ᐅᖃᐅᓯᒃᓴᑦ ᐃᖅᑲᓇᐃᔭᖅᑎᓄᑦ ᑕᒪᐅᖓᒥᐊᖅᑎᑦᑎᑦᑕᐃᓕᓂᕐᒧᑦ

ᐅᓇ ᐅᖃᐅᓯᒃᓴᑦ ᐃᖅᑲᓇᐃᔭᖅᑎᓄᑦ ᑕᒪᐅᖓᒥᐊᖅᑎᑦᑎᑦᑕᐃᓕᓂᕐᒧᑦ ᑐᑭᓯᒋᐊᖅᑎᑦᑎᓯᒪᔪᖅ ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᑲᑎᕐᓱᐃᖃᑦᑕᕐᓂᖏᓐᓂᒃ ᑮᓇᐅᔭᖅᑖᕋᓱᒃᑑᑉ ᒥᒃᓵᓄᑦ.

ᐱᓇᓱᐊᒐᖃᖅᐳᒍᑦ ᓴᐳᔾᔨᓯᒪᓂᕐᒥᒃ ᐃᓕᖕᓅᖓᔪᓂᒃ ᐊᒻᒪᓗ ᑕᒪᐅᖓᒥᐊᕆᐊᖃᙱᓐᓂᖏᓐᓂᒃ ᐃᓕᖕᓅᖓᔪᑦ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᑲᑐᕐᓱᐃᕙᒃᑐᑦ ᐃᓕᖕᓅᖓᔪᓂᒃ ᐱᓕᕆᐊᖃᓂᐊᕐᓂᕐᒧᑦ ᐊᒻᒪ ᐊᑐᖅᑎᑦᑎᓂᕐᒥᒃ ᐃᖅᑲᓇᐃᔭᖅᑎᓄᑦ ᐋᓐᓂᖅᑐᖅᓯᐅᑎᓕᕆᔨᒃᑯᑦ ᒪᓕᒐᖅ ᓄᓇᑦᓯᐊᕐᒥ ᐊᒻᒪ ᓄᓇᕗᒥᑦ ᐊᒻᒪᓗ ᐱᔪᓐᓇᕐᓂᒃᑯᑦ ᐅᑯᓂᖓ ᐱᔪᓐᓇᕐᓂᕐᒥᒃ ᑐᓴᖅᑕᐅᔪᓐᓇᖅᑐᓂᒃ ᓴᐳᔾᔨᓯᒪᓂᕐᒧᓪᓗ ᑐᓴᐅᒪᔭᐅᔭᕆᐊᖃᙱᑦᑐᓄᑦ ᓄᓇᑦᓯᐊᕐᒥ ᐊᒻᒪ ᓄᓇᕗᒥᑦ.

ᑲᑎᕐᓱᐃᓂᖅ ᐃᓕᖕᓅᖓᔪᓂᒃ ᑐᓴᒐᒃᓴᓂᒃ

ᐃᓕᖕᓅᖓᔪᓂᒃ ᑎᑎᕋᕐᓯᒪᔪᓂᒃ ᑲᑎᕐᓱᐃᕙᒃᑐ ᐊᔾᔨᒌᙱᑦᑑᑎᒃᑯ ᒪᑯᓇᙵ ᐱᕝᕕᐅᔪᓐᓇᖅᑐᓂᒃ – ᐃᓕᖕᓂᒃ, ᐃᖅᑲᓇᐃᔭᕐᕕᖕᓂ, ᐋᓐᓂᐊᖃᕐᓇᙱᑦᑐᓕᕆᔨᒥᑦ ᐅᕝᕙᓘᓐᓃᑦ ᐃᖅᑲᓇᐃᔭᕐᓂᕐᓄᑦ ᐱᔨᑦᑎᕋᐅᑎᓕᕆᔨ, ᐊᒻᒪᓗ ᐊᓯᖏᑦ – ᐱᔭᐅᔭᕆᐊᖃᕐᓂᖏᓐᓄᑦ ᒪᑯᓄᖓ:

ᐊᐅᓚᑦᑎᔨᒃᑯᓄᑦ - ᐊᐱᕆᕙᒃᑲᑦᑕᖅ ᐃᓕᖕᓄ ᓇᓗᓇᐃᒃᑯᑎᐅᓇᔭᖅᑐᓂᒃ ᒪᑯᓂᖓ ᐊᑎᕐᓂ, ᑐᕌᕈᑎᖕᓂᖅ, ᐊᖏᕐᕋᖕᓂ ᐅᖄᓚᐅᑎᖕᓂᒃ ᐊᒻᒪᓗ ᐃᓅᓕᕐᕕᖕᓂ. ᐅᑯᐊ ᑐᓴᒐᒃᓴᐅᔪᑦ ᐊᑐᖅᑕᐅᕙᖕᒪᑕ ᑮᓇᐅᔭᖅᑖᕋᓲᑎᒋᓇᓱᒃᑕᐃ ᐱᓕᕆᐊᖑᓂᐊᕐᑎᓪᓗᒍ ᐊᒻᒪ ᐃᓕᖕᓂ ᐅᖃᖃᑎᖃᑲᑕᒡᓗᑎᒃ, ᑕᒪᒃᑯᐊ ᐃᓕᖕᓅᖓᔪᑦ ᑮᓇᐅᔭᖅᑖᕋᓲᑎᖕᓄ ᖃᐅᔨᓴᖅᖢᒋ ᐊᒻᒪᓗ ᑮᓇᐅᔭᖅᑖᖅᑎᑦᑎᑲᑕᖕᓂᕐᒧᑦ.

ᑮᓇᐅᔭᖅᑖᕈᓐᓇᕐᓃᑦ ᓇᓗᓇᐃᖅᑕᐅᒃᐸᑦ, ᐃᖅᑲᓇᐃᔭᕈᓐᓇᐅᑎ ᓇᐃᓴᐅᑏ ᐱᔭᐅᓇᔭᖅᑐᖅ ᐃᓕᖕᓄ ᓇᓗᓇᐃᒃᑯᑎᒋᔭᐅᓗᓂ ᐊᒻᒪᓗ ᐃᓐᑲᒻ ᑖᒃᓯᓄᑦ ᓇᓗᓇᐃᔭᕈᑎᒃᓴᓄᑦ ᐱᔭᐅᔭᕆᐊᖃᕐᓂᖏᓐᓄᑦ ᑲᓇᑕᒥ ᑮᓇᐅᔭᐃᑦ ᐱᔭᐅᕙᓪᓕᐊᔪᓄᑦ ᑎᒥᖓᑦᑕ (CRA) ᐊᒻᒪᓗ ᐃᓐᑲᒻ ᑖᒃᓯᒧ ᒪᓕᒐᖅᑎᒍᑦ (ITA).

ᑮᓇᐅᔭᓕᕆᓂᕐᒧᑦ - ᐃᓕᖕᓅᖓᔪᑦ ᒪᑯᖓ ᐱᓇᓱᐊᕈᓯᑕᒫᓐ, ᑕᖅᑭᑕᒫᓐ ᐅᕝᕙᓘᓐᓃᑦ ᐊᕐᕌᒍᒧᑦ ᑮᓇᐅᔭᓕᐅᖓᕙᒃᑐᑦ ᐃᑲᔪᕈᑎᐅᕙᖕᒪᑕ ᖃᓄᖅ ᑮᓇᐅᔭᓂ ᐊᓯᐅᔨᓇᔭᕆᐊᒃᓴᕐᓂᒃ ᐊᒻᒪᓗ ᓇᓗᓇᐃᖅᑕᐅᕙᒃᖢᑎᒃ ᐃᖅᑲᓇᐃᔭᕐᕕᖕᓄᑦ, ᑮᓇᐅᔭᓕᐅᕈᑎᖕᓄᑦ ᓇᓕᖃᓄᑦ ᐅᕝᕙᓘᓐᓃᑦ ᑲᓇᑕᒥ ᑮᓇᐅᔭᐃᑦ ᐱᔭᐅᕙᓪᓕᐊᔪᓄᑦ ᑎᒥᖓᑦᑕ ᑎᑎᖃᖁᑎᖏᓐᓄᑦ.

ᑮᓇᐅᔭᓕᐊᖑᕙᒃᑐ ᐊᓯᖏᑦ ᑮᓇᐅᔭᖅᑖᕐᓇᖅᑐᑦ ᒪᑯᑎᑐᓇᖅ ᓂᖃᐃᓲᑎᑦ, ᐃᖅᑲᓇᐃᔭᙱᑦᑐᖅᓯᐅᑎᑦ ᐊᒻᒪ ᓇᓪᓕᐅᒃᑯᒫᖅᑖᕐᕕᐅᕙᒃᑐᓂᒃ ᐱᑖᕆᔭᐅᕙᒃᑐᑦ ᐅᓂᒃᑳᖑᔭᕆᖃᕋᔭᖅᑐ ᐅᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐊᔾᔨᒌᒃᑐᓂᒃ ᐃᑲᔫᑎᓂᒡᓘᓐᓃᑦ ᒪᕐᕈᐃᕐᓯᖁᔨᙱᓐᓂᕐᒧᑦ ᐊᑭᓕᒃᓴᖅᑖᕈᑎᐅᓕᕈᓐᓇᕐᓂᖏᓐᓂᒃ. ᑮᓇᐅᔭᖃᕐᕕᖕᓄᑦ ᓇᐃᓴᐅᑏᑦ ᐱᔭᐅᔪᒪᑐᐃᓐᓇᕆᐊᖃᖅᑐᖅ ᐃᓕᔭᐅᑲᐅᑎᒋᔪᓐᓇᕋᔭᕐᒪᑦ ᑮᓇᐅᔭᒃᓴᐃᑦ ᐅᕝᕙᓘᓐᓃᑦ ᐱᔭᐅᔪᒪᒍᓂ.

ᐋᓐᓂᐊᖃᖅᑕᐃᓕᒪᑎᑦᑎᓂᕐᒧᑦ - ᐃᓕᖕᓅᖓᔪᓂᒃ ᒪᑯᓇᙶᖅᑐᓂᒃ ᐋᓐᓂᐊᖃᕐᓇᙱᑦᑐᓕᕆᔨᓂᒃ ᐅᓂᒃᑳᓂᒃ, ᐃᓅᓕᓴᐅᑎᒋᖃᑦᑕᖅᑕᕕᑦ ᖃᓄᐃᑦᑑᓂᖏᑦ, ᓄᒃᑭᒃᓴᖅᑕᐅᖃᑦᑕᕐᓂᕐᐱᑦ ᐅᓪᓗᖏᑦ, ᐋᓐᓂᐊᕐᕕᓕᐊᖃᑦᑕᕐᓂᑎᑦ ᐅᕝᕙᓘᓐᓃᑦ ᒪᒥᓴᕐᓂᕐᒨᖓᔪᓄᑦ ᑎᑎᕋᐅᓯᐅᕙᓪᓕᐊᔪᑦ ᑲᑎᕐᓱᖅᑕᐅᕙᖕᒪᑕ ᐅᕙᑦᑎᓐᓄ ᐃᑲᔫᑎᐅᖃᑦᑕᕐᓂᖏᓐᓄᑦ ᑮᓇᐅᔭᖅᑖᕆᓇᔭᖅᑕᕐᓄᑦ. ᐃᑲᔫᑎᐅᖃᑦᑕᕐᒥᖕᒪᑕ ᐃᑲᔫᑎᑖᒃᑲᓐᓂᕆᐊᖃᕋᔭᕐᓂᕐᓄᑦ ᐋᓐᓂᐊᖃᕐᓇᙱᑦᑐᓕᕆᔨᒥᑦ ᐃᑲᔪᖅᑎᒋᔭᐃᑦ ᐊᑐᕆᐊᖃᕋᔭᖅᑕᖏᓐᓄᑦ ᒪᒥᓴᕐᓂᕐᓄᑦ. ᐃᓚᖓ 25 ᐊᒻᒪ 30 ᐅᕙᓂ ᐃᖅᑲᓇᐃᔭᖅᑎᒧᑦ ᐋᓐᓂᖅᑐᖅᓯᐅᑎᓕᕆᔨᒃᑯᑦ ᒪᓕᒐᖅ ᒪᑯᐊ ᐋᓐᓂᐊᖃᕐᓇᙱᑦᑐᓕᕆᔨᐅᔪᑦ ᑐᓂᓯᔪᓐᓇᕐᓗᑎᒃ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐊᒃᑯᒫᓂᒃ ᖃᐅᔨᓴᖅᑏᑦ ᐃᓕᖕᓅᖓᔪᓂᒃ ᐊᙱᕐᓯᒪᙱᓪᓗᑎ ᑮᓇᐅᔭᖅᑖᕋᓲᑎᖕᓄᖓᔪᓂᒃ.

ᐱᕋᔭᖕᓂᖅ ᐊᒻᒪ ᒪᓕᒃᓯᒪᙱᓐᓂᖅ - ᐊᐅᓚᑦᑎᓂᒃᑯᑦ, ᑮᓇᐅᔭᓕᕆᓂᒃᑯᑦ ᐊᒻᒪ ᐋᓐᓂᐊᕐᕕᓕᐊᕐᓂᕐᒧᑦ ᑐᓴᐅᒪᔭᕆᐊᓖᑦ ᑲᑎᑕᐅᔪᓐᓇᖅᑐᑦ ᖃᐅᔨᓴᖅᑎᓪᓗᒋᑦ ᐱᕋᔭᖕᓂᒨᖓᓇᔭᖅᑐᓂᒃ ᐊᒻᒪ ᒪᓕᒃᓯᒪᙱᓐᓂᕐᒨᖓᔪᓄᑦ.

ᐊᑐᖅᑕᐅᓂᖓ, ᓄᖅᑲᖓᑎᑕᐅᓂᖓ, ᐊᒻᒪ ᐃᓱᓕᑎᑕᐅᓂᖓ ᐃᓕᖕᓅᖓᔪᓂᒃ ᓇᖕᒥᓂᖅ ᑐᑭᓯᒋᐊᕈᑎᒃᓴᑦ

ᐱᓕᕆᐊᖃᕐᓂᕐᒧᑦ ᐊᒻᒪ ᐃᑲᔫᑎᒃᓴᓕᕆᓂᕐᒧᑦ ᐊᐅᓚᑦᑎᓂᕐᒥ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ ᐃᖅᑲᓇᐃᔭᖅᑎᖏᑦ ᐊᒻᒪ ᐱᓕᕆᑎᑕᐅᔪᑦ ᑮᓇᐅᔭᖅᑖᕋᓲᑎᖕᓂ ᐊᑐᐃᓐᓇᖃᖅᑐᑦ ᐃᓕᖕᓅᖓᔪᓂᒃ ᑐᓴᒐᒃᓴᓂᒃ. ᑕᒪᕐᒥᒃ ᑮᓇᐅᔭᖅᑖᕋᓱᖕᓂᕐᒧᑦ ᑐᓴᐅᒪᔭᐅᔭᕆᐊᖃᖅᑐᑦ ᑕᒪᐅᖓᒥᐊᕆᐊᖃᕆᔭᐅᙱᑦᑐᑦ ᐊᒻᒪᓗ ᐃᓕᖕᓅᖓᔪᓂᒃ ᑐᓴᕈᒪᓂᖅ ᑭᓯᐊᓂ ᐱᔭᕆᐊᖃᕐᓂᒨᖓᔭᕆᐊᖃᖅᖢᓂ.

ᐊᓯᖏᑦᑎᑐᑦ ᑭᒃᑯᓕᒫᓅᖓᔪᓄᑦ ᐊᒻᒪ ᐃᒻᒥᒃᑰᖓᔪ ᑲᑐᔾᔨᖃᑎᒌᖑᔪᑎᑐᑦ ᐅᓪᓗᒥ, ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᐊᑐᖅᐸᒃᑐᑦ ᐱᔨᑦᑎᕋᐅᑎᓂ ᐊᒻᒪ ᒪᒥᓴᕈᑎᐅᕙᒃᑐᓂᒃ ᐱᓕᕆᕝᕕᖕᓂ ᐊᓯᖏᑦᑕ ᐱᓕᕆᔨᐅᔪᑦ ᐊᑐᖅᐸᒃᑕᖏᓐᓂᒃ. ᓲᕐᓗ, ᐊᓯᐊᓂ ᐱᔨᑦᑎᕋᐅᑎᓕᕆᔨᐅᔪᑦ ᐱᔨᑦᑎᕋᐅᑎᖃᑐᐃᓐᓇᕆᐊᖃᕋᔭᕐᒪᑦ ᑖᔅᓱᒧᖓ ᒪᒥᓴᐅᑎᐅᔪᓐᓇᖅᑐᓂᒃ. ᑕᐃᒪᐃᑦᑕᕆᐊᖃᖅᑎᓪᓗᒍ, ᐊᖏᖃᑎᒌᒍᑎᓂᒃ ᐱᑕᖃᖅᑎᑕᐅᔪᖅ ᐃᓕᖕᓅᖓᔪᓄᑦ ᓴᐳᔾᔭᐅᓯᒪᒍᑎᓂᒃ.

ᐃᓕᖕᓅᖓᔪᑦ ᑐᓴᒐᒃᓴᑦ ᐸᐃᑉᐹᒃᑯᑦ ᑎᑎᕋᖅᑕᐅᓯᒪᕙᒃᑐᑦ ᐅᕝᕙᓘᓐᓃᑦ ᖃᕋᓴᐅᔭᒃᑯᑦ. ᐱᔪᓐᓇᕐᓂᖃᖅᑐᑎᑦ ᑮᓇᐅᔭᖅᑖᕋᓲᑎᑎ ᐱᔪᓐᓇᕐᓗᒋᑦ ᐅᑯᑎᒎᓇ ᐃᖅᑲᓇᐃᔭᖅᑎᒧᑦ ᐋᓐᓂᖅᑐᖅᓯᐅᑎᓕᕆᔨᒃᑯᑦ ᒪᓕᒐᖅ-ᑎᒍᑦ. ᐊᒻᒪᓗ, ᐅᕗᓇ ᐱᔪᓐᓇᕐᓂᕐᒥᒃ ᑐᓴᖅᑕᐅᔪᓐᓇᖅᑐᓂᒃ ᓴᐳᔾᔨᓯᒪᓂᕐᒧᓪᓗ ᑐᓴᐅᒪᔭᐅᔭᕆᐊᖃᙱᑦᑐᓄᑦ ᒪᓕᒐᖅ-ᑎᒍᒃ ᐱᔪᓐᓇᕐᓂᖃᖅᑐᑎᑦ ᑕᒻᒪᕐᓯᒪᔪᓂᒃ ᐃᓕᖕᓅᖓᔪᓂᒃ ᐋᖅᑭᒋᐊᖅᓯᓂᕐᒥ ᖃᐅᔨᔭᕐᓂᒃ.

ᑮᓇᐅᔭᖅᑖᕋᓱᓕᕈᕕᑦ ᐃᖅᑲᓇᐃᔭᕐᕕᒋᔭᐃ ᑐᓂᓯᔪᓐᓇᖅᑐᖅ ᐃᓕᖕᓅᖓᔪᓂᒃ ᑮᓇᐅᔭᖅᑖᕋᓲᑎᖕᓄᑦ ᐊᒃᑐᐊᔪᓂ ᐊᒻᒪᓗ ᖃᓄᐃᓕᕐᒪᖔᑦ ᑮᓇᐅᔭᖅᑖᕆᓇᓱᒃᑕᐃᑦ.

ᐃᖅᑲᓇᐃᔭᕐᕕᖕᒧᑦ ᐅᑎᕐᓂᖅ ᐊᒻᒪ ᐱᓕᕆᕙᓪᓕᐊᓕᕐᓂᖅ

ᑮᓇᐅᔭᖅᑖᕋᓱᓚᐅᕐᓗᑎ ᐊᒻᒪ ᐃᖅᑲᓇᐃᔭᕐᕕᖕᓂ ᐋᓐᓂᖅᑕᕕᓃᑦ ᒪᒥᑉᐸᓪᓕᐊᓕᕐᐸᓐ, ᐃᖅᑲᓇᐃᔭᕐᕕᒋᔭᐃᑦ ᑐᓴᐅᒪᑎᑕᐅᔭᕆᐊᖃᖅᑐᖅ ᖃᓄᐃᑉᐸᓪᓕᐊᓂᕐᓂᒃ ᐊᒻᒪ ᖃᓄᐃᓕᐅᕈᓐᓇᕐᓯᕙᓪᓕᐊᓂᕐᓂᒃ, ᐃᖅᑲᓇᐃᔭᕐᕕᖕᓄᑦ ᐅᑎᕐᕕᒋᓛᖅᑕᕐᓂᒃ ᐊᒻᒪᓗ ᐊᓯᖏᓐᓂᒃ ᐃᓕᖕᓅᖓᔪᓂᒃ ᒪᒥᓴᕈᑎᒋᓯᒪᔭᕐᓂᒃ.

ᐃᓕᖕᓅᖓᔪᑦ ᑐᓴᒐᒃᓴᐃᑦ ᑐᓂᔭᐅᑐᐃᓐᓇᕆᐊᖃᖅᑐᑦ ᐋᓐᓂᐊᖃᖅᑕᐃᓕᔨᒧᑦ ᑲᒪᒋᔭᖃᖅᑐᓄ ᓈᒻᒪᒃᑐᒥ ᐱᓕᕆᐊᕆᔭᐅᔪᓐᓇᕋᔭᕋᕕᑦ ᐊᒻᒪᓗ ᐃᖅᑲᓇᐃᔭᕐᕕᖕᓄᑦ ᐅᑎᖅᐸᓪᓕᐊᒍᑎᐅᔪᓐᓇᖅᑐᓄᑦ.

ᖃᐅᔨᓴᕐᓂᖅ ᐊᒻᒪ ᖃᓄᐃᑎᑦᑎᑦᑕᐃᓕᓂᖅ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ ᐱᓕᕆᑎᑦᑎᑐᐃᓐᓇᕆᐊᖃᖅᑐᑦ ᖃᐅᔨᓴᖅᑎᓂᒃ ᖃᐅᔨᓴᕋᔭᖅᑐᓂᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᕈᑎᐅᓂᑯᓂᒃ ᐊᒻᒪ ᐋᓐᓂᐊᕈᑎᐅᓕᕐᓯᒪᔪᓂᒃ, ᐊᒻᒪᓗ ᖃᓄᑎᒋ ᐱᐅᑎᒋᖕᒪᖔᑦ ᐱᖁᑎᕗᑦ ᐊᒻᒪ ᐱᔨᑦᑎᕋᐅᑎᕗᑦ. ᐊᑏᓐ ᐊᒻᒪ ᐅᖄᓚᐅᑏᓐ ᑐᓂᔭᐅᑐᐃᓐᓇᕆᐊᖃᖅᑐᖅ ᖃᐅᔨᓴᖅᑎᑕᐅᔪᓂᑦ ᐃᓕᖕᓄᑦ ᐅᖃᓪᓚᒍᓐᓇᖁᓪᓗᒋᑦ ᖃᐅᔨᓴᕐᓂᕐᒧᑦ ᐃᓚᐅᔪᓐᓇᕐᒪᖔᖅᐱᑦ.

ᐊᑐᓕᖅᑎᑦᑎᓂᖅ

ᐃᖅᑲᓇᐃᔭᖅᑎᓄᑦ ᓇᓪᓕᐅᒃᑯᒫᓕᕆᓂᖅ ᓴᐳᑎᓯᒪᓇᓱᒃᖢᒍᑦ ᓈᒻᒪᙱᓕᐅᕈᑎᓄᑦ, ᐃᓕᖕᓅᖓᔪᑦ ᑐᓴᒐᒃᓴᐃᑦ ᑲᑎᑕᐅᑐᐃᓐᓇᕆᐊᖃᖅᑐᑦ ᖃᐅᔨᓴᖅᑎᓪᓗᒋᑦ ᐱᕋᔭᒃᓯᒪᓂᕐᒥᒃ ᐅᕝᕙᓘᓐᓃᑦ ᒪᓕᒃᓯᒪᙱᓐᓂᕐᒧᑦ. ᑐᓴᒐᒃᓴᑦ ᐃᓕᖕᓅᖓᔪᑦ ᑐᓂᔭᐅᑐᐃᓐᓇᕆᐊᖃᖅᑐᑦ ᒐᕙᒪᓕᕆᔨᓄᑦ, ᐸᓖᓯᑯᓐᓄᑦ ᐊᒻᒪ ᐃᖃᖅᑐᐃᕕᖕᓄᑦ ᐱᔭᐅᔭᕆᐊᖃᕐᓂᖏᓐᓄᑦ ᐊᒻᒪᓗ ᐱᔪᓐᓇᐅᑎᖃᕐᓂᒃᑯᑦ.

ᕿᒥᕐᕈᔭᐅᔪᑦ

ᐃᓛᓐᓂᒃᑰᒍᓐᓇᖅᑐᖅ, ᓲᕐᓗ ᕿᒥᕐᕈᓂᖃᖅᑎᓪᓗᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᓱᒪᓕᐅᖅᑕᖓ ᐃᓕᓐᓄᑦ ᐅᕝᕙᓘᓐᓃᑦ ᐃᓕᓐᓂᑦ ᐃᖅᑲᓇᐃᔭᖅᑎᑦᑎᔪᖅ, ᑲᖑᓇᖅᑑᔭᕆᐊᓖᑦ ᑐᑭᓯᒋᐊᕈᑏᑦ ᐱᖃᓯᐅᑎᓪᓗᑎ ᐃᒻᒥᒧᑦ ᐋᓐᓂᐊᖅᑐᓕᕆᓂᕐᒧᑦ ᑐᑭᓯᒋᐊᕈᑏᑦ ᐊᑦᑐᐊᓂᓖᑦ ᐃᕝᕕᑦ ᐱᔭᖓᓄᑦ ᓴᖅᑭᖅᑎᑕᐅᔪᓐᓇᖅᑐᑦ ᐃᕝᕕᑦ ᐃᖅᑲᓇᐃᔭᕐᕕᖓᓄᑦ ᐊᖏᓚᐅᖅᑎᓐᓇᑎᑦ ᐃᓱᒪᒋᔭᐅᒍᓂ ᐊᑦᑐᐊᓂᖃᖅᑐᓂ ᐱᔾᔪᑕᐅᔪᒥᑦ ᕿᒥᕐᕈᔭᐅᔪᒥᑦ. ᐅᓇ ᒪᓕᒃᑐᖅ ᐃᖅᑲᓇᐃᔭᖅᑎᒧᑦ ᐋᓐᓂᖅᑐᖅᓯᐅᑎᓕᕆᔨᒃᑯᑦ ᒪᓕᒐᖅ-ᑎᒍᑦ ᐊᒻᒪ ᐱᔪᓐᓇᕐᓂᕐᒥᒃ ᑐᓴᖅᑕᐅᔪᓐᓇᖅᑐᓂᒃ ᓴᐳᔾᔨᓯᒪᓂᕐᒧᓪᓗ ᑐᓴᐅᒪᔭᐅᔭᕆᐊᖃᙱᑦᑐᓄᑦ.

ᐅᑯᑎᒎᓇᕐᓕ ᐃᖅᑲᓇᐃᔭᖅᑎᒧᑦ ᐋᓐᓂᖅᑐᖅᓯᐅᑎᓕᕆᔨᒃᑯᑦ ᒪᓕᒐᖅ-ᑎᒍᑦ, ᐃᖅᑲᓇᐃᔭᖅᑎᑦᑎᔨ ᐊᒻᒪ ᐃᖅᑲᓇᐃᔭᖅᑎᒧᑦ ᑭᒡᒐᖅᑐᐃᔨ ᐅᖃᐅᓯᖃᕆᐊᖃᙱᑦᑐᑦ ᑕᐅᒪᖓᒥᐊᕆᐊᖃᙱᑦᑐᓂᒃ ᐅᑯᓇᙶᖅᑐᓂᒃ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ.

ᐱᔪᓐᓇᕐᓂᖅ ᐊᒻᒪ ᑕᒻᒪᕐᓯᒪᔪᓂᒃ ᐋᖅᑭᒃᓱᐃᓂᖅ ᑮᓇᐅᔭᖅᑖᕋᓲᑎᒋᔭᕐᓂᒃ

ᐊᔪᕐᓇᙱᑦᑐᖅ ᑮᓇᐅᔭᖅᑖᕋᓲᑎᕕᑦ ᑕᕐᕋᖏᓐᓂᒃ ᐱᔪᒪᓗᓂ: ᑎᑎᕋᕐᕕᒋᓗᒍ ᑮᓇᐅᔭᖅᑖᕋᓲᑎᖕᓂ ᐱᓕᕆᐊᖃᖅᑐᖅ, ᐱᓕᕆᔨᒋᔭᕐᑎᑐᑦ ᐅᕝᕙᓘᓐᓃᑦ ᑮᓇᐅᔭᖅᑖᕋᓱᖕᓂᕐᒧᑦ ᑭᒡᒐᖅᑐᐃᔨ. ᐱᔪᒪᔪᓐᓇᕐᒥᔪᑎᑦ ᑮᓇᐅᔭᖅᑖᕋᓲᑎᕕᑦ ᑕᕐᕋᖏᓐᓂᒃ ᐅᖄᓚᓗᑎᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᖃᐅᔨᒋᐊᕐᕕᖓᓂ ᐊᒻᒪ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ ᑮᓇᐅᔭᖅᑖᕋᓲᑎᓕᕆᓂᕐᒧᑦ ᐃᖅᑲᓇᐃᔭᖅᑎᒧᑦ.

ᓇᒻᒪᙱᓕᐅᕈᑎᖃᕈᕕᑦ ᑮᓇᐅᔭᖅᑖᕋᓲᑎᕕᑦ ᑕᕐᕋᖓᓂ ᐱᓇᓱᒡᓗᑎ, ᐅᑯᐊ ᖃᐅᔨᒋᐊᕐᕕᒋᔪᓐᓇᖅᑕᑎ ᐱᔪᓐᓇᕐᓂᕐᒥᒃ ᑐᓴᖅᑕᐅᔪᓐᓇᖅᑐᓂᒃ ᓴᐳᔾᔨᓯᒪᓂᕐᒧᓪᓗ ᑐᓴᐅᒪᔭᐅᔭᕆᐊᖃᙱᑦᑐᓄᑦ (ATIPP) ᑐᑭᒧᐊᖅᑎᑦᑎᔨ ᐅᑯᑎᒎᓇᖅ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ ᖃᐅᔨᒋᐊᕐᕕᖏᑦᑎᒍᑦ.

ᐅᒃᐱᕋᓱᒃᑯᕕᑦ ᐃᓕᖕᓅᖓᔪᑦ ᓈᒻᒪᙱᑦᑕᕆᐊᒃᓴᖏᓐᓂᒃ, ᐋᖅᑭᒋᐊᖅᑕᐅᖁᔪᓐᓇᖅᑕᑎ ᐅᓇ ᐅᖄᓚᕕᒋᓗᒍ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ ᑭᒡᒐᖅᑐᐃᔨᖓ ᑲᒪᒋᔭᖃᖅᑐᖅ ᑮᓇᐅᔭᖅᑖᕋᓲᑎᖕᓂᒃ.

ᓄᑖᙳᕆᐊᖅᑎᑦᑎᓂᖅ ᐃᓕᖕᓅᖓᔪᑦ ᑐᓴᐅᒪᔭᐅᔭᕆᐊᓖᑦ

ᐃᓕᖕᓅᖓᔪᑦ ᐊᓯᙳᕐᓂᖅᐸᑕ, ᓲᕐᓗ ᑐᕌᕈᑏᑦ ᐃᖅᑲᓇᐃᔮᓪᓘᓐᓃᑦ, ᖃᐅᔨᑎᑦᑕᕆᐊᖃᖅᑕᑎᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ ᑭᒡᒐᖅᑐᐃᔨᖓᑦ ᑲᒪᒋᔭᖃᖅᑐᖅ ᑮᓇᐅᔭᖅᑖᕋᓱᖕᓂᕐᓂᑦ. ᑮᓇᐅᔭᖅᑖᕋᓱᖕᓂᕐᒧᑦ ᑭᒡᒐᖅᑐᐃᔨᕗᑦ ᑐᕌᕈᑏᑦ ᐊᓯᙳᖅᐸᑦ ᐊᓯᔾᔨᕐᓯᔪᓐᓇᖅᑐᑦ ᐅᑯᐊ ᐅᖄᓚᕝᕕᒋᓗᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ ᐅᖄᓚᕕᖓᑦ.

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ ᐃᒻᒥᒨᖓᔪᓄᑦ ᐊᑐᐊᒐᖏᑦ

ᖃᐅᔨᒋᐊᒃᑲᓐᓂᕈᒪᒍᕕᑦ ᑐᓴᒐᒃᓴᒃᑲᓐᓂᕐᓂᒃ ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ ᐊᑐᐊᒐᖏᓐᓂᒃ ᐊᒃᑐᐊᔪᓂᒃ ᑲᑎᕐᓱᐃᓂᕐᒥᒃ, ᐊᑐᕐᓂᕐᒥᒃ ᐊᒻᒪ ᐱᐊᓂᒃᓯᒍᑎᖃᕐᓂᕐᒥᑦ ᐃᓕᖕᓅᖓᔪᓄᑦ ᑐᓴᒐᒃᓴᓂᒃ, ᐅᑯᐊ ᐊᑐᐊᒐᐃᑦ ᑕᑯᒋᐊᕐᓗᒋᑦ ᐅᕙᓂ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ ᐊᑐᐊᒐᓄᑦ ᖃᐅᔨᒋᐊᕐᕕᒃᒧᑦ:

  • 07.01, ᐊᑐᐃᓐᓇᖃᕐᓂᖅ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᑐᑭᓯᒋᐊᕈᑎᒃᓴᓄᑦ
  • 07.04, ᓇᖕᒥᓂᖅ ᑐᑭᓯᒋᐊᕈᑎᒃᓴᑦ ᖃᐅᔨᔭᐅᔾᔭᐃᒃᑯᑎᖏᓐᓂᒃ ᓴᐳᔾᔨᓯᒪᓂᕐᒧᑦ

ᑐᑭᓯᒋᐊᒃᑲᓐᓂᕐᕕᒃᓴᑦ

ᐱᔪᒪᒍᕕᑦ ᑮᓇᐅᔭᖅᑖᕆᓇᓱᒃᑕᕕᑦ ᑕᕐᕋᖏᓐᓂᒃ, ᐃᓕᖕᓅᖓᔪᓂᒃ ᑐᓴᒐᒃᓴᓂᒃ, ᐅᕝᕙᓘᓐᓃᑦ ᖃᐅᔨᒋᐊᒃᑲᓐᓂᕈᒪᒍᕕ ᑲᑎᕐᓱᖅᑕᐅᕙᓪᓕᐊᔪᓂᒃ, ᐊᑐᖅᑕᐅᓂᖓᓂᒃ ᐅᕝᕙᓘᓐᓃᑦ ᐱᐊᓂᒃᓯᒍᑎᖃᕐᓂᖏᓐᓂᒃ ᐃᓕᖕᓅᖓᔪᓂᒃ, ᐅᖄᓚᕝᕕᒋᓗᒍ ᑮᓇᐅᔭᖅᑖᕋᓱᖕᓂᕐᓄᑦ ᑭᒡᒐᖅᑐᐃᔨᒋᔭᐃᑦ, ᐱᓕᕆᐊᒧᓪᓘᓐᓃᑦ ᐊᐅᓚᑦᑎᔨ, ᐅᕝᕙᓘᓐᓃᑦ ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ ᐅᖄᓚᐅᑎᖏᓐᓄᑦ.

ᐃᓱᒫᓘᑎᐅᔪᑦ ᐃᒻᒥᒨᖓᔪᓄᓪᓘᓐᓂᑦ ᐅᑯᓄᖓ ᖃᐅᔨᒋᐊᕈᑎᐅᔪᓐᓇᖅᑐᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ ᑐᓴᐅᒪᔪᓐᓇᕐᓂᕐᒧᑦ ᑐᑭᒧᐊᖅᑎᑦᑎᔨᒧᑦ.

ᑎᑎᕋᕈᓐᓇᕐᒥᔪᓯ ᐅᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ ᐅᕗᖓ:

Access to Information Coordinator
Workers’ Safety and Compensation Commission
P.O. Box 8888, Yellowknife, NT
X1A 2R3

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ ᐱᔪᓐᓇᕐᓂᖃᖅᑐᑦ ᐅᑯᓂᖓ ᑎᑎᖃᓂᒃ ᓄᑖᙳᕆᐊᖅᑎᑦᑎᔪᓐᓇᕐᓗᑎᒃ.