ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᔨᑦᑎᕋᐅᑎᖏᓐᓄᑦ ᓄᑖᖑᓛᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐃᖃᓗᖕᓂᑦ ᐊᒻᒪᓗ ᔭᓗᓇᐃᕝᒥᑦ ᒪᑐᓯᒪᔪᑦ ᓇᔫᑎᓗᑎᒃ ᐱᔨᑦᑎᕋᖅᑕᐅᔪᓐᓇᙱᑦᑐᑦ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐃᖅᑲᓇᐃᔭᖅᑎᖏᑦ ᐃᖅᑲᓇᐃᔭᖅᑐᑦ ᐊᖏᕐᕋᒥᖕᓂᒃ. ᐅᖄᓚᓗᑎᑦ 1 (800) 661-0792 ᑐᕌᖅᑎᑕᐅᓂᐊᖅᐳᑎᑦ ᐱᔨᑦᑎᕋᖅᑎᒧᑦ. ᐅᖃᐅᓯᕆᔭᕆᐊᓖᑦ ᐃᖅᑲᓇᐃᔭᕐᕕᖕᒥᑦ ᖃᓄᐃᕐᔪᐊᕐᓃᑦ, ᖃᕆᓴᐅᔭᒃᑯᑦ ᑕᑯᔭᖅᑐᕐᓗᒍ WSCC Connect.

ᓄᑖᖅ ᐱᓕᕆᔪᓐᓇᐃᓕᔪᓂᑦ ᐊᑭᓕᕐᓱᐃᔾᔪᑎᐅᔪᒪᔪᒧᑦ ᑐᑦᓯᕋᐅᑎ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᕿᒥᕐᕈᔪᑦ ᒫᓐᓇ ᓄᖅᑲᕕᒃᑐᖅᓯᐅᑎᓄᑦ ᐃᑲᔫᓯᐊᓄᑦ ᐱᓕᕆᐅᓯᖏᓐᓂᒃ, ᐊᒻᒪᓗ ᐊᑕᖏᓗᒃᑖᖅᖢᒍ ᐋᒡᒋᓯ ᐊᒻᒪᓗ ᓯᑎᐱᕆ 2020, ᑐᒃᓯᕋᖃᑦᑕᖅᓯᒪᔪᑦ ᐅᖃᐅᓯᒃᓴᔅᓯᒃ ᑖᒃᑯᓇᙵᑦ ᐱᔪᒥᒍᓱᒃᑐᓂᒃ ᐊᒻᒪᓗ ᐱᓕᕆᖃᑎᖏᓐᓂᒃ ᑕᒪᒃᑯᓄᖓ ᑕᒃᓯᕋᖅᑕᐅᔪᓄᑦ ᐅᓯᔾᔨᐅᑎᒃᓴᓄᑦ. ᑐᓴᒐᒃᓴᓕᒫᑦ ᑐᓴᖅᑕᐅᔪᑦ ᑖᒃᑯᓇᓂ ᑕᖅᑭᓂᑦ ᑐᙵᓱᑦᑎᑕᐅᓚᐅᖅᑐᑦ ᐊᒻᒪ ᐃᓱᒪᒋᔭᐅᑦᑎᐊᕐᓂᐊᖅᑐᑦ ᐃᓚᒋᓪᓗᓂᐅᒃ ᐃᓱᒪᓕᐅᖅᐸᓪᓕᐊᓂᕐᒧᑦ ᐱᕙᓪᓕᐊᓂᖓᓄᑦ ᑖᒃᑯ ᓄᖅᑲᕕᒃᑐᖅᓯᐅᑏᑦ ᐃᑲᔫᓯᐊᑦ ᐋᓐᓂᖅᓯᒪᔪᓄᑦ ᐃᖅᑲᓇᐃᔭᖅᑎᓄᑦ ᐊᒻᒪ ᕿᑐᕐᖓᖏᓐᓄᑦ ᓈᒻᒪᖢᑎᒃ ᐊᒻᒪ ᑕᑯᒃᓴᐅᑎᑦᑎᔪᑦ ᒫᓐᓇᐅᔪᒥᑦ ᐱᔭᐅᔭᕆᐊᓕᖕᓂᑦ ᐊᒻᒪ ᐱᐅᔪᓂᑦ ᐊᑐᖅᑕᐅᕙᑦᑐᓂᑦ. ᐅᖃᓕᒫᕐᓗᒋᑦ ᐅᑯᐊ ᓄᑖᖅ ᐱᓕᕆᔪᓐᓇᐃᓕᔪᓂᑦ ᐊᑭᓕᕐᓱᐃᔾᔪᑎᐅᔪᒪᔪᒧᑦ ᑐᑦᓯᕋᐅᑎ 2020: ᐅᖃᐅᓯᐅᔪᓐᓇᖅᑐᑦ ᑐᑭᓯᒋᐊᕈᑎᓄᑦ ᒫᓐᓇᐅᔪᒥᑦ ᐊᑐᖅᑕᐅᔪᒧᑦ ᐊᒻᒪ ᑐᔅᓯᕌᖑᔪᑦ ᐊᓯᔾᔨᖅᑐᑦ. ᓇᐃᑦᑐᒥᑦ ᓇᓗᓇᐃᔭᖅᓯᒪᓂᖏᑦ ᑐᔅᓯᕋᐅᒻᒧᑦ ᐱᑕᖃᖅᑎᑕᐅᒻᒥᔪᖅ ᐅᕙᓂ ᐅᖃᐅᓯᐅᔪᓐᓇᖅᑐᑦ ᓇᓗᓇᐃᔭᖅᓯᒪᓂᖏᑦ.

ᖃᓄᖅ ᑐᓂᔪᓐᓇᖃᒃᑲ ᐃᓱᒪᒋᔭᒃᑲ?

ᐱᔪᒥᒍᓱᒃᑐᑦ ᐱᓕᕆᖃᑎᒌᔭᐅᓂᖏᑦ ᒫᓐᓇ ᒪᑐᓯᒪᓕᖅᑐᖅ. ᑭᓯᐊᓂᓕ, ᐅᖃᐅᓯᒃᓴᖃᕈᕕᑦ ᑐᓴᖅᑕᐅᓪᓚᑦᑖᖁᓗᒍ, ᐊᑏ ᖃᕆᑕᐅᔭᒃᑯᑦ ᐃᕐᖐᓐᓈᕈᓐᓇᐅᑎᒃᑯᑦ ᓇᒃᓯᐅᑎᒍᑦ ᐅᕗᖓ PensionFeedback@wscc.nt.ca ᐅᕝᕙᓘᓐᓃᑦ PensionFeedback@wscc.nu.ca ᐅᑐᐱᕆ 13-ᖑᓚᐅᖅᑳᖅᑎᓐᓇᒍ.

 

ᐱᐅᔪᐊᓗᓐᓂᑦ ᐱᔨᑦᓯᕋᕈᑎᓕᕆᓂᖅ ᐊᒻᒪ ᐱᔨᑦᓯᕋᕈᑎᒍᑦ ᓴᖅᑮᓂᖅ ᐱᔨᑦᓯᕋᖅᕕᑎᓐᓄᑦ ᐱᓕᕆᔾᔪᑎᒍᑦ ᓯᕗᓪᓕᐅᔭᒐᐅᒻᒪᕆᑉᐳᖅ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᑦ ᖃᐅᔨᓴᖅᑎᓄᑦ (WSCC). ᓇᓗᓇᐃᕐᓯᒪᒍᒪᕙᑉᐳᒍᑦ ᐊᑭᓕᕐᓱᖅᑕᐅᕙᑦᑐᑦ ᐱᕙᒃᑲᓗᐊᕐᒪᖔᑕ ᐃᑲᔫᓯᐊᕆᒋᐊᓕᒻᒥᓂᒃ ᒪᓕᑦᑐᒋᑦ ᑎᑎᕋᕐᓯᒪᓂᖏᑦ ᐃᖅᑲᓇᐃᔭᖅᑎᓂᑦ ᐊᑭᓕᕐᓱᐃᔾᔪᑎᓄᑦ ᐱᖁᔭᕐᔪᐊᓂ ᐊᑐᖅᑕᐅᕙᑦᑐᓂ ᓄᓇᑦᓯᐊᕐᒥ… more