ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᔨᑦᑎᕋᐅᑎᖏᓐᓄᑦ ᓄᑖᖑᓛᑦ

ᑕᒪᕐᒥ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᕐᑏᑦ ᑎᑎᕋᕐᕕᖏᑦ ᒪᑐᐃᖓᔪᑦ  ᐋᓐᓂᐊᖃᕐᓇᙱᑦᑐᓕᕆᓂᕐᒥᒃ ᐊᒻᒪ ᐊᑦᑕᓇᔾᔭᐃᖅᓯᒪᓂᕐᒥᒃ ᐱᓕᕆᐊᓂᒃ ᐊᑐᖅᖢᑎᒃ. ᐱᔨᑦᑎᕋᖅᑕᐅᕙᒃᑐᑦ ᐃᓂᒃᓴᓕᐅᖅᐸᒌᖅᐸᒡᓗᑎᒃ ᐅᐸᓚᐅᙱᓐᓂᖏᓐᓂᒃ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᐊᑦᑕᕐᓇᖅᑐᒥᒃ ᐱᔾᔪᑎ - ᖁᑦᑎᒃᑯᒥᒃ ᐅᒃᐱᑲᕐᓂᖅ

13th Jun 2016

ᔭᓗᓇᐃ, ᓄᓇᑦᑎᐊᖅ (ᔫᓂ 13, 2016) – ᐅᓪᓗᒥ, ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᓇᓪᓕᐅᒃᑯᒫᓂᒡᓗ ᖃᐅᔨᓴᖅᑎᒃᑯᑦ (WSCC) ᓴᖅᑮᕗᑦ ᐅᔾᔨᖅᓱᑦᑎᐊᓂᕐᒥ ᐊᑦᑕᕐᓇᖅᑐᓂᒃ, ᐅᖃᐅᔾᔨᒋᐊᑲᓐᓂᕐᓂᖅ ᐅᑭᐅᖅᑕᖅᑐᒥᐅᑦ ᐅᔾᔨᖅᓱᑲᓐᓂᕐᓗᒋ ᓈᒪᔪᓂᒃ ᐅᒃᐱᑲᖅᑕᐃᓕᓂᕐᒧᑦ ᓴᐳᒻᒥᔾᔪᑎᓂᒃ ᐊᑐᖅᐸᒡᓗᑎ ᖁᑦᑎᒃᑐᒥᑦ ᐱᓕᕆᓂᐊᖅᑎᓪᓗᑎ.

 

ᐱᓇᓱᐊᕈᓯᐅᓚᐅᖅᑐᒥ, ᐃᖅᑲᓇᐃᔭᖅᑎ ᓴᐳᒻᒥᔾᔪᑎᓂᒃ ᐊᑐᓚᐅᖏᓚᖅ ᓇᑎᐅᑉ ᑐᙵᕕᐊᓂᒃ ᓴᓇᑎᓪᓗᒍ ᒪᑐᐃᖓᓂᒃᑯᑦ ᐅᒃᐱᑲᕋᒥ 3 ᒦᑕᒥ ᖁᑦᑎᖕᓂᓕᖕᒥ (ᐆᒃᑑᑦ ᐱᖓᓱᑦ). ᓂᐊᖁᕐᒥᒍᑦ ᑐᐃᖓᓄᓪᓗ ᑐᓚᐅᖅᐳᖅ ᑕᐅᓄᖓ ᕿᑯᖕᒧᑦ. ᓂᐊᖁᕐᒥᒍ ᐋᓐᓂᓚᐅᐳᖅ.

ᐃᖅᑲᓇᐃᔭᖅᑎᓕᒫᓐ ᓄᓇᑦᑎᐊᒥ ᓄᓇᕗᒻᒥᓪᓗ 3 ᒦᑕᒥ ᖁᑦᑎᖕᓂᓕᖕᒥᑦ ᐅᖓᑖᓂᓪᓘᓐᓃᑦ ᐱᓕᕆᕙᒃᑐ, ᓴᐳᒻᒥᔾᔪᑎᖃᙱᑦᑐᓂᒃ, ᐊᑐᕆᐊᖃᖅᐳᑦ ᑲᓇᑕᒥ ᐅᓗᕆᐊᓇᖅᑐᖃᖅᑕᕿᓕᑎᑦᑎᓂᕐᒧᑦ ᑲᑐᔾᔨᖃᑎᒌᖏᓐᓄ ᐊᖏᖅᑕᐅᓯᒪᔪᓂᒃ ᐅᒃᐱᑲᖅᑕᐃᓕᓂᕐᒧᑦ ᓴᐳᒻᒥᔾᔪᑎᓂᒃ.

WSCC−ᑯ ᐅᑭᐅᖅᑕᖅᑐᒥᐅᓂᒃ ᐅᔾᔨᖅᓱᖁᔨᕗᑦ ᑲᔪᓯᓂᖃᑦᑎᐊᖁᓪᓗᒋᓪᓗ ᓈᒪᔪᓂ ᓇᖕᒥᓂᖅ ᓴᐳᒻᒥᔾᔪᑎᓂᒃ (PPE) ᐊᑐᖅᐸᒡᓗᑎᒃ ᐱᓕᕆᐊᕆᔭᒥᓄᑦ ᓈᒻᒪᒃᑐᓂ, ᐊᑐᒐᒃᓴᐅᑦᑎᐊᕋᓗᐊᕐᒪᖔᑕᓗ.

 

ᖁᑦᑎᒃᑐᓂ ᐅᒃᐱᑲᖅᑕᐃᓕᔪᓐᓇᐅᑎᑕᖃᖅᐳᖅ. ᐃᖅᑲᓇᐃᔭᖅᑎᓕᒫᑦ ᐃᖅᑲᓇᐃᔭᕐᕕᖏᓐᓂᒃ ᐊᑦᑕᕐᓇᖅᑐᒦᖏᒃᑲᓗᐊᕐᒪᖓᑦ ᖃᐅᔨᓴᕈᓐᓇᖅᑐᑦ. ᑐᑭᓯᒋᐊᒃᑲᓐᓂᕈᑎᑦ, ᕿᒥᕐᕈᓗᒍ ᐃᓚᓕᐅᑎᓯᒪᔪᖅ ᐅᔾᔨᖅᓱᑦᑎᐊᓂᕐᒥ ᐊᑦᑕᕐᓇᖅᑐᓂᒃ, ᐊᒻᒪᓗ WSCC−ᑯᑦ ᒪᓕᒐᒃᓴᖏᓂ ᓴᐳᒻᒥᔾᔪᑏᑦ ᐅᒃᐱᑲᕐᓂᕐᒧᑦ PPE.

 

-30-

 

ᑭᒻ ᕚᑯ
ᐊᐅᓚᑦᑎᔨ, ᑐᓴᐅᒪᖃᑦᑕᐅᑎᓕᕆᔨᑦ
ᐅᖄᓚᐅᑖ: (867) 920-3846
ᐊᑭᖃᖏᑦᑐᒃᑯᑦ: (800) 661-0792 ᑐᕌᕈᑖ 3846