ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᔨᑦᑎᕋᐅᑎᖏᓐᓄᑦ ᓄᑖᖑᓛᑦ

ᑕᒪᕐᒥ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᕐᑏᑦ ᑎᑎᕋᕐᕕᖏᑦ ᒪᑐᐃᖓᔪᑦ  ᐋᓐᓂᐊᖃᕐᓇᙱᑦᑐᓕᕆᓂᕐᒥᒃ ᐊᒻᒪ ᐊᑦᑕᓇᔾᔭᐃᖅᓯᒪᓂᕐᒥᒃ ᐱᓕᕆᐊᓂᒃ ᐊᑐᖅᖢᑎᒃ. ᐱᔨᑦᑎᕋᖅᑕᐅᕙᒃᑐᑦ ᐃᓂᒃᓴᓕᐅᖅᐸᒌᖅᐸᒡᓗᑎᒃ ᐅᐸᓚᐅᙱᓐᓂᖏᓐᓂᒃ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᑐᑦᓯᕋᕐᓂᖅ ᐃᕝᕕᑦ ᓇᒻᒥᓂᖅ ᑐᑭᓯᔾᔪᑎᖏᓐᓂᑦ (ᑐᓂᓯᓗᑎᑦ ᑐᑦᓯᕋᕐᓂᕐᒥᑦ ᓴᖅᑭᖅᑎᑕᐅᖁᔨᓂᕐᒥᑦ ᑐᖅᑯᖅᑕᐅᓯᒪᔪᓂᑦ)

ᐱᔪᓐᓇᓂᕐᒥᑦ ᑐᓴᐅᒪᔪᓐᓇᖅᑐᓂᑦ ᓴᐳᔾᔨᓯᒪᓂᕐᒧᓪᓗ ᑐᓴᐅᒪᔭᐅᔭᕆᐊᖃᖏᑦᑐᓄᑦ ᐱᖁᔭᖅ (ATIPP) ᐱᕕᖃᖅᑎᑦᓯᔪᖅ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓂᑦ ᓄᐊᑦᓯᓂᕐᒥᑦ ᐃᓄᒻᒧᑦ ᑐᑭᓯᒋᐊᕈᑎᓂᑦ ᓇᒻᒥᓂᖁᑎᓕᓐᓂᑦ ᐃᓚᒋᔭᐅᔪᓂᓪᓗ ᑭᒃᑯᑐᐃᓐᓇᕐᓄᑦ ᑲᔪᓯᓂᖃᑦᓯᐊᖅᑐᒥᑦ ᐊᐅᓚᖁᓪᓗᒋᑦ ᐱᓕᕆᐊᑦᓴᖏᑦ ᓱᓕᕆᓂᖏᓪᓗ. ᐆᑦᑑᑎᒋᓗᒍ, ᑭᓇᑐᐃᓐᓇᖅ ᐊᑭᓕᖅᑕᐅᒍᒪᓪᓗᑎ, ᐊᑐᐃᓐᓇᐅᑎᑦᓯᖃᑦᑕᖅᑐᑦ ᐊᑎᖓᓂᑦ, ᑐᕌᕈᑎᖓᓂᑦ, ᐅᓪᓗᖓᓂᑦ ᐃᓅᓕᕐᕕᖓᑕ, ᐋᓐᓂᐊᕐᓇᖅᑐᓕᕆᓂᕐᒧᓪᓗ ᑐᑭᓯᔾᔪᑎᓂᑦ ᐊᑦᑐᐊᓂᓕᓐᓂᑦ ᐋᓐᓂᓂᕐᒧᑦ ᖃᓂᒪᓂᕐᒧᓪᓘᓐᓃᑦ. ᖃᐅᔨᒋᐊᒃᑲᓐᓂᕈᒪᒍᕕᑦ ᐅᖃᓕᒫᒐᕗᑦ ᐅᖃᓕᒫᕐᓗᒍ ᐅᖃᐅᓯᒃᓴᑦ ᐃᖅᑲᓇᐃᔭᖅᑎᓄᑦ ᑕᒪᐅᖓᒥᐊᖅᑎᑦᑎᑦᑕᐃᓕᓂᕐᒧᑦ.

ᒐᕙᒪᒃᑯᑦ ᐱᓕᕆᕝᕕᖏᑦ ᓄᓇᑦᓯᐊᕐᒥᑦ ᓄᓇᕗᒻᒥᓪᓗ, ᑭᒃᑯᑐᐃᓐᓇᐃᑦ ᐱᔪᓐᓇᕐᓂᖃᖅᑐᑦ ᐱᔪᓐᓇᓂᕐᒥᑦ ᑐᓴᐅᒪᔾᔪᑎᓂᑦ ᐊᑦᑐᐊᓂᓕᓐᓂᑦ ᓇᒻᒥᓂᖅ, ᐱᔪᓐᓇᓂᖃᕐᓂᕐᒥᓪᓗ ᑐᑦᓯᕋᕐᓂᕐᒥᑦ ᑐᓴᐅᒪᔾᔪᑎᓂᑦ ᐱᔭᐅᓯᒪᔪᓂᑦ  ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ. 

ᖃᓄᐃᓐᓂᖅᑕᖃᑐᐃᓐᓇᕆᐊᓕᒃ ᐃᓚᒋᔭᐅᔪᑦ ᑕᖅᑲᒃᑯᐊ ᑭᒃᑯᑐᐃᓐᓇᐃᑦ ᑐᑦᓯᕋᕈᓐᓇᖅᑐᑦ ᑎᑎᕋᖅᓯᒪᔪᓂᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓂᑦ ᐃᓗᓕᓕᓐᓂᑦ ᐃᓄᒻᒧᑦ ᑐᑭᓯᒋᐊᕈᑎᓂᑦ ᓇᒻᒥᓂᖅ ᐱᒋᖏᑦᑕᖏᑦ. ᑖᓐᓇ ᑐᑦᓯᕋᐅᑎ ᑐᓂᔭᐅᒍᓐᓇᖅᑐᖅ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ ᐊᑐᕈᓐᓇᓂᕐᒥᑦ ᑐᓴᖅᑕᐅᔪᑦᓴᓂᒃ ᑐᑭᒧᐊᑦᑎᑦᓯᔨᖓᓄᑦ. 

1

ᐊᐅᓪᓚᑎᑦᓯᓗᑎᑦ ᑎᑎᕋᖅᓯᒪᔪᒥᑦ ᓴᖅᑭᖅᑎᑕᐅᔾᔪᑎᒥᑦ ᑐᑦᓯᕋᐅᑎᒥᑦ ᐅᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ ᐊᑐᕈᓐᓇᓂᕐᒥᑦ ᑐᑭᓯᔾᔪᑎᓂᑦ ᑐᑭᒧᐊᑦᑎᑦᓯᔨᒧᑦ:

Access to Information Coordinator
Workers’ Safety and Compensation Commission  
P.O. Box 8888, Yellowknife, NT  X1A 2R3