COVID-19 Update

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐱᔨᑦᑎᕋᐅᑎᖏᑦ ᐊᑐᐃᓐᓇᐅᔪᑦ ᓱᓕᒃ ᖃᕋᓴᐅᔭᒃᑯᑦ ᑎᑎᕋᕐᕕᐅᔪᓐᓇᖅᑐᑦ, ᐅᖄᓚᕝᕕᐅᔪᓐᓇᖅᑐᑦ ᐅᕝᕙᓘᓐᓃᑦ ᖃᕋᓴᐅᔭᒃᑯᑦ ᐅᕘᓇ WSCC Connect.  ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᒪᔪᕋᐅᑎᓂᒃ ᑲᑕᖕᓂᖅ

Publication Date
November 27th, 2014

ᐃᒡᓗᕗᑦ ᓄᑖᖑᕆᐊᖅᑎᓪᓗᑎᒍ, ᒪᕐᕉᒃ ᐃᖅᑲᓇᐃᔭᖅᑏᒃ ᖁᓕᑦᑎᓐᓂ ᐋᖅᑭᒃᓯᓇᓱᒃᖢᑎ, ᒪᔪᕋᐅᑎᓂᒃ ᐊᑐᖅᖢᑎᒃ ᓴᓇᔫᒃ. ᓄᖃᖓᓚᐅᑲᒃᐴᒃ. ᐱᓕᕆᔪᖅ ᐃᓚᖓᑦ ᐃᖅᑲᓇᐃᔭᐃᖃᑎᒥᓂᒃ ᐅᖃᓪᓚᖃᑎᖃᕆᐊᖅᑐᖅᖢᓂ ᐊᖅᑲᖅᐳᖅ. ᐱᖃᑎᖓ, ᐃᒡᓗᓕᐅᖅᑎᐅᔪᖅ ᑎᓴᒪᓄᑦ ᐊᕐᕌᒍᓄᑦ, ᒪᔪᕋᐅᑎᒦᖏᓐᓇᖅᐳ, ᒪᔪᕋᐅᑎᐅᓪᓗ ᖄᖓᓂ ᐃᒃᓯᕚᕋᓱᓕᖅᐳᖅ. ᐃᖏᓐᓇᓲᔭᖅᑎᓪᓗᒍ ᒪᔪᕋᐅᑎᖓᑦ ᓂᐅᖅᑎᑦᐳᖅ ᐊᐅᓚᔾᔭᑳᓪᓚᒃᖢᓂᓗ, ᑕᐃᒪᓗ ᑎᓴᒪᓂᒃ ᐃᓯᒐᓂ ᐳᖅᑐᓂᓕᕐᒥᑦ ᑲᑕᒃᐳᖅ ᑕᑲᓄᖓ ᓇᑎᐊᓄᑦ ᕿᑯᖕᒧᑦ. ᑐᓄᒥᓄᑦ ᑐᑉᐳᖅ ᑕᕝᕙᓗ ᐋᓐᓂᖅᑎᑉᐳᖅ ᑐᓄᒥᒍᑦ. ᑕᐃᒪᐃᓐᓂᖓᓄᑦ, ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑐᒃᓯᕋᐅᒻᒥᒃ ᐊᖏᑕᐅᓕᓚᐅᖅᐳ ᐋᓐᓂᐊᕕᖕᒥ ᑲᒪᒋᔭᐅᔾᔪᑎᖓᓐᓄ ᐊᒻᒪᓗ ᐊᑭᓕᖅᑕᐅᔾᔪᑎᒥᒃ ᐃᖅᑲᓇᐃᔭᕈᓐᓇᖏᓚᐅᕐᓂᖓᓄᑦ.