ᓄᕙᒡᔪᐊᕐᓇᖅ-19 (COVID-19) ᓄᑖᖑᓛᖅ ᑐᓴᒐᒃᓴᖅ

ᑕᒪᕐᒥ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᕐᑏᑦ ᑎᑎᕋᕐᕕᖏᑦ ᒪᑐᐃᖓᔪᑦ ᓄᑖᓂᒃ ᐋᓐᓂᐊᖃᕐᓇᙱᑦᑐᓕᕆᓂᕐᒥᒃ ᐊᒻᒪ ᐊᑦᑕᓇᔾᔭᐃᖅᓯᒪᓂᕐᒥᒃ ᐱᓕᕆᐊᓂᒃ ᐊᑐᖅᖢᑎᒃ. ᐱᔨᑦᑎᕋᖅᑕᐅᕙᒃᑐᑦ ᐃᓂᒃᓴᓕᐅᖅᐸᒌᖅᐸᒡᓗᑎᒃ ᐅᐸᓚᐅᙱᓐᓂᖏᓐᓂᒃ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᐱᕙᓪᓕᐊᔪᑦ ᓴᖅᑭᑕᑦ: ᐊᕐᕌᒍᑕᒫᒥᑦ ᐅᔭᕋᖕᓂᐊᕐᕕᖕᓂᑦ ᐱᖏᖕᓇᖅᑐᓕᕆᑲᓴᐅᑎᓂᒃᑯᑦ ᖁᕕᐊᓲᑎᖃᖅᐳᑦ ᐊᕐᕌᒍᒋᓕᖅᑕᖓᓂᑦ 60−ᓂᑦ

ᔫᓂ 07 / 2017

ᐱᕙᓪᓕᐊᔪᑦ ᓴᖅᑭᑕᑦ: ᐊᕐᕌᒍᑕᒫᒥᑦ ᐅᔭᕋᖕᓂᐊᕐᕕᖕᓂᑦ ᐱᖏᖕᓇᖅᑐᓕᕆᑲᓴᐅᑎᓂᒃᑯᑦ ᖁᕕᐊᓲᑎᖃᖅᐳᑦ ᐊᕐᕌᒍᒋᓕᖅᑕᖓᓂᑦ 60−ᓂᑦ

ᔭᐃᓗᓇᐃᕝ, ᓄᓇᑦᑎᐊᖅ (ᔫᓐ 7, 2017) – ᑕᒪᓐᓇ ᐅᔭᕋᖕᓂᐊᕐᕕᖕᓂᑦ ᐱᖏᖕᓇᖅᑐᓕᕆᑲᓴᐅᑎᓂᖅ  ᓄᓇᑦᑎᐊᒥᑦ  ᓄᓇᕗᒻᓪᓗ ᖁᕕᐊᓲᑎᖃᖅᐳᑦ ᐊᕐᕌᒍᒋᓕᖅᑕᖓᓂᑦ 60−ᓂᑦ ᐅᔭᕋᖕᓂᐊᕐᕕᖕᓂᑦ ᐱᖏᖕᓇᖅᑐᓕᕆᕙᖕᓂᖅ ᑕᒪᑐᒪᓂ ᐊᕐᕌᒎᔪᒥᑦ, ᐃᓄᓕᒫᓂᑦ ᖃᓄᐃᓕᐅᖅᑎᑦᑎᓛᖅᖢᑎ ᓯᕙᑖᕐᕕᖕᒥᑦ, ᔫᓐ 10. ᑖᒃᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᖕᓇᖅᑐᓂᒃ ᓇᓪᓕᐅᒃᑯᒻᒫᓂᒡᓗ ᖃᐅᔨᓴᖅᑏᑦ ᓄᓇᑦᑎᐊᒥᑦ ᓄᓇᕗᒻᓪᓗ ᖃᐃᖁᔨᕗᑦ ᐅᑭᐅᖅᑕᖅᑐᒥᐅᓂᑦ ᖁᙱᐊᕆᐊᕐᓗᑎᒃ ᐊᒃᓱᕈᖕᓇᖅᑐᒃᑰᖅᐸᖕᓂᖏᓐᓂᑦ ᐅᔭᕋᖕᓂᐊᕐᕕᖕᒥᑦ ᐱᖏᖕᓇᖅᑐᓕᕆᓂᓂᖕᒧᑦ ᐱᓕᕆᖃᑎᒌᑦ ᐊᑐᖅᐸᒃᑕᖏᓐᓂᑦ, ᐊᔪᙱᓐᓇᑦᑎᐊᕐᓗᑎᒃ ᐊᕐᕌᒍᒋᓕᖅᑕᖓᓂᑦ 60−ᓂᑦ ᐊᕐᕌᒍᑕᒫᑦ ᐅᔭᕋᖕᓂᐊᕐᕕᖕᓂᑦ ᐱᖏᖕᓇᖅᑐᓕᕆᑲᓴᐅᑎᑎᑦᑎᓂᖕᓂᑦ.

ᓵᓚᒃᓴᕋᓱᖕᓂᖃᓛᖅᑐᑦ ᐅᓪᓗᑐᐃᓐᓇᒥᑦ, ᔫᓐ 9, ᓯᕙᑖᕐᕕᖕᒥᓪᓗ, ᔫᓐ 10−ᒥᑦ. ᑖᒃᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᖕᓇᖅᑐᓂᒃ ᓇᓪᓕᐅᒃᑯᒻᒫᓂᒡᓗ ᖃᐅᔨᓴᖅᑏᑦ ᖃᐃᖁᔨᕗᑦ ᐃᓄᖕᓂᑦ ᖁᙱᐊᕆᐊᕐᓗᑎᒃ ᖃᓄᐃᓕᐅᖅᑐᓂᑦ ᓯᕙᑖᕐᕕᖕᒥᑦ, ᔫᓐ 10, ᔭᓗᓇᐃᕝ ᐃᒡᓗᖁᑎᖃᐅᖅᑐᖁᑎᖏᓐᓂᑦ/ᓄᓇᓯᐅᑎᓄᑦ ᓄᖅᑲᖔᕐᕕᖕᓂᑦ (Yellowknife Multiplex/Fieldhouse Parking Lots) 9:00−ᒥᑦ ᐅᓪᓛᒃᑯᑦ 4:00−ᒧᑦ ᐅᓐᓄᒃᓴᒃᒧᑦ. ᓵᓚᒃᓴᕋᓱᖕᓃᑦ ᐊᑕᐅᑦᑎᒃᑰᓛᖅᑐᑦ ᓄᓇᑦᑎᐊᒥᑦ ᓄᓇᕗᒥᓪᓗᑦ ᐅᔭᕋᖕᓂᐊᖕᓂᓕᕆᔩᑦ Mᐅᔭᕋᖕᓂᐊᖅᑏᑦ ᐅᓪᓗᕈᒻᒥᕋᖅᑎᑕᐅᓂᖏᓐᓂᑦ 12:00−ᒥᑦ 3:00−ᒧᑦ ᐅᓐᓄᒃᓴᒧᑦ, ᑕᒡᕙᓂᔅᓴᐃᓐᓇᐅᓪᓗᓂ ᐊᑭᖃᕋᓂᓗ ᐃᓄᓕᒫᓄᑦ.  ᑕᕐᓯᕐᓱᐃᕕᖕᓂᑦ, ᐱᙳᐊᕐᑎᑦᑎᓃᑦ ᓵᓚᒃᓴᐅᓯᐊᖅᐸᒡᓗᑎᒃ, ᑮᓇᖕᓂᓪᓗ ᐊᒥᐊᖃᑦᑕᖕᓂᐊᖅᑐᑦ ᖃᓄᐃᓕᐅᖕᓂᖏᓐᓂᑦ, ᐅᓪᓗᖅ ᑖᓐᓇ ᐃᓚᒌᓅᖓᓗᓂ ᐱᓇᓱᐊᕈᓯᐊᓂᑦ ᓄᙳᐊᓂᑦ.

ᐅᔭᕋᖕᓂᐊᖅᑏᑦ ᓄᓇᑦᑎᐊᒥᑦ, ᓄᓇᕗᒻᒥᓪᓗ, ᐊᓯᖏᓐᓂᓪᓗ ᓵᓚᒃᓴᕋᓱᖕᓂᐊᖅᐳᑦ ᑕᒪᐃᓐᓄᑦ ᖄᖓᓂᑦ ᐊᑖᓂᓗ ᓄᓇᒥᑦ ᓵᓚᒃᓴᐅᓯᐊᒃᓴᓂᑦ. ᐃᓕᒌᑦ 8-ᖑᓂᐊᖅᑐᑦ 7-ᓂᖔᕐᓗᑎᒃ ᐅᔭᕋᖕᓂᐊᕐᕕᖕᓂᑦ ᐃᓚᐅᓂᐊᖅᑐᑦ ᑕᒪᑐᒪᓂ ᐊᕐᕌᒍᒥᑦ: Diavik Diamond Mine (Rio Tinto Ltd.); Ekati Diamond Mine (Dominion Diamond Corporation); Gahcho Kué Diamond Mine (De Beers Canada Inc.); Hope Bay Gold Mine (TMAC Resources Inc.); Meadowbank Gold Mine (Agnico Eagle Mines Ltd.); Meliadine Gold Project (Agnico Eagle Mines Ltd.); and Victor Diamond Mine from Ontario (De Beers Canada Inc.).

ᐅᔭᕋᖕᓂᐊᕐᕕᖕᓂᑦ ᐱᖏᖕᓇᖅᑐᓕᕆᑲᓴᐅᑎᓂᖅ ᖃᐅᔨᓴᕈᑕᐅᕙᒃᐳᖅ ᐅᔭᕋᖕᓂᐊᕐᕕᖕᓂᑦ ᐊᑑᑎᖃᖅᑐᓂᑦ ᐱᐅᓛᓂᒡᓗ ᐅᔭᕋᖕᓂᐊᕐᕕᖕᒥᑦ ᐱᖏᓐᓇᖅᑐᓕᕆᓂᖕᒧᑦ ᐃᓕᓐᓂᐊᕈᑎᒃᓴᖏᓐᓂᑦ. ᐃᓕᒌᑦ ᐃᓚᐅᖃᑦᑕᖅᐳᑦ ᐊᔪᙱᓛᖑᓇᓱᒃᖢᑎᒃ ᐃᑲᔪᖅᑎᒌᖕᓂᖕᒧᓪᓗ ᑐᑭᓯᓇᓱᒃᖢᑎᒃ ᖃᓄᕐᓕ ᐊᓯᖏᑦ ᐃᓕᒌᑦ ᐱᓕᕆᖃᑎᒌᒃᐸᖕᒪᖔᖏᑦ, ᐃᒻᒥᒥᒡᓗ ᖃᐅᔨᓴᐅᔮᕐᔪᒃᖢᑎᒃ ᐊᔪᙱᓐᓂᖏᓐᓂᑦ ᐅᔭᕋᖕᓂᐊᕐᕕᖕᒥᑦ ᐱᖏᖕᓇᖅᑐᓕᕆᔪᓐᓇᖕᓂᖏᓐᓂᑦ.

ᐊᔪᙱᓛᖑᕝᕕᐅᓇᓱᓛᖅᑐᑦ ᑕᒪᑐᒪᓂ ᐊᕐᕌᒍᒥ ᑕᒪᑐᒪᓂ ᑎᑎᕋᕈᓐᓇᖕᓂᖕᒧᑦ ᖃᐅᔨᓴᖅᑕᐅᓂᖅ, ᖃᑦᑎᕆᔪᓐᓇᖕᓂᖅ, ᓄᓇᐅᑉ ᖄᖓᓂᑦ ᐱᓕᕆᐊᖃᖕᓂᖅ, ᐊᑖᓂ ᐱᓕᕆᐊᖃᖕᓂᖕᖅ, ᓄᓇᐅᑉ ᖄᖓᓂᑦ ᐊᑖᓂᓗ ᐳᔪᖕᒥᑦ ᐊᒡᕕᐊᕈᑎᓪᓗ, ᐊᒃᖢᓈᒧᑦ ᐊᑐᖕᓂᖅ (ᖄᖓᓂᑦ ᐊᑖᓂᓪᓗ), ᐋᓐᓂᖅᑐᓕᕆᓂᖅ (ᖄᖓᓂᑦ ᐊᑖᓂᓪᓗ), ᖄᖓᓂᓪᓗ ᐱᖏᖕᓇᖅᑐᓕᕆᓂᖅ. ᓂᕈᐊᖅᑏᑦ ᖃᐅᔨᓴᖅᐸᒡᓗᑎᒃ ᑕᒪᐃᓐᓂᒃ ᖃᓄᐃᓕᐅᖅᑕᓂᑦ, ᐊᑦᑕᖕᓇᖅᑕᐃᓕᒪᓂᖕᒧᑦ ᐱᖁᑎᓂᑦ ᖃᐅᔨᓴᖕᓂᖕᓂᑦ ᐱᕐᕈᓗᐊᕿᙳᐊᕐᓂᖕᒧᑦ.

-30-

ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒋᐊᕐᓗᑎᑦ:
ᑭᒻ ᐅᐊᑯ
ᐊᐅᓚᑦᑎᔨ, ᑐᓴᐅᒪᔪᓕᕆᓂᖕᒧᑦ
ᐃᖅᑲᓇᐃᔭᖅᑎᓄᑦ ᐊᑦᑕᖕᓇᖅᑐᓂᒃ ᓇᓪᓕᐅᒃᑯᒻᒫᓂᒡᓗ ᖃᐅᔨᓴᖅᑏᑦ
ᓄᓇᑦᑎᐊᒥᑦ ᓄᓇᕗᒥᓪᓗ
T: (867) 920-3846