ᓄᕙᒡᔪᐊᕐᓇᖅ-19 (COVID-19) ᓄᑖᖑᓛᖅ ᑐᓴᒐᒃᓴᖅ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᐃᖃᓗᖕᓂᑦ ᐊᒻᒪ ᐃᓅᕕᒃᒥᑦ ᒪᑐᐃᖓᓕᕐᑐᑦ ᑭᒃᑯᑐᐃᓐᓇᕐᓄᑦ. ᔭᓗᓇᐃᒥ ᑎᑎᕋᕐᕕᒃ ᒪᑐᐃᒃᑲᓐᓂᓛᖅᑐᖅ ᐅᓗᕆᐊᓇᕈᓐᓃᖅᑎᑕᐅᓚᐅᕐᑎᓪᓗᒋᑦ ᑎᑎᕋᕐᕕᒃᓴᕆᓂᐊᕐᑕᕗᑦ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᐱᕙᓪᓕᐊᔪᑦ ᓴᖅᑭᑎᑕᐅᔪᑦ: ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᖅᑲᖅᑐᒐᒃᓴᓕᐅᖅᐳᑦ ᐅᕘᓇ ᓄᓇᕗᒻᒥ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᑎᒍᑦ

ᒪᐃ 08 / 2020

ᐱᕙᓪᓕᐊᔪᑦ ᓴᖅᑭᑎᑕᐅᔪᑦ: ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᖅᑲᖅᑐᒐᒃᓴᓕᐅᖅᐳᑦ ᐅᕘᓇ ᓄᓇᕗᒻᒥ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᑎᒍᑦ

ᐃᖃᓗᐃᑦ, ᓄᓇᕗᑦ (ᒪᐃ 8, 2020) – ᒪᐃ 1, 2020-ᒥᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏ ᑕᓪᓕᒪᓂᒃ ᐸᓯᔭᒃᓴᙳᖅᑎᑦᑎᓚᐅᕐᒪᑕ ᓄᓇᕗᒥᑦ ᒪᓕᒐᓕᕆᔨᒃᑯᑦ ᐃᖃᖅᑐᐃᕕᖕᒧᑦ ᒪᓕᒃᖢᑎᒃ ᓄᓇᕗᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᕐᓂᒃ.

ᕼᐋᒻᒪᓚᒃᑯᑦ ᕿᑭᖅᑕᖅᔪᐊᕐᒥᓐ ᐸᓯᔭᒃᓴᙳᖅᑎᑕᐅᔪᑦ ᖃᔅᓯᒐᓴᕈᓘᔭᕐᓄᑦ ᓱᕋᐃᔾᔪᑎᓂᒃ ᐅᕙᓃᑦᑐᓂᒃ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᕐᓂᒃ ᐊᒻᒪᓗ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪ ᐊᑕᓇᔾᔭᐃᖅᓯᒪᓂᕐᒧᑦ ᐱᖁᔭᓂᒃ (ᓄᓇᕗᑦ), ᐃᓚᖃᖅᖢᑎᒃ:

  • ᐊᐅᓚᑦᑎᓂᕐᒥᒃ ᖁᒻᒧᒃᓯᒪᑎᑦᑎᒍᑎᒥᒃ ᒪᓕᒃᓯᒪᙱᓐᓂᖏᓐᓄᑦ ᐊᑐᕈᓐᓃᖅᑕᐅᖁᔨᓂᕐᒧᑦ ᒪᓕᖁᔭᐅᔪᒥ;
  • ᐊᐅᓚᑦᑎᓂᖅ ᖁᒻᒧᒃᓯᒪᑎᑦᑎᒍᑎᒥᒃ ᑲᒪᒋᔭᐅᕌᓂᒃᓯᒪᔪᒥ ᐊᒻᒪ ᖃᐅᔨᓴᖅᑕᐅᓯᒪᙱᖢᓂ ᐱᓕᕆᔪᓐᓇᑦᑎᐊᖅᑐᓂᒃ;
  • ᐊᐅᓚᑦᑎᓂᖅ ᖁᒻᒧᒃᓯᒪᑎᑦᑎᒍᑎᒥᒃ ᑲᒪᒋᔭᐅᓯᒪᓂᕐᒧᑦ ᐊᒻᒪ ᖃᐅᔨᓴᖅᑕᐅᓯᒪᓂᕐᒧᑦ ᓇᓗᓇᐃᒃᑯᑎᖃᙱᑦᑐᒥᒃ ᐊᑕᔪᒥ ᐊᖅᑯᑎᐅᑉ ᐱᓕᕆᕝᕕᖓᓂᒃ ᓇᓗᓇᐃᕐᓯᒪᔪᒥ ᓴᓇᔭᐅᔭᕆᐊᖃᕐᓂᖓ ᐱᓕᕆᐊᖑᓚᐅᕐᓂᖓᓂᒃ ᐅᑯᑎᒎᓇᖅ ᑖᔅᓱᒥᖓ ᓴᓇᔪᕕᓃᑦ ᐊᑐᖅᑕᐅᖁᔭᙱᑦᑎᒍᑦ;
  • ᐊᔪᕈᓐᓃᕐᓴᖅᑎᑦᑎᓯᒪᙱᓐᓂᕐᒧ ᐱᓕᕆᔨᐅᓇᔭᖅᑐᓂᒃ ᓂᕈᐊᕐᓯᕐᓂᒃᑯᑦ, ᑲᒪᒋᔭᖃᕐᓂᕐᒧᑦ ᐊᒻᒪ ᐊᑐᕈᓐᓇᕐᓂᕐᒥ ᐅᑭᐊᒃᑯᑦ ᓴᐳᑎᓯᒪᒍᑎᓂᒃ ᐱᖁᑎᓂᒃ ᐊᑐᖅᑕᐅᓚᐅᖅᑎᓐᓇᒋᑦ; ᐊᒻᒪ 
  • ᑲᒪᒋᔭᖃᙱᓗᐊᕐᓂᕐᒧᑦ ᐳᓪᓚᓖᑦ ᒑᓯᓖᑦ ᐊᑐᖅᑕᐅᓯᒪᓂᖏᓐᓂᒃ, ᐃᓂᖃᖅᑎᑕᐅᓂᖏᓐᓄᑦ, ᐊᒻᒪᓗ ᑲᒪᒋᔭᐅᓂᖏᓐᓄᑦ ᓴᐳᑎᓯᒪᓇᓱᒃᓗᒋᑦ ᑖᒃᑯᐊ ᓱᕈᖅᑎᑦᑕᐃᓕᓯᒪᓗᒋᑦ. 

ᐸᓯᔭᒃᓴᐅᔾᔪᑎᒃᓴᑦ ᐅᑯᓇᓃᓚᐅᕐᑐᑦ ᒪᐃ 15-ᒥ ᐊᒻᒪ 16-ᒥᑦ, 2019-ᖑᑎᓪᓗᒍ ᖃᐅᔨᓴᖅᑕᐅᑎᓪᓗᒍ ᕿᑭᖅᑕᖅᔪᐊᕐᒥᑦ ᐃᖅᑲᓇᐃᔭᕐᕕᐅᕙᒃᑐᖅ, ᓄᓇᕗᒥᑦ, ᑕᕝᕙᓂᓗ ᑕᑯᔭᐅᓚᐅᕐᖢᓂ ᐅᓇ ᐊᑐᕈᓐᓃᖅᑕᐅᖁᔨᓂᕐᒧᑦ ᒪᓕᖁᔭᐅᔪᖅ ᒪᓕᒃᑕᐅᙱᓐᓂᖓᓂᒃ ᐃᖅᑲᓇᐃᔭᖅᑎᓄᑦ.

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᖅᑲᓇᐃᔭᖅᑎᑦᑎᓕᒫᓂᒃ ᖃᐅᔨᒪᖁᔨᔪᑦ ᑕᒪᒃᑯᐊ ᐃᖅᑲᓇᐃᔭᕐᕕᖏᓐᓄᑦ ᑲᒪᒋᔭᖃᕐᓂᖅ ᐃᓚᖃᕐᓂᖓᓂᒃ ᑕᒪᒃᑯᐊ ᐃᖅᑲᓇᐃᔭᖅᑎᓕᒫᑦ ᐊᒻᒪ ᑲᒪᔨᐅᔪᑦ ᐊᔪᕈᓐᓃᕐᓴᖅᑎᑕᐅᔭᕆᐊᖃᕐᓂᖏᓐᓂᒃ ᐅᓗᕆᐊᓇᖅᑐᒦᖁᔨᙱᖢᑎᒃ ᐃᖅᑲᓇᐃᔭᖅᑎᓂᒃ ᐊᒻᒪ ᐃᖅᑲᓇᐃᔭᕐᕕᐅᔪᒥ; ᐊᒻᒪᓗ ᐊᐅᓚᐅᑎᖃᖅᑐᑦ ᐃᖅᑲᓇᐃᔭᕐᕕᖕᒥᑦ ᐅᓗᕆᐊᓇᕈᓐᓃᕐᓯᒪᓗᓂ ᖃᓄᐃᕐᓗᒃᑎᑦᑎᑦᑕᐃᓕᓂᕐᒧᑦ ᐊᒻᒪ ᐋᓐᓂᖅᑎᑦᑎᑦᑕᐃᓕᓂᕐᒧᑦ.

ᓯᕗᓪᓕᖅᐹᒥ ᐃᖃᖅᑐᐃᕕᒃᑯᑦ ᐱᓕᕆᐊᖑᓕᕐᓂᐊᖅᑐᑦ ᕿᑭᖅᑕᖅᔪᐊᕐᒥ ᐅᑐᐱᕆ 7, 2020-ᒥᑦ. 

 

Maggie Collins
ᐊᐅᓚᑦᑎᔨ, ᑐᓴᐅᒪᖃᑎᒋᒍᑎᓂᑦ
ᐅᖄᓚᐅᑦ: (867) 920-3854
 


ᖃᐅᔨᒪᒋᑦ: 
1. ᑕᒪᓐᓇ ᐃᖅᑲᖅᑐᐃᕕᒻᒦᓕᖅᑐᖅ, ᑐᑭᓯᒋᐊᕈᑎᖃᖅᑎᑦᑎᕕᔅᓴᐅᑎᐊᖏᑦᑐᖅ ᑕᐃᒪᐃᓐᓂᖓᓄᑦ. 
2. ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᖅ, ᐃᓚᖓ 11, ᓇᓗᓇᐃᔭᐃᔪᖅ ᐱᑕᖃᕆᐊᖃᖅᑎᑕᐅᔪᓂᑦ ᑲᓐᖑᓇᖅᑎᑕᐅᓂᖓᓄᑦ ᐊᑦᑐᐊᓂᖃᖅᑐᑦ ᖃᓄᖅ ᐃᓄᒻᒧᑦ ᑐᑭᓯᑎᒋᐊᕈᑎᖏᓐᓂᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓴᖅᑭᖅᑎᒍᓐᓇᖅᑕᖏᓐᓂᑦ. ᐱᔭᔅᓴᐅᓂᖏᓐᓄᑦ ᑐᑭᓯᒋᐊᕈᑏᑦ ᐊᒻᒪ ᓴᐳᒻᒥᑦᑎᓂᕐᒧᑦ ᑲᓐᖑᓇᖅᑐᓂ ᐱᖁᔭᕐᒥᑦ ᐅᖃᖅᓯᒪᒻᒥᔪᑦ ᖃᓄᐃᑦᑐᓂ ᐃᓄᒻᒧᑦ ᑐᑭᓯᒋᐊᕈᑎᖏᓐᓂᑦ ᒐᕙᒪᒃᑯᑦ ᑎᒥᖓᓄᑦᑦ ᓴᖅᑭᑎᑦᑎᒍᓐᓇᖅᑎᑕᐅᔪᑦ. ᑖᒃᑯᓕᖓ ᒪᓕᒐᕐᓂᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓴᖅᑭᑎᑦᑎᔪᓐᓇᖏᑦᑐᑦ ᐃᓄᒻᒥ ᑐᑭᓯᒋᐊᕈᑎᖏᓐᓂᑦ ᐅᕝᕙᓘᓐᓃᑦ ᑐᑭᓯᒋᐊᕈᑎᓂᑦ ᓇᓗᓇᐃᖅᓯᒍᓐᓇᖅᑐᓂᑦ ᑭᓇᐅᓂᖓᓂᑦ ᐃᓅᔪᖅ.