ᓄᕙᒡᔪᐊᕐᓇᖅ-19 (COVID-19) ᓄᑖᖑᓛᖅ ᑐᓴᒐᒃᓴᖅ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᐃᖃᓗᖕᓂᑦ ᐊᒻᒪ ᐃᓅᕕᒃᒥᑦ ᒪᑐᐃᖓᓕᕐᑐᑦ ᑭᒃᑯᑐᐃᓐᓇᕐᓄᑦ. ᔭᓗᓇᐃᒥ ᑎᑎᕋᕐᕕᒃ ᒪᑐᐃᒃᑲᓐᓂᓛᖅᑐᖅ ᐅᓗᕆᐊᓇᕈᓐᓃᖅᑎᑕᐅᓚᐅᕐᑎᓪᓗᒋᑦ ᑎᑎᕋᕐᕕᒃᓴᕆᓂᐊᕐᑕᕗᑦ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᐊᑦᑐᓈᖑᔭᖅ ᑭᕕᔅᓯᑎᒧᑦ

Publication Date: 
ᔫᓂ 30 / 2016

ᐊᑦᑐᓈᖑᔭᑦ ᐅᕿᑦᑑᓪᓗᑎᑦ ᐊᒻᒪ ᕿᑐᒪᔫᓪᓗᑎᑦ ᓴᑦᑐᔮᑦ ᓴᓇᔭᐅᓯᒪᒐᓱᐸᑦᑐᑦ ᖃᓪᓗᓈᖅᑕᓂᑦ ᑕᓯᔭᖅᑐᓂᑦ ᐊᑭᑭᑦᑑᓪᓗᑎᑦ, ᐊᐅᒫᒡᒋᖅᑕᕈᓐᓇᕋᑎᑦ, ᐊᒻᒪ ᓱᕋᐃᔭᐃᒍᓐᓇᖏᓐᓂᖅᓴᐅᓪᓗᑎᑦ ᐊᐅᓚᐅᑎᓂᑦ. ᖃᐅᔨᓴᑦᑎᐊᖅᑕᐅᖏᓐᓇᕆᓖᑦ ᑕᒪᒃᑯᐊ ᐊᑦᑐᓵᖑᔭᑦ.  ᒥᑭᔪᑯᓗᔮᖅᑑᒐᓗᐊᑦ ᓱᕋᓐᓂᖏᑦ ᐊᑲᐅᓈᕈᓐᓃᑎᑦᑎᒍᓐᓇᖅᑐᑦ ᐱᔪᓐᓇᑦᑎᐊᕈᓐᓃᕐᓗᑎᑦ ᑭᕕᒋᐊᓕᓐᓂᑦ ᐊᒻᒪ ᑭᑦᑐᕋᑐᐃᓐᓇᕆᐊᖃᖅᑐᑦ ᐊᑐᖅᑕᐅᑎᓪᓗᒋᑦ.