ᓄᕙᒡᔪᐊᕐᓇᖅ-19 (COVID-19) ᓄᑖᖑᓛᖅ ᑐᓴᒐᒃᓴᖅ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᐃᖃᓗᖕᓂᑦ ᐊᒻᒪ ᐃᓅᕕᒃᒥᑦ ᒪᑐᐃᖓᓕᕐᑐᑦ ᑭᒃᑯᑐᐃᓐᓇᕐᓄᑦ. ᔭᓗᓇᐃᒥ ᑎᑎᕋᕐᕕᒃ ᒪᑐᐃᒃᑲᓐᓂᓛᖅᑐᖅ ᐅᓗᕆᐊᓇᕈᓐᓃᖅᑎᑕᐅᓚᐅᕐᑎᓪᓗᒋᑦ ᑎᑎᕋᕐᕕᒃᓴᕆᓂᐊᕐᑕᕗᑦ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᐋᓐᓂᐊᖅᑖᕐᓇᖅᑐᑦ ᐊᒻᒪ ᓄᕙᖕᓂᖅ ᐃᖅᑲᓇᐃᔭᕐᕕᖕᒥᑦ

Publication Date: 
ᕖᕝᕗᐊᕆ 28 / 2020

ᐳᕙᒃᑯᑦ ᐋᓐᓂᐊᖅᑖᕐᓇᖅᑐᑦ ᒪᑯᑎᑐᓇᖅ ᐆᑎᕐᓇᓗᐊᑲᑕᖕᓂᖅ ᐊᒻᒪ ᓄᕙᖕᓂᖅ ᐱᑕᖃᐃᓐᓇᐅᔭᐸᓗᖕᒪᓐ. ᐳᕙᒃᑯᑦ ᐋᓐᓂᐊᖅᑖᕐᓇᖅᑐᑦ ᐊᐃᑦᑑᑎᐅᕙᒃᑐᖅ ᓄᕙᖕᓂᒃᑯᑦ, ᑕᕆᐅᒃᓴᕐᓂᒃᑯᑦ, ᑕᓯᐅᖃᑦᑖᑲᑕᖕᓂᒃᑯᑦ ᐋᓐᓂᐊᖅᑐᓂᒃ, ᐅᕝᕙᓘᓐᓃᑦ ᐊᒃᑐᕐᓯᓗᓂ ᐱᐅᔪᓐᓃᕐᓯᒪᔪᓂᒃ ᐊᒻᒪᓗ ᐊᒃᑐᑲᑕᓕᕐᓗᒋ ᐃᔨᑎᑦ, ᕿᖓᐃᑦ ᐅᕝᕙᓘᓐᓃᑦ ᖃᓃᑦ.  ᐊᑐᖃᑦᑕᕐᓗᓂ ᐅᓗᕆᐊᓇᙱᑦᑐᓂᒃ ᐃᖅᑲᓇᐃᔭᕐᕕᖃᕐᓂᕐᒥ ᒥᒃᖠᕚᓪᓕᕈᑎᐅᔪᓐᓇᖅᑐᖅ ᐊᐃᑦᑐᖅᓯᖃᑦᑕᕐᓂᕐᒥᒃ ᐳᕙᒃᑯᑦ ᐋᓐᓂᐊᓕᕈᑎᐅᔪᓐᓇᖅᑐᓂᒃ ᐃᖅᑲᓇᐃᔭᕐᕕᖕᒥ.