ᑐᓴᒐᒃᓴᖅ ᓴᖅᑭᑕᖅ - ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᑯᒫᓂᒃ ᖃᐅᔨᓴᖅᑏᑦ ᕿᓂᖅᑐᑦ ᐃᓱᒪᒋᔭᐅᔪᓂᒃ ᑐᒃᓯᕋᐅᑕᐅᔪᓄᑦ ᒪᓕᒐᕐᓂᒃ ᐊᓯᔾᔩᔪᒪᓂᕐᒧᑦ

ᐅᑐᐱᕆ 19 / 2016

ᑐᓴᒐᒃᓴᖅ ᓴᖅᑭᑕᖅ - ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᑯᒫᓂᒃ ᖃᐅᔨᓴᖅᑏᑦ ᕿᓂᖅᑐᑦ ᐃᓱᒪᒋᔭᐅᔪᓂᒃ ᑐᒃᓯᕋᐅᑕᐅᔪᓄᑦ ᒪᓕᒐᕐᓂᒃ ᐊᓯᔾᔩᔪᒪᓂᕐᒧᑦ

ᔭᓗᓇᐃᕝ NT (ᐅᒃᑐᐱᕆ 18, 2016) – ᐅᓪᓗᒥ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᑯᒫᓂᒃ ᖃᐅᔨᓴᖅᑏᑦ (WSCC) ᓇᓗᓇᐃᖅᓯᕗᑦ ᐱᒋᐊᕐᓂᖓᓂᒃ ᓇᖕᒥᓂᖃᖃᑕᐅᔪᑦ ᖃᐅᔨᓇᓱᖕᓂᖏᑦ ᑐᒃᓯᕋᐅᑕᐅᔪᓂᒃ ᐊᓯᔾᔩᖁᔨᓂᕐᒧᑦ ᐃᖅᑲᓇᐃᔭᖅᑎᓄᑦ ᐃᑲᔫᓯᐊᖑᕙᒃᑐᓄᑦ ᒪᓕᒐᑦ (WCAs-ᖑᓂᕋᖅᑕᑦ) ᓄᓇᑦᓯᐊᕐᒧᑦ ᐊᒻᒪᓗ ᓄᓇᕘᒧᑦ.ᑐᒃᓯᕋᐅᑕᐅᔪᑦ ᐊᓯᔾᔩᔪᒪᓂᕐᒧᑦ ᒪᓕᒐᕐᓂᒃ  ᐃᒪᐃᑎᑦᑎᓂᐊᕐᒪᑦ ᒪᓕᒃᑕᐅᔭᕆᐊᓖᑦ ᒪᓕᒐᕐᓃᑐᑦ ᑐᑭᓯᓇᕐᓂᖅᓴᐅᓕᕐᓗᑎᒃ ᐊᒻᒪᓗ ᐊᑐᕐᓂᖅᓴᐅᓕᕐᓗᑎᒃ.  

ᐱᓇᓱᐊᕈᓯᕐᓂ ᐊᒡᒋᖅᑐᓂ, WSCC-ᑯᑦ ᕿᓂᕐᓂᐊᕐᒪᑕ ᓇᖕᒥᓂᖃᖃᑕᐅᔪᑦ  ᐃᓚᐅᖃᑕᐅᔪᓐᓇᕐᒪᖔᖏᓐᓂᒃ ᐊᒻᒪᓗ ᖃᐅᔨᓇᓱᖕᓂᕐᒧᑦ ᐱᔭᕆᐊᖃᕐᓂᕐᒧᑦ ᐅᖃᐅᓯᒃᓴᕆᔭᐅᔪᓂᒃ ᑐᒃᓯᕋᐅᑕᐅᔪᑦ ᐊᓯᔾᔨᖅᑕᐅᔪᒪᓪᓗᑎᒃ ᐱᓪᓗᒋᑦ WCA-ᓄᑦ, ᐱᖃᓯᐅᑎᓗᒋᑦ ᑭᒃᑯᑐᐃᓐᓇᕐᓂᒃ ᑲᑎᒪᑎᑦᑎᔭᕆᐊᖃᕐᓂᖅ ᐃᖃᓗᖕᓂ ᐊᒻᒪᓗ ᔭᓗᓇᐃᕝᒥ ᐅᑯᓇᓂ: 

ᐃᖃᓗᖕᓂ:       ᐱᖓᔪᐊ, ᓄᕕᐱᕆ 9, 7-ᒥᑦ 9-ᒧᑦ ᐅᓐᓄᒃᑯᑦ
Hotel Arctic-ᒥ, ᑐᒃᑐ ᑲᑎᒪᕝᕕᒃ

ᔭᓗᓇᐃᕝᒥ:       ᕿᑎᖅᑰᑦ, ᓄᕕᐱᕆ 17, 7-ᒥᑦ 9-ᒧᑦ ᐅᓐᓄᒃᑯᑦ
ᔭᓗᓇᐃᕝ ᐅᖃᓕᒫᒐᖃᕐᕕᐊᓂ     
ᑲᑎᒪᕝᕕᒃ, ᖁᓛᖅᖠᐊᓂ, Centre Square Mall-ᖑᔫᑉ

ᑎᓕᐅᖅᐸᕗᑦ ᐱᔪᒥᒍᓱᒃᑐᑦ ᐱᓕᕆᖃᑎᒌᑦ ᐃᓚᐅᔪᓐᓇᔾᔮᖏᑦᑐᑦ ᑭᒃᑯᑐᐃᓐᓇᐃᑦ ᑲᑎᒪᑎᑕᐅᑎᓪᓗᒋᑦ ᕿᒥᕐᕈᓂᕐᒥ ᐊᐱᖅᓱᖅᓯᒪᐅᖅᑐᓂᒃ ᐊᒻᒪᓗ ᖃᓄᐃᓕᐅᖅᓯᒪᓕᕐᒪᖔᑕ ᖃᐅᔨᔭᐅᔪᒪᓇᔭᖅᑐᓂᒃ ᐱᑕᓖᑦ ᐃᑭᐊᖅᑭᕕᑦᑎᓐᓂ our website, ᐊᒻᒪᓗ ᑐᓐᓂᖅᑯᑎᒋᓗᒋᑦ ᐅᖃᓯᒃᓴᑎᒃ ᐅᓪᓗᑐᐃᓐᓇᙳᓚᐅᙱᓐᓂᖓᓂ, ᑎᓯᐱᕆ 9. 

WCA-ᖑᔪᑦ ᐆᒪᖕᒪᑦ ᒪᓕᒐᑎᒍᑦ ᐊᑐᖅᑕᐅᑎᑕᐅᕙᒃᑐᑦ, ᐊᒻᒪᓗ ᐊᓯᖏᑦᑎᑐᑦ ᒪᓕᒐᓕᐊᖑᓯᒪᔪᑎᑐᑦ ᐊᓯᔾᔨᕆᐊᖃᓕᖅᐸᒃᖢᑎᒃ ᐃᒪᐃᓐᓂᖓᓄᑦ:  

  • ᒫᓐᓇᓕᓴᙳᖅᑎᑦᑕᕆᐊᖃᓲᖑᓂᖏᓐᓄᑦ; 
  • ᑐᑭᓯᓇᑦᑎᐊᕐᓗᑎᒃ ᒪᓕᒐᑎᒎᑦ ᐅᖃᐅᓯᓖᑦ ᒪᓕᒐᒃᓴᐅᔪᓂ; ᐊᒻᒪᓗ 
  • ᑲᔪᓯᓂᖃᑦᑎᐊᖅᑐᒃᑯᑦ ᐱᓕᕆᐊᖃᖅᑎᑦᑎᓗᑎᒃ ᐊᒻᒪᓗ ᐱᔨᑦᑎᕈᑎᓂᒃ ᐃᖅᑲᓇᐃᔭᖅᑎᓄᑦ ᐊᒻᒪᓗ ᓴᓇᔨᓄᑦ. 

“WCA-ᖑᔪᑦ ᐱᕐᔪᐊᒻᒪᕆᐊᓘᔪᑦ ᐊᐅᓚᑦᑎᔾᔪᑕᐅᖕᒪᑕ WSCC-ᑯᓐᓄᑦ, ᐊᒻᒪᓗ ᐃᒪᐃᑦᑎᐊᖁᔨᒐᑦᑕ ᒫᓐᓇᓕᓴᖅᑎᒎᖓᓗᑎᒃ ᐊᑐᖅᑕᐅᖃᑦᑕᕐᓂᐊᖅᑐᓄᑦ ᐃᑲᔪᖅᑐᑦᑎᐊᕈᒪᓪᓗᒋᑦ ᐅᑭᐅᖅᑕᖅᑐᒥ ᐃᖅᑲᓇᐃᔭᖅᑏᑦ ᐊᒻᒪᓗ ᑲᒪᒋᑦᑎᐊᕐᓗᒋᑦ ᐋᓐᓂᖅᑐᕕᓃᑦ ᓴᓇᔩᑦ,” ᐅᖃᖅᑐᖅ ᑕᐃᕝ ᒍᕋᓐᑎ, WSCC-ᑯᑦ ᐃᓱᒪᑕᖓᑦ ᐊᒻᒪᓗ ᐊᐅᓚᑦᑎᔨᖓᑦ.   

-30-

ᓯᐊᕌ ᒪᑭᓕᐊᑦ
ᐊᐅᓚᑦᑎᔨᐅᓚᐅᑲᒃᑐᖅ, ᑐᓴᒐᒃᓴᓕᕆᓂᕐᒧᑦ
ᐅᖃᓘᑖ: (867) 920-3823
ᐊᑭᖃᙱᑦᑐᖅ: (800) 661-0792 ᐅᖃᓘᑎᓪᓚᑦᑖᖓ 3823