ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᔨᑦᑎᕋᐅᑎᖏᓐᓄᑦ ᓄᑖᖑᓛᑦ

ᑕᒪᕐᒥ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᕐᑏᑦ ᑎᑎᕋᕐᕕᖏᑦ ᒪᑐᐃᖓᔪᑦ  ᐋᓐᓂᐊᖃᕐᓇᙱᑦᑐᓕᕆᓂᕐᒥᒃ ᐊᒻᒪ ᐊᑦᑕᓇᔾᔭᐃᖅᓯᒪᓂᕐᒥᒃ ᐱᓕᕆᐊᓂᒃ ᐊᑐᖅᖢᑎᒃ. ᐱᔨᑦᑎᕋᖅᑕᐅᕙᒃᑐᑦ ᐃᓂᒃᓴᓕᐅᖅᐸᒌᖅᐸᒡᓗᑎᒃ ᐅᐸᓚᐅᙱᓐᓂᖏᓐᓂᒃ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᐃᔨᒃᑯᑦ ᐋᓐᓂᕈᑏᑦ

Teaser
ᐃᔨᖃᕈᓐᓃᕐᓂᖅ ᓴᓇᔨᐅᑉ ᐃᓅᓯᖓᓂᒃ ᐊᓯᙳᖅᑎᑦᑎᔪᓐᓇᒻᒪᕆᒃᑐᖅ ᐊᒻᒪᓗ ᐃᖅᑲᓇᐃᔮᓂᒃ ᐃᓚᖏᓐᓂᒃ ᐃᖅᑲᓇᐃᔭᕈᓐᓇᐃᓪᓕᓗᓂ. ᒥᑭᑦᑑᒐᓗᐊᑦ ᐃᔨᒃᑯᑦ ᐊᓐᓂᕈᑏᑦ ᐋᓐᓂᕐᓇᖅᑐᐊᓘᒍᓐᓇᕐᒪᑕ, ᐊᒻᒪᓗ ᑕᕿᒐᓴᖕᓂ ᒪᒥᒐᓱᒡᓗᑎᒃ. ᐃᔨᒃᑯᑦ ᐋᓐᓂᕐᔪᐊᕐᓗᓂ ᑕᐅᑐᒍᓐᓃᑐᐃᓐᓇᕆᐊᖃᕐᓇᖅᐸᖅ, ᐅᕝᕙᓘᓐᓃᑦ ᐃᔨᖃᕈᓐᓃᑦᑎᐊᒻᒪᕆᖕᓇᖅᖢᓂ. ᐊᒥᓲᓂᕐᓴᑦ ᐃᔨᒃᑯ ᐋᓐᓂᕈᑎᒃᓴᑦ ᐱᑕᖃᙱᓐᓂᕐᓴᐅᔪᓐᓇᖅᑐᑦ ᐃᒪᓐᓇ ᒪᓕᒡᓗᓂ ᓴᓇᕝᕕᒃᒥᑦ ᖃᓄᐃᑦᑕᐃᓕᒪᔾᔪᑎᒃᓴᑦ, ᐊᑐᕐᐸᒡᓗᓂ ᓴᓇᔭᒧᑦ ᖃᓄᐃᑦᑕᐃᓕᒪᔾᔪᑎᓂᒃ ᐊᒻᒪ ᐊᑐᕐᐸᒡᓗᓂ ᓇᖕᒥᓂᖅ ᖃᓄᐃᑦᑕᐃᓕᒪᔾᔪᑎᒋᔭᒥ.

ᐃᖅᑲᓇᐃᔭᖅᑎᑦᑎᔪᖅ ᑲᒪᒋᔭᖃᕆᐊᓕᒃ ᖃᓄᐃᑦᑐᓂᒃ ᐃᔨᒧᑦ ᖃᓄᐃᑦᑕᐃᓕᒪᔾᔪᑎᒃᓴᓂᒃ ᐱᑕᖃᕆᐊᖃᕐᓂᖓᓂᒃ ᐱᓕᕆᐊᕆᔭᕐᓄᑦ ᖁᐊᕐᓵᕐᓇᙱᔾᔪᑎᒃᓴᓂᒃ. ᐅᑯᓂᖓ ᐃᓚᖃᑐᐃᓐᓇᕆᐊᖃᖅᑐᖅ ᐃᒡᒐᓂᒃ ᓴᓂᖏᑦᑎᒍᑦ ᑖᓪᓕᕐᓯᒪᔪᓂ ᐋᒃᑲᓘᓐᓃᑦ, ᐅᕝᕙᓘᓐᓃᑦ ᐊᖏᔪᓂᒃ ᐃᒡᒐᓂᒃ ᐊᓂᐊᕝᕕᓕᖕᓂᒃ ᐊᓂᐊᕝᕕᖃᙱᑦᑐᓂᒡᓘᓐᓃᑦ. ᓈᒻᒪᒃᑐᑦ ᖃᓄᐃᑦᑕᐃᓕᒪᔾᔪᑎᑦ ᐃᓕᖕᓂ ᐃᑲᔪᕈᓐᓇᖅᑐᑦ ᖁᐊᕐᓵᖅᑐᖅᑐᓄᑦ ᐋᓐᓂᕈᑎᐅᔪᓐᓇᖅᑐᓂᒃ ᐃᔨᓂᒃ.