ᑭᒃᑯᓕᒫᓄᑦ ᑐᓴᖅᑎᑦᑎᔾᔪᑕᐅᔪᖅ: ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓄᓇᑦᑎᐊᕐᒥ ᓄᓇᕗᒻᒥᓗ ᓴᖅᑭᑦᑎᕗᑦ ᐃᓄᒃᑎᑐᑦ ᖃᕋᓴᐅᔭᒃᑰᕈᓐᓇᕈᒥᒃ

ᒫᑦᓯ 31 / 2016

ᑭᒃᑯᓕᒫᓄᑦ ᑐᓴᖅᑎᑦᑎᔾᔪᑕᐅᔪᖅ: ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓄᓇᑦᑎᐊᕐᒥ ᓄᓇᕗᒻᒥᓗ ᓴᖅᑭᑦᑎᕗᑦ ᐃᓄᒃᑎᑐᑦ ᖃᕋᓴᐅᔭᒃᑰᕈᓐᓇᕈᒥᒃ

ᔭᓗᓇᐃᕝ, ᓄᓇᑦᑎᐊᕗᑦ (ᒫᔾᔨ 31, 2016) – ᐅᓪᓗᒥ, ᑖᒃᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC)-ᑯᑦ ᑐᓴᖅᑎᑦᑎᕗᑦ ᓴᖅᑭᑎᑦᑎᓂᕐᒥᖕᓂᒃ ᐃᓄᒃᑎᑑᖓᔪᒥᒃ ᖃᕋᓴᐅᔭᒃᑰᕈᑎᑦᑎᓐᓂᒃ.

ᑖᒃᑯᐊ (WSCC)-ᑯᑦ ᐱᓇᓱᐊᒻᒪᕆᒃᐳᑦ ᐊᖏᓕᒋᐊᖅᑎᑦᑎᓂᕐᒥᒃ ᖃᐅᔨᒪᔭᐅᖁᔨᓂᕐᒧᑦ ᑐᑭᓯᐅᒪᖁᔨᓂᕐᒧᓪᓗ (WSCC)-ᑯᑦ ᐱᔨᑦᓯᕈᓐᓇᕐᓂᖏᓐᓂᒃ ᐱᐅᓯᒋᐊᕐᓗᒋᓪᓗ ᐱᖃᖃᑕᐅᔪᑦ ᐱᖃᑦᑕᕈᓐᓇᕐᓂᖏᑦ ᐃᑲᔫᑎᒃᓴᓂᒃ. ᐃᑲᔪᖅᓰᔾᔪᑕᐅᒋᓪᓗᓂ ᑐᕌᒐᖏᓐᓄᑦ, ᑖᒃᑯᐊ (WSCC)-ᑯᑦ ᐋᖅᑭᒃᓯᕗᑦ ᓴᖅᑭᑦᑎᓪᓗᑎᒡᓗ ᐃᓄᒃᑎᑑᕈᓐᓇᖅᑐᒥᒃ ᖃᕋᓴᐅᔭᒃᑰᕈᑎᒥᒃ.

”ᖁᕕᐊᓱᒻᒪᕆᒃᐳᒍᑦ ᐃᑲᔪᖅᑐᐃᔭᕆᐊᒃᓴᖅ ᐃᓄᐃᑦ ᐃᓕᖅᑯᓯᖓᓂᒃ ᐅᖃᐅᓯᖓᓂᒡᓗ, ᐱᔪᓐᓇᖅᓯᑎᓪᓗᒍᓪᓗ ᐃᓄᒃᑎᑐᑦ ᐅᖃᐅᓯᓖᑦ ᐱᖃᖃᑕᐅᔪᖁᑎᕗᑦ ᐱᔪᓐᓇᖅᓯᖁᓪᓗᒋᑦ ᐱᒻᒪᕆᐅᔪᓂᒃ (WSCC)-ᑯᑦ ᐊᑦᑕᕐᓇᖅᑐᒦᑦᑕᐃᓕᒪᓕᕐᒧᑦ ᑐᓴᐅᒪᔭᕆᐊᖃᖅᑕᖏᓐᓂᒃ”. ᐅᖃᖅᑐᖅ ᑕᐃᕝ ᒍᕋᓐᑎ, (WSCC)-ᑯᑦ ᐊᖓᔪᖅᑳᖓᑦ ᐊᐅᓚᑦᑎᔨᐅᓪᓗᓂᓗ. “ᐊᐅᓚᑦᑎᕙᒃᐳᒍᑦ ᐊᖏᔪᑲᓪᓚᖕᒥᒃ ᐊᔾᔨᒌᖏᑦᑎᑐᓂᒃ ᐱᔪᓐᓇᕐᕕᖃᐅᖅᑐᓂᒃ, ᑐᑭᓯᐅᒪᓪᓗᑕᓗ ᐱᒻᒪᕆᐅᓂᖓᓂᒃ ᐱᑐᐃᓐᓇᐅᔭᕆᐊᖃᕐᓂᖅ ᐃᓄᖕᓄᑦ ᐱᔨᑦᑎᖅᐸᒃᑕᑦᑎᓄᑦ ᖃᐅᑕᒫᑦ.”

ᑖᒃᑯᐊ (WSCC)-ᑯᑦ ᓴᖅᑭᑦᑎᓚᐅᖅᐳᑦ ᒫᓐᓇ ᐊᑐᖅᑐᓂᒃ ᖃᓪᓗᓈᑎᑐᑦ ᐅᐃᕖᑎᑐᓪᓗ ᖃᕋᓴᐅᔭᒃᑰᕈᑎᖏᓐᓂᒃ ᕖᕝᕗᐊᕆ 2015-ᖑᑎᓪᓗᒍ. ᑭᖑᓂᐊᒍᓪᓗ ᐃᓚᓗᐊᒃᑲᓐᓂᕐᖢᑎᒃ ᐱᖃᖃᑕᐅᔪᑦ. ᑖᓐᓇ ᓄᑖᖅ ᖃᕋᓴᐅᔭᒃᑰᕈᑎ ᐱᒻᒪᕆᐅᓂᖃᖅᐳᖅ ᐊᔪᕐᓇᖏᓐᓂᕐᓴᐅᓕᕐᓂᐊᕐᓂᖓ ᐅᖃᐅᓯᖃᕐᓂᕐᒥᒃ ᐋᓐᓂᖅᑐᓂᒃ, ᐅᑎᕐᓂᐊᓕᖅᑐᓂᒃ ᐃᖅᑲᓇᐃᔭᕐᕕᖕᒧᑦ, ᑐᓴᖅᑕᐅᔭᕆᐊᓕᖕᓂᒡᓗ ᓇᓂᓯᑲᐅᑎᒋᔪᓐᓇᓕᕐᓗᑎᒃ, ᐃᑲᔫᑎᒃᓴᖏᓪᓗ ᐊᑲᐅᓯᒋᐊᕐᓗᑎᒃ ᑎᒍᒥᐊᖃᑦᑕᕐᓄᑦ ᖃᕋᓴᐅᔭᕋᓛᓄᑦ ᐊᑲᐅᓗᓂ. ᐋᖅᑭᒃᓯᓇᓱᒃᐸᓪᓕᐊᔪᑦ ᒫᓐᓇ ᐃᓄᐃᓐᓇᖅᑑᖓᔪᓂᒃ ᖃᕋᓴᐅᔭᒃᑰᕈᓐᓇᐅᑎᓂᒃ.

ᑕᑯᔪᒪᒍᕕᐅᒃ ᐃᓄᒃᑎᑑᖓᔪᖅ ᐊᕋᓴᐅᔭᒃᑰᕈᑎ, ᐅᕗᙵᕐᓗᑎᑦ (wscc.nt.ca) ᐅᕝᕙᓘᓐᓃᑦ (wscc.nu.ca) ᓇᕿᓪᓗᒍᓗ ᐃᓄᒃᑎᑐᑦ ᐅᖃᐅᓯᖅ ᐊᓯᔾᔨᕈᑎᐊ ᖁᓛᓃᑦᑐᖅ ᑕᓕᖅᐱᐊᓂ ᑎᕆᖅᑯᐊᓂ.

-30-

Kim Walker

ᐊᐅᓚᑦᑎᔨ, ᑐᓴᐅᒪᖃᑦᑕᐅᑎᔪᓕᕆᔨᒃᑯᓐᓂ

ᐅᕐᑳᓚᐅᑖ: (867) 920-3846

ᐊᑭᖃᖏᑦᑐᖅ: (800) 661-0792 ext. 3846

 

(WSCC)-ᑯᑦ ᒐᕙᒪᒃᑯᓐᓃᓪᓚᕆᙱᑐᐃᓐᓇᖅᐳᑦ ᒐᕙᒪᐅᒐᓗᐊᖅᖢᑎᒃ ᐱᓕᕆᐊᒃᓴᖃᖅᖢᑎᒃ ᐃᑲᔪᖅᓯᖃᑦᑕᕐᓂᕐᒥᒃ ᑖᒃᑯᓂᖓ ᐃᖅᑲᓇᐃᔭᖅᑎᓄᑦ ᓇᓪᓕᐊᒃᑯᒫᓕᕆᓂᕐᒧᑦ ᐱᖁᔭᕐᓂᒃ, ᕐᑳᖅᑕᔫᕐᓂᒃ ᐊᑐᕐᓂᕐᒧᑦ ᐱᖁᔭᕐᓂᒃ, ᐅᔭᕋᖕᓂᐊᕐᕕᖕᒥ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᑦᑕᕐᓇᖅᑐᒦᑦᑕᐃᓕᓂᕐᒧᓪᓗ ᐱᖁᔭᐃᑦ, ᐊᓯᖏᓪᓗ ᑕᒪᑐᒧᖓ ᐊᒃᑐᐊᔪᑦ ᒪᓕᒋᐊᓕᖁᑎᖏᑦ.

ᑲᑐᔾᔨᓪᓗᑕ, ᐱᓕᕆᖃᑎᒋᔭᕗᓪᓗ, ᑖᒃᑯᐊ (WSCC)-ᑯᑦ ᐃᑲᔪᖅᓯᖃᑦᑕᖅᐳᑦ 40,000-ᑲᓴᖕᓂᒃ ᐃᖅᑲᓇᐃᔭᖅᑎᓂᒃ ᐊᒻᒪᓗ 4,000-ᓂᒃ ᐃᖅᑲᓇᐃᔭᖅᑎᑦᑎᔨᓂᒃ ᑕᒫᓂ ᓄᓇᑦᑎᐊᕐᒥ ᓄᓇᕗᒻᒥᓗ. ᐋᖅᑭᒍᔾᔨᓯᒪᕗᒍᑦ 3,000 ᐅᖓᑖᓂ ᓇᓪᓕᐅᒃᑯᒫᓂᒃ ᐱᔪᓐᓇᕐᓯᓚᐅᖅᑐᓂᒃ ᐊᒻᒪᓗ 1,000 ᐅᖓᑖᓂ ᖃᐅᔨᓴᖅᐸᒃᖢᑕ ᐊᕐᕌᒍᑕᒫᑦ ᐅᓗᕆᐊᓇᖅᑐᒦᖁᓇᒋᑦ ᐅᑭᐅᖅᑕᖅᑐᒥ ᐃᖅᑲᓇᐃᔭᕐᕕᒋᔭᐅᔪᓂ, ᑖᒃᑯᐊ (WSCC)-ᑯᑦ ᐊᔾᔨᒋᔭᐅᖏᑦᑐᑦ ᑲᓇᑕᓕᒫᒥ ᑖᒃᑯᐊᑐᐊᑦᑎᐊᖑᖕᒪᑕ ᐃᖅᑲᓇᐃᔭᖅᑎᓄᑦ ᓇᓪᓕᐅᒃᑯᒫᓕᕆᔨᐅᓪᓗᑎᒃ ᑲᓇᑕᒥ ᐃᖅᑲᓇᐃᔭᖅᑎᓕᒫᓂᒃ ᖃᓪᓗᓈᓂ ᐊᕕᒃᑐᖅᓯᒪᓂᕐᓂ ᐊᑐᓯᐅᖏᑦᑐᓂ ᐅᑭᐅᖅᑕᖅᑐᒥᓗ ᐊᕕᒃᑐᖅᓯᒪᓂᐅᔪᓂ. ᐅᐱᒍᓱᑦᑎᐊᕐᖢᑕ ᐃᑲᔫᑎᒃᓴᖃᖅᐳᒍᑦ ᑕᒪᐃᑎᒍᑦ ᐅᖃᐅᓯᖅᑎᒍᑦ ᐃᓕᓴᕆᔭᐅᓯᒪᔪᑎᒍᑦ ᐊᕕᒃᑐᖅᓯᒪᔪᓂ.