ᐱᒋᐊᕐᓗᓂ ᑎᓯᐱᕆ 31, 2023, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐃᑲᕈᕈᓐᓃᕐᓂᐊᖅᑐᑦ ᐊᑭᖃᙱᑦᑐᒥ ᐊᑎᓕᐅᖅᑎᑦᑎᕙᖕᓂᕐᒥᑦ ᐆᒧᖓ ᐃᖅᑲᓇᐃᔭᕐᕕᖕᒧᑦ ᐊᑦᑕᕆᔭᐅᔪᓂᑦ ᓱᓇᒃᑯᑖᓂᑦ ᐅᖃᐅᓯᒃᓴᓂ ᐱᓕᕆᔾᔪᓯᐅᔪᒥᑦ (WHMIS) 2015 ᖃᕋᓴᐅᔭᒃᑯᑦ ᐃᓕᓐᓂᐊᒐᒃᓴᓂᒃ.
ᐅᑯᐊ ᐃᖅᑲᓇᐃᔭᕐᕕᖕᒧᑦ ᐊᑦᑕᕆᔭᐅᔪᓂᑦ ᓱᓇᒃᑯᑖᓂᑦ ᐅᖃᐅᓯᒃᓴᓂ ᐱᓕᕆᔾᔪᓯᐅᔪᑦ (WHMIS) ᐱᖁᔭᖓ ᓱᓕ ᐃᖏᕐᕋᕙᓪᓕᐊᓯᒪᔪᖅ, ᐅᑯᐊᓗ ᑲᓇᑕᒥ ᐱᓕᕆᕝᕕᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (CCOHS) ᓄᑖᖑᓛᓂᒃ ᐃᖅᑲᓇᐃᔭᕐᕕᖕᒧᑦ ᐊᑦᑕᕆᔭᐅᔪᓂᑦ ᓱᓇᒃᑯᑖᓂᑦ ᐅᖃᐅᓯᒃᓴᓂ ᐱᓕᕆᔾᔪᓯᐅᔪᒥᑦ (WHMIS) ᐃᓕᓐᓂᐊᒐᒃᓴᓂᒃ ᐊᑐᐃᓐᓇᐅᑎᑦᑎᔪᑦ.
ᐊᑎᓕᐅᖅᑕᐅᔪᒪᒍᔅᓯ ᓄᑖᖑᓛᓂᒃ ᐃᖅᑲᓇᐃᔭᕐᕕᖕᒧᑦ ᐊᑦᑕᕆᔭᐅᔪᓂᑦ ᓱᓇᒃᑯᑖᓂᑦ ᐅᖃᐅᓯᒃᓴᓂ ᐱᓕᕆᔾᔪᓯᐅᔪᒥᑦ (WHMIS) ᖃᕋᓴᐅᔭᒃᑯᑦ ᐃᓕᓐᓂᐊᒐᒃᓴᓂᒃ ᐅᓇ ᑕᑯᒋᐊᕐᓗᒍ ᑲᓇᑕᒥ ᐱᓕᕆᕝᕕᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (CCOHS) ᖃᕋᓴᐅᔭᒃᑯᑦ ᐃᓕᓐᓂᐊᒐᒃᓴᓂᒃ ᐊᑎᓕᐅᕐᕕᑦ ᐅᑯᓄᖓ:
- ᐃᖅᑲᓇᐃᔭᕐᕕᖕᒧᑦ ᐊᑦᑕᕆᔭᐅᔪᓂᑦ ᓱᓇᒃᑯᑖᓂᑦ ᐅᖃᐅᓯᒃᓴᓂ ᐱᓕᕆᔾᔪᓯᐅᔪᒥᑦ (WHMIS) ᐃᖅᑲᓇᐃᔭᖅᑎᓄᑦ
- ᐃᖅᑲᓇᐃᔭᕐᕕᖕᒧᑦ ᐊᑦᑕᕆᔭᐅᔪᓂᑦ ᓱᓇᒃᑯᑖᓂᑦ ᐅᖃᐅᓯᒃᓴᓂ ᐱᓕᕆᔾᔪᓯᐅᔪᒥᑦ (WHMIS) ᐊᐅᓚᑦᑎᔨᓄᑦ ᐊᒻᒪ ᑲᒪᔨᓄᑦ
ᐅᑯᐊ ᖃᕋᓴᐅᔭᒃᑯᑦ ᐃᓕᓐᓂᐊᒐᒃᓴᐃᑦ ᐃᑲᔪᕈᑎᐅᔪᖅ ᐃᖅᑲᓇᐃᔭᖅᑎᖁᑎᓕᖕᓂᑦ ᐊᒻᒪ ᓴᓇᔨᐅᔪᓂᑦ ᒪᓕᒃᑎᐊᕆᐊᖃᕐᓂᕐᒥᒃ ᐱᓕᒻᒪᒃᓴᐃᓂᕐᒧᑦ ᐱᔭᕆᐊᓕᖕᓂ ᐊᒻᒪ ᑐᑭᓯᓯᒪᑦᑎᐊᕐᓂᕐᒥᒃ ᐊᓯᔾᔨᖅᑕᐅᔪᕕᓂᕐᓂᒃ ᓇᓗᓇᐃᒃᑯᑦᑎᕐᓱᐃᓂᕐᒥᒃ ᐅᓗᕆᐊᓇᖅᑐᓂᒃ ᓱᓇᒃᑯᑖᓂᑦ ᐊᒻᒪ ᐊᑦᑕᕐᓇᖅᑕᐃᓕᒪᓂᕐᒧᑦ ᖃᐅᔨᒪᔪᑎᒃᓴᑦ ᑎᑎᕋᖅᓯᒪᕕᖓᓂ (SDS) ᐃᖅᑲᓇᐃᔭᖅᑎᖁᑎᓖᑦ ᐊᑐᐃᓐᓇᐅᑎᑦᑕᕆᐊᖃᖅᑕᖏ ᐃᖅᑲᓇᐃᔭᕐᕕᖓᓐᓂ.
ᐅᓇ ᐱᓕᒻᒪᒃᓴᐃᓂᖅ ᐃᓇᖏᕈᑕᐅᙱᓚᖅ ᐃᓂᐅᔪᒧᑦ−ᓇᓗᓇᐃᖅᑕᐅᓯᒪᔪᒧᑦ ᐃᖅᑲᓇᐃᔭᕐᕕᖕᒧᑦ ᐊᑦᑕᕆᔭᐅᔪᓂᑦ ᓱᓇᒃᑯᑖᓂᑦ ᐅᖃᐅᓯᒃᓴᓂ ᐱᓕᕆᔾᔪᓯᐅᔪᒥᑦ ᐱᓕᒻᒪᒃᓴᐃᓂᕐᒧᑦ. ᐃᖅᑲᓇᐃᔭᖅᑎᖁᑎᓕᑦ ᐱᓕᒻᒪᒃᓴᐃᔭᕆᐊᖃᖅᐳᑦ ᓴᓇᔨᐅᔪᓂ ᖃᓄᖅ ᓇᓗᓇᐃᖅᓯᓂᕐᒥ ᐊᒻᒪ ᑲᒪᒋᔭᖃᕐᓂᕐᒥ ᖃᓄᐃᑦᑐᑐᐃᓐᓇᕐᓂ ᐅᓗᕆᐊᓇᖅᑐᑦ ᓱᓇᒃᑯᑖᓂᑦ ᓴᓇᔨᐅᔪᖅ ᐹᖅᑕᖓᓂ.
ᖃᐅᔨᒃᑲᓐᓂᕈᒪᒍᕕᑦ ᐃᖅᑲᓇᐃᔭᕐᕕᖕᒧᑦ ᐊᑦᑕᕆᔭᐅᔪᓂᑦ ᓱᓇᒃᑯᑖᓂᑦ ᐅᖃᐅᓯᒃᓴᓂ ᐱᓕᕆᔾᔪᓯᐅᔪᒥ (WHMIS) ᐅᓇ ᑕᑯᒋᐊᕐᓗᒍ: