ᓄᕙᒡᔪᐊᕐᓇᖅ-19 (COVID-19) ᓄᑖᖑᓛᖅ ᑐᓴᒐᒃᓴᖅ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᔭᓗᓇᐃᒥ ᐊᒻᒪ ᐃᓄᕕᒃᒥᑦ ᑎᑎᕋᕐᕕᖏᑦ ᒪᑐᐃᖓᓕᕐᑐᑦ ᑭᒃᑯᓕᒫᓄᑦ. ᑎᑎᕋᕐᕕᒃᐳᑦ ᐃᖃᓗᖕᓂ ᒫᓐᓇ ᒪᑐᓯᒪᖕᒪᑦ ᑭᒃᑯᓕᒫᓄᑦ ᐊᒻᒪᓗ ᐃᖅᑲᓇᐃᔭᖅᑎᕗᑦ ᐃᖅᑲᓇᐃᔭᖅᖢᑎᒃ ᐊᖏᕐᕋᖏᓐᓂᒃ. ᐱᔨᑦᑎᕋᐅᑎᕗᑦ ᐊᑐᐃᓐᓇᐅᔪᑦ ᓱᓕ ᖃᕋᓴᐅᔭᒃᑯᑦ ᐊᒻᒪ ᐅᖄᓚᐅᑎᑎᒍᑦ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

1. ᓴᓇᕐᕈᑎᒃᑯᕕᖕᒥᑦ ᐅᖃᖃᑎᒌᓐᓂᕐᒧᑦ ᒪᓕᒃᑕᐅᔭᕆᐊᓖᑦ

Publication Date: 
ᒪᐃ 14 / 2019

ᑖᓐᓇ ᓴᓇᕐᕈᑎᒃᑯᕕᖕᒥᑦ ᐅᖃᖃᑎᒌᓐᓂᖅ ᐃᖅᑲᓇᐃᔭᕐᕕᖕᒥᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐅᖃᖃᑎᒌᓐᓂᑐᐃᓐᓇᐅᕗᖅ ᑐᕌᒐᖃᖅᖢᓂ ᓇᓗᓇᐃᖅᑕᐅᓯᒪᔪᒥᒃ ᐅᖃᐅᓯᒃᓴᕆᔭᐅᔪᒥᑦ. ᑲᒪᔨᐅᔪᖅ ᓯᕗᓕᖅᑎᐅᓲᖅ ᐅᖃᖃᑎᒌᓐᓂᐅᔪᒧᑦ, ᑐᕌᒐᖃᓲᖑᓪᓗᓂ ᑕᐃᑲᓂ ᐅᓪᓘᔪᒥᑦ ᐱᓕᕆᐊᖑᓂᐊᖅᑐᓂᑦ, ᓲᕐᓗ ᓄᑖᖑᔪᒥᑦ ᐅᕝᕙᓘᓐᓃᑦ ᐊᑐᖅᑕᐅᒐᔪᙱᑦᑐᒥᑦ ᐱᓕᕆᐊᒃᓴᒥᑦ, ᐃᖅᑲᓇᐃᔭᕐᕕᖕᒥᑦ ᐊᑦᑕᕆᔭᐅᔪᓂᒃ, ᐊᒻᒪᓗ/ᐅᕝᕙᓘᓐᓃᑦ ᐊᑦᑕᓇᖅᑐᖃᙱᑦᑐᒃᑯᑦ ᐱᓕᕆᔾᔪᓯᐅᔪᓂᒃ. ᐱᒻᒪᕆᐅᔪᖅ ᑕᑯᑎᑦᑎᓗᓂ ᓴᓇᔨᓂᒃ ᐊᑦᑕᓇᔾᔭᐃᖅᓯᒪᓂᖅ ᓯᕗᓪᓕᐅᔾᔭᐅᖁᔭᐅᔪᖅ ᐃᒡᕕᑦ ᓇᖕᒥᓂᕆᔭᖓᓂ ᓯᕗᓕᖅᑎᐅᓗᑎᑦ ᐊᒻᒪᓗ ᑕᑯᑎᑦᑎᓗᑎ ᐊᑦᑕᓇᔾᔭᐃᖅᓯᒪᓂᖅ ᐃᓄᖕᒧᑦ ᐊᑕᐅᓯᑐᐊᕐᒧᑦ ᐱᔭᒃᓴᕆᔭᐅᕆᐊᖃᙱᓐᓂᖓᓂ; ᑲᒻᐸᓂᐅᔫᑉ ᐱᓕᕆᐊᕆᔭᕆᐊᖃᖅᑕᖓ. ᐃᑲᔪᕐᓂᖃᓲᑦ ᐱᓕᕆᑦᑎᐊᕈᒪᓂᕐᒥᑦ ᐋᓐᓂᐊᖃᕐᓇᙱᑦᑐᓕᕆᓂᖅ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᖅ ᐃᓱᒪᒋᔭᐅᖏᓐᓇᐅᔭᖅᖢᑎᒃ.