ᓄᕙᒡᔪᐊᕐᓇᖅ-19 (COVID-19) ᓄᑖᖑᓛᖅ ᑐᓴᒐᒃᓴᖅ

ᑕᒪᕐᒥ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᕐᑏᑦ ᑎᑎᕋᕐᕕᖏᑦ ᒪᑐᐃᖓᔪᑦ ᓄᑖᓂᒃ ᐋᓐᓂᐊᖃᕐᓇᙱᑦᑐᓕᕆᓂᕐᒥᒃ ᐊᒻᒪ ᐊᑦᑕᓇᔾᔭᐃᖅᓯᒪᓂᕐᒥᒃ ᐱᓕᕆᐊᓂᒃ ᐊᑐᖅᖢᑎᒃ. ᐱᔨᑦᑎᕋᖅᑕᐅᕙᒃᑐᑦ ᐃᓂᒃᓴᓕᐅᖅᐸᒌᖅᐸᒡᓗᑎᒃ ᐅᐸᓚᐅᙱᓐᓂᖏᓐᓂᒃ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᓇᓪᓕᐅᒃᑯᒫᓕᕆᔨᓪᓗ ᖃᓄᐃᒻᒪᑦ ᖃᐅᔨᔭᕆᐊᖃᖅᐸᑦ ᑮᓇᐅᔭᓕᐊᒃᑲ ᐲᖅᓯᕕᐅᓚᐅᖅᑎᓐᓇᒋᑦ?

ᑮᓇᐅᔭᖅᑖᕈᑎᒋᓇᓱᒃᑕᐃᑦ ᒪᓕᒐᔭᕐᒪᑦ ᒫᓐᓇ ᐃᖅᑲᓇᐃᔭᕆᔭᕐᓄᑦ. ᐃᖅᑲᓇᐃᔭᖅᑎᓪᓚᕆᐅᒍᕕᑦ, ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯ ᖃᐅᔨᒪᔭᕆᐊᖃᕐᒪᑕ ᑮᓇᐅᔭᓕᐊᕐᓂᒃ ᐋᓐᓂᙱᑎᓪᓗᑎᑦ. ᐅᑭᐅᑉ ᐃᓚᐃᓐᓇᖓᒍᑦ ᐅᕝᕙᓘᓐᓃᑦ ᐃᓱᖃᕐᑐᒥ ᐱᓕᕆᐊᒧᑦ ᐃᖅᑲᓇᐃᔭᖅᑎᐅᒍᕕ, ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᖃᐅᔨᔭᕆᐊᖃᕐᒪᑕ ᑮᓇᐅᔭᓕᐊᕕᓂᕐᓂᒃ ᐲᔭᐃᕝᕕᐅᓯᒪᙱᑎᓪᓗᒋ ᑕᖅᑭᑦ 12-ᓅᖓᔪᓂᒃ ᐋᓐᓂᕐᕕᒋᔭᕕᑦ ᓯᕗᓂᐊᓄᑦ.

ᐅᑯᓂᖓ ᓴᖅᑭᑎᑦᑎᔭᕆᐊᖃᖅᑐᑎ ᓇᓕᐊᓐᓂ ᐅᖓᑖᓄᓪᓘᓐᓃᑦ ᑎᑎᖃᖁᑎᒋᔭᐅᔪᓂᒃ:

1. ᑮᓇᐅᔭᒃᓴᖅᑖᕕᓂᕐᐱᑦ ᓇᓕᖅᑲᖏᑦ;
2.T4 (ᑮᓇᐅᔭᓕᐊᕐᓄᑦ ᐃᓐᑲᒻ ᑖᒃᓯᓄᑦ ᓇᓗᓇᐃᔭᕐᓯᒪᔪᑦ); ᐅᕝᕙᓘᓐᓃᑦ
3.ᐃᖅᑲᓇᐃᔭᖅᑎᑦᑎᔨᐅᔫᑉ ᓇᓗᓇᐃᕐᓯᒪᔭᖏᓐᓂᒃ ᐃᖅᑲᓇᐃᔭᕐᓯᒪᓂᖓᓄᑦ ᐊᒻᒪ ᑮᓇᐅᔭᓕᐊᕕᓂᕐᓂᒃ ᐲᔭᐃᕝᕕᐅᓚᐅᖅᑎᓐᓇᒍ ᑕᖅᑭᓄᑦ 12-ᓄᑦ.