ᓄᕙᒡᔪᐊᕐᓇᖅ-19 (COVID-19) ᓄᑖᖑᓛᖅ ᑐᓴᒐᒃᓴᖅ

ᑕᒪᕐᒥ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᕐᑏᑦ ᑎᑎᕋᕐᕕᖏᑦ ᒪᑐᐃᖓᔪᑦ ᓄᑖᓂᒃ ᐋᓐᓂᐊᖃᕐᓇᙱᑦᑐᓕᕆᓂᕐᒥᒃ ᐊᒻᒪ ᐊᑦᑕᓇᔾᔭᐃᖅᓯᒪᓂᕐᒥᒃ ᐱᓕᕆᐊᓂᒃ ᐊᑐᖅᖢᑎᒃ. ᐱᔨᑦᑎᕋᖅᑕᐅᕙᒃᑐᑦ ᐃᓂᒃᓴᓕᐅᖅᐸᒌᖅᐸᒡᓗᑎᒃ ᐅᐸᓚᐅᙱᓐᓂᖏᓐᓂᒃ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᐃᖅᑲᓇᐃᔭᓕᕐᓂᕈᒪ ᓯᓚᑖᓂᒃ ᓄᓇᑦᑎᐊᕐᒥᑦ ᓄᓇᕗᒥᓪᓘᓐᓃᑦ ᐋᓐᓂᕐᓂᕈᒪ ᐃᑲᔫᓯᐊᖅᑖᕈᓐᓇᖅᐳᖓ?

ᐄ. 

ᓄᓇᑦᑎᐊᕐᒥᑦ ᓄᓇᕗᒥᓘᓐᓃᑦ ᓇᖕᒥᓂᖃᖅᑎᒧᑦ ᐃᖅᑲᓇᐃᔭᕐᓂᕈᕕᑦ ᐃᖅᑲᓇᐃᔭᕆᐊᖅᑎᑕᐅᓐᓂᕈᕕᓪᓗ ᓯᓚᑖᓂᒃ ᓄᓇᕗᑦ ᑕᖅᑭᓂᒃ 6−ᓂᒃ ᐅᖓᑖᓂᒃ, ᐃᑲᔫᓯᐊᓂᒃ ᑐᒃᓯᕋᕈᓐᓇᖅᐳᑎᑦ. 

ᒪᓕᒡᓗᒍ ᐅᑭᐅᖅᑕᖅᑐᒥᑦ ᓄᓇᓕᖕᓂᒃ ᐊᕕᒃᑐᖅᓯᒪᔪᓂᒡᓘᓐᓃᑦ ᓇᒥ ᐋᓐᓂᓚᐅᕐᒪᖔᖅᐱᑦ, ᓂᕈᐊᕈᓐᓇᖅᐳᑎᑦ ᐃᑲᔫᓯᐊᒧᑦ ᑐᒃᕋᐅᑎᒥᒃ ᒪᓕᒡᓗᒍ ᐅᑭᐅᖅᑕᖅᑐᒥᑦ ᐅᕝᕙᓘᓐᓃᑦ ᓄᓇᓕᖕᓂᒃ ᐊᕕᒃᑐᖅᓯᒪᔪᒥᒃ, ᐅᕝᕙᓘᓐᓃᑦ ᓄᓇᑦᑎᐊᕐᒥᒃ ᓄᓇᕗᒥᓘᓐᓃᑦ. ᑖᓐᓇ ᑕᐃᔭᐅᕗᖅ ᐱᔪᓐᓇᐅᑎᖃᕐᓂᖅ ᓂᕈᐊᕐᓂᒃᑯᑦ.