ᓄᕙᒡᔪᐊᕐᓇᖅ-19 (COVID-19) ᓄᑖᖑᓛᖅ ᑐᓴᒐᒃᓴᖅ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᐃᖃᓗᖕᓂᑦ ᐊᒻᒪ ᐃᓅᕕᒃᒥᑦ ᒪᑐᐃᖓᓕᕐᑐᑦ ᑭᒃᑯᑐᐃᓐᓇᕐᓄᑦ. ᔭᓗᓇᐃᒥ ᑎᑎᕋᕐᕕᒃ ᒪᑐᐃᒃᑲᓐᓂᓛᖅᑐᖅ ᐅᓗᕆᐊᓇᕈᓐᓃᖅᑎᑕᐅᓚᐅᕐᑎᓪᓗᒋᑦ ᑎᑎᕋᕐᕕᒃᓴᕆᓂᐊᕐᑕᕗᑦ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᖃᓄᐃᒻᒪᑦ ᐱᒻᒪᕆᐅᕙ ᓇᓗᓇᐃᔭᕐᓂᐊᕐᓗᒍ ᓇᖕᒥᓂᕆᔭᕋ WSCC−ᑯᓐᓄᑦ?

ᑕᒪᓐᓇ ᐱᖁᔭᐅᖕᒪᑦ. WSCC−ᑯᑦ ᐱᑎᑦᑎᕙᒃᐳᑦ ᑲᑐᔾᔨᓪᓗᓂ ᓵᑕᐅᓕᕈᓐᓇᖅᐸᖕᓂᕐᒥᒃ, ᑕᒪᓐᓇᓗ ᑕᐃᒪᓐᓇ ᐊᑐᖅᑕᐅᒐᔪᒃᐸᒃᖢᓂ ᓇᓪᓕᐅᒃᑯᒫᓕᕆᓂᕐᒧᑦ ᐱᓕᕆᔨᒋᔭᐅᕙᒃᑐᓂ. ᑕᒪᓐᓇ ᐃᒪᓐᓇ ᑐᑭᖃᖅᐳᖅ, ᑕᒪᕐᒥᑦᑎᐊᖅ ᐃᖅᑲᓇᐃᔭᕐᕕᐅᔪᓕᒫᑦ, ᑕᒪᐃᓐᓂᓕᒫᖅ ᐃᖅᑲᓇᐃᔭᕐᕕᒋᔭᐅᕙᒃᑐᓂ, ᐊᒥᖅᑳᕈᑎᖃᖅᐸᒃᐳᑦ ᑕᒪᑐᒥᖓ ᖁᐊᖅᓵᕐᓇᕈᓐᓇᖅᑐᒥᒃ. ᓇᓗᓇᐃᔭᕐᓂᖅ  ᐊᑭᓖᓂᕐᓗ ᖃᐅᔨᓴᖅᑕᐅᓯᒪᔪᓄᑦ WSCC−ᑯᓐᓄᑦ ᑲᒻᐸᓂᒋᔭᕐᓂᒃ ᓴᐳᔾᔨᓯᒪᕙᒃᐳᖅ ᐃᖅᑲᖅᑐᐃᕕᒃᑰᖅᑎᑕᐅᑐᐃᓐᓇᕆᐊᖃᕐᓂᕐᓂᒃ ᑮᓇᐅᔭᐃᖅᑎᑕᐅᓇᓱᒡᓗᓂ ᐃᓕᙵᒃᓯᒪᔪᓂᑦ ᐃᖅᑲᓇᐃᔭᖅᑎᒋᔭᐅᔪᓂᑦ. ᐃᖅᑲᓇᐃᔭᖅᑎᒥᑦ ᐃᓕᙵᒃᑐᖃᖅᐸᑦ ᐱᔪᖃᖅᐸᓪᓘᓐᓃᑦ ᐃᖅᑲᓇᐃᔭᕐᕕᒋᔭᐅᔪᒥ ᐋᓐᓂᐊᕐᓇᖅᑐᒥᒃ ᐃᖅᑲᓇᐃᔭᕐᓂᕐᓂᒥᓂ, WSCC−ᑯᑦ ᐱᑎᑦᑎᓕᖅᐸᒃᐳᑦ ᐃᖅᑲᓇᐃᔭᖅᑎᐅᑉ ᐃᓗᐊᖅᓴᖅᑕᐅᓂᕐᒧᑦ ᐊᑭᓕᖅᓱᖅᑕᐅᓂᕐᒧᓪᓗ ᐊᓯᐅᔨᓂᕐᒧᑦ ᐊᑭᓕᖅᓱᕆᐊᖃᖅᐸᒃᑐᓂᒃ.