ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᔨᑦᑎᕋᐅᑎᖏᓐᓄᑦ ᓄᑖᖑᓛᑦ

ᑕᒪᕐᒥ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᕐᑏᑦ ᑎᑎᕋᕐᕕᖏᑦ ᒪᑐᐃᖓᔪᑦ  ᐋᓐᓂᐊᖃᕐᓇᙱᑦᑐᓕᕆᓂᕐᒥᒃ ᐊᒻᒪ ᐊᑦᑕᓇᔾᔭᐃᖅᓯᒪᓂᕐᒥᒃ ᐱᓕᕆᐊᓂᒃ ᐊᑐᖅᖢᑎᒃ. ᐱᔨᑦᑎᕋᖅᑕᐅᕙᒃᑐᑦ ᐃᓂᒃᓴᓕᐅᖅᐸᒌᖅᐸᒡᓗᑎᒃ ᐅᐸᓚᐅᙱᓐᓂᖏᓐᓂᒃ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᐃᓕᓐᓂᐊᖅᑎᑦᑎᔨᐅᑉ ᐊᑐᐊᒐᖓ: ᐃᔨᒃᑯᑦ ᐋᓐᓂᕈᑏᑦ

Teaser
ᐃᔨᖃᕈᓐᓃᕐᓂᖅ ᓴᓇᔨᐅᑉ ᐃᓅᓯᖓᓂᒃ ᐊᓯᙳᖅᑎᑦᑎᔪᓐᓇᒻᒪᕆᒃᑐᖅ ᐊᒻᒪᓗ ᐃᖅᑲᓇᐃᔮᓂᒃ ᐃᓚᖏᓐᓂᒃ ᐃᖅᑲᓇᐃᔭᕈᓐᓇᐃᓪᓕᓗᓂ. ᐃᔨᕗᑦ ᐊᒃᓱᐊᓗᒃ ᐃᒃᐱᒍᓱᑦᑎᐊᕐᒪᑕ ᐊᒻᒪ ᖃᓄᐃᓴᕋᐃᖢᑎᒃ. ᐋᓐᓂᕈᑎᐅᔪᑦ ᑕᑯᓪᓗᒋ ᐊᒻᒪ ᒥᑭᑦᑐᑯᓘᖂᔨᓗᑎᒃ ᖁᐊᕐᓵᕐᓇᕐᓯᔪᓐᓇᕐᒪᑕ ᑲᒪᒋᔭᐅᑦᑎᐊᙱᒃᑯᑎᒃ. ᐃᔨᒃᑯᑦ ᐋᓐᓂᕈᑏᑦ ᐊᒃᓱᐊᓗᒃ ᐋᓐᓂᕐᓇᕐᒪᑕ, ᐊᒻᒪ ᑕᕿᒐᓴᖕᓂ ᒪᒥᒐᓱᒃᐸᒃᖢᑎᒃ. ᐊᒥᓲᓂᕐᓴᑦ ᐃᔨᒃᑯᑦ ᐋᓐᓂᕈᑏᑦ ᐊᑐᖅᑕᐅᙱᑦᑐᓐᓇᖅᑐᑦ ᓇᖕᒥᓂᖅ ᐱᕐᕈᓗᐊᕿᑦᑕᐃᓕᔾᔪᑎᖃᕐᓗᓂ.