ᐅᑯᐊ ᐱᓇᔪᒃᑎᓪᓗᑎᑦ ᓂᕆᐅᒋᔭᕆᐊᖃᕐᓂᐊᖅᑕᑎᑦ

ᐅᑯᐊ ᐱᓇᔪᒃᑎᓪᓗᑎᑦ ᓂᕆᐅᒋᔭᕆᐊᖃᕐᓂᐊᖅᑕᑎᑦ

ᐃᖅᑲᓇᐃᔭᕐᕕᖕᒥ ᐊᓐᓂᕈᕕᑦ, ᐱᓇᔫᑎᓕᕆᔾᔪᑎᒋᔭᐃᑦ ᐃᑲᔫᓯᐊᖅᑖᕆᓂᐊᖅᑕᕐᓂᒃ ᐋᖅᑭᒍᑕᐅᓂᐊᖅᐳᖅ. ᐅᑯᐊ ᐃᑲᔫᓯᐊᖅᑖᕐᓄᑦ ᐃᓚᒋᔭᐅᑐᐃᓐᓇᕆᐊᓖᑦ:

  • ᑐᓂᕐᕈᓯᐊᖅ ᑮᓇᐅᔾᔭᒃᓵᖏᓐᓄᑦ ᐱᔪᓐᓃᖅᑕᒥᓄᑦ ᖃᓄᐃᑦᑐᓐᓃᖅᐸᓪᓕᐊᑎᓪᓗᑎᑦ ᐃᖅᑲᓇᐃᔭᕐᕕᖕᒥ ᐋᓐᓂᕐᓂᖓᓄᑦ;
  • ᐋᓐᓂᐊᕕᖕᒥ ᑲᒪᒋᔭᐅᔾᔪᑎᖓᓄᑦ ᐊᓯᖏᓐᓂᒡᓗ ᑮᓇᐅᔭᐅᙱᑦᑐᑦ ᐃᑲᔫᓯᐊᑦ;
  • ᐊᔪᕈᑎᖃᐃᓐᓇᓕᕐᓂᕐᒧᑦ ᑐᓐᓂᖅᑯᑎᑦ, ᓲᕐᓗ ᐅᑎᖅᑐᒃᓴᓄᑦ ᐊᑭᓕᐅᑕᐅᕙᒃᑐᑦ;
  • ᐃᖅᑲᓇᐃᔮᒥᓄᑦ ᐅᑎᕋᓱᐊᕐᓗᓂ ᐱᔨᑦᑎᕋᖅᑕᐅᓂᖅ, ᐊᒻᒪᓗ
  • ᐅᑎᖅᑎᕝᕕᐅᓂᖅ ᐄᔭᒐᖅᑖᕈᑎᒋᔭᕐᒥᓄᑦ ᐊᒻᒪ ᑮᓇᐅᔭᒧᑦ ᐊᑭᓕᕆᐊᖃᖅᑕᒥᓄᑦ.
ᑎᓴᒪᓂᒃ ᐱᓕᕆᐊᖃᓲᖑᕗᑦ ᑐᒃᓯᕋᐅᑎᓕᕆᑎᓪᓗᒋᑦ:
  • ᑐᓴᒐᒃᓴᓂᒃ ᑲᑎᖅᓱᐃᓂᖅ

    ᑐᒃᓯᕋᖅᑎᓪᓗᑎᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᓇᓪᓕᐅᒃᑯᒫᓕᕆᔨᓄᑦ, ᐱᔭᕇᖅᓯᒪᑦᑎᐊᕐᓗᓂ ᓇᒃᓯᐅᑎᓗᒍ ᐃᖅᑲᓇᐃᔭᖅᑎᓄᑦ ᐅᓂᒃᑳᓕᐊᕐᒥᒃ ᐋᓐᓂᖅᑐᖃᖅᑎᓪᓗᒍ ᑕᑕᑎᕆᐊᓕᒃ.

  • ᑐᒃᓯᕋᖅᑕᐅᔪᒧᑦ ᐱᔪᓐᓇᖅᑎᑕᐅᓂᖅ

    ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᓇᓪᓕᐅᒃᑯᒫᓕᕆᔨᓪᓗ ᐃᓱᒪᓕᐅᕆᖃᑦᑕᖅᐳᑦ ᐊᖏᕈᑎᒃ ᐊᖏᖏᓗᑎᒡᓘᓐᓃᑦ ᑐᒃᓯᕋᖅᑕᓐᓄᑦ.

  • ᐃᑲᔫᑎᒧᑦ ᓈᓴᐃᓂᖅ

    ᑐᒃᓯᕋᖅᑕᕐᓂᖅ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᓇᓪᓕᐅᒃᑯᒫᓕᕆᔨᓪᓗ ᐊᖏᖅᑎᓪᓗᒋᑦ, ᐃᑲᔪᓯᐊᓐᓂᒃ ᓈᓴᐃᖃᑦᑕᖅᐳᒍᑦ.

  • ᑐᓴᒪᑎᑦᑎᓇᕆᐊᖃᕐᓂᖅ

    ᐱᓕᕆᖃᑎᖃᐃᓐᓇᕐᓗᑎᒃ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᓇᓪᓕᐅᒃᑯᒫᓕᕆᔨᓪᓗ ᐊᖏᖅᑎᑦᑎᔨᒥᒃ ᐅᕝᕙᓘᓐᓃᑦ ᑐᒃᓯᕋᐅᑎᓄᑦ ᐊᐅᓚᑎᔨᖓᓂᒃ ᖃᓄᐃᑦᑐᓃᐸᓪᓕᐊᑎᓪᓗᑎᑦ.

ᑮᓇᐅᔭᖅᑖᕈᒪᔾᔪᑎᑦ ᐱᕙᓪᓕᐊᓂᖓᓂᒃ ᖃᐅᔨᒋᐊᒃᑲᓐᓂᕈᓐᓇᖅᐳᑎᑦ ᐅᕗᖓ ᑕᑯᒋᐊᕐᓗᑎᑦ ᑮᓇᐅᔭᖅᑖᕈᒪᔾᔪᑎᑦ ᐱᕙᓪᓕᐊᓂᖓᓂᒃ ᓇᓗᓇᐃᖅᓯᔾᔪᑎ.

ᑐᒃᓯᕋᐅᑎᒋᔭᐃᑦ ᐋᒃᑳᕈᑦᑎᒍᑦ ᐋᖅᑭᒃᑕᕗᓪᓗ ᐊᖏᖃᑎᒋᙱᓪᓗᒍ, ᐋᖅᑭᒃᑕᐅᔪᒥᒃ ᕿᒥᕐᕈᔭᐅᖁᔨᔪᓐᓇᖅᐳᑎᑦ. ᕿᒥᕐᕈᔭᐅᔾᔪᓯᖓᓂᒃ ᖃᐅᔨᒋᐊᒃᑲᓐᓂᕈᒪᒍᕕᑦ ᐅᕗᙵᕐᓗᑎᑦ.