ᐅᑎᓐᓂᖅ ᐃᖅᑲᓇᐃᔮᒧᑦ ᐊᑐᕆᐊᓕᑎᑦ

ᐅᑎᓐᓂᖅ ᐃᖅᑲᓇᐃᔮᒧᑦ ᐊᑐᕆᐊᓕᑎᑦ

ᐊᐅᓚᓂᖓᑕ ᐊᑐᕆᐊᓕᖏᑦ ᐃᖅᑲᓇᐃᔭᖅᑏᑦ
  • ᐊᑐᕋᔅᓴᖅ 1

    ᐋᓐᓂᖅᑐᖅᓯᐅᑎᑦ ᐊᒻᒪ/ᐅᕝᕙᓘᓐᓃᑦ ᐋᓐᓂᖅᑐᒧᑦ ᑲᒪᒋᔭᐅᔾᔪᑎᑦ ᐱᓗᒋᑦ:

    • ᐋᓐᓂᖅᑐᒧᑦ ᑲᒪᒋᔭᐅᔾᔪᑎᑦ ᐅᕝᕙᓘᓐᓃᑦ ᐋᓐᓂᖅᑐᖅᓯᐅᑎᑦ ᐱᔭᕆᐊᖃᖅᑐᑦ ᐱᓗᒋ; ᐊᒻᒪ 
    • ᐃᒪᐃᑦᑕᕆᐊᖃᖅᐸᑦ, ᐃᖅᑲᓇᐃᔭᕐᕕᖕᒥ ᐃᖏᕐᕋᔾᔪᑎᓂᒃ ᑲᒪᒋᔭᖃᕋᔭᖅᑐᑦ ᐋᓐᓂᐊᕕᓕᐊᕈᔾᔭᐅᔾᔪᑎᒃᓴᕐᓂᒃ.​
  • ᐊᑐᕋᔅᓴᖅ 2

    ᐋᓐᓂᕈᑕᐅᔪᖅ ᐅᖃᐅᓯᕆᓗᒍ 

    • ᐋᓐᓂᕈᑕᐅᔪᖅ ᐅᖃᐅᓯᕆᓗᒍ ᐃᖅᑲᓇᐃᔭᕐᕕᖕᓄᑦ;
    • ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᑕᑕᑎᕆᐊᓕᖁᑎᖏᑦ ᐊᑕᖏᕐᓗᒍ ᑎᑎᕋᕐᕕᒋᓗᒍ ᓴᓇᔨᐅᑉ ᐋᓐᓂᖅᑎᓪᓗᒍ ᐅᖃᐅᓯᕆᔭᖓ ᑕᑕᑎᕆᐊᓕᒃ;
    • ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᑎᑎᕋᖅᑕᖓᑕ ᑕᕐᕋᖓ ᐱᓗᒍ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᖃᖅᑎᓪᓗᒍ ᐅᓂᒃᑳᖓ ᑕᑕᑎᕆᐊᓕᒃ ᐊᖅᑲᓇᐃᔭᕐᕕᖕᓂ; ᐊᒻᒪ 
    • ᐃᖅᑲᓇᐃᔭᕐᕖᑦ ᑐᑭᓯᒋᐊᒐᒃᓴᓂᒃ ᑐᓴᖅᑎᓪᓗᒍ ᐱᔾᔪᑎᒋᓗᒋᑦ ᐊᐅᓚᔪᓐᓇᕐᓂᕆᔭᑎᑦ. 

     

  • ᐊᑐᕋᔅᓴᖅ 3

    ᑐᓴᐅᒪᖃᑎᒌᒡᓗᓯ ᐊᒻᒪ ᑲᑐᔾᔨᖃᑎᒌᒡᓗᓯ 

    • ᐃᖅᑲᓇᐃᔭᕐᕕᖕᓄ ᐅᑎᑲᐅᑎᒋᔪᓐᓇᙱᒃᑯᕕ, ᐃᖅᑲᓇᐃᔭᕐᕕᒋᔭᑦ ᑐᓴᖅᑎᓪᓗᒍ ᑐᓴᐅᒪᑏᓐᓇᕐᓗᒋᓪᓗ ᑐᓴᐅᒪᑎᒐᔪᒡᓗᒋᓪᓗ; 
    • ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᐱᓕᕆᐊᒃᓴᓂᒃ ᐊᐅᓚᑦᑎᔨᖓᑦ ᐅᖃᕐᕕᒋᕙᒡᓗᒍ ᐃᒻᒪᖄ ᒪᕐᕉᒃ ᐱᓇᓱᐊᕈᓯᑕᒫᑦ ᖃᓄᐃᓕᖓᓕᖅᐸᓪᓕᐊᓃᑦ ᐱᔾᔪᑎᒋᓗᒍ; ᐊᒻᒪ 
    • ᐃᓚᐅᕙᒡᓗᑎᑦ ᑲᒪᒋᔭᐅᕝᕕᒃᓴᐃᑦ ᓇᓪᓕᕌᖓᑦ ᒪᒥᓴᕈᓯᕐᓂᓪᓗ ᐱᓕᕆᑎᑕᐅᓂᐊᓕᕌᖓᕕᑦ. 
  • ᐊᑐᕋᔅᓴᖅ 4

    ᓇᓗᓇᐃᕐᓗᒋᑦ ᓈᒻᒪᒃᑐᑦ ᓴᓈᕆᔭᐅᔪᓐᓇᖅᑐᑦ 

    • ᐃᖅᑲᓇᐃᔭᕐᕖᑦ, ᐃᓗᐊᖅᓴᐃᔨᑦ, ᐊᒻᒪ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᐱᓕᕆᖃᑎᒋᓗᒋᑦ ᓇᓗᓇᐃᖅᓯᖃᑎᒋᓗᒋᑦ ᓈᒻᒪᒃᑐᓂᒃ ᓴᓈᕆᔪᓐᓇᖅᑕᕐᓂᒃ ᐋᖅᑭᒃᓯᓗᓯᓗ ᐃᖅᑲᓇᐃᔮᒧᑦ ᐅᑎᓛᕐᓂᕐᒧᑦ ᐸᕐᓇᐅᑎᒥᒃ; ᐊᒻᒪ 
    • ᖃᐅᔨᒋᐊᕐᕕᒋᓗᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᐃᖅᑲᓇᐃᔭᕐᕕᖕᓂ ᓇᓗᓇᐃᖅᓯᑐᐊᕈᔅᓯ ᓈᒻᒪᒃᑐᓂᒃ ᓴᓈᕆᔪᓐᓇᖅᑕᕐᓂᒃ ᐅᖃᐅᓯᕆᓗᒋᑦ ᐱᓕᕆᐊᒃᓴᓕᕆᔨᑦ ᐊᐅᓚᑦᑎᔨᒧᑦ. 
  • ᐊᑐᕋᔅᓴᖅ 5

    ᐅᑯᐊ ᖃᐅᔨᒪᒋᐊᖅᐸᒡᓗᒋᑦ 

    • ᐃᖅᑲᓇᐃᔭᕐᕕᒋᔭᐃᑦ ᑲᑎᒪᖃᑎᒋᒐᔪᒡᓗᒍ ᐅᖃᐅᓯᕆᕙᒡᓗᒋᑦ ᖃᓄᐃᑉᐸᓪᓕᐊᓂᕆᔭᑎᑦ, ᐃᓱᒫᓘᑎᑎᑦ, ᐊᓯᖏᓪᓗ; 
    • ᖃᓄᑐᐃᓐᓇᑦᑎᐊᖅ ᐋᖅᑭᒋᐊᓕᖕᓂᒃ ᐋᖅᑭᒋᐊᖅᓯᕙᒡᓗᑎᑦ ᐃᖅᑲᓇᐃᔮᒧᑦ ᐅᑎᓛᖅᑎᓪᓗᑎᑦ ᐸᕐᓇᐅᒻᒧᑦ; 
    • ᐋᓐᓂᐊᕕᖕᒧᑦ ᒪᒥᓴᐃᕝᕕᖕᒧᓪᓗ ᐃᓂᒃᓴᓕᐊᕆᔭᐅᓯᒪᔪᑦ ᐃᓕᖕᓄᑦ ᐅᐸᐃᓐᓇᖅᐸᒡᓗᒋᑦ; ᐊᒻᒪ 
    • ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᐱᓕᕆᐊᒃᓴᓄᑦ ᐊᐅᓚᑦᑎᔩᑦ ᖃᐅᔨᒋᐊᕐᕕᒌᓐᓇᖅᐸᒡᓗᒍ ᖃᓄᐃᓕᖓᓕᖅᐸᓪᓕᐊᓃᑦ ᐅᖃᐅᓯᕆᕙᒡᓗᓯᐅᒃ. 
  • ᐊᑐᕋᔅᓴᖅ 6

    ᐱᐊᓂᒃᑕᐅᓂᖓ

    • ᖃᓄᐃᑦᑐᓐᓃᕈᕕᑦ ᐊᒻᒪ ᐅᑎᕈᕕᑦ ᐋᓐᓂᓚᐅᙱᑎᓪᓗᑎᑦ ᓴᓈᕆᓚᐅᖅᑕᕕᑦ ᐱᓕᕆᐊᒃᓴᓄᑦ ᐅᕝᕙᓘᓐᓃᑦ ᐱᒋᐊᓕᓵᖅᑕᕐᓄᑦ ᐋᖅᑭᒋᐊᖅᓯᒪᓕᖅᑐᓄᑦ ᐱᓕᕆᐊᒃᓴᕇᓐᓇᕐᓂᐊᓕᖅᑕᕐᓄᑦ.