᖕᒧᑦ ᐊᑦᑕᖕᓇᖅᑕᐃᓕᒪᓂᖕᒧᓪᓗ-ᑐᕌᖓᔪᓂᑦ ᑎᑎᖅᑲᓂᑦ ᐱᓕᕆᐊᖃᖅᓯᒪᓂᖏᓐᓂᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᖕᒧᑦ ᐊᑦᑕᖕᓇᖅᑕᐃᓕᒪᓂᖕᒧᓪᓗ ᖃᓄᐃᓕᐅᖅᑕᓂᑦ ᐊᕐᕌᒍᒥᑦ. ᓄᓇᓕᖕᒥᐅᑦ ᐱᔪᓐᓇᖅᑐᖅ ᐃᓕᓴᕆᔭᐅᕙᒃᐳᑦ ᑐᓂᔭᐅᓪᓗᑎᒃ ᐃᓚᓕᐅᔾᔭᐅᓪᓗᑎᒡᓗ ᐊᒧᔭᐅᔪᒃᓴᒧᑦ ᓵᓚᒃᓴᕋᓱᒃᓗᑎᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᖕᒧᑦ ᐊᑦᑕᖕᓇᖅᑕᐃᓕᒪᓂᖕᒧᓪᓗ ᐃᓕᓐᓂᐊᕐᓂᖏᓐᓂᑦ ᓄᓇᒥᓂᒃ.

“ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᖕᒧᑦ ᐊᑦᑕᖕᓇᖅᑕᐃᓕᒪᓂᖕᒧᓪᓗ ᐱᓕᕆᐊᒃᓴᑦ ᐊᑐᖅᑐᒻᒪᕆᐅᕗᑦ ᐱᓕᕆᕝᕕᐅᔫᑉ ᐃᓗᐊᓂᑦ ᑲᒪᒋᔭᒃᓴᓕᕆᓂᖕᓂᑦ ᑕᒪᒃᑯᐊ ᐃᖅᑲᓇᐃᔭᕐᕖᑦ ᐊᑦᑕᖕᓇᖅᑐᒦᖁᓇᒋᑦ,” ᐅᖃᖅᑐ ᔫᑎ ᑲᐃᓐᔅ, ᑐᑭᒧᐊᒃᑎᑦᑎᔨ ᖃᓄᐃᕐᓗᒃᑕᐃᓕᒪᑎᑦᑎᓂᖕᒧᑦ ᐃᖅᑲᓇᐃᔭᕐᕕᐅᔪᓄᓪᓗ ᐱᔨᑦᑎᕋᖅᑎᒃᑯᕕᖕᒥᑦ. “ᖃᐅᔨᒪᔪᒍ ᐊᒃᓱᕈᖕᓇᖕᓂᖏᑦ ᑕᒪᒃᑯᐊ ᐱᓕᕆᐊᒃᓴᑦ ᐱᒋᐊᖅᑎᓐᓇᓱᐊᕐᓗᒋᑦ ᓯᕗᓪᓕᖕᒥᑦ, ᐃᑲᔪᖅᑐᐃᔪᒪᑐᐃᓐᓇᖅᐳᒍᓪᓗ ᓄᓇᓕᖕᓂᑦ ᓇᖕᒥᓂᖁᑎᒋᔭᓂᒡᓗ ᐃᓕᓴᖅᓯᕙᒡᓗᑕᓗ ᑲᔪᓯᑎᑦᑎᑦᑎᐊᖕᓂᖏᓐᓂᑦ.”

ᑖᒃᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᖕᓇᖅᑐᓂᑦ ᓇᓪᓕᐅᒃᑯᒻᒫᓂᒡᓗ ᖃᐅᔨᓴᖅᑏᑦ ᑐᓂᓯᓚᐅᖅᐳᑦ 2017−ᒥᑦ ᓄᓇᓕᖕᓂᑦ ᐊᐅᓚᑦᑎᔩ ᓄᓇᑦᑎᐊᒥᑦ ᑲᑎᒪᑎᓪᓗᒋᑦ ᐊᕐᕌᒍᑕᒫᖅᓯᐅᑎᒥᓂᒡᓗ ᔭᓗᓇᐃᕝᕕᑦ, ᐅᑐᐱᕆ 3-5.

ᓴᖅᑭᑦᑎᓇᓱᐊᖕᓂᐊᕐᓗᓂ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᖕᒧᑦ ᐊᑦᑕᖕᓇᖅᑕᐃᓕᒪᓂᖕᒧᓪᓗ ᐱᓕᕆᐊᒃᓴᓂᑦ ᓇᖕᒥᓂᖁᑎᒋᔭᓄᑦ ᖃᓄᐃᑦᑐᑐᐃᓐᓇᖕᓄᑦ, ᐅᕗᙵᐅᓗᑎᒃ wscc.nt.ca  wscc.nu.ca−ᒧᓪᓘᓐᓃᑦ.

-30-

ᔮᒃᓕᓐ ᒨ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᓂᖕᒧᑦ
ᐅᖄᓚᐅᑖ: (867) 920-3829
ᐊᑭᖃᙱᑦᑐᒃᑯᑦ: 1 (800) 661-0792 ᓇᕿᓪᓗᒍ 3829