ᖁᐊᖅᓵᕐᓇᖅᑐᒥᒃ ᐅᔾᔨᖅᓴᕆᑦ: ᓯᐊᕐᕆᓪᓗᓂ, ᓈᓪᓗᓂ, ᐊᒻᒪ ᑲᑕᒡᓗᓂ

ᕖᕝᕗᐊᕆ 29 / 2016

ᖁᐊᖅᓵᕐᓇᖅᑐᒥᒃ ᐅᔾᔨᖅᓴᕆᑦ: ᓯᐊᕐᕆᓪᓗᓂ, ᓈᓪᓗᓂ, ᐊᒻᒪ ᑲᑕᒡᓗᓂ

ᐃᓐᓇᕐᓄᑦ ᑐᓴᒐᒃᓴᖅ

ᔭᓗᓇᐃ, ᓄᓇᑦᑎᐊᖅ (ᔮᓐᓄᐊᕆ 29, 2016) – ᐅᓪᓗᒥᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᔪᓕᕆᔨᑦ ᓇᓪᓕᐅᒃᑯᒪᓕᕆᔨᓪᓗ ᓴᖅᑭᑎᑦᑎᕗᑦ ᐊᑦᑕᕐᓇᖅᑐᒦᖁᔨᖏᖢᑎᒃ, ᐅᑭᐅᖅᑕᖅᑐᒥᐅᓂᒃ ᐅᔾᔨᕈᓱᖃᑦᑕᖁᔨᕗᑦ ᐃᖅᑲᓇᐃᔭᕐᕕᖕᒥᓪᓗ ᐊᑦᑕᕐᓇᖅᑕᐃᓕᒪᖁᔨᓪᓗᑎᒃ ᖁᐊᐃᖁᓇᑎᑦ, ᐹᓪᓚᖁᓇᑎᑦ ᐊᒻᒪ ᐅᒃᐱᑲᖁᔨᓇᑎᑦ. 

ᐱᓇᓱᐊᕈᓯᒥᑦ, ᒪᕐᕉᒃ ᐊᔾᔨᒌᖏᑦᑐᒥᑦ ᐃᖅᑲᓇᐃᔭᖅᑑᒃ ᐃᖃᓗᖕᓂᑦ, ᓄᓇᕗᒥᑦ ᖁᐊᐃᑦᑐᕕᓃᑦ ᐹᓪᓚᒃᖢᑎᒡᓗ ᖁᐊᐃᑦᑖᓇᖅᑐᒃᑯᑦ. ᑕᒪᕐᒥᑦ ᓴᐅᓂᒃᑯᑦ ᓇᑲᕐᔪᐊᓚᐅᖅᐴᒃ ᐱᓚᒃᑕᐅᔭᕆᐊᖃᓕᖅᖢᑎᒡᓗ. 

ᖁᐊᐃᑦᑐᑦ, ᐹᓪᓚᒃᑐᑦ ᐅᒃᐱᑲᖅᑐᓪᓗ ᐃᖅᑲᓇᐃᔭᕐᕕᖕᒥᑦ ᐋᓐᓂᕈᑕᐅᓪᓚᖃᑦᑕᖅᐳᑦ:

  • 2015−ᒥᑦ, 1-ᒥᑦ  5-ᒧᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᔪᓕᕆᔨᑦ ᓇᓪᓕᐅᒃᑯᒫᓕᕆᔨᓪᓗ ᑐᒃᓯᕋᖅᑕᐅᔪᑦ ᐅᑯᓂᖓ ᖁᐊᐃᑦᑐᑦ, ᐹᓪᓚᒃᑐᑦ ᐅᕝᕙᓘᓐᓃᑦ ᐅᒃᐱᑲᖅᑐᑦ (20.7 %−ᖑᓚᐅᖅᐳᑦ) 
  • ᐅᓪᓗᒧᑦ ᑐᒃᓯᕋᖅᑕᐅᒐᔪᒃᑐᑦ, ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᓕᕆᔨ ᓇᓪᓕᐅᒃᑯᒫᓕᕆᔨᓪᓗ ᐱᖃᑦᑕᖅᐳᑦ 1.92−ᓂᑦ ᖁᐊᐃᑦᑐᑦ, ᐹᓪᓚᒃᑐᑦ ᐊᒻᒪ ᐅᒃᐱᑲᖅᑐᓂᑦ. 
  • ᐊᕐᕌᒍᑦ ᑕᓪᓕᒪᐅᓚᐅᖅᑐᑦ, ᑐᒃᓯᕋᖅᑕᐅᒐᔪᓚᐅᖅᑐᑦ ᐊᑭᖓᑦ $5,785.95−ᖑᓚᐅᖅᐳᑦ ᖁᐊᐃᑦᑐᑦ, ᐹᓪᓚᒃᑐᑦ ᐊᒻᒪ ᐅᒃᐱᑲᖅᑐᑦ. 
  • ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᔪᓕᕆᔨ ᓇᓪᓕᐅᒃᑯᒫᓕᕆᔨᓪᓗ ᐊᑭᓖᓗᐊᓚᐅᖅᐳᑦ $4,866,870−ᒥᑦ 798−ᓂᑦ ᖁᐊᐃᑦᑐᑦ, ᐹᓪᓚᒃᑐᑦ ᐊᒻᒪ ᐅᒃᐱᑲᖅᑐᓄᑦ ᑐᒃᓯᕋᖅᑐᑦ 2015−ᒥᑦ. 

ᐃᖅᑲᓇᐃᔭᕐᕕᖏᓐᓂᒃ ᐅᑭᐅᖅᑕᖅᑐᒥᐅᑦ ᐅᔾᔨᖅᓱᐃᓐᓇᐅᔭᖁᔨᕗᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᔪᓕᕆᔨ ᓇᓪᓕᐅᒃᑯᒫᓕᕆᔨᓪᓗ, ᑲᒥᒃᓯᒪᑦᑎᐊᖅᐸᒡᓗᑎᑦ, ᐃᖅᑲᓇᐃᔭᕐᕕᖏᓐᓂᒃ ᖃᐅᔨᓴᑦᑎᐊᖅᐸᒡᓗᑎᑦ ᐊᑦᑕᕐᓇᖅᑐᖃᖏᒃᑲᓗᐊᕐᒪᖔᑦ, ᖃᓄᐃᑦᑐᖃᖁᓇᒍᓗ ᐊᐅᓚᑎᑦᑎᐊᖅᐸᒡᓗᑎᑦ.  

ᑖᒃᑯᐊ ᐋᓐᓂᕈᑕᐅᖏᑦᑐᓐᓇᖅᑐᑦ. ᐃᖅᑲᓇᐃᔭᖅᑎᓕᒫᑦ ᐃᖅᑲᓇᐃᔭᕐᕕᖏᓐᓂᒃ ᐊᑦᑕᕐᓇᖅᑐᒦᖏᒃᑲᓗᐊᕐᒪᖓᑦ ᖃᐅᔨᓴᕈᓐᓇᖅᑐᑦ. ᑐᓴᒃᑲᓐᓂᕈᒪᓐᓂᕈᕕᑦ, ᑕᑯᒋᐊᓗᒍ ᓇᓗᓇᐃᖅᓯᒪᔪᖅ ᐊᑦᑕᕐᓇᖅᑐᖅ.

-30-

Kim Walker

ᐊᐅᓚᑦᑎᔨ, ᑐᓴᐅᒪᖃᑦᑕᐅᑎᓕᕆᔨᑦ 
ᐅᖄᓚᐅᑕ: (867) 920-3846
ᐊᑭᖃᖏᑦᑐᑦ: (800) 661-0792 ᑐᕌᕈᑕ 3846