ᓄᕙᒡᔪᐊᕐᓇᖅ-19 (COVID-19) ᓄᑖᖑᓛᖅ ᑐᓴᒐᒃᓴᖅ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᐃᖃᓗᖕᓂᑦ ᐊᒻᒪ ᐃᓅᕕᒃᒥᑦ ᒪᑐᐃᖓᓕᕐᑐᑦ ᑭᒃᑯᑐᐃᓐᓇᕐᓄᑦ. ᔭᓗᓇᐃᒥ ᑎᑎᕋᕐᕕᒃ ᒪᑐᐃᒃᑲᓐᓂᓛᖅᑐᖅ ᐅᓗᕆᐊᓇᕈᓐᓃᖅᑎᑕᐅᓚᐅᕐᑎᓪᓗᒋᑦ ᑎᑎᕋᕐᕕᒃᓴᕆᓂᐊᕐᑕᕗᑦ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᓱᓐᓂᐅᒪᓂᖅ ᐃᖅᑲᓇᐃᔭᕐᕕᖕᒥ

Publication Date: 
ᓯᑎᐱᕆ 07 / 2018

ᐅᓇ ᐅᖃᐅᓯᖅ ᓱᓐᓂᐅᒪᓂᖅ ᐅᖃᐅᓯᖃᖅᐳᖅ ᐊᔾᔨᒌᙱᕈᓘᔭᖅᑐᓂ ᖃᓄᐃᓐᓂᐅᔪᓄᑦ ᐊᒻᒪᓗ/ᐅᕝᕙᓘᓐᓃᑦ ᐋᖓᔮᕐᓇᖅᑐᓂ ᐊᒃᑐᐃᓂᖃᕈᓐᓇᖅᑐᓂ ᓴᓇᔨᐅᔫᑉ ᐱᔪᓐᓇᕐᓂᕆᒐᔪᒃᑕᖓᓂ ᐱᓕᕆᓂᕐᒧᑦ ᐊᑦᑕᓇᙱᑦᑎᐊᖅᑐᒥ. ᓱᓐᓂᕈᑕᐅᔪᓄᑦ ᐅᕙᙶᕈᓐᓇᖅᐳᑦ ᑕᖃᖓᓗᐊᕐᓂᕐᒧᑦ, ᐊᒃᓱᕉᓴᖕᓂᐅᔪᒧᑦ, ᖃᓂᒪᓂᕐᒧᑦ, ᐅᕝᕙᓘᓐᓃᑦ ᐊᑐᕐᓂᕐᒧᑦ ᐃᒥᐊᓗᖕᒧᑦ, ᐱᕋᔭᖕᓂᐅᔪᓄᑦ ᓲᓐᓂᕈᑕᐅᔪᓂᑦ, ᐃᓅᓕᓴᐅᑎᓂᑦ ᓘᒃᑖᒥᙶᖅᑐᓂ, ᐊᒻᒪ ᓂᐅᕕᖅᑕᐅᔪᓄᑦ ᐄᔭᒐᖅᑖᕐᕕᖕᒥ.

ᓱᓐᓂᐅᒪᓂᖅ (ᖃᐅᔨᒪᔭᐅᖕᒥᔪᖅ ᐱᓕᕆᐊᒃᓴᒥᓂ ᐱᓕᕆᔪᓐᓇᕋᔭᙱᓐᓂᖓᓂ/ᐃᖅᑲᓇᐃᔭᕐᓂᕐᒧᑦ) ᓇᒥᑐᐃᓐᓇᖅ ᐃᖅᑲᓇᐃᔭᕐᕕᒋᔭᐅᔪᒥ ᐊᖏᕐᔪᐊᖅᑐᒥ ᖃᓄᐃᓕᐅᕐᓂᖃᕈᓐᓇᕐᓂᖓᓂ ᓱᓐᓂᖅᓯᒪᔪᑐᐊᖑᙱᑦᑐᒥ ᐱᓕᕆᔨᐅᔪᒥ, ᑭᓯᐊᓂ ᐃᖅᑲᓇᐃᔭᖃᑎᒥᓄᑦ, ᐊᖓᔪᖅᑳᖓᓄᑦ, ᐊᒻᒪ ᐃᖅᑲᓇᐃᔭᖅᑎᖁᑎᓕᖕᒧᑦ.