ᓄᕙᒡᔪᐊᕐᓇᖅ-19 (COVID-19) ᓄᑖᖑᓛᖅ ᑐᓴᒐᒃᓴᖅ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᐃᖃᓗᖕᓂᑦ ᐊᒻᒪ ᐃᓅᕕᒃᒥᑦ ᒪᑐᐃᖓᓕᕐᑐᑦ ᑭᒃᑯᑐᐃᓐᓇᕐᓄᑦ. ᔭᓗᓇᐃᒥ ᑎᑎᕋᕐᕕᒃ ᒪᑐᐃᒃᑲᓐᓂᓛᖅᑐᖅ ᐅᓗᕆᐊᓇᕈᓐᓃᖅᑎᑕᐅᓚᐅᕐᑎᓪᓗᒋᑦ ᑎᑎᕋᕐᕕᒃᓴᕆᓂᐊᕐᑕᕗᑦ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᖃᓄᖅ ᐊᑭᓕᖅᑕᐅᒐᔭᖅᕋᒪ?


ᐱᖓᓱᓂᒃ ᐃᓱᒪᒃᓴᖅᓯᐅᕈᑎᓂᒃ ᐊᑭᓖᖃᑦᑕᖅᐳᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᓇᓪᓕᐅᒃᑯᒫᓕᕆᔨᓪᓗ:

  1. ᓯᑭᒃᑯᑦ, ᑎᑎᖅᑲᑎᒍᑦ ᒪᕐᕉᒃ ᐱᓇᓱᐊᕈᓯᑕᒫᖅ;
  2. ᓯᑭᒃᑯᑦ, ᔭᓗᓇᐃᒥᑦ ᑎᑎᕋᕐᕕᒃᑎᓄᑦ ᐊᐃᔭᐅᓗᓂ; 
  3. ᑮᓇᐅᔭᑎᑦ ᑮᓇᐅᔭᒃᑯᕕᖕᒧᐊᖅᑕᐅᑲᑎᒋᓗᑎᒃ.

ᑮᓇᐅᔭᑎᑦ ᑮᓇᐅᔭᒃᑯᕕᖕᒧᐊᖅᑕᐅᖁᒍᕕᒋᑦ, ᑐᓂᓯᔭᕆᐊᖃᖅᐳᑎᑦ ᓇᖕᒥᓂᖅ ᓯᑭᓐᓂᒃ ᑎᑎᕋᖅᓯᒪᓗᓂ VOID (ᐊᑐᙱᑦᑐᖅ), ᐅᕝᕙᓘᓐᓃᑦ ᑮᓇᐅᔭᒃᕕᖕᓂᖔᖅᑐᒥᒃ ᐱᔪᓐᓇᖅᑎᑕᐅᔪᓐᓇᕐᓂᕐᓂᒃ ᑕᑕᑎᒐᒃᓴᓂᒃ ᑐᓂᔭᐅᓗᑎᒃ. ᑮᓇᐅᔭᒃᑯᕕᖕᓂᒃ ᑐᓂᓯᔪᓐᓇᖅᑐᑦ ᐱᔪᓐᓇᐅᑎᑕᐅᔪᓐᓇᕐᓂᕐᓂᒃ ᑕᑕᑎᒐᒃᓴᒥᒃ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᓇᓪᓕᐅᒃᑯᒫᓕᕆᔨᓪᓗ. ᓈᓴᖅᑕᐅᖃᑦᑕᕐᒪᑕ, ᐊᔾᔨᖓᓂᒃ ᓯᑭᓪᓚᕆᖕᓂᒃ ᑎᑎᕋᕐᕕᑦᑎᓐᓄᑦ ᐅᑯᓂᖓ ᑐᖅᑯᓯᕕᖕᓄᑦ. 

ᑮᓇᐅᔭᒃᑯᕕᖕᒧᐊᑲᐅᑎᒋᓂᖅ ᑐᖅᑯᖅᓯᓗᓂ, ᑕᐅᖅᓰᓂᖅ ᑮᓇᐅᔭᑎᒍᑦ ᐱᓕᕆᐊᖑᖃᑦᑕᖅᐳᖅ ᐅᓪᓗᓂ ᒪᕐᕉᖓᓂᒃ ᓇᖕᒥᓂᖃᖅᑎᓄᑦ ᐊᑭᓕᖅᑕᐅᖁᓗᑎᑦ ᑮᓇᐅᔭᒃᑯᕕᖕᓄᑦ. ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᓇᓪᓕᐅᒃᑯᒫᓕᕆᔨᓪᓗ ᐊᑭᓖᖓᖃᑦᑕᕈᒪᕗᑦ ᐋᓐᓂᖅᑐᓕᒫᓄᑦ ᐃᖅᑲᓇᐃᔭᖅᑎᓄᑦ.