ᐃᖅᑲᓇᐃᔮᒧᑦ ᐅᑎᕐᓂᐊᕐᓗᓂ ᐱᓕᕆᐊᒃᓴᖅ ᐱᒋᐊᖅᑳᖅᑕᐅᓲᖑᕗᖅ, ᐸᕐᓇᐅᑎ ᐃᑲᔫᑕᐅᔪᓐᓇᖅᖢᓂ ᐋᓐᓂᖅᓯᒪᔪᓂᒃ ᓴᓇᔨᓂᒃ ᐅᕝᕙᓘᓐᓃᑦ ᐊᑦᑕᕐᓇᙱᑦᑐᒥᒃ ᐅᑎᕐᓗᓂ ᓈᒻᒪᒋᔭᖓᓄᑦ ᓴᓈᒃᓴᒧᑦ. ᓇᓗᓇᐃᖅᓯᓯᒪᔪᖅ ᐱᓕᕆᐊᖑᔭᕆᐊᓕᖕᓂᒃ ᐃᖅᑲᓇᐃᔭᖅᑎᓄᑦ, ᐊᖓᔪᖅᑳᕆᔭᐅᔪᓄᑦ, ᐊᓯᖏᓐᓂᒡᓗ ᑲᑐᔾᔨᖃᑎᒌᒡᕕᖕᒥ ᐱᓕᕆᐊᕆᔭᒃᓴᓕᖕᓂᒃ ᐋᓐᓂᖅᑐᖃᕐᓂᖅᐸᑦ. 

ᐃᖅᑲᓇᐃᔮᒧᑦ ᐅᑎᕐᓂᐊᕐᓗᓂ ᐱᓕᕆᐊᒃᓴᖅ ᐅᑯᓂᖓᑦᑕᐅᖅ ᐃᓚᖃᕐᒥᔪᖅ:

ᐊᑐᐊᒐᖅ:

• ᑲᑐᔾᔨᖃᑎᒌᒡᕕᖕᒥ ᐱᓕᕆᐊᒃᓴᑦ ᒪᓂᒻᒪᐃᔪᓐᓇᖁᓪᓗᒋᑦ ᓈᒻᒪᒃᑐᓂᒃ ᓴᓈᒃᓴᓂᒃ, ᐊᒻᒪ ᐃᖅᑲᓇᐃᔮᒧᑦ ᐅᑎᕐᓂᐊᕐᓗᓂ ᐸᕐᓇᐅᑎᒥᒃ

ᐱᓕᕆᐊᒃᓴᑦ:

• ᖃᓄᐃᓕᐅᕆᐊᖃᕐᒪᖔᑦ ᐋᓐᓂᖅᑐᖃᓚᐅᖅᑎᓪᓗᒍ ᖃᓂᒻᒪᒃᑐᖃᓚᐅᖅᑎᓪᓗᒍᓘᓐᓃᑦ;
• ᐱᓕᕆᐊᒃᓴᑦ ᐊᒻᒪ ᑲᒪᒋᔭᒃᓴᑦ;
• ᖃᓄᐃᓕᐅᕐᓗᓂ ᓈᒻᒪᒃᑐᓂᒃ ᓴᓈᒃᓴᓂᒃ ᖃᐅᔨᓐᓇᕐᒪᖔᑦ;
• ᑎᑎᖅᑲᙳᖅᑎᑕᐅᔪᑦ ᐃᓛᒃᑰᖅᑕᖅᓯᒪᔪᑦ ᐃᖅᑲᓇᐃᔮᒧᑦ ᐅᑎᕐᓂᐊᕐᓗᓂ ᐸᕐᓇᐅᑎᓂᒃ;
• ᖃᐅᔨᓴᕈᓯᑦ ᐃᑲᓇᐃᔮᒧᑦ ᐅᑎᕐᓂᐊᕐᓗᓂ ᐸᕐᓇᐅᑎᑦ; ᐊᒻᒪ 
• ᖃᐅᔨᓴᕐᓗᒋᑦ ᐃᖅᑲᓇᐃᔮᒧᑦ ᐅᑎᕐᓂᐊᕐᓗᓂ ᐱᓕᕆᐊᒃᓴᐅᑎᑕᓯ.

ᐃᓕᓐᓂᐊᕐᓂᖅ: 

• ᐃᖅᑲᓇᐃᔭᖅᑎᓄᑦ ᐊᒻᒪ ᐊᖓᔪᖅᑳᓄᑦ

ᑐᑭᓯᒋᐊᒃᑲᓐᓂᕈᒪᒍᔅᓯ ᐃᖅᑲᓇᐃᔮᒧᑦ ᐅᑎᕐᓂᐊᕐᓗᓂ ᐱᓕᕆᐊᖅ ᐱᕙᓪᓕᐊᑎᑕᐅᓂᖓ, ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᖃᐅᔨᒋᐊᕐᕕᒋᖃᑦᑕᕐᓗᒋᑦ.