ᐊᑦᑕᕐᓇᖅᑕᐃᓕᒪᓂᕐᒧᑦ ᐅᐸᓗᖓᐃᔭᐅᑎᓕᐅᕐᓂᖅ ᐃᕝᕕᑦ ᓇᒻᒥᓂᖁᑎᐊᓄᑦ ᑲᒪᒋᔭᖃᑦᑎᐊᖅᐳᑎ ᓇᒻᒥᓂᖁᑎᒋᔭᕐᓂ. ᐃᖅᑲᓇᐃᔭᕐᕕᖕᒥ ᐋᓐᓂᐊᖃᖅᑕᐃᓕᒪᓂᕐᒧᑦ ᐋᓐᓂᖅᑕᐃᓕᒪᓂᕐᒧᓪᓗ ᐅᐸᓗᖓᐃᔭᐅᑎᓕᐅᕐᓂᕐᒥᑦ ᐅᖃᓕᓛᒐᕋᓛᖅ ᒥᑭᓐᓂᖅᓴᓄ ᓇᒻᒥᓂᕆᔭᐅᔪᓄᑦ ᐃᓕᓐᓂ ᐃᑲᔪᕐᓂᐊᖅᑐᖅ ᐅᐸᓗᖓᐃᔭᐅᑎᖃᑦᑎᐊᕐᓂᐊᕋᕕᑦ ᓴᐳᔾᔨᔪᓐᓇᖅᑐᒥ ᐃᕝᕕᑦ ᐃᖅᑲᓇᐃᔭᖅᑎᖏᓐᓂ ᓇᒻᒥᓂᖁᑎᒋᔭᕐᓂᓪᓗ.
ᓇᒻᒥᓂᖁᑏᑦ ᖃᓄᑎᒋ ᒥᑭᒃᑲᓗᐊᖅᐸ ᖃᓄᐃᑦᑐᓂᓪᓘᓐᓃᑦ ᐱᓕᕆᐊᖃᓲᖑᒻᒪᖔᔅᓯ, ᐊᑦᑕᕐᓇᙱᑦᑐᒥᑦ ᐃᖅᑲᓇᐃᔭᕐᕕᖃᖅᑎᑦᑎᔭᕆᐊᖃᖅᑐᑎ.
ᑎᑎᕋᖅᓯᒪᔪᒥ ᐃᖅᑲᓇᐃᔭᕐᕕᓐᓄᑦ ᐅᐸᓗᖓᐃᔭᐅᑎᖃᕈᕕᑦ, ᓴᖅᑮᕗᑎ ᐱᕙᒌᔭᐅᑎᒥ ᖃᓄᐃᓕᐅᕆᐊᕐᓂᕐᒧᑦ ᐃᒪᐃᓕᐅᕐᓂᕐᒧᑦ:
- ᐊᑦᑕᕐᓇᖅᑕᐃᓕᒪᓂᕐᒧᑦ ᐱᔭᒃᓴᕆᔭᐅᔪᓂ ᓇᓗᓇᐃᕆᓂᕐᒥᑦ;
- ᓇᓗᓇᐃᖅᓯᓂᕐᒥᑦ ᑲᒪᒋᔭᖃᕐᓂᕐᒥᓪᓗ ᐅᓗᕆᐊᓇᕈᑎᓂ;
- ᐃᓕᓐᓂᐊᖅᑎᑦᑎᓂᕐᒥᑦ ᐃᖅᑲᓇᐃᔭᖅᑎᓂ ᐊᑦᑕᕐᓇᙱᑦᑐᒃᑯ ᐃᖅᑲᓇᐃᔭᕐᓂᕐᒥᑦ; ᐊᒻᒪ
- ᑎᑎᖅᓯᓂᕐᒥᑦ ᑲᒪᒋᔭᖃᐃᓐᓇᕐᓂᕐᒥᓪᓗ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒨᖓᔪᓂᓪᓗ ᓇᒻᒥᓂᖁᑎᒋᔭᕐᓂ.
ᑖᓐᓇ ᐅᖃᓕᒫᒐᕋᓛᖅ ᐃᓕᓐᓂ ᐃᑲᔫᑎᖃᕈᓐᓇᖅᑐᖅ ᐋᖅᑭᒃᓱᐃᓂᕐᒥᑦ ᐊᑐᓕᖅᑎᑦᑎᓂᕐᒥᓪᓗ ᐃᖅᑲᓇᐃᔭᕐᕕᓐᓂ ᐅᐸᓗᖓᐃᔭᐅᑎᒥ.
