ᐱᕙᓪᓕᐊᔪᑦ ᓴᖅᑭᑎᑕᐅᔪᑦ: ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓴᖅᑮᔪᑦ 2018−ᒥᑦ ᖃᐅᔨᓴᕐᓂᐅᔪᓄᑦ ᐊᑭᖏᓐᓂᒃ

11th Dec 2017

ᔭᓗᓇᐃ, ᓄᓇᑦᓯᐊᖅ (ᑎᓯᐱᕆ 11, 2017) – ᐅᓪᓗᒥ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ ᓴᖅᑮᕗᑦ 2018-ᒥ ᐃᖅᑲᓇᐃᔭᖅᑎᖁᑎᓕᖕᓄᑦ ᖃᐅᔨᓴᕐᓂᕐᒧᑦ ᐊᑭᓂᑦ.

ᑕᒪᑐᒪᓂ ᐊᕐᕌᒍᒥ, ᐊᑐᖅᑕᐅᓪᓗᐊᑕᓲᑦ ᐊᑐᐃᓐᓇᐅᑎᑦᑎᓂᕐᒧᑦ ᖃᐅᔨᓴᕐᓂᕐᒧᑦ ᐊᑭᖓ ᑖᓐᓇᐅᓂᐊᖅᑐᖅ $2.05 ᐊᑐᓂ $100−ᒧᑦ ᖃᐅᔨᓴᖅᑕᐅᑎᓪᓗᒋᑦ ᑮᓇᐅᔭᖅᑖᖏᓐᓄᑦ. ᐊᑐᖅᑕᐅᓪᓗᐊᑕᓲᑦ ᐊᑐᐃᓐᓇᐅᑎᑦᑎᓂᕐᒧᑦ ᖃᐅᔨᓴᕐᓂᕐᒧᑦ ᐊᑭᖓ ᐊᑭᐅᕗᖅ ᐃᖅᑲᓇᐃᔭᖅᑎᖁᑎᓕᑦ ᐊᑭᓖᓇᔭᕐᓂᖏᓐᓂ ᐊᑕᐅᓯᑐᐊᒥᒃ ᐊᑭᖃᕈᓂ ᑕᒪᒃᑭᓄᑦ ᐃᖅᑲᓇᐃᔭᖅᑎᖁᑎᓕᖕᓄᑦ, ᐊᒻᒪᓗ ᐊᑭᐅᓪᓗᓂ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑐᖅᐸᒃᑕᖓᓐᓂ ᐱᒋᐊᕈᑕᐅᓪᓗᓂ ᐋᖅᑭᒃᓱᐃᑎᓪᓗᒋᑦ ᐃᓄᑐᐃᓐᓇᕐᓄᑦ ᐊᕕᒃᑐᖅᓯᒪᒃᑲᓐᓂᖅᑐᓂ ᐊᑭᐅᔪᓂᑦ.

2018-ᒥ ᐊᑐᖅᑕᐅᓪᓗᐊᑕᓲᑦ ᐊᑐᐃᓐᓇᐅᑎᑦᑎᓂᕐᒧᑦ ᖃᐅᔨᓴᕐᓂᕐᒧᑦ ᐊᑭᖓ ᑖᒃᑯᓂᖓ ᐃᕐᒃᑲᓇᐃᔭᕐᒃᑎᓄᑦ ᐊᑦᑕᓇᕐᒃᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᕐᑲᐅᔨᓴᕐᒃᑎᒃᑯᓐᓂ ᑕᐃᒫᔅᓴᐃᓐᓇᖅ ᐃᓂᒦᑎᑕᐅᔪᑦ ᖁᑦᑎᓐᓂᖓᓂ ᖃᐅᔨᓴᕐᓂᕐᒧᑦ ᑮᓇᐅᔭᐃᑦ ᐱᔭᐅᕙᓪᓕᐊᔪᑦ ᑕᐃᑲᓂ 2016-ᒥ ᐊᒻᒪ 2017-ᒥ. ᐊᕕᒃᑐᖅᓯᒪᒃᑲᓐᓂᖅᑐᑦ ᐋᖅᑭᒋᐊᖅᓯᒪᔪᑦ ᑕᐃᒪᐃᓕᖓᑎᑕᐅᔪᑦ ᐊᔾᔨᒌᓕᖅᑎᑦᑎᓇᓱᓐᓂᕐᒧᑦ. ᓴᓇᔨᕐᔪᐊᓄᑦ ᖁᕝᕙᕆᐊᖅᑐᓂ ᐊᑭᓕᖅᑕᐅᔪᒪᔾᔪᑎᓂ ᐊᑭᓖᓐᓂᖅᓴᐅᔪᑦ ᑮᓇᐅᔭᖃᖅᑎᑦᑎᓂᕐᒧᑦ ᐱᓕᕆᔾᔪᓯᐅᔪᒥ, ᑕᐃᒃᑯᐊ ᐊᑦᑎᓂᖅᓴᒥ ᐊᑭᓖᑦ ᐊᑭᑭᓐᓂᖅᓴᒥ ᐊᑭᓖᑎᑕᐅᔪᑦ.

2018-ᒥ ᐊᕐᕌᒍᑕᒫᑦ ᖁᑦᑎᓛᖓᓂ ᓇᓪᓕᐅᒃᑯᒫᓕᐅᖅᑕᐅᓂᕐᒧᑦ (YMIR) ᑕᕝᕙᓃᖏᓐᓇᓛᖅᑐᖅ $90,600-ᓂᒃ. ᐊᕐᕌᒍᑕᒫᑦ ᖁᑦᑎᓛᖓᓂ ᓇᓪᓕᐅᒃᑯᒫᓕᐅᖅᑕᐅᓂᕐᒧᑦ ᐅᑎᖅᑐᒃᓴᐅᑕᐅᔪᓂᑦ ᖁᑦᑎᖕᓂᖅᐹᒃᑯᑦ ᑮᓇᐅᔾᔭᒃᓴᓂᐅᕗᖅ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑐᖅᐸᒃᑕᖓᓐᓂ ᓇᐃᓴᐅᓯᕆᓂᕐᒧᑦ ᐊᑭᓕᖅᑕᐅᔾᔪᑎᓂᒃ ᐊᑭᓕᖅᑕᐅᕙᒃᑐᓂ ᐋᓐᓂᖅᓯᒪᔪᒧᑦ ᐃᖅᑲᓚᐃᔭᖅᑎᒧᑦ ᐊᕐᕌᒍᑕᒫᒥ.

ᑕᐃᒫᔅᓴᐃᓐᓇᖅ, ᐃᖅᑲᓇᐃᔭᖅᑎᖁᑎᓖᑦ ᐊᑐᐃᓐᓇᖃᕐᕕᐅᔪᑦ ᐊᑐᓂ ᐊᕕᒃᑐᖅᓯᒪᒃᑲᓐᓂᖅᑐᓂ ᐊᑭᓂ ᓴᓇᔨᕐᔪᐊᓄᑦ ᐊᕐᕌᒎᓛᖅᑐᒥ ᐅᕙᓂ WSCC Connect, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᖃᕋᓴᐅᔭᑎᒍᑦ−ᓇᖕᒥᓂᖃᕐᓂᕐᒧᑦ ᐱᔨᑦᑎᕋᐅᑎᖓ. ᑕᑯᔪᓐᓇᖅᑕᐃ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᒫᓐᓇᐅᔪᖅ ᐅᐊᑦᑎᐊᕈᓪᓗ ᐊᑭᖏᓐᓂᒃ ᐃᒪᐃᓕᖓᓗᑎ ᐊᕕᒃᓯᒪᔪ& ᐊᕕᒃᓯᒪᒃᑲᓐᓂᖅᑐᓂ ᐊᒻᒪᓗ ᓴᓇᔨᕐᔪᐊᓄᑦ ᑐᕌᖓᓪᓚᕆᒃᑐᓂ.

WSCC Connect ᐊᑐᐃᓐᓇᐅᕗᖅ ᐅᕙᓂ wscc.nt.ca ᐅᕝᕙᓘᓐᓃᑦ wscc.nu.ca. ᓇᕿᓪᓗᒍ WSCC Connect ᓇᓗᓇᐃᒃᑯᑕᖓᓂ ᖁᓛᓃᑦᑐᒥ ᒪᑉᐱᒐᕐᒥ ᒪᓕᓪᓗᒍᓗ ᕿᒥᕐᕈᐊᓂᕐᒧᑦ ᖃᐅᔨᓴᖅᑕᐅᓂᑯᓂᑦ ᐊᑭᓂᑦ.

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑮᓇᐅᔭᖃᖅᑎᑦᑎᓇᓱᐊᖏᓐᓇᓲᑦ ᓴᐳᔾᔭᐅᓯᒪᖁᓪᓗᒋᑦ ᐃᖅᑲᓇᐃᔭᖅᑎᖁᑎᓖᑦ ᐊᒻᒪ ᐋᓐᓂᖅᑐᓂ ᓴᓇᔨᓂ ᐊᑯᓂᐅᔪᒥ, ᑲᔪᓰᓐᓇᖅᖢᑎᒡᓗ ᐱᓕᕆᐊᖃᓂᕐᒥᑦ ᑲᑐᔾᔨᖃᑎᖃᕐᓂᕐᒥᑦ ᓇᖕᒥᓂᖃᖃᑕᐅᔪᓂ ᐃᖅᑲᓇᐃᔭᕐᕕᖕᒥᑦ ᐊᑦᑕᓇᔾᔭᐃᖅᓯᒪᓂᕐᒧᑦ, ᐊᒻᒪ ᐸᖅᑭᓂᕐᒧᑦ ᓴᓇᔨᓂᑦ.

- 30 -

ᖃᐅᔨᒋᐊᕐᕕᐅᔪᓐᓇᖅᑐᑦ:
ᔮᑭᓖᓐ ᒨ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᓂᕐᒧᑦ
ᐅᖄᓚᐅᑦ: (867) 920-3829
ᐊᑭᖃᙱᑦᑐᖅ: 1 (800) 661-0792 ᐅᖃᓘᑎᖓᓄᑦ. 3829