ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᔨᑦᑎᕋᐅᑎᖏᓐᓄᑦ ᓄᑖᖑᓛᑦ

ᑕᒪᕐᒥ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᕐᑏᑦ ᑎᑎᕋᕐᕕᖏᑦ ᒪᑐᐃᖓᔪᑦ  ᐋᓐᓂᐊᖃᕐᓇᙱᑦᑐᓕᕆᓂᕐᒥᒃ ᐊᒻᒪ ᐊᑦᑕᓇᔾᔭᐃᖅᓯᒪᓂᕐᒥᒃ ᐱᓕᕆᐊᓂᒃ ᐊᑐᖅᖢᑎᒃ. ᐱᔨᑦᑎᕋᖅᑕᐅᕙᒃᑐᑦ ᐃᓂᒃᓴᓕᐅᖅᐸᒌᖅᐸᒡᓗᑎᒃ ᐅᐸᓚᐅᙱᓐᓂᖏᓐᓂᒃ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᐃᓕᓐᓂᐊᖅᑎᑦᑎᔨᐅᑉ ᐊᑐᐊᒐᖓ: ᓄᑭᓂᑦ ᐋᓐᓂᑎᑦᑎᔪᓐᓇᖅᑐᑦ (MSI)

Teaser
ᓄᔭᓕᕆᔩᑦ ᐊᒻᒪ ᐊᓯᖏᑦ ᐃᖅᑲᓇᐃᔭᖅᑏᑦ ᐱᓕᕆᔭᖏᓐᓂᑦ ᐃᖅᑲᓇᐃᔭᖃᑦᑕᖅᑐᑦ ᐊᑲᐅᖏᑦᑐᒦᑦᑐᑎ ᐊᑯᓂᑲᓪᓚᒃ, ᐊᒻᒪ ᑕᐃᒫᔅᓴᐃᓐᓇᖅ ᓅᖃᑦᑕᕈᓐᓇᖅᑐᓂ. ᑖᒃᑯᐊ ᐱᓕᕆᐊᖑᒋᐊᓖᑦ ᐊᔅᓱᕈᖅᑎᑦᑎᔪᓐᓇᖅᑐᑦ ᑎᒥᒥᑦ ᐊᒻᒪ ᓄᑭᓂᑦ ᐋᓐᓂᑎᑦᑎᔪᓐᓇᖅᑐᑦ (MSI). ᓄᑭᓂᑦ ᐋᓐᓂᑎᑦᑎᔪᓐᓇᖅᑐᓄᑦ ᐋᓐᓂᕐᓂᐅᔪᑦ ᐅᕝᕙᓘᓐᓃᑦ ᐊᑲᐅᖏᓐᓂᐅᔪᑦ ᓄᑭᓄᑦ, ᑎᓯᔪᓄᑦ ᓄᑭᓄᑦ, ᓇᒡᒍᐊᑦ ᖃᖅᑯᐊᖏᑦ, ᓇᒡᒍᐊᑦ, ᐊᐅᓚᔾᔪᑏᑦ, ᐅᕝᕙᓘᓐᓃᑦ ᑕᖃᐃᑦ. ᐃᓚᒋᒐᔪᑦᑕᖏᑦ ᓄᑭᓂᑦ ᐋᓐᓂᑎᑦᑎᔪᓐᓇᖅᑐᑦ ᐱᖃᓯᐅᔾᔨᔪᑦ ᓄᑮᑦ ᐅᕝᕙᓘᓐᓃᑦ ᓄᑮᑦ ᑕᖃᓯᒪᓂᖏᑦ, ᓇᒡᒍᐊᑦ ᖃᖅᑯᐊᖏᑦ ᐊᔅᓱᕈᓐᓂᐅᔪᑦ, ᐊᒻᒪ ᓄᑭᑲᖓᑕᓂ. ᑕᑯᔅᓴᐅᓂᖏᑦ ᐊᒻᒪ ᖃᓄᐃᓐᓂᖏᑦ ᓄᑭᓂᑦ ᐋᓐᓂᑎᑦᑎᔪᓐᓇᖅᑐᑦ ᐱᖃᓯᐅᔾᔨᔪᖅ ᐊᐅᐸᕐᓂᖅ, ᐳᕕᓐᓂᖅ, ᐃᑉᐱᓂᐊᖏᓐᓂᖅ, ᑲᑭᓪᓚᓛᑦᑎᓂᖅ, ᐃᕿᒍᓐᓇᖏᓐᓂᖅ, ᐋᓐᓂᐊᓂᖅ, ᐊᒻᒪ ᓅᒡᒐᖅᑐᒍ ᐃᓚᖓ ᑎᒥᖓ. ᑕᑯᔅᓴᐅᓂᖏᑦ ᐊᒻᒪ ᖃᓄᐃᓐᓂᖏᑦ ᓴᖅᑭᑳᓪᓚᑦᑑᔮᕈᓐᓇᖅᑐᑦ, ᐅᕝᕙᓘᓐᓃᑦ ᓴᖅᑭᑎᑦᑎᔪᑦ ᐊᑯᓂᐅᔪᒧᑦ. ᐃᖅᑲᓇᐃᔭᖅᑎᑦᑎᔪᑦ ᓇᓗᓇᐃᖅᓯᒋᐊᖃᖅᑎᑕᐅᔪᑦ ᐊᑦᑕᓇᕈᑎᐅᔪᓐᓇᖅᑐᓂᑦ ᓄᑭᓂᑦ ᐋᓐᓂᑎᑦᑎᔪᓐᓇᖅᑐᑦ ᐊᒻᒪ ᐊᐅᓚᓗᒍ ᐅᕝᕙᓘᓐᓃᑦᐲᕐᓗᒍ ᐲᖅᑕᐅᔪᓐᓇᕈᓂ.