Young Workers 1

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat. Duis aute irure dolor in reprehenderit in voluptate velit esse cillum dolore eu fugiat nulla pariatur. Excepteur sint occaecat cupidatat non proident, sunt in culpa qui officia deserunt mollit anim id est laborum.

Inuktitut

ᐱᒻᒪᕆᐅᓂᖏᑦ ᖃᐅᔨᓇᓱᒍᑎᐅᓲᑦ

ᖃᖓᑲᓪᓚᕈᓗᖕᓂ ᐅᓇ ᐋᕿᒋᐊᑕᐃᓐᓇᕋᒃᑯ ᑖᔅᓱᒧᖓᓗ, ᒪᒥᐊᑉᐳᖓ. ᐅᖃᓪᓚᖃᑎᖃᕐᓯᒪᒐᒪ ᐊᒥᓱᓂ ᐃᖅᑲᓇᐃᔭᖅᑎᓂᒃ ᐊᒻᒪ ᐃᖅᑲᓇᐃᔭᖅᑎᑦᑎᔨᓂᒃ ᐊᐱᕆᕙᒃᖢᒋᑦ ᖃᓄᐃᑦᑐᓂᒃ ᑕᑯᖃᑦᑕᕈᒪᔭᕆᐊᒃᓴᖏᓐᓂᒃ ᑎᑎᕋᖅᐸᓪᓕᐊᕙᒃᑕᓐᓂ. ᖃᐅᔨᓇᓱᒍᑎᐅᓲᑦ ᑭᐅᔾᔪᑎᐅᖃᑦᑕᓛᖑᓚᐅᕐᑐᖅ ᐃᓄᖕᓂᑦ.

ᑕᕿᑕᒫᓐ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᓴᕿᑎᑦᑎᖃᑦᑕᖅᑐᑦ ᖃᐅᔨᓇᓱᒍᑎᓂᒃ ᐋᓐᓂᕐᑐᕕᓂᕐᓄᑦ ᑕᖅᑭᐅᓚᐅᕐᑐᒥᑦ ᐅᕙᑦᑎᓐᓂᒃ ᐃᖅᑲᐅᒪᔾᔪᑎᐅᓪᓗᓂ ᐊᑦᑕᓇᖅᑐᓂᒃ ᐊᑐᖅᑕᐃᓕᓂᖅ #worthit (ᐊᑑᑎᖃᕐᓂᖓᓂᒃ). ᑐᓴᐅᒪᔾᔪᑎᓕᕆᔨᕗᑦ ᐱᓕᕆᖃᑎᒌᑦ ᐋᕿᒃᓱᐃᓚᐅᕐᓯᒪᔪᑦ ᐊᔾᔨᓕᐅᒐᕐᓂᒃ ᑕᑯᔪᓐᓇᖁᓪᓗᓯ ᖃᓄᐃᑉᐸᓪᓕᐊᓂᖏᓐᓂᒃ ᐃᖅᑲᓇᐃᔭᕐᕕᖕᓂᑦ ᐊᑦᑕᓇᖅᑐᓂᒃ ᐊᑐᖅᑕᐅᓕᓂᒃᑯᑦ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ.

Inuktitut

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑭᐅᔪᑎᖃᖅᑯᑦ ᐊᑐᓕᖁᔭᐅᓯᒪᔪᓂᑦ ᐊᓪᓚᕝᕕᐊᑕ ᑐᖁᖓᔪᓕᕆᔨᒃᑯᑦ ᓄᓇᑦᓯᐊᕐᒥ

ᔭᓗᓇᐃᕝ, ᓄᓇᑦᓯᐊᖅ (ᔪᓚᐃ 31, 2018) − ᑖᒃᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑭᐅᔾᔪᑎᖃᖅᑯᑦ ᐊᑐᓕᖁᔭᓕᐊᖑᓯᒪᔪᓂᑦ ᐊᓪᓚᕝᕕᐊᑕ ᑐᖁᖓᔪᓕᕆᔨᒃᑯᑦ ᓄᓇᑦᓯᐊᕐᒥ ᖃᐅᔨᓴᕐᓂᖃᓚᐅᖅᑎᓪᓗᒍ ᑐᖁᖓᔪᓕᕆᔨ, ᐃᓅᒍᓐᓃᓚᐅᖅᑎᓪᓗᒍ ᑕᐃᕙᑦ ᔮᓐ ᕕᓂᑰᒻ, ᐃᖅᑲᓇᐃᔭᖅᑎᐅᔪᖅ ᐋᓐᓂᖅᑐᒪᕆᐅᓚᐅᖅᑐᓂ ᐃᖅᑲᓇᐃᔭᕐᕕᖃᕐᕕᖓᓂ ᖃᓂᒋᔮᓂ ᐃᓅᕕᒃ, ᓄᓇᑦᓯᐊᖅ ᑕᐃᑲᓂ ᔫᓂ 28, 2016.

ᑕᒪᕐᒥᓕᒫᖅ ᐊᑐᓕᖁᔭᓕᐊᖑᓯᒪᔪᑦ ᕿᒥᕐᕈᔭᐅᓯᒪᓕᖅᑯᑦ ᐊᒻᒪᓗ ᓇᓗᓇᐃᔭᖅᓯᒪᔪᑦ ᑭᐅᔾᔪᑎᑦ ᐅᕝᕙᐅᕗᑦ:

Inuktitut

ᐱᕙᓪᓕᐊᔪᑦ ᓴᖅᑭᑎᑕᐅᔪᑦ: ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᓯᔭᔅᓴᖑᖅᑎᑦᑎᔪᑦ ᐊᑖᓂ ᓄᓇᑦᓯᐊᒥ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᕐᒥ

ᔨᐊᓗᓇᐃᕝ, ᓄᓇᑦᓯᐊᖅ (ᒪᐃ 29, 2018) – ᐃᐳᕈᒥ 24, 2018, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᕐᒥ ᑕᓪᓕᒪᓂᑦ ᐸᓯᔭᔅᓴᖑᖅᑎᑦᑎᓚᐅᖅᑐᑦ ᓄᓇᑦᓯᐊᒥ ᐃᖅᑲᖅᑐᐃᕕᖓᓂ ᐊᑖᓂ ᓄᓇᑦᓯᐊᒥ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᕐᒥ.

The North West Company (ᓂᐅᕕᕐᕕᒃᑯᑦ ᑎᒥᖁᑎᖓ) ᐊᒻᒪ The North West Company LP (ᓂᐅᕕᕐᕕᒃ ᑎᒥᖓᑦ ᐱᓕᕆᖃᑎᒌᑦᑐᑦ) ᐸᓯᔭᔅᓴᖑᖅᑎᑕᐅᔪᑦ ᐊᒥᓱᒐᓚᓐᓄᑦ ᐊᔾᔨᒌᖏᑦᑐᓄᑦ ᓯᖁᒥᑦᑎᓂᕐᒧᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᕐᒥ ᐊᒻᒪ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒃᑕᐅᔭᕆᐊᓕᖕᓂ, ᐱᖃᓯᐅᑎᓪᓗᑎ ᒪᓕᖏᓂᕐᒧᑦ:

Inuktitut

ᐱᕙᓪᓕᐊᔪᑦ ᓴᖅᑭᑎᑕᐅᔪᑦ: ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓇᓗᓇᐃᖅᓯᔪᑦ 61−ᖓᓐᓂ ᐊᕐᕌᒍᑕᒫᑦ ᐅᔭᕋᓐᓂᐊᕕᒻᒥ ᑐᐊᕕᕐᓇᖅᑐᓂᕆᓂᕐᒧᑦ ᐊᑭᑦᑐᕋᐅᑎᓂᖓ

ᔨᐊᓗᓇᐃᕝ, ᓄᓇᑦᓯᐊᖅ (ᔫᓂ 6, 2018) – ᓯᕙᑖᕐᕕᒻᒥ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᓇᓗᓴᐃᖅᓯᓚᐅᖅᑐᑦ ᓵᓚᒃᓴᖅᑐᓂᑦ 61−ᖓᓐᓂ ᐊᕐᕌᒍᑕᒫᑦ ᐅᔭᕋᓐᓂᐊᕕᒻᒥ ᑐᐊᕕᕐᓇᖅᑐᓂᕆᓂᕐᒧᑦ ᐊᑭᑦᑐᕋᐅᑎᓂᖓ, ᔫᓂ 1 ᐊᒻᒪ 2, 2018 ᔨᐊᓗᓇᐃᕝᒥ. ᒑᓱ ᑯ ᑕᐃᒪᓐ ᐅᔭᕋᓐᓂᐊᕐᕕᒃ De Beers Canada (ᑎ ᑕᐱᐅᔅᑯᓐᓂ ᑲᓇᑕᒥ) ᐊᖏᕋᐅᔾᔨᓚᐅᖅᑐᑦ ᐊᑕᖐᔪᒥᑦ ᓄᓇᐅᑉ ᖄᖓᓂ ᐱᔾᔪᓯᐊᒥᑦ, ᐊᒻᒪ ᑕᐃᕕᒃ ᑕᐃᒪᓐ ᐅᔭᕋᓐᓂᐊᕐᕕᒃ Rio Tinto Ltd. (ᕇᐅ ᑎᓐᑐ ᑎᒥᖓᑦ) ᐊᖏᕋᐅᔾᔨᓚᐅᖅᑐᑦ ᐊᑕᖐᔪᖅ ᓄᓇᐅᑉ ᐃᑭᖓᓂᐱᔾᔪᓯᐊᒥᑦ.

ᐅᓪᓘᓐᓃᒃ ᒪᕐᕉᓐᓂ ᐊᑭᑦᑐᕋᐅᑎᐅᓂᔪᖅ 8−ᖑᓚᐅᖅᑐᑦ ᑐᐊᕕᕐᓇᖅᑐᓕᕆᔩᑦ 8−ᓂᑦ ᐅᔭᕋᓐᓂᐊᕕᓐᓂᑦ ᑕᑯᔅᓴᐅᑎᑦᑎᓪᓗᒋᑦ ᐅᔭᕋᓐᓂᐊᕕᒻᒥ ᓄᓇᐅᑉ ᖄᖓᓂ ᐊᒻᒪ ᓄᓇᐅᑉ ᐃᑭᐊᓂ ᑐᐊᕕᕐᓇᖅᑐᓕᕆᓂᕐᒧᑦ ᐊᒻᒪ ᐊᔪᖏᓐᓂᕆᔭᖏᓐᓂᑦ. ᐅᔭᕋᓐᓂᐊᕐᕖᑦ ᓄᓇᑦᓯᐊᒥ, ᓄᓇᕗᑦ, ᐊᒻᒪ ᐋᓐᑎᐅᕆᔪ ᐊᑭᑦᑐᕋᐅᑎᓚᐅᖅᑐᑦ.

Inuktitut

ᐱᕙᓪᓕᐊᔪᑦ ᓴᖅᑭᑎᑕᐅᔪᑦ: ᐅᑭᐅᑕᖅᑐᒥ ᐅᔭᕋᓐᓂᐊᕐᕖᑦ ᐊᑭᑦᑐᕋᐅᑎᓂᐊᖅᑐᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᕐᕌᒍᑕᒫᑦ ᐅᔭᕋᓐᓂᐊᕕᒻᒥ ᑐᐊᕕᕐᓇᖅᑐᓂᕆᓂᕐᒧᑦ ᐊᑭᑦᑐᕋᐅᑎᓂᖓ

ᔨᐊᓗᓇᐃᕝ, ᓄᓇᑦᓯᐊᖅ (ᒪᐃ 18, 2018) – ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᓄᓇᑦᓯᐊᒥ ᐊᒻᒪ ᓄᓇᕗᒻᒥ ᖃᐃᖅᑯᔨᔪᑦ ᐅᑭᐅᑕᖅᑐᒥᐅᑕᓂᑦ ᑕᑯᓐᓇᕐᓗᑎ ᖃᓄᐃᓘᖅᑕᐅᓂᐊᖅᑐᑦ 61−ᖓᓂ ᐊᕐᕌᒍᑕᒫᑦ ᐅᔭᕋᓐᓂᐊᕕᒻᒥ ᑐᐊᕕᕐᓇᖅᑐᓂᕆᓂᕐᒧᑦ ᐊᑭᑦᑐᕋᐅᑎᓂᖓ.

ᐊᕐᕌᒍᑕᒫᑦ ᐃᓄᓐᓄᑦ ᖃᓄᐃᓘᕐᓂᖃᓂᐊᖅᑐᑦ ᑕᒪᑐᒪᓂ ᐊᕐᕌᒍᒥ ᓯᕙᑖᕐᕕᒃ, ᔫᓂ 2. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᖃᐃᖅᑯᔨᔪᑦ ᐃᓄᓐᓂᑦ ᖃᓄᐃᓘᖃᑕᐅᓗᑎ ᓯᕙᑖᕐᕕᒻᒥ ᔨᐊᓗᓇᐃᕝ ᐃᓪᓗᐃᑦ ᑲᑎᓐᖓᔪᑦ/ᐃᓪᓗᖅ ᓄᓇᓯᐅᑎᒃᑯᕕᖓᓂ ᐱᒋᐊᕐᓗᓂ 8:00 ᐅᓪᓛᒃᑯᑦ ᑎᑭᓪᓗᒍ 3:00 ᐅᓐᓄᓴᒃᑯᑦ. ᐊᑭᑦᑐᕋᐅᑎᓂᐅᔪᖅ ᒪᓕᓐᓂᖃᖅᑐᖅ ᓄᓇᑦᓯᐊᒥ ᐊᒻᒪ ᓄᓇᕗᒻᒥ ᐅᔭᕋᓐᓂᐊᖅᑎᓄᑦ ᐅᔭᕋᓐᓂᐊᖅᑎᐅᑉ ᐃᒐᓂᖏᓐᓄᑦ ᐱᒋᐊᕐᓗᓂ 12:00 ᐅᓐᓄᓂᓴᒃᑯᑦ ᑎᑭᓪᓗᒍ 3:00 ᐅᓐᓄᓴᒃᑯᑦ.

Inuktitut

ᐱᕙᓪᓕᐊᔪᑦ ᓴᖅᑭᑎᑕᐅᔪᑦ: ᐋᓚᓐ ᐱᔨᑦᑎᕋᖅᑏᑦ ᐊᒻᒪ ᑳᓐᑐᕌᖅᑏᑦ ᑎᒥᖓᑦ. ᐃᖅᑲᖅᑐᐃᕕᒃᑯᑦ ᖃᓄᐃᓕᑎᑕᐅᓂᖓ ᓯᖁᒥᑦᑎᓂᖓᓄᑦ ᓄᓇᑦᓯᐊᒥ ᐊᑦᑕᓇᐃᖅᓯᒪᓂᕐᒧᑦ ᐱᖁᔭᖅ

ᔨᐊᓗᓇᐃ, ᓄᓇᑦᓯᐊᖅ (ᕕᕝᕗᐊᕆ 21, 2018) – ᕕᕝᕗᐊᕆᒥ 20, 2018, ᐋᓚᓐ ᐱᔨᑦᑎᕋᖅᑏᑦ ᐊᒻᒪ ᑳᓐᑐᕌᖅᑏᑦ ᑎᒥᖓᑦ (“ᐋᓚᓐ ᐱᔨᑦᑎᖃᖅᑏᑦ”) ᓄᓇᑦᓯᐊᒥ ᐃᖅᑲᖅᑐᐃᕕᒻᒦᓚᐅᖅᑐᑦ ᐃᓅᕕᒃᒥ. ᐋᓚᓐ ᐱᔨᑦᑎᖃᖅᑏᑦ ᐸᓯᔭᔅᓴᖑᖅᑎᑕᐅᓯᒪᕋᑖᖑᒻᒥᔪᑦ ᓯᖁᒥᑦᑎᓂᖓᓄᑦ ᐊᑖᓂ ᐊᑦᑕᓇᐃᖅᓯᒪᓂᕐᒧᑦ ᐱᖁᔭᖅ ᐅᑦᑎᔨᖃᑦᑎᐊᖏᓐᓂᖓᓄᑦ ᐱᔪᓐᓇᕐᓂᖃᑦᑎᐊᖅᑐᒧᑦ, ᓯᖁᒥᑦᑎᓂᐅᔪᖅ ᐃᓚᖓ 16(1)(a) ᐅᑯᓂᖓ ᐃᖅᑲᓇᐃᔭᓂᕐᒧᑦ ᐋᓐᓂᐊᖅᑐᓕᕆᓂᕐᒧᑦ ᐊᒻᒪ ᐊᑦᑕᓇᐃᖅᓯᒪᓂᕐᒧᑦ (OHS) ᒪᓕᑦᑕᐅᔭᕆᐊᓖᑦ.

Inuktitut

ᐱᕙᓪᓕᐊᔪᑦ ᓴᖅᑭᑎᑕᐅᔪᑦ: ᑭᑦᓄᓇ ᐱᓕᕆᐊᒃᓴᓄᑦ ᐃᖕᒃ ᐊᒻᒪ ᐱᐅᓛᒧᑦ ᓂᕈᐊᖅᓯᓂᕐᒧᑦ ᓇᑉᐸᖅᑎᕆᓂᖅ (RB) ᓕᒥᑎᑦ ᐸᓯᔭᐅᕗᑦ ᓱᕋᐃᓂᐅᔪᓄᑦ ᐅᕘᓇ ᓄᓇᕗᒻᒥ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᕐᒧᑦ

ᐃᖃᓗᐃᑦ, ᓄᓇᕗᑦ (ᒫᔾᔨ 20, 2018) – ᒫᔾᔨ 13, 2018−ᒥ, ᑭᑦᓄᓇ ᐱᓕᕆᐊᒃᓴᓄᑦ ᐃᖕᒃ (“Kitnuna Projects”) ᐊᒻᒪ ᐱᐅᓛᒧᑦ ᓂᕈᐊᖅᓯᓂᕐᒧᑦ ᓇᑉᐸᖅᑎᕆᓂᖅ (RB) ᓕᒥᑎᑦ (“Best Choice Construction”) ᓴᖅᑭᓚᐅᖅᐳᑦ ᓄᓇᕗᒻᒥ ᐃᖅᑲᖅᑐᐃᕕᖓᓐᓂ ᒪᓕᒐᕆᔨᒃᑯᓐᓄᑦ ᐃᖃᓗᖕᓂ ᐊᒻᒪ ᐊᑐᓂ ᐸᓯᔭᐅᕗᑦ ᓱᕋᐃᓂᐅᔪᓄᑦ ᐅᕘᓇ ᓄᓇᕗᒻᒥ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᕐᒧᑦ.

ᑭᑦᓄᓇ ᐱᓕᕆᐊᒃᓴᑦ ᐸᓯᔭᒃᓴᐅᓂᕋᓚᐅᖅᐳᑦ ᐱᓕᕆᑦᑎᐊᙱᓐᓂᖏᓐᓄᑦ ᑕᒪᒃᑭᓂ ᓈᒻᒪᒃᑐᓂ ᐅᔾᔨᖅᓱᑦᑎᐊᕐᓂᐅᔪᓂ ᐊᒻᒪᓗ ᐱᓕᕆᓗᑎᒃ ᑕᒪᕐᒥᒃ ᓈᒻᒪᒃᑐᓂ ᐱᓕᕆᓂᐅᔪᓂᑦ ᓇᓗᓇᐃᖅᓯᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑕᒪᕐᒥᒃ ᐃᓄᖕᓄᑦ ᐱᓕᕆᕝᕕᐅᔪᒥ. ᐱᐅᓛᒧᑦ ᓂᕈᐊᖅᓯᓂᕐᒧᑦ ᓇᑉᐸᖅᑎᕆᓂᖅ ᐸᓯᔭᒃᓴᐅᓂᕋᓚᐅᖅᐳᑦ ᐅᖃᐅᔾᔨᓯᒪᑦᑎᐊᙱᓐᓂᖏᓐᓂ ᓈᒻᒪᒃᑐᒥ ᐊᑐᓂ ᐃᖅᑲᓇᐃᔭᖅᑎᓂᑦ ᐊᑦᑕᓇᖏᑦᑐᒥᑦ ᐃᖅᑲᓇᐃᔭᕈᓐᓇᖁᓪᓗᒋᑦ.

Inuktitut

ᐅᖃᐅᓯᖅᑎᑦ ᐊᑐᖅᑐᑦ: ᑎᑎᕋᖅᑕᐅᑦᑎᐊᕋᓱᒃᑐᑦ ᐱᓇᔪᒃᑕᐅᔪᑦ ᐋᓐᓂᐊᖃᕐᓇᖏᑦᑐᓄᑦ ᐱᓕᕆᔨ ᐊᒻᒪᓗ ᐊᑦᑕᕐᓇᑦᑕᐃᓕᓂᕐᒧᑦ ᒪᓕᒐᐃᑦ

ᓄᑖᑦ ᐋᓐᓂᐊᖃᕐᓇᖏᑦᑐᓄᑦ ᐱᓕᕆᔨ ᐊᒻᒪᓗ ᐊᑦᑕᕐᓇᑦᑕᐃᓕᓂᕐᒧᑦ ᒪᓕᒐᐃᑦ (“ᒪᓕᒐᐃᑦ”) ᐊᑐᓕᖅᓯᒪᔪᑦ ᓄᓇᑦᓯᐊᕐᒥ ᔫᓂ 2015-ᒥ, ᐊᒻᒪᓗ ᓄᓇᕗᑦᒥ ᒫᔾᔨ 2016-ᒥᑦ. ᑕᐃᒪᙵᓂ ᓯᕗᓪᓕᕐᒥ ᒪᓕᒐᙳᖅᑎᑕᐅᒐᒥᒃ, ᓴᓇᕝᕖᑦ ᐊᒻᒪᓗ ᐃᖅᑲᓇᐃᔭᖅᑏᑦ ᒪᓕᒐᓂᒃ ᖃᐅᔨᒪᓕᖅᐹᓪᓕᖅᓯᒪᕗᑦ. ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᓂᒃ (WSCC) ᐊᑦᑕᕐᓇᖅᑐᓂᑦ ᐱᓕᕆᔨᐅᔪᑦ ᓴᓇᕝᕕᖕᓂ ᐊᒻᒪᓗ ᐃᖅᑲᓇᐃᔭᖅᑐᓂ ᐱᓕᕆᖃᑎᖃᖅᓯᒪᔪᑦ ᐊᒻᒪᓗ ᑐᓴᕆᐊᖅᓯᒪᓪᓗᑎᒃ ᒪᓕᒐᓂᑦ ᖃᐅᔨᒪᑦᑎᐊᕐᒪᖔᑦ, ᐃᓚᖏᑦ ᓇᓗᓇᐃᖅᑕᐅᓯᒪᔪᑦ ᑐᑭᓯᓇᖅᓯᑎᑕᐅᑦᑎᐊᕈᓐᓇᖅᑐᑦ.

Inuktitut

ᐱᕙᓪᓕᐊᔪᑦ ᓴᖅᑭᑕᐅᔪᑦ: ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᓴᖅᑭᑦᑎᕗᑦ WSCC OHS App ᖃᕋᓴᐅᔭᒃᑯᑦ ᐃᓕᐅᖅᑲᖅᑕᐅᔪᓐᓇᖅᑐᒥᒃ

ᔭᓗᓇᐃ, ᓄᓇᑦᓯᐊᖅ (ᓯᑎᐱᕆ 20, 2017) WSCC−ᑯᑦ, ᐱᓕᕆᖃᑎᖃᖅᖢᑎᒃ ᑲᓇᑕᒥ ᐱᓕᕆᕝᕕᒋᔭᐅᓪᓗᐊᑕᖅᑐᒥᒃ ᐋᓐᓂᐊᖅᑖᖅᑕᐃᓕᒪᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ, ᖁᕕᐊᓲᑎᖃᖅᐳᑦ ᓴᖅᑭᑕᐅᓂᖓᓂᒃ ᓄᑖᖑᓪᓗᓂ ᐋᓐᓂᐊᖅᑖᖅᑕᐃᓕᒪᓂᕐᒧᑦ ᖃᕋᓴᐅᔭᒃᑯᑦ ᐃᓕᐅᖅᑲᐃᕝᕕᐅᔪᓐᓇᖅᑐᒥᒃ.

ᑕᐃᒎᓯᖃᖅᑐᖅ WSCC OHS App – ᖃᐅᔨᒪᔾᔪᑎᒃᓴᑦ OHS−ᑯᑦ ᒪᓕᒐᓕᐊᖏᑦ, ᐊᐅᓚᑕᐅᔪᑦ ᐱᓕᕆᐊᖑᔪᒃᓴᒃᑯᑦ ᑐᕌᖓᓪᓗᓂᓗ ᐃᖅᑲᓇᐃᔭᖅᑎᓄᑦ ᐊᒻᒪ ᓴᓇᔨᓄᑦ ᒪᓕᒐᓕᐊᕆᓯᒪᔭᖏᓐᓄᑦ ᑲᒪᒋᔭᒃᓴᕆᔭᐅᔪᓂᒃ ᓄᓇᑦᓯᐊᒥ ᐊᒻᒪ ᓄᓇᕗᒻᒥ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᖁᔭᕐᒧᑦ ᐊᒻᒪ OHS ᒪᓕᒋᐊᓕᖏᑦ ᑐᑭᓯᓇᕐᓂᖅᓴᐅᖁᓪᓗᒋᑦ.

ᐊᑐᓂ ᐱᓕᕆᐊᒃᓴᑦ ᑐᑭᓯᓇᖅᓯᓕᖅᓯᒪᓪᓗᑎᒃ ᓇᐃᓈᖅᓯᒪᔪᑦ, ᐊᑦᑕᑕᕐᕕᐅᔪᓐᓇᖅᑐᑦ ᐃᑲᔫᑎᒃᓴᑦ, ᐊᒻᒪ ᑎᑎᕋᖅᓯᒪᓪᓗᑎᒃ ᐊᒃᑐᐊᓂᓖᑦ ᒪᓕᒐᓕᐊᖑᓯᒪᔪᑦ ᑕᑯᔭᐅᔪᒪᓇᔭᖅᑐᓄᑦ.

Inuktitut