ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᔨᑦᑎᕋᐅᑎᖏᓐᓄᑦ ᓄᑖᖑᓛᑦ

ᑕᒪᕐᒥ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᕐᑏᑦ ᑎᑎᕋᕐᕕᖏᑦ ᒪᑐᐃᖓᔪᑦ  ᐋᓐᓂᐊᖃᕐᓇᙱᑦᑐᓕᕆᓂᕐᒥᒃ ᐊᒻᒪ ᐊᑦᑕᓇᔾᔭᐃᖅᓯᒪᓂᕐᒥᒃ ᐱᓕᕆᐊᓂᒃ ᐊᑐᖅᖢᑎᒃ. ᐱᔨᑦᑎᕋᖅᑕᐅᕙᒃᑐᑦ ᐃᓂᒃᓴᓕᐅᖅᐸᒌᖅᐸᒡᓗᑎᒃ ᐅᐸᓚᐅᙱᓐᓂᖏᓐᓂᒃ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᖃᖓᒃᑯᑦ ᐊᒻᒪ ᖃᓄᖅ ᖃᓂᕐᒥ ᒪᑐᐊᕐᓯᒪᔭᕆᐊᖃᕐᓂᖅ

Publication Date
October 25th, 2021

ᖃᓂᒃᑯᑦ ᒪᑐᐊᕐᓯᒪᓗᓂ ᐊᐃᑦᑐᕐᓯᕐᓇᙱᓐᓂᕐᓴᐅᔪᖅ ᐳᕙᒃᑯᑦ ᐋᓐᓂᐊᕆᔭᐅᔭᒃᑐᓂᒃ, ᑭᓯᐊᓂᓕ ᐱᐅᔪᓐᓃᕈᑎᐅᑐᐃᓐᓇᕆᐊᖃᕐᒪᑦ ᐊᑐᖅᑕᐅᑦᑎᐊᙱᒃᑯᓂ ᐅᕝᕙᓘᓐᓃᑦ ᐃᒋᑕᐅᑦᑎᐊᖃᑦᑕᙱᑉᐸᑕ. ᖃᓂᕐᒧᑦ ᒪᑐᐊᕐᓯᒪᒍᑎᒥ ᐊᑐᕐᓂᐊᕈᕕᑦ ᐊᒡᒐᑎ ᐅᐊᓵᓪᓚᓚᐅᕐᓗᒋᑦ ᐊᑎᓗᒍ ᒪᑐᐊᕈᑎ, ᐊᒻᒪᓗ ᐊᑐᕈᓐᓃᕈᕕᐅᒃ ᐊᒻᒪ ᐃᒋᑦᑎᐊᕈᕕᐅᒃ. ᐊᒡᒐᑎ ᐅᐊᓴᖃᑦᑕᕐᓗᒋ ᐅᐊᓴᐅᑎᒧᑦ ᐃᒪᕐᒧᓪᓗ ᐅᕝᕙᓘᓐᓃᑦ ᐋᑲᕼᐋᓕᖕᒥ ᐊᒡᒐᓄᑦ ᓴᓗᒻᒪᕐᓴᐅᑎᒧᑦ.