ᓄᕙᒡᔪᐊᕐᓇᖅ-19 (COVID-19) ᓄᑖᖑᓛᖅ ᑐᓴᒐᒃᓴᖅ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᔭᓗᓇᐃᒥ ᐊᒻᒪ ᐃᓄᕕᒃᒥᑦ ᑎᑎᕋᕐᕕᖏᑦ ᒪᑐᐃᖓᓕᕐᑐᑦ ᑭᒃᑯᓕᒫᓄᑦ. ᑎᑎᕋᕐᕕᒃᐳᑦ ᐃᖃᓗᖕᓂ ᒫᓐᓇ ᒪᑐᓯᒪᖕᒪᑦ ᑭᒃᑯᓕᒫᓄᑦ ᐊᒻᒪᓗ ᐃᖅᑲᓇᐃᔭᖅᑎᕗᑦ ᐃᖅᑲᓇᐃᔭᖅᖢᑎᒃ ᐊᖏᕐᕋᖏᓐᓂᒃ. ᐱᔨᑦᑎᕋᐅᑎᕗᑦ ᐊᑐᐃᓐᓇᐅᔪᑦ ᓱᓕ ᖃᕋᓴᐅᔭᒃᑯᑦ ᐊᒻᒪ ᐅᖄᓚᐅᑎᑎᒍᑦ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᐱᒃᑯᓴᐅᑎᔪᑦ ᐳᓚᑕᕐᕕᖕᒥ ᐱᖏᖕᓇᖅᑐᓕᕆᔪᓂᒃ

ᐱᒃᑯᓴᐅᑎᔪᑦ ᐳᓚᑕᕐᕕᖕᒥ ᐱᖏᖕᓇᖅᑐᓕᕆᔪᓂᒃ

2020 ᐅᔭᕋᒃᓯᐅᕐᕕᖕᒥᑦ ᑐᐊᕕᕐᓇᖅᑐᓕᕆᓂᕐᒧᑦ ᐱᒡᒍᓴᐅᑎᓂᖅ ᓄᖅᑲᖅᑎᑕᐅᔪᖅ ᐱᔾᔪᑎᐅᓪᓗᓂ ᒫᓐᓇ ᓄᕙᒡᔪᐊᕐᓇᖅ-19 ᐋᓐᓂᐊᕐᔪᐊᕐᓇᐅᔪᖅ.
 

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᓕᓴᕐᓯᓯᒪᔪᒪᔪᑦ ᐊᒥᓱᓂᒃ ᐱᓇᓱᐊᒻᒪᕆᖃᑦᑕᖅᑐᓂᒃ ᐊᒻᒪ ᐊᔪᕈᓐᓃᕐᓯᒪᔪᓂᒃ ᐅᔭᕋᒃᓯᐅᕐᕕᖕᒥᓐ ᑐᐊᕕᕐᓇᖅᑐᓕᕆᓂᕐᒧᑦ ᐃᑲᔪᖅᑎᐅᕙᒃᑐᑦ ᑖᒃᑯᐊ ᐊᔪᕈᓐᓃᕐᓴᖃᑦᑕᒻᒪᕆᖕᒪᑕ ᑖᔅᓱᒧᖓ ᐊᕐᕌᒍᑕᒫᑦ ᖃᓄᐃᓕᐅᕈᓯᕐᒧᑦ. ᐊᒻᒪᓗ ᐅᑯᐊ ᐅᔭᕋᒃᓯᐅᕐᕕᐅᔪᑦ ᐊᒻᒪ ᖃᓄᐃᓕᐅᕐᓂᕐᒧᑦ ᐃᑲᔪᖅᑐᐃᕙᒃᑐᑦ ᐆᒧᖓ ᐅᔭᕋᒃᓯᐅᕐᕕᖕᒥᑦ ᑐᐊᕕᕐᓇᖅᑐᓕᕆᓂᕐᒥᒃ, ᐃᓚᖃᖅᖢᓂ ᐅᔭᕋᒃᓯᐅᕐᑎᑦ ᓂᕆᕕᒡᔪᐊᕐᓂᖓᓂᒃ ᐊᒻᒪ ᐃᓕᓴᖅᓯᒍᑎᓕᕆᓂᕐᒥᒃ.

ᐃᓚᒋᓪᓗᒍ ᖁᕕᐊᓇᖅᐸᒃᑐᖅ ᐱᒡᒍᓴᐅᑎᕙᖕᓂᕐᒧᑦ, ᐅᔭᕋᒃᓯᐅᕐᕕᖕᒥᑦ ᑐᐊᕕᕐᓇᖅᑐᓕᕆᓂᕐᒧᑦ ᐱᒡᒍᓴᐅᑎᕙᖕᓂᖅ ᐊᔪᕈᓐᓃᕐᓴᕈᑎᐅᕙᒃᐳᖅ ᐃᓅᓯᕐᓂᒃ ᐊᓐᓇᐅᒪᑎᑦᑎᓂᕐᒧᑦ. ᐱᒡᒍᓴᐅᑎᓂᖅ ᑲᑎᒍᑎᐅᕙᒃᑐᖅ ᐅᔭᕋᒃᓯᐅᕐᕕᖕᓂᒃ ᖃᐅᔨᓴᕈᑎᐅᓪᓗᓂ ᐊᒻᒪ ᐊᔾᔨᒌᙱᔾᔪᑎᐅᔪᓂᒃ ᐊᒻᒪ ᐊᑑᑎᖃᕈᑎᖏᓐᓂᒃ ᐊᒻᒪ ᐱᐅᑎᒋᓂᖏᓐᓂᒃ ᐅᔭᕋᒃᓯᐅᕐᕕᐅᔫᑉ ᐊᔪᕈᓐᓃᕐᓴᕈᑎᖏᓐᓂᒃ ᐊᒻᒪ ᑐᐊᕕᕐᓇᖅᑐᓕᕆᔾᔪᓯᖏᓐᓂᒃ. ᐅᓇ ᐃᓕᓐᓂᐊᕈᑎᐅᕙᒃᑐᖅ ᐊᓯᖏᓐᓂᒃ ᐱᒡᒍᓴᐅᑎᖃᑕᐅᔪᓂᒃ, ᐊᒻᒪ ᖃᐅᔨᖃᑦᑕᐅᑎᒍᓐᓇᖅᖢᑎᒃ ᐱᐅᓂᖅᐹᓂᒃ ᐊᑐᒐᒃᓴᐅᔪᓐᓇᖅᑐᓂᒃ ᐊᒻᒪᓗ ᓄᑖᓂᒃ ᐱᖁᑎᐅᕙᓪᓕᐊᔪᓂᒃ, ᐊᒻᒪ ᐅᓇ ᐱᒻᒪᕆᐅᓛᖑᓪᓗᓂ, ᐃᑲᔪᕈᑎᐅᓪᓗᓂ ᐃᖅᑲᓇᐃᔭᖅᕕᒋᕙᒃᑕᕗᑦ ᐅᓗᕆᐊᓇᙱᓐᓂᕐᓴᐅᑎᑦᑎᓂᕐᒥᓐ.

ᒫᓐᓇᓕ ᓂᕆᐅᒻᒪᕆᖕᓂᐊᖅᑐᒍᑦ ᐱᓕᕆᖃᑎᒌᓂᒃ, ᑲᑐᔾᔨᖃᑎᒌᓂᒃ, ᐃᑲᔪᖅᑎᓂᒃ, ᑮᓇᐅᔭᑎᒍᑦ ᐃᑲᔪᖅᑐᐃᔪᓂᒃ, ᐱᓕᕆᐊᒧᑦ ᐱᓕᕆᖃᑎᒃᓴᓂᒃ ᐊᒻᒪ ᑕᐅᑐᒃᑐᒃᓴᓂᒃ ᐅᑎᕐᓂᐊᕐᑎᓪᓗᒋᑦ ᔭᓗᓇᐃᒧᑦ 2021-ᒥ 63-ᒋᓕᖅᑕᖓᓂ ᐊᕐᕌᒍᑕᒫᓐ ᐅᔭᕋᒃᓯᐅᕐᕕᖕᒥᑦ ᑐᐊᕕᕐᓇᖅᑐᓕᕆᓂᕐᒧᑦ ᐱᒡᒍᓴᐅᑎᓂᕐᒥᓐ.