COVID-19 Update

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᔭᓗᓇᐃᒥ ᐊᓪᓚᕕᖕᒐ ᒪᑐᓯᒪᔪᖅ ᐅᐸᒍᑎᔪᒪᔪᓄᑦ ᐱᒋᐊᖅᖢᓂ ᓯᑎᐱᕆ 9, 2021. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᐋᓐᓂᖅᑐᓕᕆᓂᖅ

ᐱᐅᓯᕚᓪᓕᕐᑎᒐᓱᒃᖢᒍ ᐱᕐᕈᓗᐊᕿᑦᑕᐃᓕᓂᕐᒧᑦ ᒪᓕᒐᖅ ᑲᓇᑕᓕᒫᒥ, ᐋᖅᑭᒋᐊᕈᑏᑦ ᐋᓐᓂᖅᑐᓕᕆᓂᕐᒧᑦ ᐱᖁᔭᓂᒃ ᐊᑐᓕᕐᑐᑦ ᓄᓇᑦᓯᐊᕐᒥ ᐊᒻᒪ ᓄᓇᕗᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐱᖁᔭᐃᑦ.

ᑭᓱᑦ ᐱᒻᒪᕆᐅᔪᑦ ᖃᐅᔨᒪᔭᐅᔭᕆᐊᖃᕐᒪᑕ?

1.    ᐋᓐᓂᖅᑐᓕᕆᓂᕐᒧᑦ ᐊᔪᕈᓐᓃᕐᓴᖅᑎᑦᑎᔨᐅᕙᒃᑐᑦ ᓄᑖᙳᕆᐊᖅᑎᑦᑎᔭᕆᐊᖃᖅᑐᑦ ᐊᔪᕈᓐᓃᕐᓴᕈᑎᖏᓐᓂᒃ ᐊᒻᒪ ᐊᔪᕈᓐᓃᕐᓴᐅᑎᖏᓐᓂᒃ ᐅᓇ ᑎᑭᓚᐅᕐᑎᓐᓇᒍ:

  • ᓄᓇᑦᓯᐊᖅ: ᔮᓐᓄᐊᕆ 1, 2021
  • ᓄᓇᕗᑦ: ᕕᕝᕗᐊᕆ 22, 2021

2.    ᐃᖅᑲᓇᐃᔭᖅᑎᑦᑎᔨᐅᔪᑦ ᐊᕐᕌᒍᒥᑦ ᐱᕕᖃᖅᑎᑕᐅᔪᑦ ᓄᑖᙳᕆᐊᖅᑎᑦᑎᓂᕐᒥᒃ ᐋᓐᓂᖅᑐᓕᕆᓂᕐᒧᑦ ᐱᖁᑎᖏᓐᓂᒃ ᓴᓇᕝᕕᐅᔪᓂᒃ. ᐃᓱᓕᕝᕕᐅᔪᑦ ᐅᑯᐊ:

  • ᓄᓇᑦᓯᐊᖅ: ᔮᓐᓄᐊᕆ 1, 2022
  • ᓄᓇᕗᑦ: ᕕᕝᕗᐊᕆ 22, 2022 

3.    ᐋᓐᓂᖅᑐᓕᕆᓂᕐᒧᑦ ᓇᓗᓇᐃᒃᑯᑏ ᐊᑐᕈᓐᓇᐃᓐᓇᕐᓂᐊᕐᑐᖅ ᑭᓯᐊᓂ ᐃᓱᖃᕐᕕᖓ ᑎᑭᑉᐳᑦ ᐅᑯᓇᓂ ᐋᓐᓂᖅᑐᓕᕆᓂᕐᒧᑦ ᓇᓗᓇᐃᒃᑯᑎᓂᒃ. ᐅᓇ ᐊᑐᕐᓂᐊᕐᑐᖅ ᑕᒪᐃᓐᓄ ᓄᓇᑦᓯᐊᕐᒧᑦ ᐊᒻᒪ ᓄᓇᕗᒧᑦ.

ᐊᖏᖅᑕᐅᓯᒪᔪᖅ ᐋᓐᓂᖅᑐᓕᕆᓂᕐᒥᒃ ᐱᓕᕆᐊᖃᕐᑐᑦ ᐃᑲᔪᕈᓐᓇᖅᑐᑦ ᐱᓕᕆᕝᕕᖕᓂᒃ ᐊᔪᕈᓐᓃᕐᓴᖅᑎᑦᑎᓂᕐᒨᖓᔪᓂᒃ ᐊᒻᒪᓗ ᐋᓐᓂᖅᑐᓕᕆᓂᕐᒧᑦ ᐱᖁᑎᒋᔭᐅᔭᕆᐊᓕᖕᓂ. ᐊᖏᖅᑕᐅᓯᒪᔪᓂᒃ ᐋᓐᓂᖅᑐᓕᕆᓂᕐᒥᒃ ᐊᔪᕈᓐᓃᕐᓴᖅᑎᑦᑎᔪᓐᓇᖅᑐᑦ ᐊᑎᖏᓐᓂᒃ ᐱᔪᒪᒍᕕᑦ, ᑕᑯᒋᐊᕐᓗᒍ ᐋᓐᓂᖅᑐᓕᕆᓂᕐᒥᒃ ᐊᔪᕈᓐᓃᕐᓴᕐᓂᕐᒧᑦ ᒪᒃᐱᒐᕗᑦ.

ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐋᖅᑭᒃᓯᓚᐅᕐᑐᑦ ᐃᑲᔫᑎᒃᓴᐅᔪᓐᓇᖅᑐᓂᒃ ᐱᓕᕆᕝᕕᖕᓂ ᖃᐅᔨᔪᓐᓇᕐᓂᐊᕋᕕᑦ ᑭᓱᓂᒃ ᐊᓯᙳᖅᑐᖃᕆᐊᒃᓴᖓᓂᒃ. ᐊᐱᖅᑯᑎᒃᓴᖃᕈᔅᓯ ᐃᑲᔫᑎᒃᓴᓂᒃ ᐊᑖᓃᑦᑐᓂᒃ, ᐅᕙᑦᑎᓐᓄᑦ ᖃᐅᔨᒋᐊᕈᓐᓇᖅᑐᓯ ᐃᒪᓐ, ᖃᕋᓴᐅᔭᒃᑯ ᑎᑎᕋᕐᓗᓯ, ᐅᖄᓚᓗᓯᓘᓐᓃᑦ ᐅᕗᖓ 1 (800) 661‑0792.

ᐊᑐᐃᓐᓇᐅᔪᑦ ᑭᓱᓕᕆᔾᔪᑏᑦ

ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐃᓕᔭᒃᓴᖅ ᑐᓴᒐᒃᓴᖃᕐᑐᖅ ᐊᒻᒪ ᐃᑲᔫᑎᒃᓴᖃᖅᖢᓂ ᖃᐅᔨᓴᕈᓐᓇᕈᑎᓂᒃ ᐋᓐᓂᖅᑐᓕᕆᓂᕐᒧᑦ ᐱᓯᒪᔭᕆᐊᖃᕐᑕᕐᓂᒃ ᐊᓯᖏᓐᓂᒡᓗ! ᐃᓕᔭᒃᓴᖅ ᖃᕋᓴᐅᔭᕐᓄᐊᕈᕕᐅᒃ ᐊᑦᑕᓇᖅᑐᒦᑦᑕᐃᓕᓂᕐᒧᑦ ᒪᓕᒐᕐᓂᒃ ᑕᑯᑲᐅᕐᑐᕈᓐᓇᕋᔭᕐᑐᑎᑦ.

ᕿᒥᕐᕈᐊᕐᓗᒍ ᐅᓇ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐃᓕᔭᒃᓴᖅ ᐅᕝᕙᓘᓐᓃᑦ ᖃᕋᓴᐅᔭᕐᓄᐊᕐᓗᒍ ᐅᓪᓗᒥ:

WSCC-ᑯᑦ ᖁᐊᖅᓵᕐᓇᖅᑐᒦᖁᔨᙱᓐᓂᕐᒧᑦ ᓴᖅᑭᓯᒪᔭᖏᑦ

ᐃᖅᑲᓇᐃᔭᖅᑎᑦᑎᔨᐅᔪᑦ ᓄᑖᙳᕆᐊᕐᑎᑦᑎᔭᕆᐊᖃᕐᓂᐊᕐᑐᑦ ᐋᓐᓂᖅᑐᕐᓯᐅᑎᖏᓐᓂᒃ ᒪᓕᓯᒪᓕᕐᓗᑎᒃ ᐅᑯᓂᖓ ᓄᑖᙴᕆᐊᖅᑕᐅᓯᒪᔪᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐱᖁᔭᓂᒃ ᐊᒻᒪᓗ ᐅᑯᐊ ᑲᓇᑕᒥ ᐊᑐᖅᑕᐅᕙᒃᑐᓄᑦ ᑲᑐᔾᔨᖃᑎᒌᑦ (CSA) ᐊᑐᕆᐊᓕᖕᓂᒃ Z1220-17.

ᔭᓄᐊᕆ 1, 2021-ᒥ, ᐊᓯᙳᖅᑎᑕᐅᔪᑦ ᐅᕙᓂ ᐃᓚᖓ 5 ᐋᓐᓂᖅᑐᓕᕆᓂᖅ ᐅᕙᓃᑦᑐᓂᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐱᖁᔭᓂᒃ ᐅᑯᓄᖓ ᓄᓇᑦᓯᐊᕐᒧᑦ ᐊᒻᒪ ᓄᓇᕗᒧᑦ ᐊᑐᓕᕐᓂᐊᕐᑐᑦ.